ߞߎ߲߬ߠߊ߬ߛߌ߮ ߓߍ߯
ߜߘߍ ߟߎ߬ߕߐ߲ߓߟߏߡߊ ߟߎ߬ ߟߊ߫ ߝߐߟߌ߫ ߘߐ߫߸ ߕߊ ߟߋ߬ ߥߟߌ߬ߣߍ߲߫ ߘߋ߲ߡߛߏߣߍ߲ ߠߎ߬ ߟߊ߫ ߦߙߐ ߘߐ߫ ߛߎ ߝߍ߬߸ ߖ߭ߌߟߑߖ߭ߌߟ ߘߎ߱ ߞߣߐ߫߸ ߙߌߝߕ ߞߐ߭ ߘߊߝߍ߬ ߞߋߣߌߦߊ߫߸ ߞߊ߬ ߞߊ߬ߙߊ߲߬ߘߋ߫ ߡߐ߰ ߁߅ ߓߐ߬ߣߐ߫ ߊ߬ ߣߌ ߘߐ߫߸ ߊ߬ ߞߊ߬ ߛߌߦߊߡߊ߲߫ ߖߐߞߌ߫، ߝߊ߰ߡߊ ߟߎ߬ ߦߋ߫ ߞߊ߬ߙߊ߲߬ߘߋ߲߬ ߕߎߣߎ߲ߣߍ߲ ߘߏ߫ ߟߎ߫ ߢߌߣߌ߲ ߞߊ߲߬ ߤߊ߲߯ ߕߋ߲߬.
ߛߎ߲ߞߎ߲ ߡߊ߬ߛߎ߬ߓߊ߬ߞߏ ߟߎ߬ߓߊ߲߬ߞߐ߬ ߡߍ߲ ߦߋ߫ ߡߏ߬ߙߌ߬ߓߊ߬ߦߊ߫ ߡߊ߬ߙߊ ߘߐ߫ ߞߊ߲ߞߊ߲߫ ߡߙߊ߬ߘߊ߬ߡߊ ߘߐ߫߸ ߝߢߐ ߣߐ߬ ߕߌߢߍߟߌ߫ ߛߌߦߊߡߊ߲߫ ߠߋ߬ ߞߍ߫ ߟߊ߫߸ ߛߌ߬ߓߏ߲ ߣߌ߫ ߞߊ߬ߙߊ߲߬ߕߊ ߣߌ߫ ߦߙߌߝߍ ߟߎ߬ ߘߐ߫، ߛߏ ߣߌ߲߬ ߞߣߐ߫ ߡߐ߮ ߟߎ߬ ߦߋ߫ ߞߊ߬ߛߌ߬ ߟߊ߫ ߕߋ߲߬߸ ߊ߬ߟߎ߬ ߓߘߴߊ߬ߟߎ߬ ߛߋߞߏ ߞߍ߫ ߊ߬ߟߎ߫ ߖߘߍ߬ ߦߋ߫߸ ߒ߬ߞߊ߬ ߞߎ߲߬ߠߊ߬ߛߌ߮ ߢߊ߫ ߕߴߊ߬ߟߎ߬ ߘߐ߫.
ߞߍߞߎߘߊߓߎ߬ߙߋ߬ ߒߞߏ ߞߊߙߊ߲ߕߊ ߘߏ߫ ߟߋ߬ ߕߋ߲߬߸ ߞߊ߬ߙߊ߲߬ߕߊ ߟߊ߲߱ߛߌ߬ߣߍ߬ ߓߙߋߕߋ߫߸ ߡߍ߲ ߠߎ߬ ߦߋ߫ ߞߊ߬ߙߊ߲߬ߘߋ߲߫ ߡߐ߰ ߗߍ߬ߡߍ߫ ߝߌ߬ߟߊ߬ ߣߌ߫ ߞߐ߫ ߞߊ߬ߙߊ߲߬ ߠߊ߫ ߕߋ߲߬، ߊ߬ߟߎ߬ ߟߊ߫ ߘߐ߬ߖߊ ߏ߬ ߓߍ߯ ߣߴߊ߬ ߕߊ߫߸ ߊ߬ߟߎ߬ ߕߍ߫ ߘߍ߬ߡߍ߲߬ߠߌ߲߬ ߛߌ߫ ߛߐ߬ߘߐ߲߬ ߠߊ߫ ߞߊ߬ ߝߘߊ߫ ߞߎ߲߬ߠߊ߬ߛߌ߮ ߟߊ߫ ߒߞߏ ߘߍߞߙߎ߫، ߊ߬ߟߎ߫ ߡߊ߬ߞߏ ߦߋ߫ ߓߏ߬ߙߌ߬ߝߋ߲߬ ߞߏ ߣߌ߫ ߖߌ߫ ߞߏ ߟߋ߬ ߟߊ߫ ߕߋ߲߬ ߞߏߛߓߍ߫߸ ߞߵߊ߬ߟߎ߬ ߟߊ߫ ߞߊ߬ߙߊ߲߬ߘߋ߲ ߠߎ߬ ߟߊߝߙߍ߫.
ߞߍߞߎߘߊߕߊ߬ߞߎߙߊ߫ ߞߊ߬ߙߊ߲߬ߕߊ ߦߋ߫ ߝߊߣߍ߲߫ ߞߊ߬ߙߊ߲߬ߘߋ߲߫ ߡߐ߰ ߃߀߀߀ ߟߋ߬ ߟߊ߫߸ ߓߏ߲߫ ߞߣߐ߫ ߥߐ߯ߙߐ߫ ߢߐ߲߰ ߠߋ߬، ߞߊ߬ߙߊ߲߬ߡߐ߯ ߛߊ߬ߓߊ߫ ߟߵߊ߬ߟߎ߬ ߓߟߏ߫، ߊ߬ߟߎ߬ ߦߴߊ߬ߟߎ߬ ߡߊߞߊ߬ߛߌ߬ ߟߊ߫ ߞߊ߬ߙߊ߲߬ߡߐ߰ ߞߏ߬ߖߊ ߟߊ߫߸ ߊ߬ ߣߌ߫ ߖߌ߫ ߞߏ ߣߌ߲߫ ߞߊ߬ߙߊ߲߬ߓߏ߲߬ ߞߏ.
