ߞߎ߲߬ߠߊ߬ߛߌ߮ ߓߍ߯
ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ߊ߬ ߣߊ߬ߕߐ߫ ߞߊߙߏ߫ ߝߌ߬ߟߊ ߟߋ߬ ߡߊ߬ ߕߋ߲߬߸ ߞߊ߲ߞߊ߲߫ ߦߋ߫ ߖߌߥߎ߫ ߞߏߖߊ߫ ߓߊ߲ߓߊߟߌ ߕߍߡߊ߬߸ ߡߍ߲ ߓߘߊ߫ ߛߏ߫ ߞߣߐ߫ ߡߐ߮ ߟߎ߫ ߛߍ߰ ߞߐߝߌ߫߸ ߞߊ߬ ߓߊ߯ߙߊ ߓߍ߯ ߛߋ߲߬ߠߊߛߘߌ߬߸ ߞߊ߬ ߥߎ߬ߣߎ߲߬ߥߎ߬ߣߎ߲߬ ߞߎߡߊ ߝߣߊ߫ ߛߌߦߊߦߊ߫، ߌ ߓߊ߯ ߛߋ߫ ߖߌߥߎߘߊ ߟߎ߬ ߟߊ߫߸ ߖߊ߬ߡߊ ߦߋ߫ ߥߊ߫ ߟߊ߫ ߖߎ߬ߟߎߡߊ߬ ߞߘߊߥߎ߫߸ ߓߍ߯ ߞߏ߬ߣߌ߲ ߦߋ߫ ߞߊ߬ߛߌ߬ ߟߊ߫ ߡߍ߲ ߞߐ߫ ߕߋ߲߬߸ ߏ߬ ߟߋ ߞߎ߲߬ߠߊ߬ߛߌ߮ ߟߊ߫ ߞߎߡߊ ߘߌ߫.
ߕߋߟߋ߲ߓߊ߯ߦߊߓߏ߬ߙߌ߬ߝߋ߲߬ߕߌ߰ ߛߌߦߊߡߊ߲߫ ߠߋ߬ ߕߎ߬ߡߊ߬ߙߋ߲߬ ߦߙߌߞߊ߫ ߞߍ߫ ߟߊ߫ ߕߋ߬ߟߋ ߞߘߐ߫ ߕߋ߲߬߸ ߛߴߊ߬ߟߎ߬ ߘߌ߫ ߖߌߥߎ ߛߐ߬ߘߐ߲߬߸ ߓߊ߬ߙߵߊ߬ ߕߍ߫ ߓߍ߲߬ ߠߊ߫، ߢߣߊߕߐߡߐ߲ߠߌ߲ ߣߌ߫ ߘߏߣߍ߲߫ ߓߐ ߓߘߊ߫ ߓߌ߬ߟߴߊ߬ ߘߐ߫ ߖߌߥߎߘߊ߫ ߛߌߦߊߡߊ߲߫ ߠߊ߫، ߞߊߙߏ߫ ߞߋߟߋ߲ ߠߋ߬ ߕߋ߲߬߸ ߢߊ߫ ߛߐ߬ߘߐ߲߬ߣߍ߲߬ ߕߍ߫ ߖߌߥߎ߫ ߞߏ߫ ߜߟߍߦߊ ߣߌ߲߬ ߡߊ߬ ߝߊ߰ߡߊ ߟߎ߬ ߓߟߏ߫.
ߞߍߞߎߘߊߡߐ߰ ߣߊ߯ߣߌ߲߫ ߠߋ߬ ߝߊ߰ߣߍ߲߫ ߔߊߞߌߛߦߊ ߘߏ߫ ߘߐ߫ ߞߋߣߌߦߊ߫ ߞߣߐ߫ ߞߐ߬ߓߊ߬ߟߏ߲ ߣߌ߲߬ ߡߊ߬ ߞߊ߬ ߡߐ߰ ߃߀ ߖߐߞߌ߫߸ ߖߋ߬ߣߌ߲߬ߕߊ ߟߎ߫ ߛߐ߲߬ߞߐ߬ ߦߟߍ߬ ߞߏ ߘߐ߫، ߊ߬ߟߋ߬ ߔߊߞߌߛߦߊ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߝߘߏ߬ߓߊ߬ ߡߊ߬ߘߏ߬ߣߌ߲߬ߠߌ߲ ߓߍ߯ ߛߋ߲߬ߠߊߛߌ߬ߘߌ߫ ߟߋ߬ ߣߊߦߌߙߏߓߌ߫ ߞߣߐ߫.
ߘߍ߭ߊ߬ ߞߊߙߏ߫ ߞߋߟߋ߲ ߠߋ߬ ߕߋ߲߬߸ ߛߌ߯ߙߌ߲߫ ߛߏߞߣߐߟߊ ߦߋ߫ ߖߌߥߎ߫ ߞߏߖߊ߫ ߓߊ߲ߓߊߟߌ ߕߍߡߊ߬߸ ߡߍ߲ ߓߘߊ߫ ߟߊߓߊ߲߫ ߖߌߥߎ ߕߎߣߎ߲ ߡߊ߬ ߖߋߎ߲߫، ߛߊߟߌ ߟߋ߬ ߘߏ߲߬ ߓߘߊ߫ ߛߎ߬ߘߎ߲߬ߧߊ߫ ߕߋ߲߬߸ ߖߌߥߎ ߛߐ߲߬ߞߐ ߓߘߊ߫ ߦߟߍ߬߸ ߊ߬ ߓߘߊ߫ ߘߌ߯ ߘߊߞߎ߲ ߓߍ߯ ߘߏ߫ ߟߊ߫ ߕߋ߲߬.
ߓߘߍ߬ߓߘߍ߬ߟߌߎߜ߭ߊ߲ߘߊ߫ ߞߊ߲ߕߌ߮ ߦߏߥߋߙߌ ߡߎߛߝ߭ߋߣߌ߫ ߓߘߊ߫ ߣߊ߬ ߜߐ߬ߛߐ߲߬ߞߐ ߘߌ߫ ߖߌߥߎ ߛߐ߲߬ߞߐ߬ ߞߏ ߘߐ߫ ߓߏ߬ߙߌ߬ߝߋ߲߬ ߡߌ߬ߛߍ߲߬ߣߍ߲ ߠߎ߬ ߦߋ߫، ߊ߬ ߞߊ߲߫ ߞߏ߫ ߛߊ߲ߡߊߞߎߟߎ߲ (ߖߋ߬ߣߌ߲߬ߕߊ) ߞߋ߬ߙߏ߬ߖ߭ߍߣ ߛߐ߲߬ߞߐ ߖߌ߰ ߞߏ ߟߋ߬ ߤߊߡߌ߲ ߦߴߊ߬ߟߋ ߟߊ߫، ߓߊߏ߬߸ ߖߡߊ߬ߣߊ ߟߊ߫ ߛߐ߬ߘߐ߲ ߘߍ߲ߣߍ߲߫ ߏ߬ ߟߋ ߟߊ߫.
ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ߊ߬ ߕߋ߬ߟߋ߫ ߛߊ߬ߓߊ ߟߋ߬ ߕߋ߲߬߸ ߞߊ߲ߞߊ߲߫ ߖߌߥߎߘߊ ߘߏ߫ ߟߎ߫ ߓߍ߫߸ ߘߎ߰ߞߎߟߎ߲ ߠߎ߬ ߟߐ߬ߣߍ߲߫ ߖߎ߬ߟߎߡߊ߬ ߦߋ߲߬ ߠߎ߬ ߘߐ߫߸ ߊ߬ߟߎ߬ ߓߍ߯ ߦߋ߫ ߞߓߊߕߟߎ߫ ߞߏ ߘߐ߫، ߊ߲ ߞߏ߬ߣߌ߲ ߡߴߊ߬ ߟߐ߲߫ ߣߌ߫ ߞߓߊߕߟߎ߫ ߞߏߖߊ ߟߋ߬ ߘߏ߲߬ ߓߟߏ ߡߊ߬ ߓߊ߬، ߟߊ߬ߛߋ߬ߟߌ߫ ߞߏ߬ߣߌ߲߬ ߡߊ߫ ߞߍ߫ ߊ߬ ߞߏߢߊ ߞߊ߲߬ ߡߎߣߎ߲߬ ߝߊ߰ߡߊ ߟߎ߬ ߓߟߏ߫.
ߕߍߓߊ߯ߦߊߝߊ߯ߞߊ߲ߓߋ߲߫ ߈߀ ߢߐ߲߰ ߠߋ߬ ߓߐߣߍ߲߫ ߖߋ߬ߟߌ߬ߓߊ߬ߘߎ߯ ߞߵߊ߬ߟߎ߬ ߟߊߣߊ߬ ߡߊ߬ߟߌ ߟߊ߫߸ ߡߊ߬ߜߍ߲ ߣߌ߫ ߘߍ߬ߡߍ߲ ߘߌ߫ ߖߋ߬ߣߌ߲߬ߕߊ߬ ߞߏ ߟߊߣߐ߰ߦߊ߬ ߞߊ߲ߡߊ߬، ߞߎߘߍ߫ ߁ ߄߀߀ ߠߋ߬ ߓߏ߬ߙߌ߬ ߘߴߊ߬ߟߎ߬ ߓߟߏ߫߸ ߡߍ߲ ߠߎ߬ ߟߊߞߊ߲ߘߊߣߍ߲߫ ߕߍ߬ߘߍ߫ ߞߌ߬ߢߍ߬ߞߏ߲߬ߞߏ߬ ߖߡߊߣߊ ߟߎ߬ ߟߊ߫ ߢߌ߲߬ߘߍ ߣߊ߲߬ߕߌ߮ ߟߎ߬ ߓߟߏ߫.
