ߞߎ߲߬ߠߊ߬ߛߌ߮ ߓߍ߯
ߛߎ߲ߞߎ߲ ߡߊ߬ߛߎ߬ߓߊ߬ߞߏ ߟߎ߬ߓߌ߬ ߞߐ߬ߟߏ߲ ߣߌ߲߬ ߡߊ߬ ߂߀߂߆ ߞߊ߬ߙߌ߬ߝߐ ߕߟߋ߬ ߇߸ ߘߎ߰ ߜߊߟߊ߲ߞߌ ߟߋ߬ ߞߍߣߍ߲߫ ߛߌߟߊ߫ ߓߊ߯ߙߊ߫ ߦߌߟߊ ߘߏ߫ ߘߐ߫ ߥߦߊߣߊߘ ߘߎ߱ ߞߣߐ߫߸ ߡߐ߰ ߟߏ߯ߟߎ߫ ߟߋ߬ ߛߊ߲߬ߓߊ ߓߘߊ߫ ߟߊߕߋ߬ ߜߍ ߘߐ߫ ߡߎߣߎ߲߬، ߓߊ߯ߙߊߞߍߟߊ߫ ߛߌߦߊߡߊ߲߫ ߕߎߣߎ߲ߣߍ߲߫ ߠߋ߬߸ ߏ߬ ߟߎ߬ ߦߋߣߍ߲߫ ߕߍ߫ ߡߎߣߎ߲߬߸ ߡߞߊ߬ߘߊ߲߬ߠߌ߲߬ߠߊ ߟߎ߬ ߝߣߊ߫ ߦߴߊ߬ ߞߊ߲߬.
ߜߘߍ ߟߎ߬ߘߊ߬ߡߊ߲߬ߓߋ ߟߋ߬ ߞߍߣߍ߲߫ ߂߀߂߆ ߥߊ߬ߛߌ߬ߥߙߊ ߕߟߋ߬ ߇ ߡߊ߬ ߓߎ߬ߙߋ߫ ߞߌ߲߬ߕߌ߬ߢߊ߲߫߸ ߝߌߘߌ߬ ߘߊ߬ߡߊ߲߬ߝߍ ߘߐ߫߸ ߞߊ߬ ߡߐ߰ ߁߁ ߓߐ߬ߣߐ߫ ߊ߬ ߣߌ ߘߐ߫߸ ߞߊ߬ ߡߐ߰ ߄ ߖߐߞߌ߫߸ ߞߊ߬ ߓߍ߲߬ ߊ߲ ߠߊ߫ ߞߎ߲߬ߠߊ߬ߝߎߟߋ߲߫ ߛߐ߬ߘߐ߲߬ߣߍ߲ ߠߎ߬ ߡߊ߬ ߦߙߐ ߘߐ߫ ߦߋ߲߬ ߌߞߘߐ߫.
ߛߎ߲ߞߎ߲ ߡߊ߬ߛߎ߬ߓߊ߬ߞߏ ߟߎ߬ߡߊ߬ߣߍ߬ߦߊ߫ ߘߎ߰ ߜߊߟߊ߲ߞߌ ߝߊ߰ߓߊ߰ߕߐ ߓߘߊ߫ ߛߋ߫ ߡߐ߰ ߁߈ ߘߐ߫߸ ߛߎ߭ ߛߓߊ߬ ߦߋߣߍ߲ ߞߐߝߍ߬ ߞߎߣߎ߲߬ ߛߌ߬ߣߌ߲߬ߟߏ߲ ߥߎ߬ߙߊ ߝߍ߬ ߞߊ߬ߣߌ߲߬، ߤߊߟߌ߬ߛߊ߫߸ ߢߌߣߌ߲ߠߌ߲ ߡߊ߫ ߟߊߟߐ߬߸ ߊ߬ ߞߏ ߦߋ߫ ߛߋ߲߬ߠߊ߫ ߡߎߣߎ߲߬߸ ߞߊ߬ ߡߐ߱ ߟߎ߬ ߢߌߣߌ߲߫ ߜߊ߲ߜߘߊ ߞߘߐ߫߸ ߞߊ߬ ߕߎߣߎ߲ߓߊ߯ߕߐ ߟߎ߬ ߦߋ߫.
ߛߎ߲ߞߎ߲ ߡߊ߬ߛߎ߬ߓߊ߬ߞߏ ߟߎ߬ߥߙߏ߬ߘߎ߮ ߞߏߙߋ߫ ߦߋ߫ ߜߟߍ߬ߦߊ߬ߓߊ߫ ߟߋ߬ ߘߐ߫ ߕߋ߲߫߬߸ ߞߵߏ߬ ߞߎ߲߭ ߞߍ߫ ߡߐ߰ ߁߄ ߕߏ ߘߌ߫ ߖߌ ߘߐ߫ ߛߊ߲ߖߌߓߊ߫ ߣߊ ߞߏߛߐ߲߬߸ ߦߙߐ߫ ߛߌߦߊߡߊ߲߫ ߠߋ߬ ߓߘߊ߫ ߥߎ߬ߦߊ߬ ߓߏ߲ ߠߎ߬ ߘߐ߫߸ ߞߊ߬ ߛߣߍ߬ ߛߌߦߊߡߊ߲߫ ߞߣߐ߫ ߝߋ߲ ߠߎ߬ ߞߊ߬ߛߙߊ߬߸ ߞߊ߬ ߛߌߟߊ߫ ߛߌߦߊߡߊ߲߫ ߓߟߏߕߍ߰ ߞߊ߬ ߘߏ߫ ߟߎ߫ ߘߐߕߌߢߍ߫ ߝߋߎ߫.
