ߞߎ߲߬ߠߊ߬ߛߌ߮ ߓߍ߯
ߕߍߓߊ߯ߦߊߞߊ߬ ߖߡߊ߬ߣߊ ߕߏ߫ ߟߊ߬ߞߊ߲߬ߘߊ߬ߟߌ ߞߣߐ߬ߜߊ ߘߝߊߣߍ߲ ߘߐ߫߸ ߖߋ߬ߟߌ߬ߓߊ߬ߟߊ߫ ߡߊ߬ߞߊ߲߬ߞߊ߲߬ߠߌ߲ ߞߏߕߌ߮ ߓߘߊ߫ ߓߙߐߕߐ߫، ߡߐ߰ ߛߌߦߊߡߊ߲߫ ߦߋ߫ ߢߌ߬ߣߌ߲߬ߞߊ߬ߟߌ ߞߍ߫ ߟߴߊ߬ ߖߍ߬ߘߍ߫ ߞߎ߲߬ ߡߍ߲ ߞߏߢߊ ߘߐ߫߸ ߞߵߏ߬ ߞߎ߲߭ ߞߍ߫ ߊ߬ ߘߐߞߣߍߓߊߟߌߦߊ ߘߌ߫.
ߟߊ߬ߞߊ߲߬ߘߊ߬ߟߌߕߋ߰ߙߋ ߟߎ߬ ߕߊ߯ ߘߊ߫ ߡߐ߰ ߅߆ ߟߋ߬ ߡߌ߬ߘߊ߬ ߓߊ߲ߜ߭ߊ߫ ߘߎ߰ߣߍ߲ ߞߣߐ߫߸ ߊ߬ߟߎ߫ ߞߵߊ߬ ߦߌ߬ߘߊ߬ ߞߏ߫ ߞߊ߬ ߞߋ߲߬ߥߟߎ߬ ߞߋߟߋ߲ߞߋߟߋ߲߫ ߛߙߊ߬ ߓߍ߯ ߞߎ߲߬ߞߊ ߘߌ߫، ߏ߬ ߟߋ ߥߊߘߌ ߟߊߘߍ߬ߣߍ߲߫߸ ߣߊߦߌߙߊ ߞߋ߲߬ߥߟߎ߬ ߅߀ ߢߐ߲߰ ߞߵߏ߬ ߘߌ߫ ߕߋ߰ߙߋ ߟߎ߫ ߡߊ߬߸ ߊ߬ߟߎ߫ ߞߊ߬ ߡߐ߰ ߃߈ ߝߊ߰ ߡߐ߰ ߅߆ ߏ߬ ߟߎ߬ ߘߐ߫߸ ߞߵߊ߬ߟߎ߬ ߓߟߏߓߐ߫ ߊ߬ ߕߐ߭ ߘߐ߫، ߏ߬ ߞߍߣߍ߲߫ ߖߊߡߑߝߙߊ߫ ߞߊ߬ߝߏ ߟߋ߬ ߞߣߐ߫، ߊ߬ߟߎ߫ ߘߏ߲߬ ߣߐ߬ ߡߍ߲ ߠߎ߬ ߓߌ߬ߟߊ߬ ߟߊ߫߸ ߏ߬ ߟߎ߬ ߜߊ߬ߛߌ߬ߣߍ߲߫ ߠߵߊ߬ߟߎ߬ ߓߟߏ߫ ߞߏߛߓߍ߫ ߞߵߊ߬ߟߎ߬ ߘߐߕߌ߲߬ߓߊ߲߬߸ ߞߵߊ߬ߟߎ߫ ߞߎ߲߬ߡߊߦߟߍ߬ߡߊ߲߬.
