ߞߎ߲߬ߠߊ߬ߛߌ߮ ߓߍ߯
ߕߍߓߊ߯ߦߊߙߎ߬ߛߌ߫ ߞߊ߬ ߥߊ߬ߟߏ߲߬ߠߌ߲ ߘߏ߫ ߟߋ߬ ߞߍ߫ ߎ߳ߞߑߙߍߣߌ߲߬߸ ߊߟߌߖ߭ߋߙߌ߫ ߟߊ߬ߛߌ߰ߘߋ߲ ߡߍ߲ ߦߋ߫ ߦߋ߲߬߸ ߏ߬ ߕߊ߯ ߘߊ߫ ߓߐߒߡߊߟߌ ߟߊ߫ ߞߌߦߍߝ߭߸ ߡߊ߬ߤߌ߬ߣߊ߬ ߟߊ߬ߡߌߣߊ ߝߏ߬ߟߌ߬ ߓߛߌߞߌ߫ ߘߌ߫، ߒ߬ߓߊ߬߸ ߏ߬ ߟߋ ߓߘߴߊ߬ ߦߌ߬ߘߊ߬ ߞߏ߫ ߊߟߌߖ߭ߋߙߌ߫ ߣߌ߫ ߙߎ߬ߛߌ߬ ߟߊ߫ ߕߍߓߊ߯ߦߊ ߖߎ߬ߟߎ ߓߘߊ߫ ߘߐߦߏߙߏ߲߫߸ ߞߵߊ߬ ߛߐ߬ߘߐ߲߬ ߡߊ߬ߟߌ ߞߏߢߊ ߛߎߡߊ ߘߎ߲߬ߘߎ߬ߣߍ߲߫ ߊ߬ ߞߏ ߝߍ߬ ߞߎߚߎߕߎߕߎ߫.
ߞߍߞߎߘߊߡߙߊ߬ߒ߬ߡߊ߬ߝߋ߲߬ߕߌ߮ ߡߍ߲ ߠߎ߬ ߞߊ߬ ߡߙߊ߬ߒ߬ߡߊ߬ߟߌ߬ ߓߟߋߓߟߋ ߞߍ߫ ߡߊ߬ߟߌ ߞߐ߰ߘߎ߮ ߘߐ߫߸ ߊ߬ߟߎ߬ ߟߊ߫ ߝߊ߰ߡߊ ߟߎ߬ ߓߘߴߊ߬ ߟߊߛߋ߫ ߞߏ߫ ߣߊ߲߬ߕߌ߰ ߞߎ߲ߕߌ߮ ߘߏ߫ ߟߎ߫ ߣߌ߫ ߞߍߒߞߊ߲ߠߌ߲ߠߊ ߏ߬ ߟߎ߬ ߓߊ߯ߙߊ߫ ߘߊ߫، ߏ߬ ߓߘߊ߫ ߞߍ߫ ߕߙߎ߬ ߘߌ߫ ߞߊ߬ ߣߊ߬ ߢߊߓߏ߫ ߞߎߘߊ߫ ߘߌ߫ ߡߊ߬ߟߌ ߣߊ߲߬ߕߌ߰ ߝߊ߲ߞߊ ߢߊ ߟߊ߫.
ߟߊ߬ߞߊ߲߬ߘߊ߬ߟߌߡߊ߬ߟߌ ߣߊ߲߬ߕߌ߰ ߝߊ߲ߞߊ ߓߘߴߊ߬ ߟߊߛߋ߫ ߞߏ߫ ߊ߬ߟߎ߬ ߓߘߊ߫ ߞߍߒߞߊ߲ߠߌ߲ߠߊ ߟߎ߬ ߡߊߕߊ߯߸ ߡߍ߲ ߛߌ߰ ߘߊ߫ ߛߋ߲߬ߠߊ߫ ߞߍ߲ߘߍߟߏ߲ ߣߌ߲߬ ߛߐ߱ߡߊ߬ ߡߙߊ߬ߒ߬ߡߊ߬ߝߋ߲߬ߕߌ߰ ߞߙߎ ߘߏ߫ ߟߎ߫ ߓߟߏ߫، ߞߏ߫ ߊ߬ߟߎ߬ ߝߣߊ߫ ߣߐ߬ ߓߍߘߍ߲ߞߍߟߌ߫ ߦߙߍߞߍߟߌ ߟߋ߬ ߛߌ߰ ߟߴߊ߬ߟߎ߬ ߞߊ߲ߡߊ߬߸ ߞߵߊ߬ߟߎ߫ ߞߘߎ߬ߞߘߎ߬، ߣߊ߲߬ߕߌ߰ ߘߊ߯ߘߐ ߟߊ߫ ߝߐߟߌ߫ ߘߐ߫߸ ߊ߬ߟߎ߫ ߞߊ߬ ߞߍߒߞߊ߲ߠߌ߲ߠߊ߫ ߛߌߦߊߡߊ߲߫ ߠߋ߬ ߝߊ߰߸ ߞߏ ߟߎ߬ ߓߘߊ߫ ߛߌ߰ ߊ߬ߟߎ߬ ߕߊ߫ ߓߟߏ߫ ߞߊ߲߬ ߕߋ߲߬ ߝߛߊߦߌ߫.
ߡߊ߲߬ߕߏ߲߬ߕߍ߬ߟߊ߬ߞߊߛߎߘߊ߲߫ ߞߎ߲߬ߠߊ߬ߛߌ߮ ߓߘߊ߫ ߘߎߢߊ߫ ߘߊߥߎ߲ߠߌ߲ߞߏ ߢߍߥߟߊ ߞߏߟߊߕߍ߯ߓߊ߫ ߝߌ߬ߟߊ߬ ߜߍ߲߫ ߞߏ ߝߐ߫ ߊ߬ߟߎ߬ ߟߊ߫ ߖߡߊ߬ߣߊ ߞߣߐ߫߸ ߞߵߊ߬ ߛߐ߬ߘߐ߬ ߛߎߘߊ߲߫ ߦߋ߫ ߖߐ߬ߘߐ ߕߍߡߊ߬ ߝߐߢߐ߲߯ߞߏ ߞߏߛߐ߲߬߸ ߡߐ߰ߦߊ ߦߋ߫ ߞߌ߬ߣߌ߲߬ߞߌߣߌ߲ ߣߌ߫ ߡߊ߬ߢߌ߬ߡߊ߬ߞߏ ߕߍߡߊ߬ ߕߌ߲߬ߞߎߘߎ߲ ߘߏ߫ ߟߎ߫ ߞߣߐ߫ ߦߋ߲߬ ߕߋ߲߬ ߞߏߛߓߍ߫، ߊ߬ߟߎ߫ ߞߏ߬ߣߌ߲ ߞߵߊ߬ ߦߌ߬ߘߊ߬߸ ߞߏ߫ ߊ߬ߟߎ߫ ߣߐ߬ ߡߐ߰ ߝߌ߬ߟߊ ߏ߬ ߟߎ߫ ߟߋ߬ ߜߍ߲߫ ߠߊ߫߸ ߓߊ߬ߙߌ߬ ߓߊ߯ߙߊߢߐ߲߯ߦߊ ߡߍ߲ ߦߴߊ߬ߟߎ߬ ߣߌ߫ ߡߊ߲߬ߕߏ߲߬ ߠߊߘߍ߬ߣߍ߲ ߕߍ߫߸ ߏ߬ ߡߊ߫ ߕߌߢߍ߫ ߘߋ߬، ߊߟߎ߫ ߦߋ߫ ߖߌ߬ߦߊ߬ߓߍ ߛߐ߲߬ߞߌ߲߫ ߞߵߊ߬ ߕߐ߭ ߞߊ߬ߙߊ߲߬ ߖߏߣߊ߫.
ߟߊ߬ߞߊ߲߬ߘߊ߬ߟߌ ߣߌ߫ ߝߐߢߐ߲߯ߞߐ ߟߎ߬ߡߊ߬ߟߌ ߣߊ߲߬ߕߌ߮ ߘߏ߫ ߓߘߊ߫ ߡߙߎߕߌ߫ ߞߵߊ߬ ߓߏ߬ߙߌ߫ ߞߊ߬ ߓߐ߫ ߖߡߊ߬ߣߊ ߣߊ߲߬ߕߌ߮ ߟߎ߫ ߞߊ߲߬߸ ߞߊ߬ ߥߊ߫ ߝߙߊ߬ ߊߖ߭ߥߊߘ ߞߟߍ߬ߞߍ߬ߟߊ ߟߎ߬ ߟߊ߫ ߞߙߎ ߞߊ߲߬، ߊ߬ ߥߊߕߐߟߊ ߥߊ߫ ߘߊ߫ ߜߋ߬ߕߋߜߋ߭ ߘߏ߫ ߘߴߊ߬ ߓߟߏ߫߸ ߡߍ߲ ߣߌ߫ ߞߌ߬ߛߍ߬ߝߙߎ߬ߟߊ߲ ߦߋ߫ ߝߛߊߦߌ߫.
