ߞߎ߲߬ߠߊ߬ߛߌ߮ ߓߍ߯
ߓߘߍ߬ߓߘߍ߬ߟߌ߂߀߂߆ ߞߊ߬ߝߏ߬ߙߋ߲߬ ߢߣߊߕߊߟߌ ߡߍ߲ ߕߊ߬ߡߌ߲߬ ߘߊ߫ ߕߐ߲߬ߓߊ߬ ߞߊ߲ߛߊ߫߸ ߏ߬ ߞߏ ߓߘߊ߫ ߞߟߊߦߊ߫ ߦߋ߲߬ ߞߏߛߓߍ߫، ߝߊ߬ߛߏ ߢߣߊߕߊߟߌ ߝߘߏ߬ߓߊ߬ ߗߋߕߌ߮ ߣߐ߬ ߞߐߝߟߌ ߡߍ߲ ߝߐ߫ ߟߊ߫߸ ߓߐ߬ߟߐ߲߬ߞߊ߫ ߞߊ߬ߡߊߙߊ߬ ߖ߭ߋߣߊߓ ߕߎ߬ߙߋ߸ ߖ߭ߋ.ߍߡ.ߘߋ ߟߋ߬ ߛߊ߲ߝߍ߬ ߏ߬ ߘߐ߫ ߦߋ߲߬ ߝߙߋߟߋ߲߫߸ ߛߌ߰ߟߊ߲߬ ߁߀ ߠߋ߬ ߛߐ߬ߘߐ߲߬ߣߍ߲߫ ߏ߬ ߓߟߏ߫ ߁߇ ߘߐ߫.
ߓߘߍ߬ߓߘߍ߬ߟߌߛߌ߯ߙߌ߲߫ ߞߣߐ߫߸ ߛߊ߬ߙߌ߬ߦߊ߬ߦߊ߬ ߛߎߥߊ߲ߘߟߌ ߣߌ߫ ߞߊ߬ߝߏ߬ߙߋ߲߬ ߛߎߥߊ߲ߘߟߌ ߟߏ߲ ߕߎ߲߬ ߦߋ߫ ߂߀߂߆ ߘߓߊ߬ߕߊ ߃߁ ߡߍ߲ ߘߌ߫߸ ߊ߬ ߢߣߊߕߊߟߌߟߊ ߟߎ߬ ߟߊ߫ ߓߐߟߌ ߕߜߋߦߊ߫ ߘߊ߫ ߟߋ߬ ߝߛߊߦߌ߫، ߞߵߏ߬ ߕߊ߬ ߞߵߏ߬ ߟߊ߫ ߢߣߊߕߊߟߌ߫ ߖߐ߯ߙߊ߲ ߠߎ߬ ߟߊ߫ ߘߛߍ ߞߊ߲߬ ߢߣߊߕߊߟߌ߫ ߛߓߍߘߊ߫ ߛߌߦߊߡߊ߲߫ ߞߣߐ߫ ߛߌ߯ߙߌ߲߫ ߛߏ ߖߍ߬ߘߍ ߞߣߐ߫.
ߓߘߍ߬ߓߘߍ߬ߟߌߢߣߊߕߊߟߌ ߘߊߕߎ߲߯ ߞߏ ߝߐ߫ ߘߊ߫ ߁߈ߙߋ߲߀߀ ߠߋ߬ ߡߊ߬߸ ߣߴߏ߬ ߟߊߦߟߍ߬ ߘߊ߫ ߞߵߊ߬ ߞߍ߫ ߁߉ߙߋ߲߃߀ ߘߌ߫، ߓߊ߬ߙߌ߬߸ ߕߐ߲߬ߓߊ߬ ߞߊ߲ߛߊ߫ ߢߣߊߕߊߟߌ ߞߵߊ߬ ߕߊ߬ ߟߋ߬ ߤߊ߲߯ ߂߁ߙߋ߲߅߀، ߞߵߏ߬ ߞߎ߲߭ ߞߍ߫ ߢߣߊߕߊߟߌ߫ ߕߍ߯ߟߍ߲ ߠߎ߬ ߟߊߛߐ߬ߘߐ߲߬ߓߊߟߌߦߊ ߘߌ߫ ߖߏߣߊ߫، ߢߣߊߕߊߟߌ ߟߊߟߐ߬ ߘߊ߫ ߂߂ߙߋ߲ ߠߊ߫ ߞߵߊ߬ ߛߐ߬ߘߐ߲߬ ߘߎ߰ߘߋ߲ ߝߊ߲߬ߓߊ ߡߊ߫ ߓߊ߲߫ ߢߣߊߕߊߟߌ ߞߍ߫ ߟߊ߫.
ߓߘߍ߬ߓߘߍ߬ߟߌߥߛߊ߬ߘߋ߲߬ߧߊ߬ ߢߣߊߕߊߟߌ ߣߌ߫ ߞߊ߬ߝߏ߬ߙߋ߲ ߢߣߊߕߊߟߌ ߟߎ߬ ߘߊߡߌ߬ߣߊ߬ ߘߊ߫ ߞߊ߲ߞߊ߲߫ ߞߣߐ߫ ߡߊ߬ߝߊ ߟߋ߬ ߘߐ߫ ߞߊ߯ߙߌ ߣߌ߲߬ ߡߊ߬߸ ߂߀߂߆ ߘߓߊ߬ߕߊ ߕߟߋ߬ ߃߁ ߡߊ߬، ߓߊ߬ߙߌ߬߸ ߢߣߊߕߊߟߌ߫ ߕߊ߲ߓߊ߲ ߡߍ߲ ߠߎ߬ ߞߎ߲ߝߊ߲ߓߐ߫ ߘߊ߫߸ ߢߣߊߕߊߟߌߟߊ ߟߎ߬ ߣߌ߫ ߡߊ߬ߡߌ߬ߘߊ߬ߟߌ߬ߟߊ ߟߎ߬ ߞߵߊ߬ ߦߌ߬ߘߊ߬ ߞߏ߫ ߢߣߊߕߊߟ߫ߌ ߛߓߍߘߊ ߘߊ ߡߊ߫ ߟߊߞߊ߬ ߖߏߣߊ߫߸ ߜߟߍ߬ߦߊ ߕߘߍ߬ ߢߣߊߕߊߟߌ ߞߎ߲߬ߠߊ߬ߛߌ߰ߓߊ߮ ߟߎ߫ ߖߍ߬ߘߍ ߥߊ߫ ߦߙߐ ߞߏ ߘߐ߫߸ ߖߡߊ߬ ߛߎ߮ ߏ߬ ߘߏ߲߬ ߝߣߊ߫ ߡߊ߫ ߓߐ߫.
ߓߘߍ߬ߓߘߍ߬ߟߌߕߋ߬ߟߋ߫ ߝߌ߬ߟߊ߫ ߟߋ߬ ߢߣߊߕߊߟߌ ߟߊ߫ ߡߎ߬ߕߎ߲߬߸ ߣߊߟߌ߬ߡߎ߲߫ ߥߛߊ߬ߘߋ߲߬ ߛߎߥߊ߲ߘߟߌ ߣߌ߫ ߞߊ߬ߝߏ߬ߙߋ߲߬ ߛߎߥߊ߲ߘߟߌ ߘߌ߫ ߂߀߂߆ ߘߓߊ߬ߕߊ ߃߁ ߣߊ߬ߕߐ ߣߌ߲߬ ߡߊ߬، ߒ߬ߓߊ߬߸ ߓߊ߯ߙߟߊ ߡߍ߲ ߠߎ߬ ߦߋ߫ ߢߣߊߕߊߟߌ ߛߌ߲߬ߝߏ߲߬ߧߊ߬ߟߌ ߞߊߡߊ߲ ߞߣߐ߫ ߏ߬ ߘߐ߫߸ ߏ߬ ߟߎ߫ ߞߊ߬ ߟߊ߬ߞߐ߰ߟߌ߬ ߕߏ߲ߜߏ ߘߏ߫ ߟߋ߬ ߘߊߡߌ߬ߣߊ߫ ߛߌ߬ߣߌ߲߬ߟߏ߲ ߣߌ߲߬ ߡߊ߬߸ ߖߐ߲߰ߛߊ߫ ߢߣߊߕߊߟߌ ߜߍߦߊ ߣߴߊ߬ ߟߊ߫ ߓߘߍ߬ߦߊ ߘߌ߫ ߓߊ߲ߓߊ߲߫ ߢߊ ߡߍ߲ ߡߊ߬.
ߞߌ߬ߓߊ߬ߙߏߛߏߡߊߟߌ߫ ߞߊ߲ߕߌ߮ ߤߊߛߊ߲߫ ߛ߭ߍߞ ߡߏߤߊߡߎߘ ߟߊ߫ ߟߐ߬ߒ߬ߞߋ߬ߟߊ ߕߎ߬ߡߊ ߓߘߊ߫ ߕߊ߬ߡߌ߲߬߸ ߢߣߊߕߊߟߌ߫ ߡߊ߫ ߞߍ߫߸ ߓߘߍ߬ߓߘߍ߬ߟߌ ߓߍ߲߬ߞߊ߲߬ ߞߋߟߋ߲߫ ߡߊ߫ ߟߊߕߍ߰߸ ߏ߬ ߘߌ߫ ߢߌߣߌ߲߫ ߞߊ߬ ߛߏߡߊߟߌ߫ ߓߌ߬ߟߊ߫ ߞߎ߲߬ߠߊ߬ߛߌ߰ߟߌ ߞߏߖߊ߫ ߞߎߘߊ߫ ߘߐ߫، ߝߊ߲߬ߞߊߛߌ߬ߣߊ ߟߎ߬ ߞߊ߲߫ ߞߏ߫ ߝߊ߲߬ߞߊ߬ ߟߊߖߊ߲߯ߧߊ ߞߍߢߊ ߣߌ߲߬ ߗߋ߲߰ ߕߍ߫߸ ߊ߬ ߕߍ߫ ߛߊ߬ߙߌ߬ߦߊ߬ ߘߌ߫، ߛߏߡߊߟߌ߫ ߘߏ߲߬ ߦߋ߫ ߖߡߊ߬ߣߊ߫ ߟߋ߬ ߘߌ߫߸ ߟߊ߬ߞߊ߲߬ߘߊ߬ߟߌ߬ ߞߏ ߜߍߣߍ߲߫ ߕߍ߫߸ ߞߙߎ߫ ߓߐߣߍ߲߫ ߢߐ߲߰ ߡߊ ߟߎ߫ ߟߋ߬ ߘߏ߲߬ ߞߊ߫ ߛߌߦߊ߫ ߝߣߊ߫.
ߓߘߍ߬ߓߘߍ߬ߟߌߞߊ߲ߞߊ߲߫ ߞߣߐ߫߸ ߓߌ߬ߟߊ߬ߢߐ߲߰ߡߊ ߞߏߟߊߕߍ߯ ߛߊ߲ߘߐߕߊ ߖߋ߬ߕߌ߰ߘߊ ߡߍ߲ ߦߋ߫ ߞߊ߲ߞߊ߲߫߸ ߏ߬ ߓߘߴߊ߬ ߞߊ߲ߠߊߘߌ߫ ߝߐ߰ߓߍ߬ߦߊ߬ߟߊ ߟߎ߫ ߡߊ߬߸ ߞߏ߫ ߊ߬ߟߎ߬ ߦߋ߫ ߓߘߊߟߊߝߛߊ ߡߊߕߊ߲߬ߞߊ߬ ߢߣߊߕߊߟߌ ߥߎ߬ߛߎ ߣߌ߲߬ ߞߣߐ߫߸ ߞߵߊ߬ߟߎ߫ ߓߊ߲߬ ߖߎ߯ߦߊ߫ ߞߎߡߊ ߓߍ߯ ߟߊߖߍ߲ߛߍ߲ ߡߊ߬ ߟߋ߬ߟߋ ߓߍ߯ ߘߏ߫ ߘߐ߫.
ߓߘߍ߬ߓߘߍ߬ߟߌߛߌ߯ߙߌ߲߫ ߞߕߌߘߊ ߦߌߟߡߊ߫ ߝߟߐ ߣߐ߬ ߞߕߌߕߍ߯ ߟߋ߬ ߞߍ߫ ߟߊ߫ ߓߌߟߏ߲ ߣߌ߲߬ ߡߊ߬ ߞߏ߲ߞߏߘߓߌ ߕߟߋ߬ ߃߀߸ ߡߞߊ߬ߛߟߌ߬ ߁߈ ߡߍ߲ ߠߊߘߏ߲߬ ߘߴߊ߬ߟߎ߫ ߞߊ߲߬߸ ߞߊ߬ ߓߍ߲߬ ߏ߬ ߟߎ߬ ߞߐߝߟߌ ߦߌ߬ߘߊ ߡߊ߬، ߛߙߍߘߍ߫ ߕߊ߲ ߣߌ߫ ߟߏ߯ߟߎ߫ ߟߊߘߌ߬ߢߍ߬ ߘߊ߫߸ ߞߊ߬ ߓߊ߲߬ ߞߍ߫ ߛߓߊ߬ ߘߐ߫ ߤߊߞߕߍ߫ ߟߊߓߋ ߛߕߊ ߓߊ߲ ߞߏߛߐ߲߬.
ߘߍ߭ߕߟߋ߬ ߘߊ߲ߘߐ߫ ߓߟߐߟߐ߫ ߝߛߏߝߛߊ ߞߐߝߍ߬ ߖߌ߬ߣߍ߬ ߞߣߐ߫߸ ߘߍ߬ߞߙߏߝߏ ߟߎ߬ ߓߘߊ߫ ߛߊ߬ߦߌ߲߫ ߊ߬ߟߎ߬ ߡߊ ߡߊ߬ ߣߍ߲ߞߍ߫ ߛߌ߬ߣߌ߲߬ߟߏ߲ ߣߌ߲߬ ߡߊ߬، ߞߊ߬ߕߎ߲߯߸ ߝߍߛߑߓߎߞ ߕߎ߲߬ ߓߘߊ߫ ߓߟߏߕߍ߰߸ ߞߵߊ߬ ߛߐ߬ߘߐ߲߬ ߞߎ߲߬ߠߊ߬ߛߌ߮ ߡߊ߫ ߢߊߝߐߟߌ߫ ߞߟߊ߬ߟߡߊ߬ ߛߌ߫ ߞߍ߫߸ ߡߐ߰ ߘߴߊ߬ ߓߟߏߞߍ߫ ߡߍ߲ ߠߊ߫.
ߓߘߍ߬ߓߘߍ߬ߟߌߊ߬ߟߎ߬ ߓߘߊ߫ ߞߏ ߝߐ߫ ߞߊ߬ ߝߘߊ߫ ߞߊ߲ߕߌ߯ߘߊ ߟߊ߫ ߟߊ߬ߛߋ߬ߟߌ߬ ߛߓߍ ߟߊ߫.
ߓߘߍ߬ߓߘߍ߬ߟߌߞߕߌߖߌ߲ ߛߊ߲ߘߐߕߊ ߓߘߊ߫ ߞߟߊߦߊ ߓߐ߫ ߝߌ߬ߘߌ ߘߐ߫، ߡߊ߬ߡߊ߬ߘߌ߬ ߘߎ߲ߓߎߦߊ߫ ߓߘߊ߫ ߞߍ߫ ߖߌ߬ߣߍ߬ ߞߊ߲ߓߍ߲ ߞߊ߲ߕߌ߮ ߘߌ߫ ߛߊ߲߬ ߇ ߞߍ߫ ߞߊ߲ߡߊ߬، ߊ߬ ߛߎߘߊ߲߫ ߘߊ߫ ߞߊ߲ߧߊ߫ %߈߆،߇߂ ߟߋ߬ ߟߊ߫ ߖߊ߰ߟߋ߬ ߝߟߐ ߣߌ߲߬ ߘߐ߫ ߂߀߂߅ ߞߊ߲ߕߌ߯ ߢߣߊߕߊߟߌ ߝߍ߬. ߊߟߎ߫ ߦߋ߫ ߖߌ߬ߦߊ ߛߐ߲߬ߞߌ߲߫ ߞߵߊ߬ ߕߐ߭ ߞߊ߬ߙߊ߲߬ ߖߏߣߊ߫.
ߞߍߞߎߘߊߞߕߌߖߌ߲ ߛߊ߲ߘߐߕߊ ߓߘߴߊ߬ ߦߌ߬ߘߊ߬ ߞߏ߫ ߂߀߂߅ ߞߊ߲ߕߌ߯ ߢߣߊߕߊߟߌ ߞߐߝߟߌ߫ ߓߊ߲ߝߟߍ߬ߟߍ ߘߌ߫ ߟߊߥߊ߲߬ߞߊ߲߬ ߓߌ߲ߠߊߥߎߟߋ߲ ߕߟߋ߬ ߄ ߢߌ߲߬ ߡߊ߬ ߞߐߣߊߞߙߌ߫ ߁߇ߙߋ߲ ߖߋߞߎ، ߏ߬ ߞߍߕߐ߫ ߞߏߓߊ߫ ߟߋ߬ ߘߌ߫ ߖߡߊ߬ߣߊ ߟߊ߫ ߛߌߌߣߌ߲߫ ߣߊ߬ߕߐ ߢߍߥߟߊ ߘߐ߫، ߊߟߎ߫ ߦߋ߫ ߛߘߌ߬ߜߋ߲ ߣߌ߲߬ ߛߐ߲߬ߞߌ߲߫ ߞߵߊ߬ ߕߐ߭ ߞߊ߬ߙߊ߲߬. 👇🏿
ߞߍߞߎߘߊߝߘߊ߬ߝߌ߲߬ߠߊ߬ ߕߊ߲ߓߊ߲ ߞߣߐ߫߸ ߢߣߊߕߊߟߌ ߣߌ߲߬ ߞߍߣߍ߲߫ ߞߎ߬ߡߎ߲߫ ߢߐ߲߰ ߞߘߐ ߟߋ߬ ߞߣߐ߫߸ ߞߊ߲ߕߌ߯ ߕߎߥߊߘߋߙߊ߫ ߟߊ߫ ߟߐ߬ߒ߬ߞߋ߬ߟߊ߬ ߛߓߊ߬ߣߊ߲߬ ߢߌߣߌ߲ ߣߌ߲߬ ߘߐ߫ ߞߊ߬ߣߌ߲߬، ߞߵߊ߬ ߛߐ߬ߘߐ߲߬ ߞߎ߲߬ߠߊ߬ߛߘߌ ߞߍߣߍ߲߫ ߞߊ߬ ߖߡߊ߬߬ߣߊ ߝߊ߫. ߊߟߎ߫ ߦߋ߫ ߖߌ߬ߦߊ߬ߓߍ ߛߐ߲߬ߞߌ߲߫ ߞߵߊ߬ ߕߐ߭ ߞߊ߬ߙߊ߲߬.
ߓߘߍ߬ߓߘߍ߬ߟߌߡߊ߬ߡߌ߬ߘߊ߬ߟߌ߬ߟߊ߫ ߞߐ߬ߣߐ߲߬ߘߐ߫ ߟߋ߬ ߕߐ߮ ߕߊ߬ߣߍ߲߫ ߞߕߌߖߌ߲ ߛߊ߲ߘߐߕߊ ߓߟߏ߫ ߞߏߟߌ߲ߞߏߟߌ߲ ߂߈ ߢߣߊߕߊߟߌ ߞߊ߲ߡߊ߬، ߎߛߑߡߊߣߌ߲߬ ߞߊ߬ߓߊ߸ ߊ߬ ߣߌ߫ ߟߊ߲߰ߛߣߊ߬ ߞߎߦߊߕߍ߫߸ ߏ߬ ߟߎ߫ ߣߍ߰ߓߐ߬ߣߍ߲߫ ߠߋ߬ ߊ߬ ߞߏ ߘߐ߫ ߝߋߎ߫߸ ߞߵߊ߬ ߓߍ߲߬ ߢߣߊߕߊߟߌ ߛߊ߬ߙߌ߬ߦߊ ߘߏ߫ ߟߎ߫ ߘߝߊߓߊߟߌߦߊ ߡߵߊ߬ߟߎ߬ ߓߟߏ߫.
ߞߍߞߎߘߊߝߘߊ߬ߝߌ߲߬ߠߊ߫ ߡߌ߬ߙߌ߲߬ߘߌ ߟߎ߬ ߟߊ߫ ߞߙߎߞߊ ߞߊ߲ߕߌ߯ ߛߙߍߞߍ߸ ߘߊߡߣߊ ߊߖߊ ߔߌߞߊߛ ߓߘߊ߫ ߡߌ߬ߘߊ߬ ߓߍ߲ߖ߭ߍߘߎ߯߸ ߡߐ߱ ߟߎ߬ ߞߟߌ ߞߏߛߐ߲߬ ߊ߬ ߓߟߏ߫ ߓߐߟߌ ߡߊ߬߸ ߔߊߞߌߛߦߊ ߟߊߕߐ߲ ߞߐߝߍ߬. 🔹silabosoona.com
ߓߘߍ߬ߓߘߍ߬ߟߌߡߐ߰ ߞߋ߲߬ߥߟߎ߬ ߈ ߢߐ߲߰ ߠߋ߬ ߞߍߕߐ߫ ߜߋ߲ߞߐ߰ߖߌ߬ߘߊ ߞߊ߲ߕߌ߯ ߞߎߘߊ߫ ߣߊ߬ߕߐ ߛߎߥߊ߲ߘߌ߫ ߟߊ߫ ߓߌ߬߸ ߏ߬ ߡߍ߲ ߢߣߊߕߊߟߌ ߖߎ߭ߛߌ߰ ߘߊ߫ ߈ߙߋ߲ ߣߌ߲߬ ߡߊ߬߸ ߟߊ߬ߞߊ߲߬ߘߊ߬ߟߌ߬ ߞߏ ߡߊ߫ ߞߍ߫ ߊ߬ߟߎ߬ ߓߟߏ߫ ߕߏߟߏ߲߫ ߞߏ߫ ߘߌ߫߸ ߕߐ߲߫ ߓߟߏߡߊ߫ ߄߄ ߀߀߀ߠߋ߬ ߟߛߊߙߌߣߍ߲߫ ߖߡߊ߬ߣߊ ߟߊ߫.
ߓߘߍ߬ߓߘߍ߬ߟߌߢߣߊߕߊߟߌ ߝߘߏ߬ߓߊ߬ ߗߋߕߌ߯ߘߊ ߓߘߊ߫ ߞߊ߲ߕߌ߯ ߢߣߊߕߊߟߌ߫ ߣߊ߬ߕߐ ߞߎ߲߬ߞߘߐߐ߬ߛߌ߰ ߥߊߘߌ ߝߐ߫ ߞߵߊ߬ ߟߊߕߍ߰߸ ߞߏ߫ ߖߕ ߞߋ߲߬ߥߟߎ߫ ߉߀߀، ߊ߬ߟߎ߬ ߓߊ߲߫ ߘߊ߫ ߞߊ߬ ߢߣߊߕߊߟߌ ߓߙߊߡߊߖߊ߲ߓߊ߲ ߖߐ߰ߣߍ߬ߓߐ ߘߊ߲߭ ߞߍ߫ ߥߟߎ߬ߡߊ߬ ߄߀ ߠߋ߬ ߘߌ߫ ߖߌ߬ߣߍ߬ ߕߊߡߊ߲ ߘߐ߫߸ ߞߵߊ߬ ߟߊߥߟߌ߬ ߞߏ ߟߎ߬ ߟߊߜߍߦߊ ߣߴߊ߬ߟߎ߬ ߘߐߞߣߍ ߡߊ߬.
ߓߘߍ߬ߓߘߍ߬ߟߌߓߊ ߎ߯ߙߌ߬ ߓߘߊ߫ ߟߊ߫ ߛߎߘߊ߲ߠߌ߲ ߕߊ߲߬ߘߏ߬ ߞߏߛߓߍ߫߸ ߞߵߊ߬ ߦߌ߬ߘߊ߬ ߞߏ߫ ߢߣߊߕߊߟߌ ߛߋ߲߬ߕߊ߬ ߞߎߘߊ߫ ߟߎ߫ ߟߋ߬ ߖߎ߭ߛߌ߰ߕߐ߫ ߣߌ߲߬߸ ߞߊ߬ ߖߡߊ߬ߣߊ ߓߌ߬ߟߊ߬ ߛߌ߰ߞߊ߲ ߛߌߟߊ߫ ߝߊ߲ߞߊߢߊ߲ ߞߊ߲߬.
