ߞߎ߲߬ߠߊ߬ߛߌ߮ ߓߍ߯
ߘߌ߯ߣߊߞߎ߲߬ߢߐ߲߰ ߘߊ߲ߘߐ߫ ߟߋ߬ ߞߊ߲ߞߊ߲߫ ߗߋߘߋ߲߫ ߓߟߏߡߊߞߊ߬ߣߍ߲ ߠߎ߬ ߟߊ߫ ߕߊ߯ߟߌ ߟߊ߫ ߡߎ߬ߕߎ߲߬߸ ߊ߬ߟߎ߬ ߓߘߊ߫ ߓߐߒߝߘߎߘߐߓߊ߫ ߞߍ߫ ߛߏ ߢߍ߫߸ ߞߊ߬ ߕߙߏ߬ߞߏ߬ߘߓߊ߬ ߞߋߟߋ߲߫ ߣߌ߫ ߘߊ߲߬ߞߊ߬ߞߎ߬ߟߎ߲߬ ߞߎߘߊ߫ ߝߌ߬ߟߊ߫ ߓߌ߬ߟߊ߫ ߞߊ߬ߝߏ߬ߙߋ߲ ߛߊ߬ߥߏ߬ ߘߐ߫߸ ߞߵߏ߬ ߞߍ߫ ߊ߬ߟߎ߬ ߓߟߏߣߐ߫ ߟߊߓߊ߲ ߘߌ߫، ߞߊ߬ߕߎ߲߯߸ ߊ߬ ߕߍ߬ߘߍ߫ ߡߐ߰ ߛߌߦߊߡߊ߲߫ ߢߣߊ߫߸ ߞߏ߫ ߊ߬ߟߎ߬ ߡߊ߫ ߞߏߓߊ߫ ߞߍ߫ ߊ߬ߟߎ߬ ߟߊ߫ ߟߐ߬ߒ߬ߞߋ߬ߟߊ ߞߘߐ߫.
ߘߍ߭ߛߊ߲߬ ߞߋߟߋ߲߫ ߞߊ߬ߝߏ߬ߙߋ߲ ߡߊߡߙߊ߬ߓߊ߮ ߢߌ߲߬ ߠߎ߬ ߦߋ߫ ߞߊ߲ߞߊ߲߫ ߞߎ߲߬ߠߊ߬߸ ߊߟߎ߬ ߡߊ߫ߛߋ߫ ߝߏߦߌ߬ ߞߍ߫ ߟߊ߫ ߡߎߣߎ߲߬ ߓߟߏ߫ ߘߌ߫ ߞߍ߫ ߡߍ߲ ߠߊ߫߸ ߊ߬ߟߎ߬ ߕߴߛߋ߫ ߟߊ߫ ߝߏߦߌ߬ ߝߐ߫ ߟߊ߫ ߡߐ߱ ߟߎ߬ ߦߋ߫ ߞߎߡߊ߫ ߘߐ߫߸ ߝߏ߫ ߡߊ߬ߞߎ߲߬ ߞߍߣߍ߲߫ ߠߋ߬ ߞߏ ߓߍ߯ ߡߊ߬߸ ߊ߬ ߣߌ߫ ߞߏ ߓߍ߯ ߞߊ߲߬، ߞߊ߬ߙߊ߲߬ߡߐ߯ ߞߊ߬ߓߊ ߞߊ߲߫ ߞߏ߫ ߡߊ߬ߞߏ ߓߘߊ߫ ߞߏߘߐߦߟߍߡߊ߲ ߡߊ߬.
ߘߍ߭ߢߎߡߍߘߊ߯ ߛߏ߲ߧߊ߫ ߞߏ ߘߏ߫ ߟߋ߬ ߦߋ߫ ߛߋ߲߬ߠߊ߫ ߞߊ߲ߞߊ߲߫ ߞߊ߬ߝߏ߬ߙߋ߲߬ߘߊ ߟߊ߫ ߕߋ߲߬߸ ߞߵߊ߬ ߛߐ߬ߘߐ߲߬ ߞߊ߬ߝߏ߬ߙߋ߲߬ߕߌ߮ ߕߘߍ߬ ߡߞߊ߫، ߊ߬ߟߎ߬ ߟߊ߫ ߦߋ߲߬ ߞߏߟߊߕߍ߯ߓߊ߫ ߝߌ߬ߟߊ߫ ߟߋ߬ ߕߐ߮ ߡߊߜߟߍ߬ߦߊ߬ߣߍ߲߫ ߣߌ߲߬ ߞߏ ߘߐ߫߸ ߊ߬ߟߎ߫ ߖߍ߬ߘߍ ߝߣߊ߫ ߓߘߴߊ߬ ߟߊߟߐ߬، ߓߊ߬ߙߌ߬߸ ߊ߬ߟߎ߬ ߞߊ߲߫ ߞߏ߫ ߞߵߊ߬ ߞߏ ߢߊߓߐ߫ ߟߐ߲ߓߊ߯ߦߊ ߟߋ߬ ߟߊ߫، ߞߊ߲ߞߊ߲ߞߊ ߟߎ߫ ߞߏ߬ߣߌ߲ ߛߌ߰ߣߍ߲߫ ߞߵߊ߬ ߡߊߝߟߍ߫߸ ߝߊ߰ߡߊ ߟߎ߬ ߞߍߕߐ߫ ߡߙߌߘߐ ߡߍ߲ ߕߊ߬ ߟߊ߫.
