ߞߎ߲߬ߠߊ߬ߛߌ߮ ߓߍ߯
ߕߋߟߋ߲ߓߊ߯ߦߊߞߕߌ ߘߏ߫ ߟߋ߬ ߘߊߡߌ߬ߣߊ߬ ߘߊ߫ ߞߊ߲ߞߊ߲߫ ߞߕߌߘߊ ߦߌߟߡߊ߫ ߝߟߐ ߟߊ߫ ߞߐ߬ߓߊ߬ߟߏ߲ ߂߀߂߆ ߞߊ߬ߙߌ߬ߝߐ ߕߋ߬ߟߋ߫ ߂߇ ߡߊ߬߸ ߊ߬ߟߋ ߞߕߌ ߦߴߌߘߐ߫ ߞߊ߬ ߓߍ߲߬ ߊ߬ ߗߍ߬ ߝߊ߰ ߞߏ ߟߋ߬ ߡߵߊ߬ ߓߟߏ߫، ߊ߬ ߝߘߎ߫ ߘߴߊ߬ ߛߊ߲߬ ߁߃ ߟߋ߬ ߡߊ߬߸ ߘߋ߲ߡߛߏ ߞߊ߲߫ ߞߏ߫ ߊ߬ ߞߵߏ߬ ߟߊߥߌ߬ߟߌ߫ ߟߋ߬ ߛߴߊ߬ ߘߌ߫ ߓߐ߫ ߕߙߐߦߊ ߞߘߐ߫ ߢߊ ߡߍ߲ ߡߊ߬߸ ߓߊ߬ߙߵߊ߬ ߡߴߊ߬ ߟߊߥߌ߬ߟߌ߫ ߝߊ߰ߟߌ߫ ߡߊ߬.
ߘߌ߯ߣߊߞߊ߬ߙߊ߲߬ߡߐ߯ ߛߏ߬ߟߏ ߣߌ߫ ߣߊ߲߬ߝߏ߰ ߟߊ߫ ߕߍߘߐߓߍ߲ ߞߐ ߘߌߦߊߣߍ߲߫ ߕߍ߫ ߡߎߣߎ߲߬، ߞߊ߬ߕߎ߲߯߸ ߝߊ߬ߞߊ߲߬ ߘߐ߬ ߛߊ߬ߟߌ߬ ߞߏ ߓߘߊ߫ ߞߍ߫ ߝߐߢߐ߲߯ߞߐ ߘߌ߫، ߏ߬ ߟߋ ߞߏߛߐ߲߬߸ ߡߏߙߌ߬ ߞߡߏ߬ߘߎ߯ ߞߏ߬ߣߊ߬ߕߍ߫ ߓߘߴߊ߬ ߞߊ߲ߠߊߘߌ߫ ߓߍ߯ ߡߊ߬߸ ߞߏ߫ ߞߊ߬ ߓߍ߲߭ ߞߍ߫ ߛߘߊߞߊ ߘߌ߫.
ߟߊ߬ߞߊ߲߬ߘߊ߬ߟߌ ߣߌ߫ ߝߐߢߐ߲߯ߞߐ ߟߎ߬ߞߊ߲ߞߊ߲߫ ߡߙߊ߬ߓߊ߮ ߞߵߊ߬ ߦߌ߬ߘߊ߫ ߟߋ߬ ߞߏ߫ ߛߋ߫ ߡߊ߫ ߞߍ߫ > ߣߌ߫ > ߡߊ߬ ߕߐ߲ߓߟߏߡߊ ߟߎ߬ ߟߊ߫ ߖߌ߰ߟߌ ߛߋ߲߭ߝߍ߬ ߞߟߊ߬ߝߟߌ߬ߟߊ߬ ߛߏ ߞߣߐ߫، ߒ߬ߓߊ߬߸ ߛߌߟߊߓߐߛߐ߯ߣߊ߫ ߗߋߘߋ߲ ߖߌ߰ ߘߊ߫ ߦߋ߲߬ ߞߊ߬ߙߌ߬ߝߐ ߕߋ߬ߟߋ߫ ߂߀ ߡߊ߬߸ ߢߊ ߥߊ߫ ߘߊ߫ ߛߙߋߦߊ߫ ߞߎߡߊ ߏ߬ ߛߌ߬ߣߊ ߟߋ߬ ߡߊ߬ ߛߏ ߞߣߐ߫ ߦߋ߲߬߸ ߓߏ߲߫ ߛߌߦߊߡߊ߲߫ ߠߋ߬ ߖߋ߬ߣߌ߲߬ߣߍ߲߫߸ ߞߊ߬ ߝߎ߲ߞߎ߲߫ ߛߌߦߊߡߊ߲߫ ߘߐߕߌߢߍ߫߸ ߞߊ߬ ߛߏ߫ ߞߣߐ߫ ߡߐ߮ ߛߌߦߊߡߊ߲߫ ߓߌ߬ߟߊ߫ ߛߎ߬ߣߎ߲ ߣߌ߫ ߞߣߐ߬ߘߐ߬ߝߟߌ ߘߐ߫.
ߘߍ߭ߡߊ߬ߛߎ߬ߓߊ߬ ߞߏ ߟߋ߬ ߕߍ߰ߣߍ߲߫ ߖߟߊߞߘߐ߫ ߂߀߂߆ ߥߊ߬ߛߌ߬ߥߙߊ ߕߋ߬ߟߋ߫ ߂߅ ߣߌ߲߬ ߡߊ߬، ߘߋ߲ߡߛߏ ߘߏ߫ ߟߋ߬ ߣߐ߬ ߊ߬ ߖߍ߬ߘߍ߫ ߛߐ߰ ߟߊ߫ ߡߎ߬ߙߎ ߟߊ߫߸ ߞߏ߫ ߊ߬ ߕߍ߫ ߘߏ߲߬ ߠߊ߫ ߝߘߎ߫ ߘߐ߫߸ ߊ߬ ߝߊ߬ ߣߐ߬ ߊ߬ ߞߘߊߡߊ߫ ߟߊ߫ ߝߘߎ ߡߍ߲ ߘߐ߫، ߊ߬ ߖߐߞߌߓߊ߯ߕߐ ߕߊ߬ ߢߊ ߟߋ߬ ߞߍߣߴߏ߬ ߘߌ߫ ߞߊ߬ ߘߊ߲ߘߊߛߏ ߡߊߜߍ߲߫߸ ߊ߬ ߡߊ߫ ߛߴߊ߬ ߖߐߞߟߌ ߞߘߐ߫، ߊ߬ ߛߊ߬ ߘߊ߫ ߦߋ߲߬ ߊ߬ ߟߊ߫ ߕߊ߯ߟߌ ߕߎ߬ߡߊ߬ߙߋ߲߫ ߝߌ߬ߟߊ ߡߊ߬، ߞߢߐߡߊߟߐ ߕߎ߲߬ ߓߘߊ߫ ߟߐ߯ߟߊ߫ ߞߵߊ߬ ߕߏ߫ ߞߍ߲ߘߍߟߏ߲ ߠߊ߫߸ ߥߊ߬ߛߌ߬ߥߙߊ ߕߋ߬ߟߋ߫ ߂߇ ߣߊ߬ߕߐ.
ߒߞߏߒߞߏ ߛߍ߬ߘߏ߲߬ߠߊ ߘߏ߫ ߟߎ߫ ߟߋ߬ ߣߐ߬ ߊ߬ߟߎ߬ ߟߊߘߍ߬ ߟߊ߫ ߟߊ߬ߘߍ߬ ߓߟߋߓߟߋ߫ ߞߊ߲ߡߊ߬ ߒߞߊ߬ߙߊ߲߬ߡߐ߯ ߓߊ߬ߓߊ߫ ߡߊ߬ߡߊߘߌ߫ ߖߊ߰ߣߍ߬ ߓߘߊ، ߟߊ߬ߘߍ ߓߍ߲߬ ߘߊ߫ ߘߍ߬ߘߊ ߘߏ߫ ߟߊߘߊ߲߫ ߞߏ ߡߊ߬߸ ߡߍ߲ ߠߎ߬ ߘߌ߫ ߒߞߏ ߟߊ߫ ߘߎ߱ ߟߎ߬ ߡߊߡߊ߬ߙߊ߫ ߖߡߊ߬ߣߊ ߞߣߐ߫.
ߘߌ߯ߣߊߞߎ߲߬ߢߐ߲߰ ߘߊ߲ߘߐ߫ ߟߋ߬ ߞߊ߲ߞߊ߲߫ ߗߋߘߋ߲߫ ߓߟߏߡߊߞߊ߬ߣߍ߲ ߠߎ߬ ߟߊ߫ ߕߊ߯ߟߌ ߟߊ߫ ߡߎ߬ߕߎ߲߬߸ ߊ߬ߟߎ߬ ߓߘߊ߫ ߓߐߒߝߘߎߘߐߓߊ߫ ߞߍ߫ ߛߏ ߢߍ߫߸ ߞߊ߬ ߕߙߏ߬ߞߏ߬ߘߓߊ߬ ߞߋߟߋ߲߫ ߣߌ߫ ߘߊ߲߬ߞߊ߬ߞߎ߬ߟߎ߲߬ ߞߎߘߊ߫ ߝߌ߬ߟߊ߫ ߓߌ߬ߟߊ߫ ߞߊ߬ߝߏ߬ߙߋ߲ ߛߊ߬ߥߏ߬ ߘߐ߫߸ ߞߵߏ߬ ߞߍ߫ ߊ߬ߟߎ߬ ߓߟߏߣߐ߫ ߟߊߓߊ߲ ߘߌ߫، ߞߊ߬ߕߎ߲߯߸ ߊ߬ ߕߍ߬ߘߍ߫ ߡߐ߰ ߛߌߦߊߡߊ߲߫ ߢߣߊ߫߸ ߞߏ߫ ߊ߬ߟߎ߬ ߡߊ߫ ߞߏߓߊ߫ ߞߍ߫ ߊ߬ߟߎ߬ ߟߊ߫ ߟߐ߬ߒ߬ߞߋ߬ߟߊ ߞߘߐ߫.
ߞߌ߬ߓߊ߬ߙߏߟߊ߬ ߟߌߦߐߣ ߣߐ߬ ߊ߬ ߡߊߞߊ߬ߛߌ߬ ߟߊ߫ ߘߐ߲߬ߞߟߌ߬ߟߊ߬ߟߊ߫ ߡߊ߲߬ߘߋ߲߬ ߝߏߘߋ߫ ߟߋ߬ ߞߊ߲߬߸ ߡߊ߬ߞߛߌ߬ߟߌ ߏ߬ ߞߐ ߘߐ߫߸ ߊ߬ߟߎ߬ ߦߋ߫ ߘߊ߫ ߞߊ߲ߞߊ߲߫ ߞߕߌߘߊ ߟߊ߫ ߛߌ߬ߣߌ߲߬ߟߏ߲ ߣߌ߲߬ ߡߊ߬، ߊ߬ ߘߏ߲߬ߞߏ ߟߎ߬ ߞߊ߲߫ ߞߏ߫ ߊ߬ߟߎ߬ ߡߊ߫ ߡߐ߰ ߞߘߐߡߊߕߍ߰߸ ߊ߬ߟߎ߬ ߡߊ߫ ߡߐ߰ ߕߐ߯ ߝߐ߫، ߣߌ߫ ߡߍ߲ ߞߵߊ߬ ߖߌ߰ ߖߘߍ߬ ߞߏ߫ ߘߌ߫߸ ߏ߬ ߓߘߊ߫ ߦߋ߫ ߞߊߙߏߜߍ ߟߋ߬ ߟߊ߫ ߏ߬ ߘߌ߫.
ߘߍ߭ߓߌߟߏ߲ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߈ ߡߊ߬߸ ߞߊ߲ߞߊ߲ߞߊ߲߫ ߞߊ߬ ߗߋߦߊߟߌ߫ ߓߟߋߓߟߋ߫ ߟߋ߬ ߟߊߛߣߍ߫߸ ߡߍ߲ ߠߎ߬ ߣߊ߬ ߘߊ߫ ߡߊ߬ߞߍ߬ ߦߙߐ߬ ߁ ߀߀߀ ߟߐ߬ ߞߏ߬ ߞߎߡߊ ߝߐ߫߸ ߞߵߏ߬ ߞߍ߫ ߖߡߊ߬ߣߊ߬ߘߋ߲ ߠߎ߬ ߖߌ߰ߡߝߊ߬ ߦߙߐ ߘߏ߫ ߘߌ߫ ߓߏ߲߫ ߞߏ ߘߐ߫߸ ߡߍ߲ ߛߐ߬ߘߐ߲ ߞߊ߫ ߞߊ߲߫ ߞߊ߬ ߟߊߣߐ߰ߦߊ߬ ߓߍ߯ ߡߊ߬، ߓߊ߬ߙߌ߬߸ ߗߋߘߊߕߌ߮ ߟߎ߫ ߟߋ߬ ߢߍ ߘߐ߫ ߖߡߊ߬ߣߊ߬ߘߋ߲ ߕߐ߭ ߟߎ߬ ߢߍ߫.
ߟߊ߬ߞߟߏ߬ߞߟߏ߬ߟߌߝߘߏ߬ߓߊ߬ ߓߊ߯ߙߊ ߟߞߊ߬ߙߊ߲߬ߠߌ߲ ߛߊߛߋ߫ ߓߊ߯ߙߟߊ߫ ߞߘߐ߫ ߕߊ߬ߓߊߟߌ ߟߎ߬ ߓߘߊ߫ ߞߎߡߊ ߕߊ߬ ߞߊ߯ߙߌ ߣߌ߲߬ ߡߊ߬߸ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߄، ߞߊ߲ߞߊ߲߫ ߞߣߐ߫ ߏ߬ ߘߐ߫߸ ߊߊ߬ߟߎ߬ ߟߊ߫ ߕߌ߲߬ߞߎߘߎ߲ ߘߏ߲߬ߖߟߎ߬ߡߊ߬ߟߌ߬ߟߊ ߣߌ߫ ߓߋߟߋ߲ߕߌ߯ ߛߙߍߞߍ߫ ߝߊ߬ߛߏ߬ߟߊ߬ߞߊ ߡߎߛߊ߫ ߖߊ߬ߞߌ߬ߕߋ߫ ߞߵߊ߬ ߦߌ߬ߘߊ߬ ߞߏ߫ ߝߏ߫ ߞߊ߬ ߜߍ߫ ߘߐ߫ ߡߊߝߟߍߟߌ߫ ߞߏ ߣߌ߲߬ ߛߋ߲߬ߠߊ߬ߞߊߟߌߦߊ߫ ߟߋ߬߸ ߞߵߊ߬ߟߎ߬ ߟߊ߫ ߘߐ߬ߛߙߋ ߟߎ߬ ߘߐߜߍ߫، ߣߴߏ߬ ߕߍ߫߸ ߞߏ߫ ߊ߬ߟߎ߬ ߘߴߊ߬ߟߎ߬ ߡߊߝߐߦߌ߲ߝߐߦߌ߲߫߸ ߣߴߊ߬ ߞߏ ߛߋ߲߬ߠߊ߬ߛߎߡߦߊ߫ ߘߊ߫ ߞߊ߬ߣߌ߲߬، ߓߊߏ߬߸ ߓߟߏߞߓߊ ߓߘߊ߫ ߛߋ߫.
ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ߝߛߎߞߎ ߣߌ߫ ߣߊ߲߬ߝߟߏ߬ߦߊ߬ߟߌ ߣߌ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߞߏߕߌ߮߸ ߡߊߙߌߦߊߡ ߛߌߙߋ߬ ߛߌ߬ߟߊ ߣߐ߬ ߘߟߊߦߟߍߟߌ߫ ߟߋ߬ ߞߍ߫ ߟߊ߫ ߞߍ߲ߘߍߟߏ߲ ߣߌ߲߬ ߡߊ߬ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߃߸ ߣߊߟߌ߬ߡߎ߲߫ ߞߊ߲ߞߊ߲߫ ߞߏ߲߬ߘߏ߬ߓߏ߲ ߞߊ߬ߙߌ߬ߝߊ߬ߘߊ ߟߎ߫ ߖߋ߬ߕߌ߰ߘߊ ߘߌ߫، ߛߌ߲߬ߝߏ߲߬ߘߊ ߞߎߘߊ ߏ߬ ߟߋ ߞߍߕߐ߫ ߞߎ߲߬ߠߊ߬ߛߌ߮ ߟߊ߫ ߣߊ߲߬ߝߟߏ߬ߦߊ߬ߟߌ ߞߏߢߊ ߟߎ߬ ߡߊߘߏ߲߬ ߠߊ߫ ߢߐ߲߮ ߠߊ߫߸ ߞߊ߬ ߓߊ߲߫ ߞߊ߬ ߞߏ ߟߎ߬ ߕߊ߲ߓߊ߲ߦߊߟߌ ߝߊ߲߬ߞߊߘߏ߲߬.
ߕߋߟߋ߲ߓߊ߯ߦߊߞߊ߲ߞߊ߲߫ ߞߕߌߘߊ ߦߌߟߡߊ߫ ߝߟߐ ߓߘߊ߫ ߢߎߡߍ߫ ߡߟߊߡߟߊ߫ ߛߏ߲ߧߊ߫ ߞߏ ߞߕߌߕߍ߰، ߊ߬ ߝߐߣߍ߲߫ ߞߏ ߢߎߡߍ ߡߍ߲ ߞߊ߫ ߞߊ߲߫ ߞߊ߬ ߛߏ ߟߊߡߍߣߍ߲߫߸ ߏ߬ ߡߟߊߡߟߊ ߟߋ߬ ߕߍ߬ߘߍ߫ ߛߏ߲߬ߧߊ߬ ߟߊ߫، ߕߍ߮ ߞߍ߫ ߘߊ߫ ߊߓߎߓߞߊߙ ߞߡߊ߬ߙߊ߬ ߣߌ߫ ߢߍߓߊ߯ ߟߊ߱ߖߌ߬ ߡߊ߬ߡߘߎ ߞߐ߲ߘߍ߫ ߘߐ߫ ߏ߬ ߟߋ ߞߊߡߊ߲ ߞߣߐ߫، ߒ߬ߓߊ߬߸ ߊߓߎߓߞߊߙ ߞߡߊ߬ߙߊ߫ ߖߊ߲߬ߞߌ߲߬ ߘߊ߫ ߞߊߙߏ߫ ߁߈ ߥߛߎ ߟߊ߫߸ ߊ߬ ߣߌ߫ ߖߌ߬ߣߍ߬ ߕߊߡߊ߲ ߞߋ߲߬ߥߟߎ߬ ߞߋߟߋ߲߫ ߛߊ߬ߙߊ ߟߊ߫ ߛߏ߲߬ߧߊ߬ߟߌ߬ߓߊ ߞߏߛߐ߲߬.
ߕߋߟߋ߲ߓߊ߯ߦߊߞߊ߲ߞߊ߲߫ ߞߕߌߘߊ ߦߌߟߡߊ߫ ߝߟߐ ߞߊ߬ ߖߊ߲߬ߞߌ߬ߟߌ ߟߋ߬ ߞߍ߫ ߞߎߣߎ߲ߟߏ߲ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߀ ߡߊ߬߸ ߞߟߍ߬ߡߐ߮ ߟߎ߫ ߞߵߊ߬ߟߎ߬ ߕߍ߯ ߞߍ߫ ߡߐ߰ ߁߇ ߡߍ߲ ߘߐ߫ ߦߙߍߞߍߟߌ ߘߏ߫ ߝߍ߬ ߞߙߎ߬ߛߊ߫߸ ߏ߬ ߟߎ߫ ߟߋ߬ ߞߏ߫ ߦߋ߫ ߣߌ߲߬، ߖߡߊ߬ߣߊ߬ ߜߘߍ ߡߐ߰ ߕߊ߲ߣߌߥߐ߯ߙߐ߫ ߣߌ߫ ߖߌ߬ߣߍ߬ߞߊ߬ ߞߋߟߋ߲߫߸ ߏ߬ ߟߎ߫ ߟߋ߬ ߛߐ߲߭ ߦߋߣߍ߲߫ ߘߊ߬ߡߊ߲߬ ߓߊ߯ߙߊ ߘߐ߫ ߛߊ߬ߙߌ߬ߦߊ߬ ߛߐߛߐ ߞߊ߲߬߸ ߊ߬ ߣߌ߫ ߓߐ߰ߝߍ ߘߐߖߊߛߌ ߘߐ߫.
ߘߍ߭ߖߍ߬ߣߍ߫ ߡߊ߬ߙߋ߬ߣߊ߬ ߦߋ߫ ߕߌ߲ߘߌߥߎߟߋ߲߫ ߡߙߊ߬ߘߊ߬ߙߋ߲ ߣߐ߬ߘߎ߮ ߘߏ߫ ߟߋ߬ ߘߌ߫߸ ߞߊ߲ߞߊ߲߫ ߡߙߊ߬ߘߊ߬ߓߊ ߘߐ߫، ߖߌ߫ ߞߏ ߟߋ߬ ߜߍ߬ߟߍ߲߬ߡߊ߲߫ ߏ߬ ߟߎ߫ ߝߍ߬ ߦߋ߲߬ ߞߏߛߓߍ߫، ߞߊ߬ߕߎ߲߯߸ ߥߙߏ߬ߝߋ߫ ߝߌ߬ߟߊ߬ ߘߐߙߐ߲߫ ߠߋ߬ ߊ߬ߟߎ߫ ߝߍ߬ ߦߋ߲߬߸ ߛߏ ߡߎ߰ߡߍ ߛߌ߰ߣߍ߲߫ ߏ߬ ߟߋ ߡߊ߬߸ ߊ߬ߟߎ߬ ߞߊ߲߫ ߞߏ߫ ߖߌ߫ ߞߏߏ߫ ߜߟߍߦߊ ߦߴߊ߬ߟߎ߫ ߟߐ߬ ߟߊ߫ ߖߌ߫ ߡߌ߲߬ ߠߊ߫ ߕߎ߬ߡߊ ߘߏ߫ ߟߎ߫ ߟߊ߫߸ ߡߍ߲ ߠߎ߬ ߛߊߣߌ߲ߡߊ߲߫ ߕߍ߫ ߝߋߎ߫.
ߓߘߍ߬ߓߘߍ߬ߟߌߞߊ߬ ߓߍ߲߬ ߞߊ߲ߞߊ߲߫ ߞߊ߬ߝߏ߬ߙߋ߲߬ ߢߣߊߕߊߟߌ ߞߐߝߟߌ߫ ߟߊߓߐߣߍ߲ ߡߊ߬߸ ߓߊߛߓߊ߬ߕߌ߫ ߛߘߌ߬ߓߋ߫ ߣߴߊ߬ ߟߊ߫ ߖߊ߬ߡߊ ߣߐ߬ ߛߌ߰ߟߊ߲߫ ߞߐ߬ߣߐ߲߬ߘߐ߫ ߟߋ߬ ߛߐ߬ߘߐ߲߬ ߠߊ߫߸ ߊ߬ ߝߣߊ߫ ߓߘߊ߫ ߦߟߌߣߐ ߏ߬ ߞߏ ߞߊ߲߬، ߢ߃ ߟߊ߫ ߡߊ߬ߡߌ߬ߣߊ߬ߟߌ߬ߟߊ ߞߊ߲߫ ߞߏ߫ ߊ߬ ߦߴߊ߬ ߛߎߥߊ߲ߘߌߓߊ߮ ߟߎ߬ ߞߟߌ߫ ߟߊ߫߸ ߊ߬ ߣߴߊ߬ ߟߊ߫ ߞߙߎߞߊ ߟߊߘߌߦߊߢߍߓߊ߮ ߟߎ߬߸ ߞߏ߫ ߓߍ߯ ߦߋ߫ ߖߛߎ߬ߛߎߡߊ ߓߌ߬ߟߊ߬ ߢߍߝߍ߬߸ ߞߊ߬ ߘߊߘߐߖߊߥߏ ߓߌ߬ߟߊ߬ ߢߍߝߍ߬߸ ߞߊ߬ ߕߏߏ߫ ߢߣߊߕߊߟߌ ߞߎ߲߬ߠߊ߬ߛߌ߮ ߟߎ߬ ߞߐ߫.
ߓߊ߲ߓߋߞߊ߲ߞߊ߲ߞߊ ߟߎ߬ ߟߊ߫ ߘߊ߲߬ ߞߋߟߋ߲߫ ߣߌ߲߬ ߦߋ߫ ߛߎ߲ߞߎ߲ ߡߊ߰ߙߌ ߟߊ߫ ߝߘߏ߬ߓߊ߬ ߡߐ߰ ߛߎߥߊ߲ߘߌߣߍ߲ ߘߏ߫ ߟߋ߬ ߘߌ߫߸ ߡߍ߲ ߘߐ߬ߞߏ ߟߎ߬ ߣߴߊ߬ ߦߟߌ ߕߍ߫ ߛߐ߲߬ ߠߴߊ߬ ߖߡߊ߬ߙߌ߬ ߟߊ߫ ߘߏ߫ ߜߘߍ߫ ߟߊ߫ ߖߊ߬ߡߊ ߡߞߊߘߊ߲ߞߏ ߟߎ߬ ߞߐ߫
ߓߘߍ߬ߓߘߍ߬ߟߌߕߋ߬ߟߋ߫ ߝߌ߬ߟߊ߫ ߟߋ߬ ߢߣߊߕߊߟߌ ߟߊ߫ ߡߎ߬ߕߎ߲߬߸ ߣߊߟߌ߬ߡߎ߲߫ ߥߛߊ߬ߘߋ߲߬ ߛߎߥߊ߲ߘߟߌ ߣߌ߫ ߞߊ߬ߝߏ߬ߙߋ߲߬ ߛߎߥߊ߲ߘߟߌ ߘߌ߫ ߂߀߂߆ ߘߓߊ߬ߕߊ ߃߁ ߣߊ߬ߕߐ ߣߌ߲߬ ߡߊ߬، ߒ߬ߓߊ߬߸ ߓߊ߯ߙߟߊ ߡߍ߲ ߠߎ߬ ߦߋ߫ ߢߣߊߕߊߟߌ ߛߌ߲߬ߝߏ߲߬ߧߊ߬ߟߌ ߞߊߡߊ߲ ߞߣߐ߫ ߏ߬ ߘߐ߫߸ ߏ߬ ߟߎ߫ ߞߊ߬ ߟߊ߬ߞߐ߰ߟߌ߬ ߕߏ߲ߜߏ ߘߏ߫ ߟߋ߬ ߘߊߡߌ߬ߣߊ߫ ߛߌ߬ߣߌ߲߬ߟߏ߲ ߣߌ߲߬ ߡߊ߬߸ ߖߐ߲߰ߛߊ߫ ߢߣߊߕߊߟߌ ߜߍߦߊ ߣߴߊ߬ ߟߊ߫ ߓߘߍ߬ߦߊ ߘߌ߫ ߓߊ߲ߓߊ߲߫ ߢߊ ߡߍ߲ ߡߊ߬.
ߞߍߞߎߘߊߘߐ߲߬ߞߌ߲߬ ߛߊߟߌ ߓߍ߲߬ߒ߬ߛߋ߲߬ߡߊ ߞߏߛߐ߲߬߸ ߖߌ߬ߣߍ߫ ߘߏ߲߬ߛߏ ߟߎ߬ ߟߊ߫ ߘߍ߭ ߝߊ߬ߛߏ߬ߟߊ߬ߞߊ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߦߋ߫ ߖߡߊ߬ߣߊ ߝߊ߰ߡߊ ߟߎ߬ ߡߊߘߍ߬ߡߍ߲߬ ߠߊ߫ ߟߊ߬ߞߊ߲߬ߘߊ߬ߟߌ ߓߟߏߡߦߊ ߘߐ߫ ߟߋ߬ ߝߛߊߦߌ߫߸ ߞߊ߬ ߟߊߞߊ߲ߘߓߊߟߌߦߊ ߞߟߍ߬، ߊ߬ߟߎ߫ ߞߵߊ߬ߟߎ߬ ߘߡߊߞߊ߬ߛߌ߬ ߡߍ߲ ߠߊ߫߸ ߏ߬ ߟߋ ߝߋ߲߫ ߦߋ ߘߌ߫ ߊ߬ߟߎ߬ ߘߐ߫߸ ߞߵߊ߬ ߟߐ߲߫ ߞߏ߫ ߊ߬ߟߎ߬ ߝߣߊ߫ ߦߋ߫ ߘߏ߫ ߞߍ߫ ߟߊ߫ ߟߊߞߊ߲ߘߊ ߟߊߛߓߊ߬ߕߌ ߘߐ߫߸ ߊ߬ ߣߌ߫ ߖߐ ߟߊߘߏ߲߭ ߘߐ߫߸ ߖߡߊ߬ߣߊ߬ߘߋ߲ ߠߎ߬ ߟߊߕߊ߲߬ߞߊ ߘߐ߫.
ߘߌ߯ߣߊߞߎߣߎ߲ߟߏ߲ ߣߌ߲߬ ߡߊ߬߸ ߂߀߂߆ ߘߓߊ߬ߕߊ ߕߋ߬ߟߋ߫ ߂߆߸ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߊ߬ ߛߊߟߌߝߎߥߊ ߞߍ߫ ߞߊ߲ߞߊ߲߫ ߕߌ߲ߓߌߘߌ߲ߘߓߊ ߟߋ߬ ߟߊ߫، ߊ߬ ߣߴߊ߬ ߝߊ߬ߛߏ ߡߐ߱ ߟߎ߫ ߟߋ߬ ߞߊ߬ ߛߊߟߌߝߎߥߊ ߢߊ߰ߢߊ߮ ߏ߬ ߞߍ߫ ߢߐ߲߯ ߝߍ߬ ߓߌ߬.
ߞߍߞߎߘߊߞߐ߬ߓߊ߬ߟߏ߲ ߣߌ߲߬ ߡߊ߬߸ ߂߀߂߆ ߘߓߊ߬ߕߊ ߕߋ߬ߟߋ߫ ߂߅߸ ߞߊ߲ߞߊ߲߫ ߕߌ߲߬ߞߎߘߎ߲ ߝߊ߰ߡߊ ߟߎ߫ ߞߊ߬ ߟߊ߬ߛߋ߬ߟߌ߬ ߞߟߊߒߞߋ߫ ߟߋ߬ ߞߍ߫߸ ߞߵߊ߬ ߦߌ߬ߘߊ߬ ߞߏ߫ ߓߏ߬ߙߌ ߞߍߢߊ ߡߍ߲ ߠߎ߬ ߦߴߌߘߐ߫ ߞߊ߲ߞߊ߲߫ ߣߌ߫ ߞߙߎ߬ߛߊ߬ ߕߍ ߥߙߊߞߘߊ ߞߊ߲߬߸ ߏ߬ ߗߋ߲߰ ߕߍ߫، ߏ߬ ߟߋ ߘߐ߫߸ ߔߏߔߏߕߌ߮ ߟߎ߬ ߣߌ߫ ߞߕߊ߬ߞߕߊ߬ߣߍ߲߬ߕߌ߮ ߟߎ߬߸ ߓߍ߯ ߦߋ߫ ߓߏ߬ߙߌ߫ ߊ߬ ߟߊ߫ ߛߌߟߊ߫ ߞߊ߲߬߸ ߛߋ߲߬ߡߊ߬ߕߊ߰ߡߊ߬ߟߊ ߟߎ߬ ߝߣߊ߫ ߦߋ߫ ߕߏ߫ ߊ߬ߟߎ߬ ߕߊ ߞߊ߲߬، ߡߐ߰ ߛߌ߫ ߞߊ߬ ߣߌ߲߬ ߛߊ߬ߙߌ߬ߦߊ ߓߊ߬ߟߌ߬߸ ߊ߬ߟߎ߬ ߘߌ߫ ߞߏߟߊߕߐ߲߫ ߏ߬ ߕߌ߰ ߟߊ߫، ߓߊߏ߬߸ ߓߌ߲߬ߓߊ߬ߥߏ߬ ߜߌߟߌ߲߫ ߠߋ߬ ߊ߬ ߘߊ ߝߍ߬.
ߓߘߍ߬ߓߘߍ߬ߟߌߎ߳ߍߡߑߔߋ ߒߞߏ ߟߊ߬ߥߊ߲߬ߞߊ߲߬ߠߌ߲ ߥߛߊ߬ߓߊ߰ߦߊ ߦߋ߫ ߗߋߦߊߟߌ߫ ߓߟߋߓߟߋ߫ ߞߊ߲ ߖߌ߬ߣߍ߬ ߛߊ߲ߘߐߟߊ ߘߐ߫߸ ߊ߬ߟߎ ߡߍ߲ ߠߎ߬ ߣߌ߫ ߖ߭ߋߍߡߑߘߋ ߦߋ߫ ߢߌ߲߬ߢߐ߲߰ߡߊ ߘߌ߫، ߒ߬ߓߊ߬߸ ߊ߬ߟߎ߬ ߣߌ߫ ߞߊ߲ߞߊ߲߫ ߝߊ߬ߛߏ߬ ߞߊ߲ ߛߍ߬ߘߏ߲߬ߠߊ ߟߎ߫ ߟߋ߬ ߣߐ߬ ߢߐ߲߯ߦߋ߫ ߟߊ߫، ߟߊ߬ߢߌ߬ߣߌ߲߬ ߞߋߟߋ߲߫ ߔߋ߫: ߞߊ߬ ߛߋ߫ ߒߞߏ ߞߊߙߊ߲ߠߊ ߟߎ߬ ߟߊߛߐ߲߬ ߠߊ߫ ߞߊ߬ ߢߊߝߐߟߌ߫ ߞߟߊߒߞߋ߫ ߞߍ߫ ߊ߬ߟߎ߬ ߦߋ߫ ߞߊ߬ ߓߍ߲߬ ߎ߳ߍߡߑߔߋ ߞߐߡߊߓߌ߲ߓߌ߲߫ ߞߏ ߡߊ߬ ߞߵߊ߬ ߛߎߥߊ߲ߘߌ߫ߥߛߊ߬ߘߋ߲߬ ߢߣߊߕߊߟߌ߫ ߣߊ߬ߕߐ ߘߐ߫.
ߞߍߞߎߘߊߞߊ߲ߡߋߙߋ߲߫ ߛߊ߲߭ ߂߂߸ ߞߊ߬ߙߌߝߊ߬ ߞߐ߲ߘߍ߫ ߟߋ߬ ߝߊ߰ߣߍ߲߫ ߕߐ߲ߓߟߏߡߊ ߟߎ߬ ߟߊ߫ ߞߐߜߍ߲ߠߌ߲ ߕߎ߬ߡߊ ߟߊ߫ ߘߓߊ߬ߕߊ ߕߋ߬ߟߋ߫ ߂߂ ߡߊ߬߸ ߏ߬ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߘߋ߲ߡߌߛߍ߲ ߠߎ߬ ߟߊߘߌߡߌ߲߫ ߞߵߊ߬ߟߎ߬ ߟߊߖߌ߰ ߛߌߟߊ ߞߊ߲߬ ߛߏ ߞߣߐ߫، ߘߐ߬ߛߏ߰ߙߋ߬ߟߌ߫ ߞߏ߬ߣߌ߲߬ ߓߘߊ߫ ߛߌ߰ ߛߋ߲߬ߠߊ߫߸ ߕߍ߮ ߓߘߊ߫ ߞߍ߫ ߛߌߞߊߒߡߊߓߊ߯ߕߐ ߘߏ߫ ߘߐ߫߸ ߏ߬ ߦߋ߫ ߢߟߊߥߛߎ ߟߊ߫.
ߘߍ߭ߞߊ߬ ߓߍ߲߬ ߞߊ߲߬ߞߊߟߌ ߟߏ߲ߓߊ߫ ߡߊ߲߬ߕߏ߲߬ߟߊ߬ߞߊ ߓߍ߲߬ߒ߬ߛߋ߲߬ߡߊ ߡߊ߬߸ ߞߊ߲ߞߊ߲߫߸ ߛߌ߯ߙߌ߲߫߸ ߞߌ߲ߘߌߦߊ߫߸ ߏ߬߬ ߟߎ߫ ߛߌ߰ߓߊ߮ ߟߎ߫ ߞߊ߬ ߟߊ߬ߛߙߋ߬ߦߊ߬ߟߌ ߘߏ߫ ߟߎ߫ ߞߍ߫ ߞߊ߲߬ߞߊߟߌ ߟߊ߫ ߞߏ ߘߐ߫߸ ߥߟߊ߫ ߓߌ߲ߢߎ߮، ߡߌ߲߬ߕߊ߬ ߛߘߊߡߊ ߢߌ߲߬ ߠߊ߫ ߞߏ ߞߐߝߍ߬߸ ߞߎߡߊ߫ ߛߌߦߊߡߊ߲߫ ߠߋ߬ ߦߴߊ߬ ߞߐ߫߸ ߊߘߡߊߦߊ ߘߐߞߙߊ ߦߴߊ߬ ߣߐ߬ߟߊ߫߸ ߣߋ߬ߦߌ ߦߴߊ߬ ߣߐ߬ߟߊ߫߸ ߡߊ߲߬ߕߙߐ ߘߏ߫ ߟߎ߫ ߝߣߊ߫ ߦߴߊ߬ ߣߐ߬ߟߊ߫ ߘߊ߲߬ߠߊ߬ߕߊߡߌ߲ ߛߌߟߊ ߝߍ߬߸ ߞߍ߲ߘߍߦߊ ߖߐ߬ߘߐ ߟߎ߬ ߝߣߊ߫ ߦߴߊ߬ ߣߐ߬ߟߊ߫.
ߕߋߟߋ߲ߓߊ߯ߦߊߓߏ߬ߙߌ߬ߝߋ߲߬ߕߌ߰ ߛߌߦߊߡߊ߲߫ ߠߋ߬ ߕߎ߬ߡߊ߬ߙߋ߲߬ ߦߙߌߞߊ߫ ߞߍ߫ ߟߊ߫ ߕߋ߬ߟߋ ߞߘߐ߫ ߕߋ߲߬߸ ߛߴߊ߬ߟߎ߬ ߘߌ߫ ߖߌߥߎ ߛߐ߬ߘߐ߲߬߸ ߓߊ߬ߙߵߊ߬ ߕߍ߫ ߓߍ߲߬ ߠߊ߫، ߢߣߊߕߐߡߐ߲ߠߌ߲ ߣߌ߫ ߘߏߣߍ߲߫ ߓߐ ߓߘߊ߫ ߓߌ߬ߟߴߊ߬ ߘߐ߫ ߖߌߥߎߘߊ߫ ߛߌߦߊߡߊ߲߫ ߠߊ߫، ߞߊߙߏ߫ ߞߋߟߋ߲ ߠߋ߬ ߕߋ߲߬߸ ߢߊ߫ ߛߐ߬ߘߐ߲߬ߣߍ߲߬ ߕߍ߫ ߖߌߥߎ߫ ߞߏ߫ ߜߟߍߦߊ ߣߌ߲߬ ߡߊ߬ ߝߊ߰ߡߊ ߟߎ߬ ߓߟߏ߫.
ߘߍ߭ߘߐ߲߬ߞߌ߲ ߢߊߞߘߐߟߊ ߣߌ߲߬ ߘߐ߫߸ ߞߊ߲ߞߊ߲߫ ߞߙߊߟߌߟߊ ߟߎ߬ ߦߋ߫ ߛߎ ߣߌ߫ ߕߋ߬ߟߋ ߟߋ߬ ߓߊ߯ߙߊ߫ ߟߊ߫ ߕߋ߲߬، ߓߊ߯ߙߊ ߞߊ߫ ߛߌߦߴߊ߬ߟߎ߫ ߞߊ߬ߡߊ߲߬ ߞߘߐ߫߸ ߢߎߡߍ߫ ߕߍ߮ ߞߊ߫ ߛߌߦߊ߫߸ ߝߊ߰ߣߌ߲߬ ߕߌ߮ ߟߎ߬ ߕߴߊ߬ ߝߍ߬ ߛߊߟߌ ߦߴߊ߬ߟߎ߬ ߟߊ߫ ߝߊ߰ߣߌ߲ ߓߊ߲ߣߍ߲߫ ߛߐ߬ߘߐ߲߬.
ߓߟߏߟߊߓߊ߯ߙߊߞߊ߲ߞߊ߲߫ ߞߣߐ߫߸ ߞߙߊߟߌߟߊ ߟߎ߬ ߦߋ߫ ߓߊ߯ߙߊ߫ ߟߊ߫ ߟߋ߬ ߘߐ߲߬ߞߌ߲ ߢߊߞߘߐߟߊ ߣߌ߲߬ ߘߐ߫ ߛߎ ߣߌ߫ ߕߋ߬ߟߋ، ߘߏ߫ ߟߎ߫ ߦߋ߫ ߞߎߡߊ ߞߊ߲߬߸ ߊ߬ߟߎ߬ ߟߊ߫ ߝߊ߰ߣߌ߲ ߠߞߊߟߌߦߊ߫ ߞߏ ߘߐ߫߸ ߘߏ߫ ߟߎ߫ ߦߋ߫ ߞߎߡߊ ߟߊ߫ ߝߊ߰ߣߌ߲ ߛߐ߬ߘߐ߲߬ߓߊߟߌߦߊ ߞߊ߲߬ ߟߐ߯ߝߍ ߘߐ߫߸ ߞߙߊߟߌߟߊ ߟߎ߫ ߖߍ߬ߘߍ ߝߣߊ߫ ߘߌ߫ ߝߊ߰ߣߌ߲ ߘߏ߫ ߟߎ߫ ߟߊߡߌ߬ߣߊ߬ ߤߌߣߊ ߡߊ߬߸ ߏ߬ ߘߌ߫ ߟߊߓߊ߲߫ ߊ߬ߟߎ߬ ߕߐ߮ ߕߌߢߍ ߡߊ߬.
ߞߍߞߎߘߊߥߛߎߟߊߘߋ߲߫ ߛߐ߯ߓߌ߫ ߂߄ ߠߋ߬ ߘߐߕߟߊߣߍ߲߫ ߞߊ߲ߞߊ߲߫ ߥߛߎߖߌ߲ߓߊ ߟߊ߫ ߓߌ߬ ߂߀߂߆ ߘߓߊ߬ߕߊ ߕߟߋ߬ ߁߇ ߣߌ߲߬ ߡߊ߬، ߡߍ߲ ߡߙߌߦߊ ߝߘߊ߫ ߘߊ߫ ߞߊ߲ߞߊ߲߫ ߝߘߏ߬ߓߊ߬ ߞߕߌߓߋߟߋ߲ ߠߊ߫߸ ߖߐ߲߰ߛߊ߫ ߥߛߎߟߊߘߋ߲ ߠߎ߬ ߦߋߝߊߘߌ ߘߌ߫ ߟߊߓߘߍ߬ߦߊ߫߸ ߞߊ߬ ߔߏ߬ߘߏ߬ߞߌ߬ߟߌ ߝߣߊ߫ ߡߊߕߊ߲߬ߞߊ߫ ߕߎ߬ߡߊ߫ ߣߊ߬ߕߐ ߟߎ߬ ߘߐ߫.
ߛߎ߲ߞߎ߲ ߡߊ߬ߛߎ߬ߓߊ߬ߞߏ ߟߎ߬ߓߊ߲߬ߞߐ߬ ߡߍ߲ ߦߋ߫ ߡߏ߬ߙߌ߬ߓߊ߬ߦߊ߫ ߡߊ߬ߙߊ ߘߐ߫ ߞߊ߲ߞߊ߲߫ ߡߙߊ߬ߘߊ߬ߡߊ ߘߐ߫߸ ߝߢߐ ߣߐ߬ ߕߌߢߍߟߌ߫ ߛߌߦߊߡߊ߲߫ ߠߋ߬ ߞߍ߫ ߟߊ߫߸ ߛߌ߬ߓߏ߲ ߣߌ߫ ߞߊ߬ߙߊ߲߬ߕߊ ߣߌ߫ ߦߙߌߝߍ ߟߎ߬ ߘߐ߫، ߛߏ ߣߌ߲߬ ߞߣߐ߫ ߡߐ߮ ߟߎ߬ ߦߋ߫ ߞߊ߬ߛߌ߬ ߟߊ߫ ߕߋ߲߬߸ ߊ߬ߟߎ߬ ߓߘߴߊ߬ߟߎ߬ ߛߋߞߏ ߞߍ߫ ߊ߬ߟߎ߫ ߖߘߍ߬ ߦߋ߫߸ ߒ߬ߞߊ߬ ߞߎ߲߬ߠߊ߬ߛߌ߮ ߢߊ߫ ߕߴߊ߬ߟߎ߬ ߘߐ߫.
ߞߍߞߎߘߊߗߍ߭ ߘߏ߫ ߟߋ߬ ߛߎ߭ ߦߋߣߍ߲߫ ߛߏߜߍ ߞߌ߲߬ߘߊ ߟߊ߫ ߛߌ߬ߣߌ߲߬ߟߏ߲ ߣߌ߲߬ ߡߊ߬߸ ߕߎ߬ߡߊ߬ߙߋ߲߬ ߦߙߌߞߊ߫ ߞߍ ߞߐߝߍ߬ ߊ߬ ߓߟߏ߫ ߖߊ߲߬ߞߊߙߏ ߘߐ߫ ߟߊ߬ߓߌߟߊ ߕߍߡߊ߬ ߛߎ߬ߣߎ߲߬ߞߎ߬ ߓߛߌߞߌ߫ ߞߊ߲߬، ߞߌ߲߬ߘߊ ߞߏߟߊߕߍ߮ ߟߎ߬ ߞߊ߬ ߘߊ߲ߘߊߛߏ ߟߊߟߐ߲ߠߌ߲߫ ߓߌߟߏ߲߸ ߏ߬ ߟߎ߬ ߥߊ߫ ߘߊ߫ ߛߋ߲߬ߘߐ߬ߞߎߟߎ߲ ߘߌ߫ ߝߛߊߦߌ߫߸ ߓߊ߬ߙߵߊ߬ߟߎ߬ ߡߊ߫ ߛߊ߫ ߥߊ߫ ߟߊ߫ ߖߊ߲߬ߞߊ߬ߙߏ߬ߕߐ ߣߌ߲߬ ߘߌ߫ ߘߊ߲ߘߊߛߏ ߟߊ߫߸ ߖߋ߬ߟߌ߬ߛߎ߲ ߘߏ߲߬ ߘߴߊ߬ ߟߊ߫ ߞߵߊ߬ ߟߊߣߍ߲ ߕߏ߫ ߛߎ߬ߣߎ߲߬ߞߎ߲ ߞߊ߲߬ ߠߋ߬ ߞߵߊ߬ߟߎ߬ ߞߐߘߏ߲߬ ߊ߬ ߟߊ߫߸ ߏ߬ ߟߋ ߞߐ ߞߍߣߍ߲߫ ߊ߬ ߟߊ߫ ߛߊ߬ߦߊ ߘߌ߫ ߛߌ߬ߣߌ߲߬ߟߏ߲ ߣߌ߲߬ ߡߊ߬.
ߓߟߏߟߊߓߊ߯ߙߊߛߌ߬ߘߌߞߌ߬ ߕߙߊߥߟߋ߫ ߣߴߊ߬ ߟߊ߫ ߣߴߊ߬ ߟߊ߫ ߡߞߊ߬ߙߊ߲߬ߘߋ߲ ߠߎ߬ ߦߋ߫ ߞߐߙߍ ߟߎ߬ ߣߌ߫ ߓߊ߯ߙߊߞߍߟߊ ߟߎ߫ ߡߊ߬ߞߏߢߊ߬ ߟߊ߫ ߣߎ߬ߡߎ߲߬ߧߊ ߟߋ߬ ߘߐ߫ ߛߌ߲ߞߏ߲ ߛߎ߯ߦߊ߫ ߓߐߣߍ߲߫ ߢߐ߲߰ ߡߊ ߟߎ߬ ߟߊߘߊ߲ ߘߐ߫، ߏ߬ ߓߘߊ߫ ߞߍ߫ ߓߊ߯ߙߊ߫ ߘߌ߫ ߓߌ߬߸ ߡߍ߲ ߓߘߊ߫ ߘߋ߲ߡߌߛߍ߲ ߠߎ߬ ߡߊߘߍ߬ߡߍ߲߬߸ ߞߵߊ߬ ߞߍ߫ ߕߣߐ߬ ߛߐ߬ߘߐ߲߬ ߘߊߞߎ߲߫ ߘߌ߫߸ ߡߍ߲ ߦߴߊ߬ߟߎ߫ ߡߊ߬ߞߏߢߊ߬ ߟߊ߫.
ߓߟߏߟߊߓߊ߯ߙߊߞߊ߲ߞߊ߲߫ ߞߣߐ߫߸ ߞߎ߲߬ߡߊ߬ߕߍ߮ ߓߘߊ߫ ߞߍ߫ ߛߌߣߌ߲ߢߍߛߌ߮ ߓߊ߯ߙߊ ߘߌ߫߸ ߓߊ߯ߙߟߊ߫ ߛߌߦߊߡߊ߲߫ ߣߌ߫ ߞߎ߲߬ߡߊ߬ߕߍ߬ߓߊ߰ߕߐ߬ ߛߌߦߊߡߊ߲߫ ߠߊ߫ ߦߋߟߌ߫ ߘߐ߫. ߞߊ߬ ߓߐ߫ ߞߍߙߍ߲ ߠߊ߫ ߞߊ߬ ߞߍ߫ ߞߎ߲߬ߡߊ߬ߕߍ߮ ߡߊߞߊ߬ߙߊ߲߬ߧߊ߬ߓߊ߮ ߘߌ߫ ߕߟߋ߬ߞߎߣߊ ߘߐ߫߸ ߞߊ߬ ߞߋߟߋ߲߫ ߞߍ ߘߊߡߌ߬ߣߊ߫ ߝߌ߬ߟߊ߬ ߘߌ߫߸ ߝߏ߫ ߞߎ߲߬ߡߊ߬ߕߍ߰ ߦߙߐ߬ ߞߋߟߋ߲ ߏ߬ ߘߌߣߊ߬ ߞߍ߫ ߥߙߎߞߌ ߣߌ߫ ߦߟߌ߫ ߛߐߘߐ߲ ߛߌߟߊ߫ ߜߍ ߘߌ߫.
ߓߘߍ߬ߓߘߍ߬ߟߌߢ߃ ߞߙߎߞߊ ߛߙߍߘߍ߫ ߢߍߟߐ ߣߴߊ߬ߟߎ߬ ߟߊ߫ ߡߊ߬ߡߌ߬ߣߊ߬ߟߌ߬ߟߊ߸ ߓߊߛߓߊ߬ߕߌ߫ ߛߘߌ߬ߓߋ߫ ߞߵߊ߬ ߟߊ߫ ߓߙߊߡߊߖߊ߲ߓߊ߲ ߘߊߡߌ߬ߣߊ߫ ߞߐ߬ߓߊ߬ߟߏ߲ ߣߌ߲߬ ߡߊ߬߸ ߂߀߂߆ ߘߓߊ߬ߕߊ ߕߟߋ߬ ߁߁، ߊ߬ ߞߵߏ߬ ߡߍ߲ ߞߍ߫ ߡߐ߰ ߛߌߦߊߡߊ߲߫ ߝߏ߭ ߟߊ߫ ߛߏ ߞߣߐ߫߸ ߛߏ ߟߊ߫ ߥߙߎߞߌ ߣߌ߫ ߞߋ߬ߟߋ߲߬ߧߊ ߣߌ߫ ߖߛߎ߬ߛߎߡߊ ߕߊ߯ߡߊ ߟߊ߫ ߡߐ߰ߓߊ ߟߎ߫ ߕߍ߰ߟߊ߫߸ ߞߵߏ߬ ߟߊ߫ ߘߎ߬ߥߊ߬ߥߎ߬ ߢߌߣߌ߲ ߣߌ߫ ߛߌߟߊ߫ ߟߊߓߌߟߊ ߞߊ߲߬.
ߓߘߍ߬ߓߘߍ߬ߟߌߖߌ߬ߣߍ߫ ߞߊ߬ߣߎ߲߬ߕߋ߬ߦߊ ߕߏ߰ߝߏ ߓߘߴߊ߬ ߛߌ߲ߘߌ ߛߊ߲߬ ߞߋߟߋ߲ ߛߊ߲߬ߞߎ߲߬ߓߍ߲ ߞߍ߫ ߟߊ߬ߛߋ߬ߟߌ߬ ߞߟߊߒߞߋ߫ ߘߌ߫ ߂߀߂߆ ߘߓߊ߬ߕߊ ߕߟߋ߬ ߁߁ ߣߌ߲߬ ߡߊ߬، ߊ߬ ߞߊ߲ߕߌ߯ ߛߙߍߞߍ߫ ߝߌߟߊߣߊ߲ ߡߊ߬ߡߊ߬ߘߌ߬ ߖߐ߲ߖߐ߲ ߞߋߕߊ߬ ߞߊ߬ ߕߏ߰ߝߏ ߟߊ߫ ߛߊ߲߬ ߞߋߟߋ߲ ߓߊ߯ߙߊ߫ ߞߍߣߍ߲ ߠߎ߬ ߞߐߣߐ߲ߞߎ߲ߓߊߘߏ߲߫߸ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߦߋ߫ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߐߡߊߓߌ߲ߓߌ߲߫ ߠߊ߫ ߤߊߟߌ߬ߛߊ߫߸ ߝߊ߬ߛߏ߬ ߞߊ߲ ߠߎ߬ ߟߊߞߎ߲߬ߠߊ߬ߛߌ߰ߦߊ ߞߏߛߐ߲߬.
ߕߋߟߋ߲ߓߊ߯ߦߊߘߍ߬ߒ߬ߡߊ߬ ߟߊߛߋߟߌ߫ ߟߋ߬ ߞߍߣߍ߲߫ ߂߀߂߆ ߘߓߊ߬ߕߋ ߕߟߋ߬ ߇ ߡߊ߬߸ ߖߌ߬ߣߍ߬ ߞߕߌߓߋߟߋ߲߫ ߝߌ߬ߟߊ ߓߟߏ߫߸ ߞߊ߲ߞߊ߲߫ ߕߊ ߣߌ߫ ߞߐߣߊߞߙߌ߫ ߕߊ߸ ߞߵߊߟߎ߫ ߕߣߊ߬ ߜߍߟߍ߲ ߟߊ߫ ߘߊ߱ ߘߐ߫ ߞߊ߬ ߓߍ߲߬ ߘߋ߲ߣߍ߲ ߠߎ߬ ߞߍ ߡߊ߬ ߛߌߟߊ߫ ߞߊ߲ߠߊ ߟߎ߬ ߣߌ߫ ߟߐ߯ߝߍ߫ ߞߣߐߟߊ ߟߎ߬ ߣߌ߫ ߡߍ߲߬ߛߍ߲߬ߧߊ߬ߘߊ ߟߎ߬ ߣߌ߫ ߓߊ߯ߙߊ߫ ߦߙߐ ߟߎ߬ ߘߐ߫، ߞߕߌ ߝߊ߰ߡߊ ߢߌ߲߬ ߠߎ߬ ߞߊ߲߫ ߞߏ߫ ߊ߬ߟߎ߬ ߓߍߣߊ߬ ߥߊߟߋ߫ ߖߎ߯ ߛߎ߮ ߏ߬ ߞߍߓߊ߮ ߟߎ߫ ߣߐ߭ߡߌ߬ߣߊ߬߸ ߘߋ߲ߣߍ߲ ߠߎ߬ ߤߊߞߍ ߟߊߕߊ߲߬ߞߊ߬ߓߊߟߌߦߊ ߞߏߛߐ߲߬.
ߕߋߟߋ߲ߓߊ߯ߦߊߕߊ߬ߡߌ߲߬ߘߊ ߞߏߟߊߕߍ߮ ߟߎ߬ ߣߌ߫ ߛߊ߬ߙߌ߬ߦߊ߬ ߞߏߟߊߕߍ߮ ߟߎ߬ ߞߊ߬ ߓߊߛߌ߫ ߥߟߏߒߘߐ߫ ߞߏߙߏ߲ ߘߏ߫ ߟߎ߫ ߟߋ߬ ߦߌ߬ߘߊ߫ ߝߐ߰ߓߍ߬ߦߊ߬ߟߊ ߟߎ߬ ߟߊ߫ ߓߌߟߏ߲ ߣߌ߲߬ ߡߊ߬ ߂߀߂߆ ߘߓߊ߬ߕߊ ߕߟߋ߬ ߇، ߝߎߝߎ߫ ߁߇߁ ߠߋ߬ ߡߌ߬ߣߊ߬ ߘߊ߫ ߕߊ߬ߡߌ߲߬ߘߊ ߡߐ߱ ߟߎ߬ ߓߟߏ߫߸ ߊ߬ߟߎ߬ ߓߍߣߊ߬ ߖߋ߬ߣߌ߲߬ ߟߏ߲߫ ߣߊ߬ߕߐ ߟߎ߬ ߘߐ߫߸ ߞߊ߬ ߝߘߏ߬ߓߊ߬ ߞߍ߲ߘߍߦߊ ߟߊߕߊ߲߬ߞߊ߬ ߞߊ߬ ߞߛߌ߫ ߞߍ߫ ߖߐ߬ߘߐ ߡߊ߬.
ߓߘߍ߬ߓߘߍ߬ߟߌߢߊߞߎߘߦߊߟߌ ߣߌ߫ ߢߍߕߊ߮ ߢߌ߲߬ߧߊ ߞߙߎߞߊ ߕߌ߲߬ߞߎߘߎ߲ ߘߏ߲߬ߖߟߎ߬ߡߊ߬ߟߌ߬ߟߊ߸ ߡߊ߬ߡߊ߬ߘߌ߬ ߞߋߕߊ߬ ߡߍ߲ ߦߋ߫ ߞߙߎߞߊ߫ ߞߋߟߋ߲ ߣߌ߲߬ ߡߊ߬ߡߌ߬ߘߊ߬ߟߌ߬ߟߊ߫ ߘߌ߫ ߥߛߊ߬ߘߋ߲߬ ߢߣߊߕߊߟߌ߫ ߣߊ߬ߕߐ ߣߌ߲߬ ߛߙߍߘߍ߫ ߝߊ߬ߛߏ߬ߟߊ߬ߞߊ ߞߊ߲߬߸ ߏ߬ ߞߊ߬ ߘߏ߫ ߢߊߝߐ߫ ߊ߬ߟߎ߬ ߟߊ߫ ߞߙߎߞߊ ߢߌߣߌ߲ߞߏ ߟߎ߬ ߣߴߊ߬ ߟߊ߬ߢߌߣߌ߲ ߠߎ߬ ߘߐ߫ ߓߌߟߏ߲ ߣߌ߲߬ ߡߊ߬߸ ߏ߬ ߡߍ߲ ߢߍߡߌ߬ߣߊ߬ߣߍ߲߫ ߡߏ߬ߤߊ߬ߡߍߘ ߣߊ߬ߓߋ ߓߟߏ߫، ߊ߬ ߟߊ߫ ߢߊߝߐߟߌ ߟߎ߬ ߘߐ߫߸ ߟߊ߬ߞߟߏ߬ߞߟߏ߬ߟߌ߸ ߛߍ߬ߣߍ߸ ߦߙߎ߬ߞߎ߬ߦߙߎߞߎ ߞߍ߬ߟߍ߸ ߊ߬ ߣߌ߫ ߝߊ߬ߛߏ߬ ߞߊ߲ ߠߎ߬ ߞߐߡߊߓߌ߲ߓߌ߲߸ ߏ߬ ߟߎ߫ ߟߋ߬ ߝߟߐߦߊ ߟߴߊ߬ߟߎ߬ ߓߟߏ߫.
ߞߓߊߞߏ ߟߎ߬ߖߐߞߌߓߊ߯ߕߐ ߓߟߏ߫ ߞߎ߲߬ߞߙߎ߬ߓߊ ߕߍ߰ߣߍ߲߫ ߠߵߊ߬ ߟߊ߫، ߞߐ߬ߓߊ߬ߟߏ߲ ߂߀߂߆ ߘߓߊ߬ߕߊ ߕߟߋ߬ ߄߸ ߡߊ߬ߟߌ߬ߞߊ߫ ߣߛߌ߬ߜߍ߲߬ߘߋ߲߫ ߝߌ߬ߟߊ߫ ߟߋ߬ ߞߵߊ߬ߟߎ߬ ߞߍ߫ ߢߐ߲߮ ߞߊ߲߬߸ ߞߵߏ߬ ߟߊߓߊ߲߫ ߖߐߞߟߌ ߡߊ߬، ߏ߬ ߞߍ߫ ߘߊ߫ ߛߎߡߊ߲ߞߐ߬ߦߌ߬ ߛߏ ߞߣߐ߫ ߟߋ߬߸ ߞߊ߬ߙߌ߬ߝߊ߬ߡߘߎ߬ߦߊ߫ ߡߙߊ߬ߘߊ߬ߙߋ߲ ߘߐ߫߸ ߞߊ߲ߞߊ߲߫ ߡߙߊ߬ߘߊ߬ߓߊ ߞߣߐ߫، ߞߋߟߋ߲ ߖߐߞߌ߫ ߞߏߖߎ߯ߦߊ ߟߋ߬ ߞߍ߫ ߘߊ߫ ߡߙߎ߬ߓߊ ߟߊ߫߸ ߛߏ ߞߏߟߊߕߍ߮ ߟߎ߬ ߣߌ߫ ߞߟߍ߬ߡߐ߮ ߟߎ߫ ߣߊ߬ ߘߊ߫ ߏ߬ ߟߋ ߞߐ ߘߐ߫ ߛߊ߫߸ ߖߐߞߌߓߊ߯ߕߐ ߦߋ߫ ߘߊ߲ߘߊߟߌ ߘߊߞߘߐ߫߸ ߕߌߢߍߡߌߟߊ߫ ߛߌߞߊߒߡߊߓߊ߯ߕߐ ߝߣߊ߫ ߦߋ߫ ߞߟߍ߬ߡߐ߮ ߟߎ߬ ߓߟߏߞߘߐ߫.
ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ߞߊ߬ ߓߍ߲߬ ߝߋ߲ ߠߎ߬ ߛߐ߲߬ߞߐ ߦߍ߬ߟߍ ߡߊ߬ ߘߐ߲߬ߞߌ߲ ߢߊߞߘߐߟߊ ߣߌ߲߬ ߘߐ߫߸ ߞߊ߲ߞߊ߲߫ ߡߙߊ߬ߓߊ߮ ߓߘߴߊ߬ ߦߌ߬ߘߊ߬ ߞߏ߫ ߊ߬ߟߎ߬ ߓߘߊ߫ ߡߙߌߘߐ߫ ߜߍߟߍ߲߫ ߛߌߦߊߡߊ߲߫ ߠߋ߬ ߕߊ߬߸ ߞߊ߬ ߓߍ߲߬ ߛߏ߬ߓߏ ߛߐ߲߬ߞߐ ߟߊ߫ ߦߍ߬ߟߍ ߡߊ߬.
ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ߛߣߍ߬ߞߍ ߞߏߕߌ߮߸ ߊߡߌߣߊߕߊ߬ ߞߊ߬ߓߊ ߞߊ߬ ߂߀߂߆ ߣߌ߫ ߂߀߂߇ ߛߣߍ߬ߞߍ ߓߙߊߡߊߖߊ߲ߓߊ߲ ߛߌ߰ ߟߋ߬ ߛߋ߲߬ߠߊ߫ ߓߊ߲ߞߊߟߊ߲߫ ߞߣߐ߫ ߘߓߊ߬ߕߊ ߕߋ߬ߟߋ߫ ߂ ߣߌ߲߬ ߡߊ߬، ߖߌ߬ߣߍ߫ ߞߎ߲߬ߠߊ߬ߛߌ߮ ߓߘߴߊ߬ ߦߌ߬ߘߊ߬ ߞߏ߫ ߞߐߙߐ߲ߘߌ߫ ߛߣߍ ߦߋ߫ ߢߌ߬ߣߊ߲߬ ߕߊ ߘߟߊ߫߸ ߏ߬ ߡߍ߲ ߦߋ߫ ߛߐ߬ߘߐ߲ ߠߊߥߙߎߞߌ ߛߡߊ߬ߛߋ߲ ߘߏ߫ ߘߌ߫ ߞߊ߬ߣߌ߲߬.
ߓߘߍ߬ߓߘߍ߬ߟߌߞߊ߲ߞߊ߲߫ ߞߣߐ߫߸ ߓߌ߬ߟߊ߬ߢߐ߲߰ߡߊ ߞߏߟߊߕߍ߯ ߛߊ߲ߘߐߕߊ ߖߋ߬ߕߌ߰ߘߊ ߡߍ߲ ߦߋ߫ ߞߊ߲ߞߊ߲߫߸ ߏ߬ ߓߘߴߊ߬ ߞߊ߲ߠߊߘߌ߫ ߝߐ߰ߓߍ߬ߦߊ߬ߟߊ ߟߎ߫ ߡߊ߬߸ ߞߏ߫ ߊ߬ߟߎ߬ ߦߋ߫ ߓߘߊߟߊߝߛߊ ߡߊߕߊ߲߬ߞߊ߬ ߢߣߊߕߊߟߌ ߥߎ߬ߛߎ ߣߌ߲߬ ߞߣߐ߫߸ ߞߵߊ߬ߟߎ߫ ߓߊ߲߬ ߖߎ߯ߦߊ߫ ߞߎߡߊ ߓߍ߯ ߟߊߖߍ߲ߛߍ߲ ߡߊ߬ ߟߋ߬ߟߋ ߓߍ߯ ߘߏ߫ ߘߐ߫.
ߒߞߏߒߞߏ ߛߌ߲ߘߌ ߛߊ߲߬ߞߎ߲߬ߓߍ߲ ߇߇߲ ߢߊ߰ߢߊ߮ ߛߌ߲߬ߝߏ߲߬ߧߊ߬ ߘߊ߫ ߞߊ߲ߞߊ߲߫ ߟߍߙߊߓߏ߲߫ ߟߊ߲߱ߛߌ߬ߣߍ߬ ߥߟߌߦߊߡߛ ߟߋ߬ ߞߣߐ߫߸ ߒߞߏ ߛߍ߬ߘߏ߲߬ߠߊ ߟߎ߬ ߣߴߊ߬ ߕߐ߲߫ ߛߌߦߊߡߊ߲߫ ߞߵߊ߬ߟߎ߬ ߞߙߎߝߊ߫ ߡߍ߲ ߞߣߍ ߞߊ߲߬، ߖߊ߲߬ߖߏ߲ ߞߊ߬ ߝߊ߬ߛߏ߬ ߞߊ߲ ߠߎ߬ ߟߐ߬ߘߎ߮ ߟߋ߬ ߓߌ߬ߟߊ߬ ߜߍ ߘߐ߫ ߜߙߋ ߟߊߥߙߎߞߌ ߘߐ߫.
ߞߍߞߎߘߊߒߞߏ ߓߊߛߌߦߊ ߕߌߙߌ߲ߠߌ߲ ߘߍ߭ ߛߌ߲߬ߝߏ߲ ߠߎ߬ ߞߵߊ߬ߟߎ߬ ߟߊߘߍ߬ ߊ߬ߟߎ߬ ߟߊ߫ ߝߊ߲ߓߊ ߟߋ߬ ߟߊ߫ ߞߊ߬ߙߊ߲߬ߕߊ߫ ߛߌ߬ߘߊ߬ߝߊ߫ ߛߊ߬ߣߐ߬߸ ߞߵߊ߬ ߦߌ߬ߘߊ߬ ߞߎߣߎ߲ߟߏ߲ ߣߌ߲߬ ߡߊ߬߸ ߞߏ߫ ߊ߬ߟߎ߬ ߕߍ߫ ߞߙߎߝߓߊ߫ ߝߏߦߌ߬ ߛߌ߲߬ߝߏ߲߬ ߘߌ߫، ߊ߬ߟߎ߫ ߞߵߊ߬ ߦߌ߬ߘߊ߬ ߝߣߊ߫ ߞߏ߫ > ߕߍ߫ ߛߌ߲߬ߝߏ߲߬ߘߊ ߏ߬ ߟߊ߫ ߖߍ߬ߘߍ.
ߓߘߍ߬ߓߘߍ߬ߟߌߛߓߊ߬ߘߎ߰ ߓߙߊߣߊ߬ߡߊ߫ ߛߌ߰ߓߊ߮ ߟߎ߬ ߓߘߴߊ߬ߟߎ߬ ߡߊߝߐߦߌ߲ߝߐߦߌ߲߫߸ ߊ߬ߟߎ߬ ߟߊ߫ ߛߙߍߘߍ ߡߊߦߟߍ߬ߡߊ߲ ߞߏߛߐ߲߬ ߊ߬ߟߎ߫ ߢߌ߬ߣߊߡߊ߬، ߊ߬ߟߎ߫ ߞߊ߬ ߡߍ߲ ߕߐ߮ ߟߊߕߊ߯߸ ߞߵߏ߬ ߓߐ߫ ߦߋ߲߬ ߞߊ߬ ߡߐ߰ ߜߘߍ߫ ߕߐ߮ ߓߌ߬ߟߊ߬߸ ߊ߬ߟߎ߫ ߕߍ߫ ߡߍ߲ ߞߊ߬ߟߊߡߊ߬، ߊ߬ߟߎ߬ ߝߣߊ߫ ߞߊ߲߫ ߞߏ߫ ߣߌ߫ ߥߞߓ ߞߏߟߊߕߍ߮ ߟߎ߬ ߡߊ߫ ߢߊ߫ ߢߌߣߌ߲߫ ߊ߬ ߡߊ߬߸ ߢߣߊߕߊߟߌ߫ ߕߍߣߊ߬ ߞߍ߫ ߟߊ߫ ߛߓߊ߬ߘߎ߰ ߓߙߊߣߡߊ߬.
ߟߊ߬ߞߟߏ߬ߞߟߏ߬ߟߌߊ߬ ߡߊ߫ ߕߟߋ߬ ߞߋߟߋ߲ ߓߐ߫߸ ߞߊ߲ߞߊ߲߫ ߖߊ߯ߓߘߊ߫ ߗ߭ߎ߳ߟߌߛ ߒߢߙߋߙߋ߫ ߓߘߊ߫ ߝߐ߫ ߊ߬ ߟߊ߫ ߞߊ߬ߙߊ߲߬ߠߊ߬ߘߋ߲߫ ߝߌ߬ߟߊ߬ ߟߊ߫ ߝߏߘߋߦߊ ߂߲ ߠߊ߫߸ ߊ߬ ߓߍ߯ ߛߊ߬ߣߍ߲߫ ߞߵߊ߬ ߕߎ߬ߙߎ ߞߍ߫ ߖߊ߲߬ߞߊߙߏ߫ ߞߎ߲߬ߘߐ߬ߛߎߘߎ߲ ߠߋ߬ ߘߌ߫، ߛߊ߬ߦߊ߫ ߝߌ߬ߟߊ߬ߣߍ߲ ߏ߬ ߓߘߊ߫ ߞߍ߫ ߛߎ߬ߣߎ߲߬ ߞߏ߬ߓߊ߫ ߘߌ߫ ߖߊ߯ߓߘߊ ߡߊ߬ ߕߋ߲߬.
ߕߋߟߋ߲ߓߊ߯ߦߊߞߊ߲ߞߊ߲߫ ߞߣߐ߫߸ ߛߌ߬ߛߍ ߣߌ߫ ߖߍ߮ ߘߏ߫ ߟߎ߫ ߟߋ߬ ߕߌߢߍߣߍ߲߫ ߕߊߓߐ ߘߏ߫ ߘߐ߫ ߛߏ߬ߣߌ ߔߍߛ߭ ߟߊ߫ ߛߌ߲߬ߓߌ߬ߓߏ߲ ߠߊ߫߸ ߡߏ߬ߛߏ ߘߏ߫ ߟߎ߫ ߓߘߴߊ߬ߟߎ߬ ߗߋ ߓߊ߲߫ ߞߵߊ߬ ߘߍ߲߫ ߏ߬ ߟߎ߫ ߟߋ߬ ߕߊ߭ ߟߊ߫ ߞߵߊ߬ߟߎ߫ ߝߙߋ߬ ߟߐ߮ ߘߐ߫ ߞߏߞߎߘߊ߫، ߏ߬ ߟߋ ߞߏߢߊ ߓߘߊ߫ ߜߊ߬ ߝߊ߰ߡߊ ߟߎ߬ ߟߊ߫߸ ߊ߬ߟߎ߬ ߓߘߊ߫ ߓߟߏߘߐߓߍ߲ ߠߎ߬ ߞߍ߫، ߕߍ߮ ߞߏ߬ߣߌ߲߬ ߓߘߊ߫ ߞߍ߫ ߡߏ߬ߛߏ ߘߏ߫ ߟߎ߫ ߘߐ߫.
ߞߍߞߎߘߊߘߟߊ߬ ߞߏ߬ ߡߊ߲ߞߊ߲ ߠߋ߬ ߘߏ߲߬ߣߍ߲߫ ߜߋ߲ߞߐ߰ߖߌ߬ߘߊ ߘߎ߱ ߘߏ߫ ߣߌ߫ ߖߌ߬ߣߍ߫ ߘߎ߱ ߘߏ߫ ߕߍ߫ ߘߊ߯ߙߌ ߣߌ߲߬ ߡߊ߬߸ ߂߀߂߆ ߞߏ߲ߞߏߘߓߌ ߕߟߋ߬ ߁߉ ߣߌ߲߬ ߡߊ߬߸ ߞߊ߬ ߡߐ߰ ߁߅ ߖߐߞߌ߫ ߝߊ߲߭ ߝߌ߬ߟߊ ߓߍ߯ ߟߊߞߊ߬ߝߏ߬ߣߍ߲ ߘߐ߫، ߊ߬ߟߋ߬ ߘߊ߬ߟߊ ߕߐ߯ ߟߋ߬ ߞߏ߫ ߘߟߊ߬ߜߍ߬ߓߊ߫.
ߞߍߞߎߘߊߞߎ߲߬ߕߌ߰ ߞߎ߬ߘߊ߬ ߟߊ߬ߛߌ߮ ߡߍ߲ ߞߍߣߍ߲߫ ߘߏ߲߬ߛߏ ߟߎ߬ ߟߊ߫ ߕߙߊߓߊ ߂߆ ߟߊ߬ߘߍ ߘߐ߫ ߞߊ߲ߞߊ߲߫ ߞߣߐ߫߸ ߏ߬ ߟߋ ߞߎߡߊ ߓߘߴߊ߬ ߞߐߕߊ߲߫، ߓߊߏ߬߸ ߞߘߐ߬ߡߊ߲ ߡߍ߲ ߠߥߟߌ߬ߣߍ߲߫ ߣߴߊ߬ߟߋ߫ ߖߍ߬ߘߍ ߢߊ ߕߘߍ߬ ߜߍ ߘߐ߫߸ ߣߊߟߌ߬ߡߎ߲߬ ߞߎߟߎ߲ߝߊ߲߫ ߘߋ߲ߓߊ߫ ߘߌ߫، ߏ߬ ߟߋ ߞߊ߲߫ ߞߏ߫ ߊ߬ ߡߊ߫ ߛߐ߲߬ ߊ߬ ߟߊߥߟߌ߬ ߞߏ ߡߊ߬. ߒ߬ߓߊ߬߸ ߛߌ߲߬ߓߏ߲߫ ߡߊ߬ߡߊ߬ߘߌ߬ ߞߊ߲߫ ߞߏ߫ ߌߞߏߡߌ߲߬ ߊ߬ ߓߘߴߊ߬ ߞߐߡߊߓߌ߲ߓߌ߲ߠߊ߫ ߛߐ߬ߘߐ߲߬ ߞߏߕߌ߯ߘߊ ߟߊ߫߸ ߊ߬ ߓߘߴߊ߬ ߦߌ߬ߘߊ߬ ߞߏ߫ ߊ߬ ߡߊ߫ ߓߍ߲߬ ߊ߬ ߟߊߥߟߌ߬ ߞߏ ߡߊ߬.
ߜߘߍ ߟߎ߬ߓߐ߬ߙߑߘߏ߫ ߍߛ.ߏ.ߍߛ ߞߌ߲߬ߘߊ ߣߐ߬ ߕߌߢߍߟߌ߫ ߜߘߍ߫ ߟߋ߬ ߟߊߛߐ߬ߘߐ߲߬ ߠߊ߫ ߌߞߐ߫߸ ߕߊ ߟߋ߬ ߓߐߣߍ߲߫ ߟߎ ߘߏ߫ ߞߣߐ߫ ߞߊ߬ ߓߟߏߝߋ߲߫ ߛߌߦߊߡߊ߲߫ ߞߊ߬ߛߙߊ߬، ߡߐ߰ ߡߊ߫ ߕߏ߫ ߊ߬ ߘߐ߫ ߛߊ߫߸ ߓߊ߬ߙߌ߬ ߞߐߙߍ ߓߘߊ߫ ߓߌ߬ߟߊ߬ ߥߏߦߌߞߏ߲߬ߓߊ ߘߐ߫.
ߓߊ߯ߙߘߊ ߣߌ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ߛߣߍ߬ߞߍ߬ߟߊ ߟߎ߬ ߦߋ߫ ߞߊ߬ߛߌ ߟߊ߫ ߕߍ߬ߡߍߞߘߎ߬ߡߊ ߡߊ߲߬ߕߙߐ ߞߏߛߐ߲߬߸ ߥߊ߬ߦߌ ߟߎ߬ ߞߊ߲߫ ߞߏ߫ ߣߌ߬ ߕߍ߬ߡߍߞߘߎ߬ߡߊ ߟߎ߬ ߕߍ߫߸ ߛߏ߬ߓߏ ߛߐ߲߬ߞߐ ߕߴߛߋ߫ ߖߌ߰ ߟߊ߫، ߒ߬ߓߊ߬߸ ߛߏ߬ߓߏ ߓߘߊ߫ ߓߐ߫ ߖߕ ߄߅ ߀߀߀ ߘߐ߫߸ ߞߊ߬ ߞߍ߫ ߖߕ ߇߀ ߀߀߀ ߤߊ߲߯ ߈߀ ߀߀߀ ߘߌ߫.
ߜߋߙߋ߲ߜߋߙߋ߲ߧߊߒߞߏ ߓߊߛߌߦߊ ߞߙߎߝߓߊ ߘߏ߲߬ߞߏ ߟߎ߬ ߓߘߊ߫ ߟߊߘߍ߬ ߞߊ߲ߞߊ߲߫ ߞߣߐ߫ ߕߟߋ߬ ߣߊ߯ߣߌ߲߫ ߟߊ߬ߞߐ߰ߟߌ ߞߊ߲ߡߊ߬߸ ߡߍ߲ ߓߍߣߊ߬ ߞߍ߫ ߓߏߟߏ߲ߓߊ߫ ߛߊ߬ߓߊ߫ ߞߊ߲߬: ߓߊߛߌߦߊ ߣߌ߫ ߟߊ߬ߕߙߎ ߣߌ߫ ߥߊߟߌߝߦߊ.
ߞߍߞߎߘߊߞߊ߲ߞߊ߲߫ ߞߣߐ߫߸ ߛߊ߬ߙߌ߬ߦߊ߬ ߓߊ߰ߙߊ߬ߟߊ ߟߎ߬ ߓߟߏߘߏ߲߭ ߦߴߌߘߐ߫ ߞߊ߬ ߞߐ߲߰ ߢߣߊߕߊߟߌ ߛߋ ߢߍ߫، ߖߐ߲߰ߛߊ߫ ߝߐߢߐ߲߯ߞߐ ߟߎ߬ ߘߌ߫ ߛߋ߫ ߡߊߕߊ߲߬ߞߊ߬ ߟߊ߫ ߢߊ ߡߍ߲ ߡߊ߬.
ߘߍ߭ߛߊ߲ߝߌߣߊ߫ ߡߏ߬ߛߏ ߟߎ߬ ߡߐߣߍߣߍ߲ ߠߋ߬ ߓߐ߫ ߘߊ߫ ߝߏ߲߬ߘߏ ߞߊ߲߬ ߓߌ߬ ߞߐ߬ߓߊ߬ߟߏ߲ ߣߌ߲߬ ߡߊ߬߸ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߟߊ߫ ߞߐ߭ ߓߘߊ߫ ߡߊߛߌߟߊ߲߫ ߖߌߕߍߙ ߟߊ߫ ߣߊ߯ߓߊ߫ ߟߊߛߌ߰ߣߍ߲ ߓߟߏ߫، ߏ߬ ߘߐ߫߸ ߟߊ߬ߤߘߌ߬ ߕߌ߬ߢߍ߬ ߛߌߦߊߡߊ߲ ߠߎ߬ ߞߐߝߍ߬ ߞߊ߬ ߝߘߊ߫ ߞߏߟߊߘߍ ߟߊ߫߸ ߊ߬ ߓߘߊ߫ ߦߌ߬ߘߊ߬ ߞߏ߫ ߊ߬ߟߎ߬ ߓߘߊ߫ ߕߙߏ߬ߞߏ ߟߎ߬ ߟߊߥߟߌ߬ ߒߞߘߐ߫ ߞߊ߬ ߥߊ߫ ߣߊ߯ߓߊ ߟߎ߬ ߟߊߥߟߌ߬.
ߞߍߞߎߘߊߞߕߐߙߐ߲ߘߓߐߟߌ߫ ߛߌߦߊߡߊ߲ ߠߎ߬ ߞߐߝߍ߬߸ ߞߊ߲ߞߊ߲߫ ߗߋߘߋ߲߫ ߓߟߏߡߊߞߊ߬ߣߍ߲ ߠߎ߬ ߞߊ߲߫ ߞߏ߫ ߟߊ߬ߘߍ ߓߍߣߊ߬ ߞߍ߫ ߞߐ߬ߓߊ߬ߟߏ߲߫ ߣߊ߬ߕߐ߸ ߞߊ߬ ߓߌ߬ߟߊ߬ߒ߬ߘߐ߬ ߟߊߘߍ ߞߎ߲߭ߝߊ߰߸ ߞߊ߬ ߞߊ߬ߝߏ߬ߙߋ߲ ߝߛߎߞߎ ߝߣߊ߫ ߘߐߢߌߡߌ߲߫.
ߞߍߞߎߘߊߞߊ߲ߞߊ߲߫ ߞߣߐ߫߸ ߞߕߌ ߓߘߊ߫ ߟߊߥߌ߬ߟߌ߫ ߞߎ߲߬ߞߏ߬ߓߊ߬ߕߐ ߟߎ߬ ߞߊ߲ߡߊ߬߸ ߡߍ߲ ߠߎ߬ ߟߊ߫ ߕߌߢߍߟߌ ߝߊ߲߬ߞߊ ߓߏ߲߬ߓߊ߫ ߞߊ߬ߣߌ߲߬، ߦߏ߫ ߛߏ߲߬ߧߊ߬ߟߌ߬ ߞߏ ߟߎ߬ ߣߌ߫ ߣߴߊ߬ ߢߐ߲߱ ߠߎ߬، ߓߍ߯ ߛߌ߰ߣߍ߲߫ ߕߎ߬ߢߊ ߡߊߞߐ߬ߣߐ߲ ߛߌ߱ ߟߋ߬ ߘߐ߫ ߕߋ߲߬، ߖߡߊ߬ߣߊ߬ߘߋ߲߬ ߛߌߦߊߡߊ߲߫ ߞߏ߬ߣߌ߲ ߓߘߴߊ߬ ߦߌ߬ߘߊ߬ ߞߏ߫ ߞߕߌ ߘߊߡߌ߬ߣߊ߬ ߢߊ ߓߘߴߊ߬ߟߎ߫ ߖߌ߰ߡߝߊ߬ ߣߍ߲ߞߍ߫.
ߞߍߞߎߘߊߡߏ߬ߛߏ ߘߏ߫ ߓߘߊ߫ ߛߊ߬ ߘߎ߲߬ߘߎ߬ߡߊ߬ ߘߊ߲ߘߊߟߌ߫ ߓߏ߲ ߘߏ߫ ߕߊ߫ ߓߟߏߟߊ߫߸ ߝߊ߰ߡߊ ߟߎ߬ ߡߊ߫ ߝߋ߲߫ ߝߐ߫ ߊ߬ ߞߊ߲߬، ߊ߬ ߞߏߢߊ ߞߏ߬ߣߌ߲ ߘߐߝߌ߲߬ߣߍ߲߬ ߡߌߡߐ߫، ߞߵߏ߬ ߞߎ߲߭ ߞߍ߫ ߘߏ߲߰ ߘߐ߬ ߞߏ ߟߎ߫ ߟߊߞߙߐ߬ߛߌ ߘߴߊ߬ ߞߏ ߕߊ߬ߡߌ߲߬ ߢߊ ߘߐ߫. ߊߟߎ߫ ߦߋ߫ ߖߌ߬ߦߊ ߛߐ߲߬ߞߌ߲߫ ߞߵߊ߬ ߕߐ߭ ߞߊ߬ߙߊ߲߬.
ߞߍߞߎߘߊߒߞߏ ߘߏ߲߬ߖߟߎ߬ߡߊ߬ߘߊ ߛߍ߲ߓߊ߫ ߣߐ߬ ߝߐ߰ߓߍ߬ ߜߙߊ߬ ߡߊ߲ߞߊ߲ ߘߏ߫ ߟߋ߬ ߞߍ߫ ߟߊ߫ ߞߊ߲ߞߊ߲߫߸ ߞߵߊ߬ ߓߍ߲߬ ߘߎ߰ ߞߏ߬ ߡߊ߲ߞߊ߲ ߘߏ߫ ߡߊ߬ ߊ߬ߟߎ߬ ߕߋߙߌ߫ ߛߏ߬ߙߌ߫ ߥߎ߬ߦߊ߲߬ߞߌ߬ߣߍ߲߫ ߞߓߊ߬ ߣߌ߫ ߡߐ߱ ߘߏ߫ ߟߎ߫ ߕߍ߫، ߊ߬ߟߎ߫ ߞߊ߬ ߘߡߊߞߊߛߟߌ߫ ߛߓߍ ߘߏ߫ ߟߎ߫ ߟߊߕߊ߯ ߟߋ߬ ߡߙߊ߬ߓߊ߮ ߡߊ߬߸ ߞߊ߬ߝߏ߬ߙߋ߲߬ߕߌ߮ ߡߊ߬߸ ߊ߬ ߣߌ߫ ߞߊ߲ߓߍ߲ ߞߕߌߞߊ߲ߘߊ߸ ߛߴߊ߬ߟߎ߬ ߘߌ߫ ߘߏ߫ ߝߐ߫ ߣߌ߲߬ ߞߏ ߘߐ߫ ߞߊߟߌߦߊ߫ ߓߟߏ ߡߊ߬.
ߞߍߞߎߘߊߞߊ߲ߞߊ߲߫ ߞߣߐ߫߸ ߝߘߏ߬ߓߊ߬ ߞߕߌߞߊ߲ߘߊ ߡߊߙߑߥߊߣ ߓߊߟߑߘߋ߬ ߣߌ߫ ߛߏߕߌ߯ ߓߏߟߏ߲ ߓߘߊ߫ ߞߎߡߊ߫߸ ߞߊ߬ ߡߐ߰ ߞߏߝߐ߫ ߡߍ߲ ߠߎ߬ ߦߋ߫ ߜߊ߲߬ߞߎ߲߬ߢߐ߲߰ߠߊ߬ ߢߎߡߍ ߓߊ߯ߙߊ߫ ߡߎߙߊ߲ ߠߎ߬ ߛߏ߲߬ߧߊ߬ ߟߊ߫، ߏ߬ ߦߋ߫ ߜߍߞߊ߲ߠߊ ߟߊߡߍߣߍ߲ ߖߊ߬ߕߋ߬ߘߐ߬ߛߌ߮ ߘߏ߫ ߟߋ߬ ߘߌ߫، ߊ߬ߟߎ߫ ߣߐ߬ ߏ߬ ߡߍ߲ ߓߊ߯ߙߊ ߛߋ߲߬ߠߊ߬ߛߎߡߦߊ ߟߊ߫ ߟߊ߫ ߛߏ߲߬ߧߊ߬ߟߌ߬ ߞߏ ߣߌ߲߬ ߞߎ߲߬ ߞߊ߬ߣߌ߲߬.
ߞߍߞߎߘߊߓߏ߲ߞߣߐ߫ ߛߓߊ߬ ߣߴߊ߬ ߞߣߐߝߋ߲ ߓߘߊ߫ ߖߋ߬ߣߌ߲߫ ߓߐ߬ߙߑߘߏ߫ ߞߌ߲߬ߘߊ ߟߊ߫߸ ߣߊ߲߬ߝߏ߮ ߟߊ߫ ߒߞߏ ߞߊߙߊ߲ߕߊ ߘߊߝߍ߬، ߡߐ߰ ߡߊ߫ ߖߐߞߌ߫߸ ߓߟߏߝߋ߲߫ ߛߌߦߊߡߊ߲߫ ߞߏ߬ߣߌ߲ ߞߊ߬ߛߙߊ߬ ߘߊ߫.
ߞߍߞߎߘߊߕߊ߬ߕߏ ߘߋ߬ ߔߐߙߑߕߏ߫ ߟߊ߫ ߡߊ߲ߘߙߊߟߊ߲ߜߏߦߊ߫ ߞߎߡߊ ߓߘߊ߫ ߘߌ߯ ߛߌ߬ߟߡߊ߬ ߘߍߞߙߎ ߘߏ߫ ߟߎ߫ ߟߊ߫ ߞߊ߲ߞߊ߲߫ ߞߣߐ߫߸ ߝߏ߫ ߊ߬ߟߎ߬ ߟߊ߫ ߘߏ߲߬ߖߟߎ߬ߡߊ߬ߘߊ ߓߘߊ߫ ߝߐ߰ߓߍ߬ ߟߊߘߍ ߘߏ߫ ߡߊߞߟߌ߫߸ ߞߵߊ߬ ߦߌ߬ߘߊ߬ ߞߏ߫ ߏ߬ ߘߐ߫߸ ߊ߬ ߦߴߊ߬ ߟߐ߲߫ ߞߏ߫ ߓߐ߲ߛߐ߲ ߦߴߊ߬ ߟߊ߫.
ߞߍߞߎߘߊߞߊ߲ߞߊ߲߫ ߘߊ߲ߘߊߛߏߓߊ ߞߏߟߊߕߍ߮ ߟߎ߬ ߞߊ߲߫ ߞߏ߫ ߊ߬ߟߎ߬ ߓߍߣߵߊ߬ߟߎ߫ ߝߎ߬ߙߎ߲߬ߞߎ߬߸ ߣߌ߫ ߘߎ߲߬ߓߎߦߊ߬ ߡߊ߫ ߞߍ߫ ߡߊ߬ߡߌ߬ߘߊ߬ߟߌ߬ߟߊ߫ ߘߌ߫ ߢߣߊߕߊߟߌ߫ ߣߊ߬ߕߐ ߘߐ߫، ߏ߬ ߘߏ߲߬ ߜߎ ߕߍ߫ ߓߍ߲߬ ߠߴߊ߬ߟߎ߬ ߟߊ߫ ߓߊ߯ߙߊ ߛߊ߬ߙߌ߬ߦߊ ߡߊ߬ ߝߛߊߦߌ߫. ߊߟߎ߫ ߦߋ߫ ߖߌ߬ߦߊ߬ߓߍ ߣߌ߲߬ ߛߐ߲߬ߞߌ߲߫ ߞߵߊ߲ ߡߙߌߦߊ ߞߊ߬ߙߊ߲߬
ߞߍߞߎߘߊߓߙߎ߫ ߡߊ߫ ߜߊ߬ߛߌ߬ ߞߊ߲ߞߊ߲߫ ߦߙߐ߫ ߛߌߦߊߡߊ߲߫ ߘߐ߫ ߓߌ߬߸ ߝߎ߬ߙߎ߲߬ߞߎ߬ߟߌ ߞߏ ߝߌߙߌ߲ߝߌߙߌ߲߫ ߠߴߊ߬ߟߎ߬ ߓߟߏ߫، ߊ߬ߟߎ ߘߏ߲߬ ߠߊ߫ ߝߎ߬ߙߎ߲߬ߞߎ߬ߟߌ ߕߍ߫ ߛߌߟߊ߫ ߞߊ߲߫ ߓߐߟߌ߫ ߘߌ߫߸ ߊ߬ߟߎ߬ ߦߴߊ߬ߟߎ߫ ߓߊ߲߬ ߠߊ߫ ߓߙߎ߫ ߜߊߛߌ ߟߋ߬ ߡߊ߬، ߝߣߊ߫߸ ߘߏ߫ ߓߘߊ߫ ߓߐ߫ ߢߊ߯ߡߊߡߎ߮ ߛߐ߲߬ߞߐ ߟߊ߫߸ ߓߊ߬ߙߌ߬ ߓߙߎ߫ ߞߟߊ߫ ߞߋߟߋ߲ ߦߋ߫ ߖߕ ߅߀߀߀ ߘߐ߫ ߡߎߣߎ߲߬.
ߞߍߞߎߘߊߕߏ߭ߞߎ߬ߣߎ߲߬ ߘߋ߲ߡߌߛߍ߲ ߠߎ߬ ߞߊ߲߫ ߞߏ߫ ߝߏ߫ ߞߵߊ߬ߟߎ߬ ߟߊ߫ ߗߋߘߋ߲߫ ߓߟߏߡߊߞߊ߬ߣߍ߲ ߠߎ߬ ߟߊߥߌ߬ߟߌ߫ ߟߋ߬ ߕߘߋ߫߸ ߞߵߏ߬ ߞߎ߲߭ ߞߍ߫ ߞߏ ߟߎ߬ ߟߊߕߊ߯ߡߓߊߟߌߦߊ ߘߴߊ߬ ߢߌ߬ߡߊ ߟߊ߫، ߏ߬ ߟߋ ߘߐ߫߸ ߊ߬ߟߎ߫ ߞߊ߬ ߔߊߞߌߛߦߊߣߍ߲߫ ߞߍ߫ ߞߵߊ߬ߟߎ߬ ߡߙߌߦߊ ߦߌ߬ߘߊ߬ ߕߊ߯ߡߊ ߘߐ߫.
