ߞߎ߲߬ߠߊ߬ߛߌ߮ ߓߍ߯
ߛߊ߲߬ߞߟߊ߬ߕߋߖߌ߬ߣߍ߫ ߓߘߍ߬ߓߘߍ߬ߟߌ ߡߐ߰ ߕߐ߯ߟߡߊ ߣߴߊ߬ ߥߊߟߌߘߊ ߟߎ߬ ߗߋߝߊ߫ ߞߎ߲ߕߌ߯ ߞߘߐ߸ ߡߊ߬ߡߊߘߎ߬ ߛߌ߬ߟߊ ߛߊ߬ ߘߊ߫ ߂߀߂߆ ߞߏ߲ߞߏߘߓߌ ߕߟߋ߬ ߁߆ ߣߌ߲߬ ߡߊ߬ ߞߐߣߊߞߙߌ߫߸ ߞߵߊ߬ ߛߐ߬ߘߐ߲߬ ߊ߬ ߓߘߴߊ߬ ߕߐ߮ ߕߏ߫ ߖߡߊ߬ߣߊ ߞߏߓߊ߫ ߛߌߦߊߡߊ߲߫ ߘߐ߫.
ߕߍߓߊ߯ߦߊߖߌ߬ߣߍ߬ ߞߊ߲ߕߌ߯ ߞߘߐ ߊߟߌߝߊ߫ ߞߐ߲ߘߍ߫ ߕߘߍ߬ ߊ߲ߜ߭ߏߟߊ߫ ߓߌ߬߸ ߊ߬ ߞߊ߬ ߛߌ߲߬ߓߏ߲߬ߧߊ ߞߎ߲߬ߠߊ߬ߦߋ߬ߙߋ߲߬ ߞߐ߲ߘߐ߲ ߛߐ߬ߘߐ߲߫ ߦߋ߲߬ ߡߍ߲ ߘߐ߫߸ ߞߊ߬ ߝߘߊ߫ ߖ߭ߎߥߊߎ߲ ߟߏߙߊ߲ߛߛߏ߫ ߟߊ߫߸ ߏ߬ ߡߍ߲ ߦߋ߫ ߦߋ߲߬ ߞߊ߲ߕߌ߮ ߘߌ߫߸ ߊ߬ߟߎ߬ ߟߊ߫ ߖߘߍ߬ߕߌ߰ߦߊ ߛߐ߬ߘߐ߲ ߛߊ߲߬ ߅߀߲ ߢߊ߰ߢߊ߮ ߝߍ߬.
ߓߘߍ߬ߓߘߍ߬ߟߌߊߟߌߝߊ߫ ߞߐ߲ߘߍ߫ ߓߘߊ߫ ߣߊ߲߬ߕߌ߰ ߝߊ߲ߞߊ ߢߌ߲߬ ߠߎ߬ ߡߊߝߌ߲߬߸ ߞߏ߫ ߊ߬ߟߎ߬ ߓߘߊ߫ ߖߌ߬ߣߍ߬ߞߊ ߟߎ߫ ߓߌ߬ߟߊ߫ ߞߣߐ߬ߜߊ ߘߐ߫߸ ߞߊ߬ ߝߊ߲߬ߞߊ ߘߌ߫ ߘߎ߰ߡߟߊ߬ߡߌߘߊ ߡߊ߬߸ ߊ߬ ߣߌ߫ ߡߐ߰ ߟߊ߬ߕߎߣߎ߲، ߊ߬ ߞߊ߲߫ ߞߏ߫ ߣߌ߫ ߓߍ߯ ߛߋ߫ ߘߊ߫ ߝߙߊ߬ ߟߊ߫ ߢߐ߲߮ ߞߊ߲߬߸ ߓߍ߯ߦߊ ߘߌ߫ ߛߋ߫ ߟߊߛߊ߬ߦߌ߲߬ ߠߊ߫ ߖߌ߬ߣߍ߬ ߞߣߐ߫ ߝߋߎ߫.
ߓߘߍ߬ߓߘߍ߬ߟߌߖߌ߬ߣߍ߬ ߟߊ߫ ߖߘߍ߬ߕߌ߰ߦߊ ߛߊ߲߬ ߆߇ ߢߊ߰ߢߊ߮ ߛߋ߲߭ߝߍ߬߸ ߊߟߌߝߊ߫ ߞߐ߲ߘߍ߫ ߞߵߊ߬ ߟߊ߫ ߣߡߌߛߊ ߘߏ߫ ߟߎ߫ ߦߌ߬ߘߊ߬߸ ߞߊ߬ ߛߐ߲߬ ߊ߬ ߟߊ߫ ߝߍ߬ ߞߍߣߍ߲ ߘߏ߫ ߟߎ߫ ߡߊ߬߸ ߞߊ߬ ߓߊ߲߫ ߞߊ߬ ߦߊ߬ߝߊ ߕߙߊ߫ ߡߐ߰ ߟߎ߫ ߝߍ߬߸ ߡߍ߲ ߠߎ߬ ߞߊ߬ ߕߙߐߦߊ ߛߐ߬ߘߐ߲߫ ߊ߬ ߕߋ߬ߟߋ ߘߐ߫.
ߓߘߍ߬ߓߘߍ߬ߟߌߞߊ߲ߞߊ߲߫ ߞߣߐ߫߸ ߕߊߟߓߌ ߘߊߓߏ߫ ߘߊ߫ ߖ.ߡ.ߟ ߞߙߎߞߊ ߛߍ߬ߘߏ߲߬ߠߊ߫ ߡߐ߰ ߡߎ߬ߥߊ߲߬ ߣߌ߫ ߞߐ߫ ߥߊߟߢߌߡߊߟߐ߲߫ ߞߌ߲߬ߘߊ߫ ߛߓߊ߬ ߞߣߐ߫، ߥߊߟߢߌߡߊߟߐ߲߫ ߛߙߋߓߍ߸ ߞߎߡߊߓߘߊ߸ ߛߓߍߝߙߏߞߏ߸ ߞߵߏ߬ ߞߍ߫ ߊ߬ߟߎ߬ ߟߊ߫ ߛߍ߰ ߞߍߣߍ߲ ߠߎ߬ ߟߐ߲ ߘߴߊ߬ߟߎ߬ ߦߋ߫، ߡߏ߬ߛߏ ߘߏ߫ ߟߎ߫ ߞߵߊ߬ ߦߌ߬ߘߊ߬ ߞߏ߫ ߣߴߊߟߌߝߊ߫ ߞߐ߲ߘߍ߫ ߡߊ߫ ߣߊ߬߸ ߕߊߟߓߌ ߘߊߓߏ߫ ߦߴߊ߬ ߞߊߘߊ߲߫ ߞߊ߬ ߞߙߎߞߊ ߢߍߓߊ߯ߦߊ ߕߊ߬.
