ߞߎ߲߬ߠߊ߬ߛߌ߮ ߓߍ߯
ߞߍߞߎߘߊߡߙߊ߬ߒ߬ߡߊ߬ߝߋ߲߬ߕߌ߮ ߡߍ߲ ߠߎ߬ ߞߊ߬ ߡߙߊ߬ߒ߬ߡߊ߬ߟߌ߬ ߓߟߋߓߟߋ ߞߍ߫ ߡߊ߬ߟߌ ߞߐ߰ߘߎ߮ ߘߐ߫߸ ߊ߬ߟߎ߬ ߟߊ߫ ߝߊ߰ߡߊ ߟߎ߬ ߓߘߴߊ߬ ߟߊߛߋ߫ ߞߏ߫ ߣߊ߲߬ߕߌ߰ ߞߎ߲ߕߌ߮ ߘߏ߫ ߟߎ߫ ߣߌ߫ ߞߍߒߞߊ߲ߠߌ߲ߠߊ ߏ߬ ߟߎ߬ ߓߊ߯ߙߊ߫ ߘߊ߫، ߏ߬ ߓߘߊ߫ ߞߍ߫ ߕߙߎ߬ ߘߌ߫ ߞߊ߬ ߣߊ߬ ߢߊߓߏ߫ ߞߎߘߊ߫ ߘߌ߫ ߡߊ߬ߟߌ ߣߊ߲߬ߕߌ߰ ߝߊ߲ߞߊ ߢߊ ߟߊ߫.
ߞߍߞߎߘߊߡߊ߬ߟߌ ߘߐ߬ߕߊߡߌ߲ ߞߊ߲ߕߌ߮ ߞߟߍ߬ߕߌ߰ ߊߛߡߌ߫ ߜ߭ߏ߬ߦߌ߬ߕߊ߬ ߞߎߡߊ߫ ߘߊ߫ ߖߡߊ߬ߣߊ߬ߘߋ߲ ߠߎ߬ ߝߍ߬ ߞߏ߲ߞߏߘߓߌ ߕߋ߬ߟߋ߫ ߂߈ ߣߌ߲߬ ߡߊ߬߸ ߓߊ߰ߓߊ߰ߟߌ߬ߟߊ ߟߎ߬ ߟߊ߫ ߡߙߊ߬ߒ߬ߡߊ߬ߟߌ߬ ߛߌߦߊߡߊ߲ ߞߐ ߘߐ߫ ߖߡߊ߬ߣߊ ߝߊ߲߬ ߛߌߦߊߡߊ߲߫ ߠߎ߫ ߝߍ߬߸ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߟߊ߫ ߗߍ߬ߘߋ߲ ߠߎ߬ ߓߘߊ߫ ߛߋ߫ ߞߏ ߟߎ߬ ߡߊߣߐ߬ ߟߊ߫.
ߜߘߍ ߟߎ߬ߊߟߎ߫ ߦߋ߫ ߣߊ߲߬ߕߌ߰ߗߍ ߟߊ߫ ߞߟߋ߬ߦߊ߫ ߘߊ߲߬ߠߊߕߊ߬ߡߌ߲߬ߣߍ߲ ߞߐߝߟߌ ߞߊ߬ߙߊ߲߬ ߘߍ߫߸ ߡߍ߲ ߞߍ߫ ߊߘ߫ ߝߊ߬ߘߊ߫ ߘߎ߱ ߞߣߐ߫ ߓߙߎߞߌߣߊ߫ ߝߊ߬ߛߏ߫ ߖߡߊ߬ߣߊ ߞߣߐ߫، ߞߵߊ߬ ߖߋ߬ߕߌ߰ߡߛߏ߫ ߝߊ߰߸ ߏ߬ ߣߴߊ߬ ߟߊ߫ ߞߊ߲ߡߋߙߋ߲ ߡߍ߲ ߛߌ߰ߣߍ߲߫ ߕߘߍ߬߸ ߞߵߏ߬ ߝߣߊ߫ ߓߏ߲߫߸ ߞߊ߬ ߓߊ߲߫ ߞߵߊ߬ ߖߘߍ߬ ߓߏ߲߫.
ߕߍߓߊ߯ߦߊߖߋ߬ߟߌ߬ߓߊ߬ߟߊ߫ ߛߊ߲ߡߊߞߎߟߎ߲ ߘߏ߫ ߓߘߊ߫ ߖߌ߰ ߓߙߎߞߌߣߊ߫ ߖߡߊ߬ߣߊ ߞߣߐ߫ ߜߍ߬ߘߍ߲߬ ߓߟߏ ߡߊ߬߸ ߣߊ߲߬ߕߌ߰ ߁߁ ߡߍ߲ ߕߍ߬ߘߴߊ߬ ߞߣߐ߫߸ ߏ߬ ߓߘߊ߫ ߡߌ߬ߣߊ߬ ߓߙߎߞߌߣߞߊ ߟߎ߬ ߓߟߏ߫߸ ߞߵߊ߬ߟߋ߬ ߛߊ߲ߡߊߞߎߟߎ߲ ߖߍ߬ߘߍ ߝߣߊ߫ ߡߌ߬ߣߊ߬، ߊ߬ ߞߏ ߓߘߊ߫ ߞߍ߫ ߝߐߢߐ߲߯ߞߐ ߘߌ߫ ߖߡߊ߬߬ߣߊ߫ ߝߌ߬ߟߊ ߕߍ߫.
ߓߘߍ߬ߓߘߍ߬ߟߌߞߊ߲ߕߌ߯ ߕߊߟߐ߲߫ ߓߘߴߊ߬ ߟߊߛߋ߫ ߞߏ߫ ߊ߬ߟߎ߬ ߓߘߊ߫ ߣߊ߲߬ߕߌ߮ ߟߎ߬ ߟߊ߫ ߡߙߎߕߟߌ߫ ߞߏ ߘߐߛߊ߬߸ ߊ߬ ߣߴߊ߬ ߓߘߊ߫ ߓߋߣߍ߲ߞߊ ߟߎ߬ ߞߟߌ߫ ߡߊ߬ߝߊ ߡߊ߬߸ ߞߏ߫ ߓߍ߯ ߦߴߊ߬ ߟߊ߫ ߓߊ߯ߙߊ߫ ߘߊߡߌ߬ߣߊ߬ ߛߎ ߣߌ߲߬ ߘߐ߫ ߦߏ߫ ߊ߬ߟߎ߬ ߦߴߊ߬ ߞߍ߫ ߟߊ߫ ߢߊ ߡߍ߲ ߞߘߐ߬ߡߊ߲߬.
ߓߘߍ߬ߓߘߍ߬ߟߌߖߌ߬ߣߍ߫ ߓߌ߬ߛߊߥߏ߫ ߣߊ߲߬ߕߌ߮ ߟߎ߬ ߓߘߊ߫ ߞߟߍ߬ߕߌ߰ ߤߐߙߑߕߊ߬ ߒߕߊߡ ߟߊߛߌ߰ ߘߐ߬ߕߊߡߌ߲ ߞߎ߲߬ߠߊ߫ ߛߊ߲߬ ߞߋߟߋ߲߫ ߞߣߐ߫߸ ߞߵߊ߬ ߦߌ߬ߘߊ߬ ߞߏ߫ ߖߡߊ߬ߣߊ ߢߊߞߍߕߐ߫ ߕߍ߬ߘߍ߫ ߓߌ߲߬ߘߌ߬ߓߊ߲߬ߘߊ߬ ߝߙߋ߬ߟߊ ߟߎ߫ ߟߋ߬ ߓߟߏ߫.
ߓߘߍ߬ߓߘߍ߬ߟߌߞߊ߲ߕߌ߯ ߊ߲ߓߊߟߏ߫ ߓߘߊ߫ ߟߊߥߟߏ߫ ߞߊ߬ߝߏ߬ ߖߊߛߏ߲ ߠߊ߫߸ ߣߊ߲߬ߕߌ߰ ߞߙߎ ߘߏ߫ ߟߎ߫ ߓߘߊ߫ ߥߟߌ߬ ߞߏ߫ ߊ߬ߟߎ߬ ߓߘߊ߫ ߖߡߊ߬ߣߊ ߞߍ߫ ߊ߬ߟߎ߬ ߕߊ ߘߌ߫، ߞߏ߫ ߓߐߕߏ߲ ߠߎ߬ ߓߘߊ߫ ߘߊߕߎ߲߯.
ߓߘߍ߬ߓߘߍ߬ߟߌߞߊ߲ߕߌ߯ ߊ߲ߓߊߟߏ߫ ߓߘߊ߫ ߡߌ߬ߘߊ߬ ߞߎߣߎ߲ߟߏ߲ ߣߌ߲߬ ߡߊ߬ ߣߍߣߍߓߊ ߕߋ߬ߟߋ߫ ߂߆߸ ߊ߬ ߡߌ߬ߣߊ߬ߣߍ߲߫ ߣߊ߲߬ߕߌ߮ ߟߎ߫ ߟߋ߬ ߓߟߏ߫߸ ߞߊ߬ ߞߐ߲߰ ߢߣߊߕߊߟߌ ߞߐߝߟߌ ߟߊߥߊ߲߬ߞߊ߲ ߢߍ߫߸ ߏ߬ ߡߍ߲ ߟߐ߯ߟߊߣߍ߲߫ ߞߵߊ߬ ߕߏ߫ ߛߌߣߌ߲߫ ߓߌߟߏ߲ ߠߊ߫.
ߓߘߍ߬ߓߘߍ߬ߟߌߖߌ߬ߣߍ߫ ߛߏ߬ߙߌ߬ߡߊ߬ߘߋ߲ ߠߎ߬ ߟߊ߫ ߣߊ߲߬ߕߌ߰ ߘߊ߯ߘߐ ߞߎ߲߬ߕߌ߮ ߓߘߊ߫ ߞߟߍ߬ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߟߌ߫߸ ߞߏ߫ ߊ߬ ߦߴߊ߬ ߕߟߏߡߊߟߐ߬ ߖߡߊ߬ߣߊ߬ߘߋ߲ ߠߎ߬ ߟߊ߫ ߡߎ߬ߕߎ߲߬، ߊ߬ ߘߏ߲߬ ߞߟߌߟߌ ߡߍ߲ ߦߴߌߘߐ߫ ߕߋ߲߬߸ ߏ߬ ߟߋ ߞߟߍ߬ߕߌ߮ ߟߊ߫ ߡߊ߬ߡߌ߬ߘߊ߬ߟߌ߬ ߞߏ ߘߌ߫.
