ߞߎ߲߬ߠߊ߬ߛߌ߮ ߓߍ߯
ߕߋߟߋ߲ߓߊ߯ߦߊߗߍ߬ ߛߊ߲߬ ߄߁ ߘߏ߫ ߟߋ߬ ߡߌ߬ߣߊ߬ߣߍ߲߫ ߞߟߍ߬ߡߐ߮ ߟߎ߬ ߓߟߏ߫ ߊߦߙߋ߫ ߟߊߥߏ߫߸ ߞߵߊ߬ ߟߊߕߊ߯ ߛߍ߲ߟߎߥߌ߫ ߞߏߢߊߢߌߣߌ߲ߘߊ ߟߊ߫، ߞߊ߬ߕߎ߲߯߸ ߊ߬ߟߋ߫ ߣߐ߬ ߖߌ߬ߦߊ߬ߖߟߎ ߘߏ߫ ߟߋ߬ ߟߊߖߍ߲ߛߍ߲߫ ߠߊ߫߸ ߖߌ߬ߦߊ߬ߖߟߎ ߏ߬ ߘߐ߫߸ ߊ߬ ߦߋ߫ ߖߡߊ߬ߣߊ ߞߊ߲ߕߌ߮ ߟߋ߬ ߡߊߓߊ߰ߓߊ߰ ߟߊ߫ ߓߘߍߞߍ߭߸ ߊ߬ ߣߌ߫ ߞߕߌߞߊ߲ߘߊ ߣߌ߫ ߞߕߌߕߍ߯ߟߊ߸ ߞߏ߫ ߊ߬ ߘߌ߫ ߕߊ ߛߎ߫ ߏ߬ ߟߎ߬ ߟߊ߫ ߞߵߊ߬ߟߎ߫ ߖߋ߬ߣߌ߲߬، ߏ߬ ߟߋ ߞߏߢߊ ߣߐ߬ ߛߍ߲ߟߎߥߌ߫ ߞߕߌߘߊ ߕߙߐ߫ ߟߊ߫߸ ߝߏ߫ ߊ߬ߟߎ߫ ߖߍ߬ߘߍ ߞߵߊ߬ߟߎ߬ ߕߍ߯ ߞߍ߫ ߗߍ߭ ߣߌ߲߬ ߘߐ߫.
ߘߍ߭ߘߋ߲ߣߍ߲߫ ߡߛߏ߬ߡߊ߲߬ߣߍ߲߫ ߛߊ߲߭ ߂ ߘߏ߫ ߟߋ߬ ߕߎߣߎ߲ߣߍ߲߫ ߞߊ߯ߙߌߟߏ߲߸ ߂߀߂߆ ߥߊ߬ߛߌ߬ߥߙߊ ߕߟߋ߬ ߇ ߡߊ߬߸ ߊߡߌߣߊ߫ ߞߎ߲߬ߘߊ ߃߲ ߞߣߐ߫߸ ߛߌ߯ߙߌߣߌ߲߫ ߡߙߊ߬ߘߊ߬ߙߋ߲ ߘߐ߫، ߒ߬ߓߊ߬߸ ߘߋ߲ߣߍ߲ ߏ߬ ߛߎ߭ ߟߋ߬ ߦߋߣߍ߲߫ ߊ߬ ߕߎߣߎ߲߫ ߟߏ߲ ߘߎ߰ߛߊ߬ߜߍ ߡߊ߬ ߘߊ߬ߡߊ߲߬ ߞߏߙߏ߲ ߘߏ߫ ߞߣߐ߫، ߊ߬ ߞߏ߬ߣߌ߲ ߦߋ߫ ߘߊ߫ ߞߏ߫ ߛߦߊ߬ ߛߎ߲ߞߎ߲ߡߊ ߟߋ߬.
ߜߘߍ ߟߎ߬ߛߣߍ߬ߜ߭ߊߟߌ߫ ߝߊ߬ߛߏ ߞߟߍ߬ߡߐ߰ߘߊ ߛߏ߬ߝߊ߬ߥߣߊ߬ߟߋ߲ ߘߏ߫ ߟߋ߬ ߣߐ߬ ߛߊ߬ߦߊ ߡߊߛߐ߬ߘߐ߲߬ ߠߴߊ߬ ߡߊߞߍ߫ ߦߌߟߊ ߘߐ߫ ߕߊ߲߬ߓߊ߬ߞߎ߲߬ߘߊ߫، ߞߌ߬ߓߊ߬ߙߏ߬ߘߊ߬ ߛߌߦߊߡߊ߲߫ ߠߊ߫ ߟߞߊ߬ߟߌ߬ ߞߊ߲߫ ߘߐ߫߸ ߛߏ߬ߝߊ߬ ߘߎ߯ߟߊ ߣߌ߲߬ ߣߐ߬ ߊ߬ ߖߍ߬ߘߍ߫ ߝߊ߰ ߟߴߊ߬ ߟߊ߫ ߡߊ߬ߙߌ߬ߝߊ ߟߋ߬ ߟߊ߫߸ ߥߊߘߌ߫ ߛߌߦߊߡߊ߲߫ ߕߌߢߍ ߞߐ ߘߐ߫ ߊ߬ ߓߟߏ߫ ߛߏ߬ߓߏ߲ ߘߐ߫ ߓߟߐߟߐ ߞߊ߲߬.
ߕߋߟߋ߲ߓߊ߯ߦߊߦߙߍߞߍߟߌ߫ ߟߋ߬ ߛߌ߰ߣߍ߲߫ ߛߋ߲߬ߠߊ߫ ߜߋ߲ߞߐ߰ߖߌ߬ߘߊ ߞߟߍ߬ߡߐ߮ ߟߎ߬ ߓߟߏ߫߸ ߝߏ߫ ߊ߬ߟߎ߬ ߛߋ߫ ߘߴߊ߬ߟߎ߬ ߕߍ߯ ߞߍ߫ ߟߊ߫ ߡߐ߰ ߁߃ ߘߐ߫߸ ߊ߬ ߣߌ߫ ߞߵߊ߬ߟߎ߬ ߟߊ߫ ߘߎ߰ ߛߌߦߊߡߊ߲߫ ߥߦߊ߬ ߛߊߣߌ߲߫ ߛߋ߲߫ ߦߙߐ߫ ߛߌߦߊߡߊ߲߫ ߘߐ߫ ߌߛߌߦߊ߫ ߡߊ߬ߙߊ ߘߐ߫߸ ߖߡߊ߬ߣߊ ߕߟߋ߬ߓߋ ߘߐ߫.
ߞߓߊߞߏ ߟߎ߬ߖߐߞߌߓߊ߯ߕߐ ߓߟߏ߫ ߞߎ߲߬ߞߙߎ߬ߓߊ ߕߍ߰ߣߍ߲߫ ߠߵߊ߬ ߟߊ߫، ߞߐ߬ߓߊ߬ߟߏ߲ ߂߀߂߆ ߘߓߊ߬ߕߊ ߕߟߋ߬ ߄߸ ߡߊ߬ߟߌ߬ߞߊ߫ ߣߛߌ߬ߜߍ߲߬ߘߋ߲߫ ߝߌ߬ߟߊ߫ ߟߋ߬ ߞߵߊ߬ߟߎ߬ ߞߍ߫ ߢߐ߲߮ ߞߊ߲߬߸ ߞߵߏ߬ ߟߊߓߊ߲߫ ߖߐߞߟߌ ߡߊ߬، ߏ߬ ߞߍ߫ ߘߊ߫ ߛߎߡߊ߲ߞߐ߬ߦߌ߬ ߛߏ ߞߣߐ߫ ߟߋ߬߸ ߞߊ߬ߙߌ߬ߝߊ߬ߡߘߎ߬ߦߊ߫ ߡߙߊ߬ߘߊ߬ߙߋ߲ ߘߐ߫߸ ߞߊ߲ߞߊ߲߫ ߡߙߊ߬ߘߊ߬ߓߊ ߞߣߐ߫، ߞߋߟߋ߲ ߖߐߞߌ߫ ߞߏߖߎ߯ߦߊ ߟߋ߬ ߞߍ߫ ߘߊ߫ ߡߙߎ߬ߓߊ ߟߊ߫߸ ߛߏ ߞߏߟߊߕߍ߮ ߟߎ߬ ߣߌ߫ ߞߟߍ߬ߡߐ߮ ߟߎ߫ ߣߊ߬ ߘߊ߫ ߏ߬ ߟߋ ߞߐ ߘߐ߫ ߛߊ߫߸ ߖߐߞߌߓߊ߯ߕߐ ߦߋ߫ ߘߊ߲ߘߊߟߌ ߘߊߞߘߐ߫߸ ߕߌߢߍߡߌߟߊ߫ ߛߌߞߊߒߡߊߓߊ߯ߕߐ ߝߣߊ߫ ߦߋ߫ ߞߟߍ߬ߡߐ߮ ߟߎ߬ ߓߟߏߞߘߐ߫.
ߞߓߊߞߏ ߟߎ߬ߛߌߞߊ߫ ߞߍߣߍ߲ ߞߊ߲ߡߋߙߋ߲ ߘߏ߫ ߟߋ߬ ߡߊ߬ ߓߋ߲߬ߒ߬ߞߊ߲߬ߠߌ߲߬ ߞߏ ߘߐ߫ ߓߎߙߋ߲ߝߍ ߘߐ߫߸ ߊ߬ ߣߴߊ߬ ߘߍ߬ߢߐ߲߮ ߠߎ߬، ߖߊ߬ߡߊ ߛߋ߫ ߘߴߊ߬ ߕߍ߯ ߞߍ߫ ߟߴߊ߬ߟߋ ߘߐ߫߸ ߞߵߊ߬ ߜߊ߬ߛߌ߫ ߤߊ߲߯ ߞߵߊ߬ ߝߊ߰، ߣߊ߲߬ߕߌ߰ ߝߊ߯ߣߌ߲ ߠߋ߬ ߞߏ߬ߣߌ߲ ߕߎ߲߬ ߦߴߊ߬ߟߋ߬ ߞߊ߲ߠߊ߫߸ ߊ߬ ߡߊ߫ ߟߐ߲߫ ߡߎߣߎ߲߬ ߡߐ߰ ߞߋߟߋ߲ ߡߍ߲ ߦߋ߫، ߢߊߢߌߣߌ߲ߠߌ߲ ߓߘߊ߫ ߛߌ߰ ߛߋ߲߬ߠߊ߫ ߛߊ߬ߙߌ߬ߦߊ߬ ߓߟߏ߫. ߊߟߎ߫ ߦߋ߫ ߖߌ߬ߦߊ ߛߐ߲߬ߞߌ߲߫ ߞߵߊ߬ ߕߐ߭ ߞߊ߬ߙߊ߲߬ 👇🏿
ߘߍ߭ߛߌ߯ߙߌ߲߫ ߞߣߐ߫߸ ߘߋ߲ߡߛߏ ߘߏ߫ ߗߍ߬ ߓߘߴߊ߬ ߡߊߘߌߡߌ߲߫ ߜߊ߬ߛߌ߬ߟߌ ߘߐ߫߸ ߊ߬ ߗߍ߬ ߏ߬ ߦߋ߫ ߞߟߍ߬ߡߐ߮ ߟߋ߬ ߘߌ߫، ߒ߬ߓߊ߬߸ ߘߋ߲ߡߛߏ ߓߘߊߡߐ߮ ߟߎ߬ ߓߘߴߊ߬ߟߎ߬ ߡߊߞߊ߬ߛߌ߬ ߏߔߙߏߖ߭ߍߡ ߠߊ߫، ߓߊߏ߬ߑ߸ ߡߞߊ߬ߛߟߌ߬ ߝߟߐ ߡߍ߲ ߞߍ߫ ߘߴߊ߬ߟߎ߬ ߓߟߏ߫ ߛߌ߯ߙߌ߲߫ ߞߟߍ߬ߡߐ߰ߟߊ߫߸ ߊ߬ߟߎ߬ ߡߊ߫ ߞߏ߫ ߦߴߏ߬ ߘߐ߫.
ߞߓߊߞߏ ߟߎ߬ߘߋ߲߫ ߁߆ ߦߋ߫ ߗߍ߭ ߡߍ߲ ߓߟߏ߫߸ ߏ߬ ߟߋ ߓߋ߬ߣߴߊ߬ ߡߏ߬ߛߏ߫ ߛߊ߬ߓߊ ߘߏ߫ ߘߐ߫ ߞߋߟߋ߲߫ ߘߋ߲ߡߛߏ߫ ߛߊ߲߭ ߂߀ ߘߏ߫ ߞߊ߲߬߸ ߡߍ߲ ߦߴߊ߬ ߓߟߏ߫ ߟߊ߬ߡߙߊ ߘߐ߫ ߟߎ ߞߣߐ߫ ߦߋ߲߬، ߏ߬ ߞߍߣߍ߲߫ ߛߣߍ߬ߜ߭ߊߟߌ߫ ߟߋ߬߸ ߖߊߡߌߦߊ߲ߖߏ߫ ߘߎ߱ ߞߣߐ߫، ߕߍ߮ ߓߘߊ߫ ߞߍ߫ ߗߍ߭ ߘߐ߫߸ ߊ߬ ߓߘߊ߫ ߛߋ߫ ߥߛߎ ߟߊ߫ ߕߋ߲߬.
