ߞߎ߲߬ߠߊ߬ߛߌ߮ ߓߍ߯
ߙߎ߬ߛߌ߬ ߣߌ߫ ߎ߳ߞߑߙߍߣߌ߲߬ ߝߐߢߐ߲߯ߞߐߎ߳ߞߑߙߍߣߌ߲߬ ߝߊ߰ߡߊ ߟߎ߬ ߟߊ߫ ߝߐߟߌ߫ ߘߐ߫߸ ߞߏ߫ ߙߎ߬ߛߌ߫ ߣߐ߬ ߥߊ߬ߟߏ߲߬ߠߌ߲ ߠߋ߬ ߞߍ߫ ߟߴߊ߬ߟߎ߫ ߝߍ߬ ߦߋ߲߬ ߛߎ ߝߍ߬߸ ߞߊ߬ ߡߐ߰ ߁߁ ߝߊ߰߸ ߞߊ߬ ߡߐ߰ ߄߆ ߖߐߞߌ߫، ߙߎ߬ߛߌ߬ ߞߊ߲߫ ߞߏ߫ ߊ߬ߟߎ߫ ߞߊ߬ ߣߊ߲߬ߕߌ߮ ߟߎ߬ ߡߊߞߍ߫ ߦߌߟߊ ߟߋ߬ ߛߎߡߊ߲߫ ߞߵߏ߬ ߞߍ߫ ߊ߬ߟߎ߬ ߕߊߛߙߊߟߊ߲ ߘߌ߫ ߎ߳ߞߑߙߍߣߌ߲߬ ߠߊ߫، ߎ߳ߞߑߙߍߣߌ߲߬ ߝߣߊ߫ ߞߊ߲߫ ߞߏ߫ ߊ߬ߟߎ ߞߊ߬ ߥߊ߬ߟߏ߲߬ߠߌ߲ ߞߌ߫ ߞߙߍߡߋ߫ ߟߋ߬߸ ߦߋ߲߬ ߡߍ߲ ߞߐ߲ߛߐ߲ߧߊߣߍ߲߫ ߙߎ߬ߛߌ߬ ߓߟߏ߫.
ߞߍߞߎߘߊߓߌߟߏ߲߫ ߕߊ߬ߡߌ߲߬ߣߍ߲߸ ߢߌ߬ߣߌ߲߬ߞߊ߬ߟߌ ߘߏ߫ ߟߋ߬ ߞߍ߫ ߘߊ߫ ߝ߭ߑߟߊߘߡߌߙ ߔߎߕߌߣ ߞߎ߲߬߸ ߊ߬ ߡߊ߫ ߛߐ߲߬ ߏ߬ ߖߋ߬ߓߌ߬ ߟߊ߫، ߏ߬ ߟߋ ߞߍ߫ ߘߴߊ߬ ߟߊ߫ ߡߊ߬ߡߌ߬ߣߊ߬ߟߌ߬ ߞߏ ߘߌ߫ ߂߀߃߀ ߟߊ߫، ߊ߬ ߞߵߊ߬ ߦߌ߬ߘߊ߫ ߟߋ߬ ߘߐߙߐ߲߫߸ ߞߏ߫ ߢߌ߬ߣߌ߲߬ߞߊ߬ߟߌ ߏ߬ ߓߘߊ߫ ߓߊ߬ߙߴߊ߬ ߘߐ߫ ߞߏߖߎ߯ߦߊ߫߸ ߊ߬ ߦߟߌ߫ ߕߴߏ߬ ߛߎ߮ ߞߍߟߌ ߡߵߊ߬ ߞߎ߲߬ ߣߌ߲߬ ߥߊ߯ߕߌ ߢߌ߲߬ ߠߊ߫.
ߞߍߞߎߘߊߙߎ߬ߛߌ߬ ߞߊ߲ߕߌ߮ ߝ߭ߑߟߊߡߘߌߙ ߔߎߕߌߣ ߞߊ߫ ߞߊ߲߫ ߞߊ߬ ߥߊ߫ ߛߌ߯ߣߌ߲߬ ߘߓߊ߬ߕߊ ߕߋ߬ߟߋ߫ ߂߀ ߣߊ߬ߕߐ ߣߌ߲߬ ߡߊ߬߸ ߞߵߊ߬ ߛߐ߬ߘߐ߲߬ ߘߏߣߊߟ ߕߑߙߐ߲ߔ ߓߐ ߦߋ߲߬߸ ߏ߬ ߕߟߋ߬ ߘߊ߲ߘߐ ߟߋ߬ ߕߋ߲߬، ߔߎߕߌߣ ߠߊ߫ ߕߊ߯ߟߌ ߣߌ߲߬ ߢߐ߲߯ߦߋ ߟߎ߬ ߓߍߣߊ߬ ߓߎ߲ߓߎ߲߫ ߖߡߊ߬ߣߊ߫ ߝߌ߬ߟߊ ߕߍߟߊ ߟߋ߬ ߞߊ߲߬߸ ߊ߬ ߣߌ߫ ߘߎߢߊ߫ ߜߟߍ߬ߦߊ ߟߎ߬.
ߞߌ߬ߓߊ߬ߙߏߙߎ߬ߛߌ߬ ߟߊ߫ ߘߐ߬ߝߏ߬ߘߏ߲߬ߠߌ߲ ߓߘߊ߫ ߞߍ߫ ߡߐ߰ ߂߆ ߝߊ߱ ߕߎ߬ߙߎ ߘߌ߫ ߎ߳ߞߑߙߍߣߌ߲߬ ߞߣߐ߫߸ ߊ߬ ߕߌ߯ߕߌ߯ ߖ߭ߊߔߏߙߌߖ߭ߌߦߊ߫ ߘߎ߱ ߞߣߐ߫߸ ߊ߬ ߣߌ߫ ߞߙߊߡߊߕߐߙߛߞ، ߎ߳ߞߑߙߍߣߌ߲߬ ߝߊ߰ߡߊ ߟߎ߬ ߞߊ߲߫ ߞߏ߫ ߊ߬ ߝߊ߰ߓߊ߰ߕߐ ߦߙߌߞߊ ߘߌ߫ ߛߋ߫ ߥߙߊ߬ ߟߊ߫߸ ߞߵߏ߬ ߞߎ߲߭ ߞߍ߫ ߢߌߣߌ߲ߠߌ߲ ߘߌ߫ ߜߊ߲ߜߘߊ ߟߎ߬ ߞߘߐ߫ ߡߎߣߎ߲߬.
ߕߍߓߊ߯ߦߊߡߊ߬ߟߌ ߘߐ߬ߕߊߡߌ߲ ߞߊ߲ߕߌ߮߸ ߞߟߍ߬ߕߌ߰ ߊߛߡߌ߫ ߜ߭ߏ߬ߦߌ߬ߕߊ߬ ߓߘߊ߫ ߦߋ߫ ߓߡߊ߬ߞߐ߬ ߞߣߐ߫ ߞߐ߬ߟߏ߲ ߣߌ߲߬ ߡߊ߬߸ ߊ߬ ߣߌ߫ ߙߎ߬ߛߌ߫ ߟߊ߬ߛߌ߰ߘߋ߲ ߠߊ߫ ߞߎߡߊߢߐ߲߯ߦߊ ߘߏ߫ ߛߋ߲߭ߝߍ߬، ߊߛߡߌ߫ ߖߌ߬ߦߊ߬ߓߍ ߦߋ ߣߌ߲߬ ߢߊ߸ ߏ߬ ߛߋ߲߬ߢߊ߬ ߝߟߐߝߟߐ ߟߋ߬ ߕߋ߲߬ ߞߊ߬ߦߌ߯ ߞߏ߲ߞߏߘߓߌ ߂߅ ߡߙߊ߬ߒ߬ߡߊ߬ߟߌ ߞߍ߫ ߘߊ߫، ߏ߬ ߡߍ߲ ߥߎ߬ߣߎ߲߬ߥߎ߬ߣߎ߲߬ ߞߎߡߊ ߕߎ߲߬ ߓߘߊ߫ ߘߙߎ߬߸ ߞߏ߫ ߊ߬ ߓߘߴߊ߬ ߢߡߊߘߏ߲߰.
ߞߍߞߎߘߊߡߐߛߑߞߎ߫ ߞߊ߲߫ ߞߏ߫ ߊ߬ߟߎ߬ ߓߘߊ߫ ߎ߳ߞߑߙߍߣߌ߲߬ ߠߊ߫ ߞߎߟߎ߲ߞߎߟߎ߲߫ ߉߁ ߢߍߕߍ߰߸ ߡߍ߲ ߠߎ߬ ߝߟߌ߬ߣߍ߲߫ ߕߘߍ߬ ߝ߭ߑߟߊߘߡߌߙ ߔߎߕߌߣ ߡߊߞߍ߫ ߦߙߐ ߞߊ߲ߡߊ߬، ߞߌߦߍߝ߭ ߞߏ߬ߣߌ߲ ߞߊ߲߫ ߞߏ߫ ߊ߬ߟߎ ߣߐ߬ ߕߴߏ߬ ߘߐ߫ ߡߎ߰ߡߍ߫߸ ߞߏ ߘߏ߲߬ ߓߘߊ߫ ߦߍ߬ߟߍ߫ ߙߎ߬ߛߌ߫ ߖߎ߬ߛߎ ߟߊ߫، ߊߟߎ߫ ߦߋ߫ ߖߌ߬ߦߊ ߛߐ߲߬ߞߌ߲߫ ߞߵߊ߬ ߕߐ߭ ߞߊ߲߬ ߖߏߣߊ߫.
ߞߍߞߎߘߊߣߴߏ߬ ߕߍ߫ ߞߏ߫ ߊ߬ ߓߍߣߊ߬ ߖߊ߲߬ߞߌ߬ߟߌ ߟߴߊ߬ ߣߴߊ߬ ߓߊ߯ߙߊߢߐ߲߯ ߖߡߊߣߊ ߟߎ߫ ߞߊ߲߬߸ ߊ߬ ߓߘߴߊ߬ ߞߊ߲ߕߏ߫ ߝߣߊ߫ ߞߏ߫ ߊ߬ ߓߌߣߍ߲߫ ߎ߳ߞߑߙߍ߲ߣߌ߲߬ ߘߍ߬ߡߍ߲߬ߠߌ߲ ߠߊ߫ ߞߍ߬ߟߍ ߣߌ߲߬ ߘߐ߫، ߝ߭ߏߟߏߘߌߡߎ߫ ߖ߭ߋߟߍ߲ߛߑߞߌ߫ ߞߊ߬ ߘߏߣߊߟ ߕߑߙߐ߲ߔ ߟߊ߫ ߟߊ߬ߛߋ߬ߟߌ ߡߍ߲߬ ߠߎ߫ ߞߎ߲߭ߓߍ߲߬ ߛߍߥߊ ߣߌ߫ ߕߊ߲߬ߘߏ߬ߟߌ ߟߋ߬ ߘߌ߫ ߞߵߊ߬ ߢߍߛߌ߲߫ ߘߏߣߊߟ ߕߑߙߐ߲ߔ ߡߊ߬ ߘߊ߲߬ߕߍ߰ߟߌ ߛߌߟߊ ߝߍ߬߸ ߎ߳ߞߑߙߍ߲ߣߌ߲߬ ߞߊ߲ߕߌ߮ ߞߏ߫ ߊ߬ ߦߋ߫ ߘߏߣߊߟ ߕߑߙߐ߲ߔ […]
