ߞߎ߲߬ߠߊ߬ߛߌ߮ ߓߍ߯
ߓߊ߲ߓߋ"ߌ ߓߊ߯ ߛߴߊ߲ߠߎ߬ ߓߘߊ߸ ߝߏߦߌ߬ ߕߴߦߋ߲߬، ߕߎ߬ߓߊ߬ߓߎ ߟߎ߬ ߟߋ߬ ߣߊ߬ ߘߴߊ߲ ߠߊߕߏ߫ ߞߐ߫ ߦߊ߲߬، ߊ߬ߙߊ߬ߓߎ ߟߎ߫ ߟߋ߬ ߣߊ߬ ߘߴߊ߲ ߠߊߕߏ߫ ߞߐ߫، ߞߊ߬ߦߌ߯ ߛߌ߬ߟߡߊ߬ߦߊ߬ ߘߌ߯ߣߊ ߣߊ߬ ߘߊ߫߸ ߊ߲ ߡߊ߬ߞߏߛߊ߬ ߘߊ߫߸ ߊ߲ ߕߊ ߕߌߢߍ߫ ߘߊ߫، ߊ߬ ߓߍ߯ ߥߎߦߊ߫." ߖߐ߲߬ߡߊߛߌߣߌ߲ߟߐ߲߫ ߓߕߐ ߡߞߊ߫߸ ߊ߬ ߛߙߊ߬ߣߎ߲߬ ߞߊ߲ ߠߵߏ߬ ߘߌ߫.
ߘߌ߯ߣߊ߂߀߂߆ ߤߖߌ ߞߕߎ߬ߓߊ ߝߊ߲߬ߓߊ ߘߟߊߡߌ߬ߣߊ߬ ߘߊ߫ ߞߊ߲߫ ߃߅ ߟߋ߬ ߘߐ߫߸ ߖߐ߲߰ߛߊ߫ ߤߖߌߟߊ ߡߐ߱ ߞߋ߲߬ߥߟߎ ߡߍ߲ ߠߎ߬ ߕߊ߯ߣߍ߲߫ ߡߊ߬ߓߊߕߏ ߟߊ߫ ߞߊ߬ ߓߐ߫ ߘߎߢߊ߫ ߝߊ߲߬ ߕߊ߲ ߣߌ߫ ߣߊ߯ߣߌ߲ ߘߐ߫߸ ߏ߬ ߟߎ߬ ߘߌ߫ ߛߋ߫ ߛߌ߬ߟߡߊ߬ߦߊ ߦߙߐ߫ ߓߛߍ ߢߌ߲߬ ߠߎ߬ ߞߎߡߊ ߟߎ߬ ߢߊߦߋ߫ ߟߊ߫، ߏ߬ ߡߙߌߦߊ ߕߊ߬ߣߍ߲߫ ߡߌ߬ߛߙߌ߬ ߟߊ߬ߕߏߣߍ߲ ߣߌ߫ ߞߋߟߊ ߟߊ߫ ߕߌ߲ߓߌߘߌ߲ߘߊ ߘߌ߯ߣߊ߫ ߞߏߢߊ ߟߎ߬ ߞߊ߲ߕߌ߮ ߟߋ߬ ߓߟߏ߫.
ߘߌ߯ߣߊߡߏߙߌ߬ ߖߐ߲߬ߡߊ߬ߛߌߣߌ߲ߟߐ߲߫ ߞߡߊ߬ߙߊ߬ ߦߋ߫ ߡߊ߬ߓߊߕߏ ߟߊ߫ ߡߞߊ߫ ߕߋ߲߬߸ ߊ߬ ߓߘߴߊ߬ ߡߙߌߦߊ ߘߏ߫ ߟߊߖߍ߲ߛߍ߲߫ ߞߊ߬ ߓߍ߲߬ ߡߊ߬ߘߌ߬ߣߊ߫ ߓߌ߬ߘߌ߲ ߠߎ߬ ߟߌ߬ߤߟߊ ߡߊ߬، ߘߋ߬ߙߌ߬ߣߊ߲߬ ߞߎߡߊ ߡߍ߲ ߦߋ߫ ߡߐ߱ ߟߎ߬ ߕߟߏߞߘߐ߫ ߓߌ߬ߘߌ߲߬ ߞߏ ߣߌ߲߬ ߘߐ߫߸ ߊ߬ߟߋ ߓߘߊ߫ ߘߏ߫ ߜߘߍ߫ ߝߐ߫߸ ߡߍߍ߲ ߣߴߏ߬ ߟߎ߬ ߕߍ߫ ߞߋߟߋ߲߫ ߘߌ߫.
ߞߍߞߎߘߊߞߐߘߐ߲߫ ߝߌ߬ߟߊ ߕߌ߲ߓߌߘߌ߲ߘߊ ߓߘߊ߫ ߓߌ߬ߟߊ߫ ߛߌ߬ߟߊ߬ߡߊ ߟߎ߫ ߛߊ߬ߥߏ߬ ߘߐ߫ ߛߎ ߣߌ߫ ߕߋ߬ߟߋ ߡߊ߬ ߡߎ߬ߕߎ߲߬߸ ߡߙߌߦߊ ߏ߬ ߝߘߊߣߍ߲߫ ߡߊ߲߬ߛߊ߫ ߛߊ߬ߟߑߡߊߣ ߠߋ߬ ߟߊ߫߸ ߖߐ߲߰ߛߊ߫ ߛߌ߬ߟߊ߬ߡߊ ߟߎ߬ ߘߴߊ߬ߟߎ߬ ߟߊ߫ ߓߊ߬ߕߏ ߞߍ߫ ߊ߬ߟߎ߬ ߘߌߦߊ߫ ߘߐ߫ ߥߊ߯ߕߌ ߓߍ߯ ߟߊߘߍ߬ߣߍ߲ ߠߊ߫. ߖߌ߬ߦߊ߬ߓߍ ߛߐ߲߬ߞߌ߲߫ ߞߵߊ߬ ߞߎߡߊ ߕߐ߭ ߞߊ߬ߙߊ߲߬
ߞߍߞߎߘߊߛߊ߬ߥߎ߬ߘߌߦߊ ߓߘߊ߫ ߞߊ߲ߞߋߦߊ ߘߏ߫ ߟߎ߫ ߟߊߘߊ߲߫ ߎߡߎߙߊ ߞߍߟߌ ߟߊߣߐ߰ߦߊ߬ ߞߊ߲ߡߊ߬ ߡߞߊ߫ ߕߊ߯ߟߊ ߟߎ߬ ߦߋ߫ ߡߎ߬ߕߎ߲߬، ߊ߬ߟߎ߬ ߓߘߊ߫ ߢߍߥߟߊ ߘߏ߫ ߟߊߘߊ߲߫߸ ߓߍ߯ ߘߌ߫ ߛߋ߫ ߡߊߛߐ߬ߘߐ߲߬ ߠߊ߫ ߣߐ߰ߦߊ߬ ߘߐ߫߸ ߞߵߌ ߟߊ߫ ߕߊ߯ߟߌ ߕߎ߬ߡߊ߬ߘߊ ߛߎߥߊ߲ߘߴߌ ߖߘߍ߬ ߦߋ߫، ߝߣߊ߫߸ ߘߌ߬ߢߍ߬ߡߊ߬ߛߓߍ ߛߎ߯ߦߊ߫ ߛߌ߫ ߞߍ߫ ߘߴߌ ߓߟߏ߫߸ ߌ ߘߌ߫ ߛߋ߫ ߥߊ߫ ߟߊ߫، ߊ߬ߟߎ߬ ߦߴߊ߬ ߝߍ߬ ߟߋ߬ ߖߍ߬ߘߍ߸ ߦߊ߬ߣߌ߫ ߂߀߂߃߸ ߞߊ߬ ߛߋ߫ ߤߖߌ ߝߣߊ߫ ߞߏߢߊ ߟߎ߬ ߟߊߣߐ߰ߦߊ߬ ߟߊ߫ ߢߊ ߓߍ߯ ߡߊ߬.
