ߞߎ߲߬ߠߊ߬ߛߌ߮ ߓߍ߯
ߕߋߟߋ߲ߓߊ߯ߦߊߘߊ߯ߟߋ߲ ߞߟߍ߬ߕߌ߮ ߛ߭ߍߞ ߛߎߟߋߡߊߣ ߡߛߊߞߎߥߊ߫ ߦߋ߫ ߞߐߣߊߞߙߌ߫ ߕߋ߲߬߸ ߊ߬ ߣߌ߫ ߜߋ߬ߟߎ߲߬ߠߌ߲߬ ߗߋߦߊߟߌ ߟߋ߬ ߣߊ߬ߣߍ߲߫߸ ߞߊ߬ ߖߌ߬ߣߍ߫ ߞߟߍ߬ߞߙߎ ߟߊ߫ ߓߟߏߘߐߓߍ߲ ߞߛߊߞߊ ߡߊߝߟߍ߫߸ ߞߵߊ߬ߟߎ߬ ߛߋߞߏߦߊ ߝߣߊ߫ ߡߊߝߟߍ߫߸ ߣߴߊ߬ߟߎ߬ ߘߌ߫ ߛߋ߫ ߛߐ߬ߘߐ߲߬ ߠߊ߫ ߛߘߋߦߊߥߏ ߣߊ߲߬ߕߌ߮ ߟߎ߬ ߟߊ߫ ߦߙߍߞߍߟߌ ߘߐ߫.
ߟߊ߬ߞߊ߲߬ߘߊ߬ߟߌߥߊ߬ߛߌ߬ߥߙߊ ߕߟߋ߬ ߁߈ ߢߌ߲߬ ߡߊ߬߸ ߓߊ߰ߓߊ߰ߟߌ߬ߟߊ ߟߎ߫ ߞߊ߬ ߡߙߊ߬ߒ߬ߡߊ߬ߟߌ ߟߋ߬ ߞߍ߫ ߖߋ߬ߟߌ߬ߓߊ߬ߘߎ߯ ߛߊ߲ߡߊߘߊ߲ ߖߏߙߌ ߤߡߊߣߌ߫ ߞߣߐ߫ ߢߊߡߍ߫߸ ߖߡߊ߬ߣߊ ߣߊ߲߬ߕߌ߮ ߟߎ߬ ߛߋ߫ ߘߊ߫ ߣߐ߭ߛߐ߬ߘߐ߲߬ ߠߊ߫߸ ߛߛߞߞ ߞߊ߲߫ ߞߏ߫ ߊ߬ߟߎ߫ ߣߐ߭ ߟߋ߬. ߞߎ߲߬ߠߊ߬ߛߌ߮ ߟߊ߫ ߖߊ߬ߕߋ߬ ߝߐߣߍ߲ ߠߎ߬ ߘߐ߫߸ ߡߐ߰ ߁߃ ߟߋ߬ ߝߊ߰ ߘߴߊ߬ߟߎ߬ ߟߊ߫ ߡߐ߱ ߟߎ߬ ߘߐ߫߸ ߖߡߊ߬ߣߊ ߣߊ߲߬ߕߌ߰ ߁߁߸ ߊ߬ ߣߌ߫ ߣߊ߲߬ߒ߬ߕߊ߲߫ ߡߐ߰ ߝߌ߬ߟߊ߬، ߊ߬ߟߎ߬ ߛߋ߫ ߘߊ߫ ߞߍߒߞߊ߲ߓߊ߯ ߡߐ߰ ߂߂ ߝߊ߰ ߟߊ߫، ߞߎ߲߬ߠߊ߬ߛߌ߮ ߣߐ߬ ߝߊ߬ߙߊ߲߬ߛߌ߫ ߟߋ߬ ߡߊߝߌ߲߬ ߠߊ߫ ߌߞߘߐ߸ ߞߏ߫ ߊ߬ߟߋ ߟߋ߬ ߦߙߍߞߍߟߌ ߣߌ߲߬ ߞߐߝߍ߬ ߛߎߋ߫.
ߟߊ߬ߞߊ߲߬ߘߊ߬ߟߌߡߊ߬ߟߌ ߣߊ߲߬ߕߌ߰ ߝߊ߲ߞߊ ߞߊ߬ ߛߊ߲ߡߊ߫ ߦߙߍߞߍߟߌ ߡߍ߲ ߛߌ߰ ߛߋ߲߬ߠߊ߫ ߞߐ߬ߓߊ߬ߟߏ߲ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߅ ߡߊ߬߸ ߊ߬ߟߎ߫ ߞߊ߬ ߓߊ߰ߓߊ߰ߟߌ߬ߟߊ ߟߎ߫ ߢߊ߲߱ ߘߏ߫ ߟߋ߬ ߛߎߡߊ߲߫ ߖߐ߲ߖߐ߲ ߞߍ߫ ߡߐߔߑߕߌ߬ ߕߌ߲߬ߞߎߘߎ߲ ߘߐ߫، ߖߊ߬ߕߋ߫ ߞߎ߲߬ߝߟߐ ߟߎ߬ ߘߐ߫ ߡߎߣߎ߲߬߸ ߓߊ߰ߓߊ߰ߟߌ߬ߟߊ߫ ߡߐ߰ ߓߌ߫ ߦߙߌߞߊ߫ ߟߋ߬ ߝߊ߰ ߘߊ߫߸ ߞߵߊ߬ߟߎ߬ ߡߊߞߍ߫ ߦߌߟߊ߫ ߛߌߦߊߡߊ߲߫ ߕߌߢߍ߫߸ ߝߌ߬ߟߊ߬ ߦߋ߫ ߞߌߙߑߣߌߦߊ߫ ߘߎ߰ߣߍ߲ ߡߊ߬ߛߎߘߎ߲ߧߊ ߘߐ߫߸ ߣߊ߯ߣߌ߲߫ ߦߴߊ߬ߟߎ߬ ߟߊ߫ ߢߐ߲߯ ߠߊߘߍ߫ ߦߙߐ ߟߋ߬ ߘߌ߫ ߛߋߝ߭ߊߙߋ߫.
ߞߍߞߎߘߊߡߐ߱ ߥߊ߯ ߦߙߌߞߊ߫ ߟߋ߬ ߓߐ߫ ߘߊ߫ ߓߌߟߏ߲ ߣߌ߲߬ ߡߊ߬߸ ߂߀߂߆ ߞߏ߲ߞߏߘߓߌ ߕߟߋ߬ ߃߀ ߡߊ߬ ߓߡߊ߬ߞߐ߬ ߞߣߐ߫߸ ߞߊ߬ ߛߐ߬ߘߐ߲߬ ߡߊ߬ߞߊ߲߬ߞߊ߲߬ߠߌ߲ ߞߏߕߌ߮ ߛߊ߯ߖߐ߬ ߞߡߊ߬ߙߊ߬ ߓߊߘߍ߫ ߓߟߋߓߟߋ ߘߐ߫. ߊ߬ߟߋ ߦߋ߫ ߡߊ߬ߟߌ ߘߐ߬ߕߊߡߌ߲ ߣߌߞߎ߲ ߘߏ߫ ߟߋ߬ ߘߌ߫߸ ߊ߬ ߝߊ߰ ߘߊ߫ ߓߊ߰ߓߊ߰ߟߌ߬ߟߊ ߟߎ߬ ߟߊ߫ ߡߙߊ߬ߒ߬ߡߊ߬ߟߌ ߘߏ߫ ߟߋ߬ ߘߐ߫߸ ߞߐ߲߬ߛߏ߬ ߜߛߏߡߊ ߟߊ߫ ߡߙߊ߬ߒ߬ߡߊ߬ߟߌ ߘߐ߫ ߞߊ߬ߕߌ߬߸ ߊ߬ߟߋ ߣߴߊ߬ ߡߏ߬ߛߏ ߣߴߊ߬ ߘߋ߲ߣߍ߲߫ ߡߐ߰ ߝߌ߬ߟߊ߬߸ ߏ߬ ߟߎ߬ ߓߍ߯ ߣߌ ߕߏ߫ ߘߴߊ߬ ߘߐ߫.
ߟߊ߬ߞߊ߲߬ߘߊ߬ߟߌߡߊ߬ߟߌ ߣߊ߲߬ߕߌ߰ ߝߊ߲ߞߊ ߓߘߴߊ߬ ߟߊߛߋ߫ ߞߏ߫ ߊ߬ߟߎ߬ ߓߘߊ߫ ߞߍߒߞߊ߲ߠߌ߲ߠߊ ߟߎ߬ ߡߊߕߊ߯߸ ߡߍ߲ ߛߌ߰ ߘߊ߫ ߛߋ߲߬ߠߊ߫ ߞߍ߲ߘߍߟߏ߲ ߣߌ߲߬ ߛߐ߱ߡߊ߬ ߡߙߊ߬ߒ߬ߡߊ߬ߝߋ߲߬ߕߌ߰ ߞߙߎ ߘߏ߫ ߟߎ߫ ߓߟߏ߫، ߞߏ߫ ߊ߬ߟߎ߬ ߝߣߊ߫ ߣߐ߬ ߓߍߘߍ߲ߞߍߟߌ߫ ߦߙߍߞߍߟߌ ߟߋ߬ ߛߌ߰ ߟߴߊ߬ߟߎ߬ ߞߊ߲ߡߊ߬߸ ߞߵߊ߬ߟߎ߫ ߞߘߎ߬ߞߘߎ߬، ߣߊ߲߬ߕߌ߰ ߘߊ߯ߘߐ ߟߊ߫ ߝߐߟߌ߫ ߘߐ߫߸ ߊ߬ߟߎ߫ ߞߊ߬ ߞߍߒߞߊ߲ߠߌ߲ߠߊ߫ ߛߌߦߊߡߊ߲߫ ߠߋ߬ ߝߊ߰߸ ߞߏ ߟߎ߬ ߓߘߊ߫ ߛߌ߰ ߊ߬ߟߎ߬ ߕߊ߫ ߓߟߏ߫ ߞߊ߲߬ ߕߋ߲߬ ߝߛߊߦߌ߫.
ߟߊ߬ߞߊ߲߬ߘߊ߬ߟߌߡߊ߬ߟߌ ߣߊ߲߬ߕߌ߮ ߟߎ߬ ߓߘߴߊ߬ ߟߊߛߋ߫ ߞߏ߫ > ߟߎ߬ ߓߘߊ߫ ߥߴߊ߬ߟߎ߬ ߞߍ߫ ߊ߬ߟߎ߬ ߟߊ߫ ߘߊ߯ ߛߌߦߊߡߊ߲߫ ߞߊ߲߬ ߛߐ߱ ߢߌ߲߬ ߡߊ߬ ߖߡߊ߬ߣߊ ߞߎߓߋߘߊ ߟߊ߫߸ ߊ߬ ߣߌ߫ ߖߡߊ߬ߣߊ ߞߣߐߟߊ ߦߙߐ ߘߏ߫ ߟߎ߫ ߘߐ߫، ߝߊ߰ߡߊ ߟߎ߬ ߞߊ߲߫ ߞߏ߫ ߊ߬ߟߎ߬ ߦߋ߫ ߕߡߊ߬ߖߌ ߓߐ߫ ߓߍ߯ ߘߐ߫߸ ߊ߬ߟߎ߬ ߓߘߊ߫ ߣߊ߲߬ߕߌ߮ ߟߎ߬ ߟߊߖߌ߰ ߦߋ߲߬ ߠߎ߬ ߘߐ߫߸ ߏ߬ ߟߎ߬ ߦߴߊ߬ߟߎ߬ ߛߋߞߏ ߞߍ ߞߊ߲߬، ߏ߬ ߘߐ߫߸ ߞߏ߫ ߖߡߊ߬ߣߊ߬ߘߋ߲ ߓߍ߯ ߦߋ߫ ߕߏ߫ ߡߊ߬ߝߊ ߘߐ߫.
ߟߊ߬ߞߊ߲߬ߘߊ߬ߟߌߡߊ߬ߟߌ ߣߊ߲߬ߕߌ߰ ߝߊ߲ߞߊ (ߝߊ߰ߡߊ) ߟߎ߬ ߣߐ߬ ߛߊ߲ߡߊ߫ ߦߙߍߞߍߟߌ߫ ߕߣߐ߬ߡߊ߫ ߟߋ߬ ߛߌ߰ ߟߊ߫ ߛߋ߲߬ߠߊ߫ ߖߎߙߊ߬߸ ߡߐߔߑߕߌ߬ ߕߌ߲߬ߞߎߘߎ߲ ߘߐ߫، ߞߊ߬ ߓߊ߰ߓߊ߰ߟߌ߬ߟߊ߫ ߡߐ߰ ߓߌߥߐ߯ߙߐ߫ ߞߍ߫ ߛߎ߭ ߘߌ߫߸ ߞߵߊ߬ߟߎ߬ ߡߊߞߍ߫ ߦߌߟߊ ߡߎ߰ߡߍ ߞߍ߫ ߞߎߜߋ߫.
ߓߘߍ߬ߓߘߍ߬ߟߌߖߌ߬ߣߍ߬ ߦߴߊ߬ ߝߍ߬ ߞߵߊ߬ ߣߌ߫ ߛߌ߯ߣߌ߲ ߠߊ߫ ߞߊ߬ߣߌ߲ ߞߘߐߛߊ߫ ߓߘߍߞߍ߭߸ ߞߊ߲߫ ߞߏ ߡߊ߬ߘߎ߮ ߘߐ߫، ߏ߬ ߟߋ ߘߐ߫߸ ߡߊ߲ߘߊߙߍ߲ ߕߌߙߌ߲ߘߊ ߘߏ߫ ߓߘߊ߫ ߟߊߞߊ߬ ߞߐߣߊߞߙߌ߫߸ ߡߍ߲ ߠߎ߬ ߣߐ߬ ߟߊ߬ߞߐ߰ߟߌ ߛߌ߰ ߟߊ߫ ߛߋ߲߬ߠߊ߫ ߣߊ߲߬ߕߌ߮ ߟߎ߫ ߞߎ߲߬.
ߟߊ߬ߞߊ߲߬ߘߊ߬ߟߌߡߊ߬ߡߊ߬ߘߌ߬ ߘߎ߲ߓߎߦߊ߫ ߓߘߊ߫ ߣߊ߲߬ߕߌ߰ ߞߎ߲߬ߕߌ߰ ߣߊ߯ߣߌ߲߫ ߓߌ߬ߟߊ߫ ߟߐ߬ߘߎ߰ߓߊ ߟߎ߬ ߟߊ߫ ߖߡߊ߬ߣߊ ߕߌ߲߬ߞߎ߬ߘߎ߲߬ ߣߊ߯ߣߌ߲ ߘߐ߫.
ߕߍߓߊ߯ߦߊߞߊ߬ ߖߡߊ߬ߣߊ ߕߏ߫ ߟߊ߬ߞߊ߲߬ߘߊ߬ߟߌ ߞߣߐ߬ߜߊ ߘߝߊߣߍ߲ ߘߐ߫߸ ߖߋ߬ߟߌ߬ߓߊ߬ߟߊ߫ ߡߊ߬ߞߊ߲߬ߞߊ߲߬ߠߌ߲ ߞߏߕߌ߮ ߓߘߊ߫ ߓߙߐߕߐ߫، ߡߐ߰ ߛߌߦߊߡߊ߲߫ ߦߋ߫ ߢߌ߬ߣߌ߲߬ߞߊ߬ߟߌ ߞߍ߫ ߟߴߊ߬ ߖߍ߬ߘߍ߫ ߞߎ߲߬ ߡߍ߲ ߞߏߢߊ ߘߐ߫߸ ߞߵߏ߬ ߞߎ߲߭ ߞߍ߫ ߊ߬ ߘߐߞߣߍߓߊߟߌߦߊ ߘߌ߫.
ߟߊ߬ߞߊ߲߬ߘߊ߬ߟߌߕߙߎߞߌ߫ ߣߊ߲߬ߕߌ߰ ߛߊ߲ߡߊߞߎߟߎ߲ ߘߏ߫ ߓߘߊ߫ ߥߎ߬ߦߊ߬ ߖ߭ߐߙߑߗ߭ߌ߫߸ ߞߊ߬ ߣߊ߲߬ߕߌ߯ ߂߀ ߝߊ߰، ߡߊ߬ߛߎߓߊ ߣߌ߲߬ ߓߘߴߊ߬ߟߎ߬ ߦߟߌߓߌ߬ߟߊ߬߸ ߞߏ߫ ߊ߬ߟߎ߬ ߞߊ߫ ߞߊ߲߫ ߞߵߊ߬ߟߎ߬ ߟߊ߫ ߛߊ߲ߡߊߞߎߟߎ߲߫ ߞߘߐ ߟߎ߬ ߡߊߝߊ߬ߟߋ߲߬ ߞߎߘߊ ߟߎ߬ ߟߊ߫ ߡߎ߬ߕߎ߲߬߸ ߛߴߊ߬ ߢߐ߲߰ ߜߘߍ߫ ߞߊߣߵߊ߬ߟߎ߬ ߡߊߛߐ߬ߘߐ߲߬، ߓߊߏ߬߸ ߛߊ߲ߡߊߞߎߟߎ߲߫ ߘߐ ߣߌ߲߬ ߛߊ߲߬ ߅߇ ߟߋ߬ ߕߋ߲߬.
ߘߍ߭ߞߊ߲ߞߊ߲߫ ߞߣߐ߫߸ ߘߋ߲ߡߌߛߍ߲ ߠߎ߬߸ ߝߊ߰ߡߊ ߟߎ߬߸ ߞߵߏ߬ ߟߊ߫ ߖߡߊ߬ߣߊ ߟߊߞߊ߲ߘߊߓߊ߮ ߟߎ߫ ߞߊ߲߬߸ ߏ߬ ߟߎ߬ ߛߌߦߊߡߊ߲߫ ߠߋ߬ ߓߐ߫ ߘߊ߫ ߓߌ߬ ߞߊ߬ ߛߐ߬ߘߐ߲߬ ߛߌ߰ߞߊ߲ ߢߊߝߐ߫ ߟߊߘߍ ߘߏ߫ ߘߐ߫ ߝߊ߬ߛߏ߬ ߞߊ߲ ߘߐ߫߸ ߡߍ߲ ߛߌ߲߬ߝߏ߲߬ߧߊ߬ ߘߊ߫ ߣߊ߬ߓߊ߰ߦߊ߬ ߘߋ߲ߡߌߛߍ߲ ߠߎ߬ ߟߊ߫ ߞߙߎߝߊ ߣߌ߫ ߒߞߏ ߘߏ߲߬ߖߟߎ߬ߡߊ߬ߘߊ ߛߍ߲ߓߊ߫ ߓߟߏ߫
