ߞߎ߲߬ߠߊ߬ߛߌ߮ ߓߍ߯
ߓߘߍ߬ߓߘߍ߬ߟߌߖߌ߬ߣߍ߫ ߞߊ߬ߣߎ߲߬ߕߋ߬ߦߊ ߕߏ߰ߝߏ ߓߘߴߊ߬ ߛߌ߲ߘߌ ߛߊ߲߬ ߞߋߟߋ߲ ߛߊ߲߬ߞߎ߲߬ߓߍ߲ ߞߍ߫ ߟߊ߬ߛߋ߬ߟߌ߬ ߞߟߊߒߞߋ߫ ߘߌ߫ ߂߀߂߆ ߘߓߊ߬ߕߊ ߕߟߋ߬ ߁߁ ߣߌ߲߬ ߡߊ߬، ߊ߬ ߞߊ߲ߕߌ߯ ߛߙߍߞߍ߫ ߝߌߟߊߣߊ߲ ߡߊ߬ߡߊ߬ߘߌ߬ ߖߐ߲ߖߐ߲ ߞߋߕߊ߬ ߞߊ߬ ߕߏ߰ߝߏ ߟߊ߫ ߛߊ߲߬ ߞߋߟߋ߲ ߓߊ߯ߙߊ߫ ߞߍߣߍ߲ ߠߎ߬ ߞߐߣߐ߲ߞߎ߲ߓߊߘߏ߲߫߸ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߦߋ߫ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߐߡߊߓߌ߲ߓߌ߲߫ ߠߊ߫ ߤߊߟߌ߬ߛߊ߫߸ ߝߊ߬ߛߏ߬ ߞߊ߲ ߠߎ߬ ߟߊߞߎ߲߬ߠߊ߬ߛߌ߰ߦߊ ߞߏߛߐ߲߬.
ߞߍߞߎߘߊߖߐ߲ߖߐ߲ ߠߋ߬ ߞߊ߲߫ ߕߋ߲߬߸ ߞߵߊ߬ ߓߍ߲߬ ߝߊ߬ߛߏ߬ ߞߊ߲ ߠߎ߬ ߟߊߞߎ߲߬ߠߊ߬ߛߌ߰ߦߊ ߡߊ߬߸ ߞߏ߫ ߖߌ߬ߣߍ߫ ߞߊ߬ߣߎ߲߬ߕߋ߬ߦߊ ߦߋ߫ ߞߐߡߊߓߌ߲ߓߌ߲ߠߌ߲ ߏ߬ ߞߍ߫ ߟߊ߫ ߢߡߊߛߌ߮ ߟߋ߬ ߘߐ߫. ߖߌ߬ߦߊ ߛߐ߲߬ߞߌ߲߬ ߖߏߣߊ߫ ߞߊ߬ ߖߊ߲߬ߖߏ߲ ߞߎ߲ߝߊ߲ߓߐ߫.
ߟߐ߲ߠߌ߲ߦߊߝߊ߬ߛߏ߬ ߞߊ߲߬ ߞߏ ߛߍ߬ߘߏ߲߬ߠߊ ߟߎ߬ ߛߍߥߊߣߍ߲ߓߊ ߟߋ߬ ߟߊ߬ߞߎ߲߬ߠߊ߬ߛߌ߰ߦߊ߬ߟߌ ߟߊ߫ ߖߌ߬ߣߍ߫ ߛߌ߰ߞߊ߲߬ ߞߎߘߊ ߖߊ߬ߕߋ߬ߘߐ߬ߛߌ߮ ߞߣߐ߫، ߓߊ߬ߙߌ߬߸ ߊ߬ߟߎ߬ ߞߊ߲߫ ߞߏ߫ ߊ߬ߟߎ߫ ߡߊ߬ߞߏ ߦߋ߫ ߡߍ߲ ߠߊ߫߸ ߏ߬ ߟߋ ߊ߬ ߞߏ ߞߍ ߘߌ߫ ߞߵߊ߬ ߝߐ߫ ߞߵߊ߬ ߞߍ ߘߌ߫߸ ߊ߬ ߞߊߣߊ߬ ߘߊ߲߬ ߛߓߍ ߘߐߙߐ߲߫ ߞߣߐ߫، ߝߣߊ߫߸ ߞߎ߲߬ߠߊ߬ߛߌ߮ ߟߊ߫ ߓߋߟߋ߲ߠߊ ߟߎ߬ ߦߋ߫ ߛߋ߫ ߞߍ߫ ߟߴߊ߬ ߘߐ߫߸ ߊ߬ߟߎ߬ ߦߋ߫ ߞߊ߬ߙߊ߲߫ ߞߊ߬ߙߊ߲߬ߕߊ ߟߎ߬ ߟߊ߫߸ ߞߊ߬ ߓߊ߲߫ ߞߊ߬ ߓߊ߯ߙߊ߫ ߛߐߘߐ߲ ߝߣߊ߫ ߘߍ߲߫ ߊ߬ ߟߊ߫߸ ߥߟߴߊ߬ ߦߋ߫ ߛߋ߫ ߞߍ߫ ߟߴߊ߬ ߟߊ߫.
