ߓߘߍ߬ߓߘߍ߬ߟߌ߂߀߂߆ ߥߊ߬ߛߌ߬ߥߙߊ ߕߟߋ߬ ߀߈
ߞߊ߬ߝߏ߬ߙߋ߲߬ ߢߣߊߕߊߟߌ ߞߍ ߌߞߘߐ߫߸ ߡߐ߰ ߛߌߦߊߡߊ߲߫ ߠߋ߬ ߕߍ߬ߘߍ߫ ߊ߬ ߖߘߍ߬ ߡߊߢߌ߬ߣߌ߲߬ߞߊ߬ ߟߊ߫߸ ߞߏ߫ ߊ߬ߝߐ߫ ߛߙߍߘߍ߫ ߢߍߟߐ ߟߎ߫ ߟߋ߬ ߞߍߕߐ߫ ߞߊ߬ߝߏ߬ߙߋ߲߬ߕߌ߮ ߟߎ߫ ߘߌ߬ ߓߊ߬، ߒ߬ߓߊ߬߸ ߢߣߊߕߊߟߌ ߝߘߏ߬ߓߊ߬ ߗߋߕߌ߮ ߓߐ߬ߟߐ߲߬ߞߊ߫ ߖ߭ߋߣߊߓߎ߬ ߕߎ߬ߙߋ ߞߊ߬ ߢߌ߬ߣߌ߲߬ߞߊ߬ߟߌ ߏ߬ ߖߋ߬ߓߌ߫ ߟߋ߬ ߖߏߣߊ߫߸ ߞߵߊ߬ ߦߌ߬ߘߊ߬ ߞߏ߫ ߞߐߝߟߌ ߢߌ߲߬ ߠߎ߬ ߟߊߓߐ ߞߘߐ߫ ߕߍ߫ ߞߊ߬ߝߏ߬ߙߋ߲߬ߕߌ߮ ߟߐ߲ ߘߌ߫ ߘߋ߬. ߊ߬ ߟߊ߫ ߝߐߟߌ߫ ߘߐ߫߸ ߞߊ߬ߝߏ߬ߙߋ߲ ߞߣߐ߫ ߡߐ߮ ߟߎ߫ ߟߋ߬ ߛߎߥߊ߲ߘߌ߫ ߟߊ߫ ߖߊ߬ߡߊ ߓߟߏ߫߸ ߏ߬ ߟߎ߫ ߜߊ߲߰ߛߊ߲ ߝߣߊ߫ ߘߌ߫ ߢߣߊߕߊߟߌ߫ ߜߘߍ߫ ߞߍ߫ ߊ߬ߟߎ߬ ߣߌ߫ ߢߐ߲߯ ߕߍ߫߸ ߞߵߊ߬ߟߎ߬ ߟߊ߫ ߞߊ߬ߝߏ߬ߙߋ߲߬ߕߌ߮ ߟߊߛߌ߰.
ߓߘߍ߬ߓߘߍ߬ߟߌ߂߀߂߆ ߥߊ߬ߛߌ߬ߥߙߊ ߕߟߋ߬ ߀߈
ߥߊ߬ߛߌ߬ߥߙߊ ߕߟߋ߬ ߅ ߡߊ߬߸ ߥߛߊ߬ߘߋ߲߬ ߛߎߥߊ߲ߘߟߌ ߞߐߝߟߌ߫ ߘߍ߲߬ߞߍ߬ߕߎ߬ߣߍ߲ ߟߊ߲ߞߣߍߡߊ߫ ߘߊ߫ ߢߣߊߕߊߟߌ ߝߘߏ߬ߓߊ߬ ߗߋߕߌ߯ߘߊ ߓߟߏ߫߸ ߊ߬ ߦߋ߫ ߘߊ߫ ߞߏ߫ ߖ߭ߋߍߡߑߘߋ ߟߋ߬ ߦߟߍ߬ߣߍ߲߫ ߛߊ߲ߝߍ߬ ߦߙߐ ߝߊ߲߬ߓߊ ߘߐ߫. ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߊ߫ ߕߏ߰ߝߏ ߡߍ߲ ߦߋ߫ ߣߌ߲߬߸ ߖ߭ߋߍߡߑߘߋ߸ ߊ߬ߟߋ ߟߋ߬ ߣߐ߬ ߦߙߐ ߓߍ߯ ߕߊ߬ ߟߊ߫ ߝߊߦߌߘߊ߫߸ ߝߏ߫ ߞߎ߲ߘߊߙߊ߬ ߣߌ߫ ߜߋ߬ߛߌ߬ߦߊ߬ ߘߐߙߐ߲߫߸ ߏ߬ ߟߎ߫ ߟߋ߬ ߕߟߊߣߴߊ߬ ߓߟߏߥߏ ߟߊ߫.
ߓߘߍ߬ߓߘߍ߬ߟߌ߂߀߂߆ ߘߓߊ߬ߕߊ ߕߟߋ߬ ߀߁
ߛߌ߯ߙߌ߲߫ ߞߕߌߘߊ ߦߌߟߡߊ߫ ߝߟߐ ߣߐ߬ ߞߕߌߕߍ߯ ߟߋ߬ ߞߍ߫ ߟߊ߫ ߓߌߟߏ߲ ߣߌ߲߬ ߡߊ߬ ߞߏ߲ߞߏߘߓߌ ߕߟߋ߬ ߃߀߸ ߡߞߊ߬ߛߟߌ߬ ߁߈ ߡߍ߲ ߠߊߘߏ߲߬ ߘߴߊ߬ߟߎ߫ ߞߊ߲߬߸ ߞߊ߬ ߓߍ߲߬ ߏ߬ ߟߎ߬ ߞߐߝߟߌ ߦߌ߬ߘߊ ߡߊ߬، ߛߙߍߘߍ߫ ߕߊ߲ ߣߌ߫ ߟߏ߯ߟߎ߫ ߟߊߘߌ߬ߢߍ߬ ߘߊ߫߸ ߞߊ߬ ߓߊ߲߬ ߞߍ߫ ߛߓߊ߬ ߘߐ߫ ߤߊߞߕߍ߫ ߟߊߓߋ ߛߕߊ ߓߊ߲ ߞߏߛߐ߲߬.
ߞߍߞߎߘߊ߂߀߂߆ ߓߌ߲ߠߊߥߎߟߋ߲ ߕߟߋ߬ ߁߂
ߞߊ߲ߞߊ߲߫ ߞߣߐ߫߸ ߡߣߐ߬ߓߏ߲ ߘߏ߫ ߓߘߊ߫ ߓߌ߬ߟߊ߫ ߖߊ߬ߡߊ ߛߊ߬ߥߏ߬ ߘߐ߫߸ ߡߍ߲ ߟߐ߬ߣߍ߲߫ ߢߣߊߕߊߟߌ ߡߎ߬ߙߊ߲ ߠߎ߬ ߟߊߡߙߊ߬ ߞߊ߲ߡߊ߬، ߊ߬ ߛߊ߲߬ ߕߊ߲ ߣߌ߫ ߟߏ߯ߟߎ߫ ߡߊ߬ߞߐ߬ߣߐ߲߬ߠߌ߲ ߞߐߝߍ߬߸ ߛߌ߬ߓߏ ߓߘߊ߫ ߞߍ߫ ߕߎ߬ߢߊ ߘߌ߫، ߥߊߘߌ ߟߎ߬ ߞߎ߲߬ߡߙߎ ߞߐߝߍ߬߸ ߥߟߎ߬ߡߊ߬ ߕߊ߲ ߣߌ߫ ߟߏ߯ߟߎ߫ ߓߘߊ߫ ߞߍ߫ ߞߊ߬ ߓߏ߲ ߣߌ߲߬ ߟߐ߬ ߞߊ߲ߞߊ߲߫ ߞߣߐ، ߊߟߎ߫ ߦߋ߫ ߖߌ߬ߦߊ߬ߓߍ ߛߐ߲߬ߞߌ߫ ߞߵߊ߬ ߕߐ߭ ߞߊ߬ߙߊ߲߬.
ߓߘߍ߬ߓߘߍ߬ߟߌ߂߀߂߅ ߞߏ߲ߓߌߕߌ߮ ߕߋ߬ߟߋ߫ ߂߁
ߢߣߊߕߊߟߌ ߝߘߏ߬ߓߊ߬ ߗߋߕߌ߯ߘߊ ߓߘߊ߫ ߞߊ߲ߕߌ߯ ߢߣߊߕߊߟߌ߫ ߣߊ߬ߕߐ ߞߎ߲߬ߞߘߐߐ߬ߛߌ߰ ߥߊߘߌ ߝߐ߫ ߞߵߊ߬ ߟߊߕߍ߰߸ ߞߏ߫ ߖߕ ߞߋ߲߬ߥߟߎ߫ ߉߀߀، ߊ߬ߟߎ߬ ߓߊ߲߫ ߘߊ߫ ߞߊ߬ ߢߣߊߕߊߟߌ ߓߙߊߡߊߖߊ߲ߓߊ߲ ߖߐ߰ߣߍ߬ߓߐ ߘߊ߲߭ ߞߍ߫ ߥߟߎ߬ߡߊ߬ ߄߀ ߠߋ߬ ߘߌ߫ ߖߌ߬ߣߍ߬ ߕߊߡߊ߲ ߘߐ߫߸ ߞߵߊ߬ ߟߊߥߟߌ߬ ߞߏ ߟߎ߬ ߟߊߜߍߦߊ ߣߴߊ߬ߟߎ߬ ߘߐߞߣߍ ߡߊ߬.
ߓߘߍ߬ߓߘߍ߬ߟߌ߂߀߂߅ ߞߏ߲ߓߌߕߌ߮ ߕߋ߬ߟߋ߫ ߂߁
ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߖߍ߬ߘߍ ߡߊ߫ ߝߋ߲߫ ߝߐ߫ ߡߎߣߎ߲߬ ߛߊ߫߸ ߓߊ߬ߙߌ߬ ߗߋߘߋ߲߫ ߓߟߏߡߊߞߊ߬ߣߍ߲ ߠߎ߬ ߓߘߴߊ߬ ߟߊ߫ ߞߐߡߊߓߌ߲ߓߌ߲ߠߌ߲߫ ߛߓߍ ߞߟߊ߬ߣߐ߬ߦߊ߫߸ ߞߵߊ߬ ߟߊ߫ ߖߘߍ߬ߦߋ߬ ߡߊ߬ߡߌ߬ߘߊ߬ߟߌ߬ ߞߏ ߛߌߟߊ ߟߊߞߊ߬ ߂߀߂߅ ߞߊ߲ߕߌ߯ ߢߣߊߕߊߟߌ ߘߐ߫ ߖߌ߬ߣߍ߬ ߞߣߐ߫ ߝߊ߲ߞߎߟߊ߲߫.
