ߞߎ߲߬ߠߊ߬ߛߌ߮ ߓߍ߯
ߜߘߍ ߟߎ߬Sߊ߬ ߛߌߞߊߣߴߊ߬ ߡߏ߬ߛߏ ߟߋ߬ ߡߊ߬߸ ߞߏ߫ ߏ߬ ߣߴߊ߬ ߘߍ߬ߢߐ߲߰ߞߍ߬ ߦߋ߫ ߢߐ߲߯ ߝߍ߬߸ ߓߍߙߑߣߊߙ ߎߡߊ߫ ߣߐ߬ ߏ߬ ߟߋ ߞߏ ߛߌ߰ ߟߴߊ߬ ߞߎ߲߬ ߘߏ߬ߣߌ߲߬ ߘߌ߫߸ ߞߊ߬ ߥߊ߫ ߞߍߓߊߟߌ ߞߍ߫، ߊ߬ ߝߣߊ߫ ߓߌ߬ߟߊ߬ߣߍ߲߫ ߛߊ߲߬ ߟߏ߯ߟߎ߫ ߥߛߎ߫ ߟߊ߫ ߏ߬ ߟߋ ߘߐ߫߸ ߊ߬ ߦߴߊ߬ ߟߊ߫ ߥߛߎ ߞߊ߲߬ ߕߋ߲߬ ߞߏߖߜ߭ߊ߫ ߥߛߎߖߌ߲ߓߊ ߟߊ߫.
ߞߓߊߞߏ ߟߎ߬ߖߐߞߌߓߊ߯ߕߐ ߓߟߏ߫ ߞߎ߲߬ߞߙߎ߬ߓߊ ߕߍ߰ߣߍ߲߫ ߠߵߊ߬ ߟߊ߫، ߞߐ߬ߓߊ߬ߟߏ߲ ߂߀߂߆ ߘߓߊ߬ߕߊ ߕߟߋ߬ ߄߸ ߡߊ߬ߟߌ߬ߞߊ߫ ߣߛߌ߬ߜߍ߲߬ߘߋ߲߫ ߝߌ߬ߟߊ߫ ߟߋ߬ ߞߵߊ߬ߟߎ߬ ߞߍ߫ ߢߐ߲߮ ߞߊ߲߬߸ ߞߵߏ߬ ߟߊߓߊ߲߫ ߖߐߞߟߌ ߡߊ߬، ߏ߬ ߞߍ߫ ߘߊ߫ ߛߎߡߊ߲ߞߐ߬ߦߌ߬ ߛߏ ߞߣߐ߫ ߟߋ߬߸ ߞߊ߬ߙߌ߬ߝߊ߬ߡߘߎ߬ߦߊ߫ ߡߙߊ߬ߘߊ߬ߙߋ߲ ߘߐ߫߸ ߞߊ߲ߞߊ߲߫ ߡߙߊ߬ߘߊ߬ߓߊ ߞߣߐ߫، ߞߋߟߋ߲ ߖߐߞߌ߫ ߞߏߖߎ߯ߦߊ ߟߋ߬ ߞߍ߫ ߘߊ߫ ߡߙߎ߬ߓߊ ߟߊ߫߸ ߛߏ ߞߏߟߊߕߍ߮ ߟߎ߬ ߣߌ߫ ߞߟߍ߬ߡߐ߮ ߟߎ߫ ߣߊ߬ ߘߊ߫ ߏ߬ ߟߋ ߞߐ ߘߐ߫ ߛߊ߫߸ ߖߐߞߌߓߊ߯ߕߐ ߦߋ߫ ߘߊ߲ߘߊߟߌ ߘߊߞߘߐ߫߸ ߕߌߢߍߡߌߟߊ߫ ߛߌߞߊߒߡߊߓߊ߯ߕߐ ߝߣߊ߫ ߦߋ߫ ߞߟߍ߬ߡߐ߮ ߟߎ߬ ߓߟߏߞߘߐ߫.
ߞߍߞߎߘߊߡߐ߱ ߥߊ߯ ߦߙߌߞߊ߫ ߟߋ߬ ߓߐ߫ ߘߊ߫ ߓߌߟߏ߲ ߣߌ߲߬ ߡߊ߬߸ ߂߀߂߆ ߞߏ߲ߞߏߘߓߌ ߕߟߋ߬ ߃߀ ߡߊ߬ ߓߡߊ߬ߞߐ߬ ߞߣߐ߫߸ ߞߊ߬ ߛߐ߬ߘߐ߲߬ ߡߊ߬ߞߊ߲߬ߞߊ߲߬ߠߌ߲ ߞߏߕߌ߮ ߛߊ߯ߖߐ߬ ߞߡߊ߬ߙߊ߬ ߓߊߘߍ߫ ߓߟߋߓߟߋ ߘߐ߫. ߊ߬ߟߋ ߦߋ߫ ߡߊ߬ߟߌ ߘߐ߬ߕߊߡߌ߲ ߣߌߞߎ߲ ߘߏ߫ ߟߋ߬ ߘߌ߫߸ ߊ߬ ߝߊ߰ ߘߊ߫ ߓߊ߰ߓߊ߰ߟߌ߬ߟߊ ߟߎ߬ ߟߊ߫ ߡߙߊ߬ߒ߬ߡߊ߬ߟߌ ߘߏ߫ ߟߋ߬ ߘߐ߫߸ ߞߐ߲߬ߛߏ߬ ߜߛߏߡߊ ߟߊ߫ ߡߙߊ߬ߒ߬ߡߊ߬ߟߌ ߘߐ߫ ߞߊ߬ߕߌ߬߸ ߊ߬ߟߋ ߣߴߊ߬ ߡߏ߬ߛߏ ߣߴߊ߬ ߘߋ߲ߣߍ߲߫ ߡߐ߰ ߝߌ߬ߟߊ߬߸ ߏ߬ ߟߎ߬ ߓߍ߯ ߣߌ ߕߏ߫ ߘߴߊ߬ ߘߐ߫.
ߞߍߞߎߘߊߞߎ߲߬ߢߐ߲߰ ߞߋߟߋ߲߫ ߞߎ߲߬ߕߊ߰ ߞߣߐ߫߸ ߟߎߓߋߙߏ߫ ߘߎ߰ߣߍ߲ ߘߏ߫ ߟߎ߫ ߟߋ߬ ߟߊ߲ߝߊ߲ߣߍ߲߫ ߦߋ߲߬ ߜߊ߰ߢߊ߬ߜߊ߯ߢߊ ߘߝߊߣߍ߲ ߘߐ߫߸ ߣߴߊ߬ ߞߏ ߦߋ߫ ߘߍ߬ߡߍ߲߬ߘߌ߬ ߟߊ߫ ߓߍ߯ߦߊ ߝߊ߲߬ߞߊ߬ ߟߊߘߍ߬ߣߍ߲ ߠߎ߬ ߟߊ߫ (ߊ.ߘߋ.ߍߝ)߸ ߏ߬ ߓߘߊ߫ ߕߊ߬ߡߌ߲߫ ߡߐ߰ߦߊ ߞߊ߬ߛߙߊ߬ ߟߊ߫ ߞߏߞߎߘߊ߫ ߞߏ߲߬ߞߏ߬ ߞߣߐ߫߸ ߢߊߖߌߓߐ߫ ߣߌ߫ ߞߌ߬ߣߌ߲߬ߞߌ߬ߣߌ߲߬ߞߏ߫߸ ߡߍ߲ ߦߋ߲߬ ߕߋ߲߬. ߣߍߣߍߓߊ ߕߟߋ߬ ߁߃ ߣߴߊ߬ ߁߉ ߕߍߟߊ ߘߐ߫߸ ߡߙߊ߬ߒ߬ߡߊ߬ߟߌ ߥߓߊ߬ߞߏ߬ ߞߍ ߟߋ߬ ߞߍߣߍ߲߫ ߟߎߓߋߙߏ߫ ߘߎ߰ߞߣߍ ߞߊ߲߬ […]
