ߞߎ߲߬ߠߊ߬ߛߌ߮ ߓߍ߯
ߕߋߟߋ߲ߓߊ߯ߦߊߘߊ߯ߟߋ߲ ߞߟߍ߬ߕߌ߮ ߛ߭ߍߞ ߛߎߟߋߡߊߣ ߡߛߊߞߎߥߊ߫ ߦߋ߫ ߞߐߣߊߞߙߌ߫ ߕߋ߲߬߸ ߊ߬ ߣߌ߫ ߜߋ߬ߟߎ߲߬ߠߌ߲߬ ߗߋߦߊߟߌ ߟߋ߬ ߣߊ߬ߣߍ߲߫߸ ߞߊ߬ ߖߌ߬ߣߍ߫ ߞߟߍ߬ߞߙߎ ߟߊ߫ ߓߟߏߘߐߓߍ߲ ߞߛߊߞߊ ߡߊߝߟߍ߫߸ ߞߵߊ߬ߟߎ߬ ߛߋߞߏߦߊ ߝߣߊ߫ ߡߊߝߟߍ߫߸ ߣߴߊ߬ߟߎ߬ ߘߌ߫ ߛߋ߫ ߛߐ߬ߘߐ߲߬ ߠߊ߫ ߛߘߋߦߊߥߏ ߣߊ߲߬ߕߌ߮ ߟߎ߬ ߟߊ߫ ߦߙߍߞߍߟߌ ߘߐ߫.
ߟߊ߬ߞߊ߲߬ߘߊ߬ߟߌߛߌ߬ߣߌ߲߬ߟߏ߲ ߂߀߂߆ ߘߓߊ߬ߕߊ ߕߟߋ߬ ߁߭߸ ߣߊ߲߬ߕߌ߰ ߖߐ߯ߙߊ߲ ߘߏ߫ ߟߎ߫ ߟߋ߬ ߟߊߕߊ߬ߡߌ߲߬ ߘߊ߫ ߖߌ߬ߣߍ߫ ߛߏ߬ߙߌ߬ߡߊ߬ߘߋ߲߬ ߝߊ߲ߞߊ ߡߊ߬߸ ߏ߬ ߡߍ߲ ߖߊ߲߬ߖߏ߲ ߞߎ߲߬ߠߊߛߌ߰ ߘߊ߫ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߓߟߏ߫ ߞߐߣߊߞߙߌ߫، ߏ߬ ߟߎ߬ ߦߋ߫ ߞߟߍ߬ߡߎߙߊ߲ ߘߏ߫ ߟߎ߫ ߟߋ߬ ߘߌ߫߸ ߡߍ߲ ߛߐ߬ߘߐ߲߬ߣߍ߲߫ ߖߌ߬ߣߍ߬ ߣߋ߫ ߙߎ߬ߛߌ߬ ߟߊ߫ ߓߊ߯ߙߊߢߐ߲߯ߦߊ ߞߣߐߡߊ߬߸ ߞߵߊ߬ ߟߊߥߌ߬ߟߌ߫ ߛߏ߬ߙߌ߬ߡߊ߬ߘߋ߲߬ ߝߊ߲ߞߊ ߛߋߞߏߦߊ ߡߊߞߊ߬ߝߏ ߡߊ߬.
ߕߍߓߊ߯ߦߊߡߊ߬ߟߌ ߘߐ߬ߕߊߡߌ߲ ߞߊ߲ߕߌ߮߸ ߞߟߍ߬ߕߌ߰ ߊߛߡߌ߫ ߜ߭ߏ߬ߦߌ߬ߕߊ߬ ߓߘߊ߫ ߦߋ߫ ߓߡߊ߬ߞߐ߬ ߞߣߐ߫ ߞߐ߬ߟߏ߲ ߣߌ߲߬ ߡߊ߬߸ ߊ߬ ߣߌ߫ ߙߎ߬ߛߌ߫ ߟߊ߬ߛߌ߰ߘߋ߲ ߠߊ߫ ߞߎߡߊߢߐ߲߯ߦߊ ߘߏ߫ ߛߋ߲߭ߝߍ߬، ߊߛߡߌ߫ ߖߌ߬ߦߊ߬ߓߍ ߦߋ ߣߌ߲߬ ߢߊ߸ ߏ߬ ߛߋ߲߬ߢߊ߬ ߝߟߐߝߟߐ ߟߋ߬ ߕߋ߲߬ ߞߊ߬ߦߌ߯ ߞߏ߲ߞߏߘߓߌ ߂߅ ߡߙߊ߬ߒ߬ߡߊ߬ߟߌ ߞߍ߫ ߘߊ߫، ߏ߬ ߡߍ߲ ߥߎ߬ߣߎ߲߬ߥߎ߬ߣߎ߲߬ ߞߎߡߊ ߕߎ߲߬ ߓߘߊ߫ ߘߙߎ߬߸ ߞߏ߫ ߊ߬ ߓߘߴߊ߬ ߢߡߊߘߏ߲߰.
ߓߘߍ߬ߓߘߍ߬ߟߌߖߌ߬ߣߍ߬ ߦߴߊ߬ ߝߍ߬ ߞߵߊ߬ ߣߌ߫ ߛߌ߯ߣߌ߲ ߠߊ߫ ߞߊ߬ߣߌ߲ ߞߘߐߛߊ߫ ߓߘߍߞߍ߭߸ ߞߊ߲߫ ߞߏ ߡߊ߬ߘߎ߮ ߘߐ߫، ߏ߬ ߟߋ ߘߐ߫߸ ߡߊ߲ߘߊߙߍ߲ ߕߌߙߌ߲ߘߊ ߘߏ߫ ߓߘߊ߫ ߟߊߞߊ߬ ߞߐߣߊߞߙߌ߫߸ ߡߍ߲ ߠߎ߬ ߣߐ߬ ߟߊ߬ߞߐ߰ߟߌ ߛߌ߰ ߟߊ߫ ߛߋ߲߬ߠߊ߫ ߣߊ߲߬ߕߌ߮ ߟߎ߫ ߞߎ߲߬.
ߟߊ߬ߞߊ߲߬ߘߊ߬ߟߌߡߊ߬ߟߌ ߣߌ߫ ߖߋ߬ߟߌ߬ߓߊ߬ߟߊ߫ ߓߘߴߊ߬ߟߎ߬ ߟߊ߫ ߕߍߓߊ߯ߦߊ ߖߎ߬ߟߎ ߘߐߞߙߊ߫ ߣߊ߲߬ߕߌ߰ߦߊ ߓߊ߯ߙߊߢߐ߲߯ߦߊ ߞߊߡߊ߲ ߞߣߐ߫߸ ߓߊߡߍߞߛ ߂߀߂߅ ߜߙߊ߬ߓߊ ߝߍ߬߸ ߛߴߊ߬ߟߎ߬ ߘߌ߫ ߛߋ߫ ߘߍ߬ ߟߊ߫ ߞߊ߬ ߟߊߞߊ߲ߘߊ ߖߐ߬ߘߐ ߟߎ߬ ߜߍ߲߫ ߞߌ߬ߢߍ߬ߞߏ߲ߞߏ߫ ߞߊ߲߬.
