ߞߎ߲߬ߠߊ߬ߛߌ߮ ߓߍ߯
ߟߊ߬ߞߊ߲߬ߘߊ߬ߟߌߞߙߎ߫ ߝߌ߬ߟߊ߫ ߟߋ߬ ߣߐ߬ ߊ߬ߟߎ߬ ߞߍ߫ ߟߊ߫ ߡߊ߬ߟߌ ߣߊ߲߬ߕߌ߮ ߟߎ߬ ߡߊߞߍ߫ ߦߌߟߊ ߟߎ߫ ߞߊ߲߬ ߊߜ߭ߍߟߑߘߐߞ߸ ߊߣߋߝߌߛ߸ ߜ߭ߊ߬ߥߏ߫߸ ߊ߬ ߣߌ߫ ߛߋߝ߭ߊߙߋ߫، ߒ߬ߓߊ߬߸ ߞߙߎ߫ ߝߌ߬ߟߊ ߡߍ߲ ߦߋ߫ ߣߌ߲߬߸ ߊߖ߭ߥߊߘ ߞߊ߲ߠߊߓߌߟߊ߫ ߞߟߊߘߊ (ߊߞߞ) ߣߌ߫ ߊߟߑߞߊߦߌߘߊ ߓߏߟߏ߲ߝߘߊ߸ ߛߌ߬ߟߊ߬ߡߊ ߟߎ߬ ߣߌ߫ ߛߌ߬ߟߡߦߊ߬ ߞߐߡߊߓߌ߲ߓߌ߲߫ ߞߙߎ (ߛߛߞߞ)߸ ߞߊ߬ߛߙߊ ߟߊߘߏ߲߬ߣߍ߲߫ ߏ߬ ߟߎ߫ ߟߋ߬ ߞߎ߲߬ ߣߊ߲߬ߕߌ߮ ߟߎ߬ ߓߟߏ߫.
ߟߊ߬ߞߊ߲߬ߘߊ߬ߟߌߥߊ߬ߛߌ߬ߥߙߊ ߕߟߋ߬ ߁߈ ߢߌ߲߬ ߡߊ߬߸ ߓߊ߰ߓߊ߰ߟߌ߬ߟߊ ߟߎ߫ ߞߊ߬ ߡߙߊ߬ߒ߬ߡߊ߬ߟߌ ߟߋ߬ ߞߍ߫ ߖߋ߬ߟߌ߬ߓߊ߬ߘߎ߯ ߛߊ߲ߡߊߘߊ߲ ߖߏߙߌ ߤߡߊߣߌ߫ ߞߣߐ߫ ߢߊߡߍ߫߸ ߖߡߊ߬ߣߊ ߣߊ߲߬ߕߌ߮ ߟߎ߬ ߛߋ߫ ߘߊ߫ ߣߐ߭ߛߐ߬ߘߐ߲߬ ߠߊ߫߸ ߛߛߞߞ ߞߊ߲߫ ߞߏ߫ ߊ߬ߟߎ߫ ߣߐ߭ ߟߋ߬. ߞߎ߲߬ߠߊ߬ߛߌ߮ ߟߊ߫ ߖߊ߬ߕߋ߬ ߝߐߣߍ߲ ߠߎ߬ ߘߐ߫߸ ߡߐ߰ ߁߃ ߟߋ߬ ߝߊ߰ ߘߴߊ߬ߟߎ߬ ߟߊ߫ ߡߐ߱ ߟߎ߬ ߘߐ߫߸ ߖߡߊ߬ߣߊ ߣߊ߲߬ߕߌ߰ ߁߁߸ ߊ߬ ߣߌ߫ ߣߊ߲߬ߒ߬ߕߊ߲߫ ߡߐ߰ ߝߌ߬ߟߊ߬، ߊ߬ߟߎ߬ ߛߋ߫ ߘߊ߫ ߞߍߒߞߊ߲ߓߊ߯ ߡߐ߰ ߂߂ ߝߊ߰ ߟߊ߫، ߞߎ߲߬ߠߊ߬ߛߌ߮ ߣߐ߬ ߝߊ߬ߙߊ߲߬ߛߌ߫ ߟߋ߬ ߡߊߝߌ߲߬ ߠߊ߫ ߌߞߘߐ߸ ߞߏ߫ ߊ߬ߟߋ ߟߋ߬ ߦߙߍߞߍߟߌ ߣߌ߲߬ ߞߐߝߍ߬ ߛߎߋ߫.
ߞߍߞߎߘߊߡߐ߱ ߥߊ߯ ߦߙߌߞߊ߫ ߟߋ߬ ߓߐ߫ ߘߊ߫ ߓߌߟߏ߲ ߣߌ߲߬ ߡߊ߬߸ ߂߀߂߆ ߞߏ߲ߞߏߘߓߌ ߕߟߋ߬ ߃߀ ߡߊ߬ ߓߡߊ߬ߞߐ߬ ߞߣߐ߫߸ ߞߊ߬ ߛߐ߬ߘߐ߲߬ ߡߊ߬ߞߊ߲߬ߞߊ߲߬ߠߌ߲ ߞߏߕߌ߮ ߛߊ߯ߖߐ߬ ߞߡߊ߬ߙߊ߬ ߓߊߘߍ߫ ߓߟߋߓߟߋ ߘߐ߫. ߊ߬ߟߋ ߦߋ߫ ߡߊ߬ߟߌ ߘߐ߬ߕߊߡߌ߲ ߣߌߞߎ߲ ߘߏ߫ ߟߋ߬ ߘߌ߫߸ ߊ߬ ߝߊ߰ ߘߊ߫ ߓߊ߰ߓߊ߰ߟߌ߬ߟߊ ߟߎ߬ ߟߊ߫ ߡߙߊ߬ߒ߬ߡߊ߬ߟߌ ߘߏ߫ ߟߋ߬ ߘߐ߫߸ ߞߐ߲߬ߛߏ߬ ߜߛߏߡߊ ߟߊ߫ ߡߙߊ߬ߒ߬ߡߊ߬ߟߌ ߘߐ߫ ߞߊ߬ߕߌ߬߸ ߊ߬ߟߋ ߣߴߊ߬ ߡߏ߬ߛߏ ߣߴߊ߬ ߘߋ߲ߣߍ߲߫ ߡߐ߰ ߝߌ߬ߟߊ߬߸ ߏ߬ ߟߎ߬ ߓߍ߯ ߣߌ ߕߏ߫ ߘߴߊ߬ ߘߐ߫.
ߟߊ߬ߞߊ߲߬ߘߊ߬ߟߌߡߊ߬ߟߌ ߞߎ߲߬ߠߊ߬ߛߌ߮ ߓߘߴߊ߬ ߟߊߛߋ߫߸ ߞߏ߫ ߡߊ߬ߞߊ߲߬ߞߊ߲߬ߠߌ߲ ߞߏߕߌ߮ ߛߊ߯ߖߐ߬ ߞߡߊ߬ߙߊ߬ ߓߘߊ߫ ߕߏ߫ ߞߟߊߘߊ ߘߐ߫߸ ߊ߬ߟߋ ߡߍ߲ ߖߐߞߌ߫ ߘߊ߫ ߓߊ߰ߓߊ߰ߟߌ߬ߟߊ ߟߎ߬ ߟߊ߫ ߡߙߊ߬ߒ߬ߡߊ߬ߟߌ ߛߋ߲߭ߝߍ߬ ߊ߬ ߡߊߞߍ߫ ߦߌߟߊ ߘߐ߫ ߞߊ߬ߕߌ߬، ߊ߬ ߦߋ߫ ߡߊ߬ߟߌ ߘߐ߬ߕߊߡߌ߲ ߡߐ߰ߘߐ߬ߜߍ ߟߋ߬ ߘߌ߫߸ ߏ߬ ߟߋ ߞߏߛߐ߲߬ ߖߡߊ߬ߣߊ ߓߍߣߵߊ߬ ߛߎ߬ߞߏ߬ߦߊ ߞߍ߫ ߖߌ߲ߘߊ߲ߓߊ߫ ߘߐ߫߸ ߏ߬ ߡߍ߲ ߟߏ߲ ߓߍߣߊ߬ ߟߊߕߍ߰ ߊ߬ ߕߊ߫ ߟߊ߬ߛߋ߬ߟߌ߬ ߜߘߍ߫ ߘߐ߫.
ߟߊ߬ߞߊ߲߬ߘߊ߬ߟߌߊߓߘߎߟߊߦߌ߫ ߖߐߔ ߓߘߊ߫ ߞߎ߲߬ߘߐ߬ߕߌ߰ ߞߎߡߊ ߓߍ߯ ߞߐ ߞߊߘߎ߫߸ ߞߵߊ߬ ߓߍ߲߬ ߓߡߊ߬ߞߐ߫ ߡߌ߬ߘߊ߬ ߞߏ ߡߊ߬ ߓߊ߰ߓߊ߰ߟߌ߬ߟߊ ߟߎ߬ ߓߟߏ߫، ߊ߬ ߓߘߊ߫ ߡߊ߬ߝߌ߲߬ߠߌ߲ ߞߍ߫ ߞߏ߫ ߞߣߐߘߐߛߏߙߏ߲ߞߏ߫ ߞߟߍ ߟߋ߬ ߦߴߌߘߐ߫ ߡߊ߬ߟߌ ߞߊ߲߬.
ߟߊ߬ߞߊ߲߬ߘߊ߬ߟߌߡߊ߬ߟߌ ߓߊ߬߸ ߓߙߎߞߌߣߊ߫ ߝߊ߬ߛߏ߫ ߓߊ߬߸ ߞߵߏ߬ ߟߊ߫ ߖߋ߬ߟߌ߬ߓߊ߬ߘߎ߯ ߞߊ߲߬߸ ߏ߬ ߖߡߊ߬ߣߊ߫ ߛߊ߬ߓߊ ߓߘߴߊ߬ߟߎ߬ ߟߊ߫ ߝߊ߲߬ߞߊ߬ ߟߊ߬ߞߊߝߏ ߘߍ߬ ߟߊ߬ߘߊ߲ ߛߋ߲߬ߠߊ߬ߞߊߟߌߦߊ߫ ߕߋ߬ߟߋߝߌ߬ߟߊ ߣߌ߲߬ ߘߐ߫߸ ߖߐ߲߰ߛߴߊ߬ߟߎ߬ ߘߌ߫ ߛߋ߫ ߓߊ߰ߓߊ߰ߟߌ߬ߟߊ ߟߎ߬ ߞߟߍ߬ ߟߊ߫ ߘߍ߬ߒ߬ߠߊ ߘߐ߫ ߞߌ߬ߢߍ߬ߞߏ߲ߞߏ߫ ߞߊ߲߬߸ ߞߵߊ߬ߟߎ߬ ߟߊ߫ ߡߊ߬ߓߊ߰ߓߊ߰ߟߌ ߣߴߊ߬ߟߎ߬ ߟߊ߫ ߖߘߐ߬ߞߏ ߟߎ߬ ߢߍߓߍ߲߬ ߞߊߟߌߦߊ߫ ߘߐ߫߸ ߏ߬ ߡߍ߲ ߡߊ߲߬ߕߙߐ ߦߋ߫ ߡߊ߬ߟߌ ߞߊ߲߬ ߖߌߥߎ߫ ߞߏߖߊ ߘߌ߫ ߕߋ߲߬.
ߓߊ߲ߓߋߍߙߍߝߌ ߟߊ߫ ߞߎߡߘߊ ߘߏ߫ ߞߊ߬ߙߊ߲ ߞߐߝߍ߬ ߊ߲ ߓߟߏ߫ ߓߌ߬ ߂߀߂߅ ߞߊ߬ߙߌ߬ߝߐ ߕߟߋ߬ ߁߭ ߣߌ߲߬ ߡߊ߬߸ ߞߵߊ߬ ߓߍ߲߬ ߓߊ߰ߓߊ߰ߟߌ߬ߟߊ ߟߎ߬ ߡߙߊ߬ߒ߬ߡߊ߬ߟߌ ߡߊ߬ ߡߊ߬ߟߌ ߟߊ߫߸ ߊ߲ ߞߵߊ߬ ߦߋ߫ ߞߏ߫ ߊ߬ ߞߎߡߊ ߟߎ߬ ߡߊ߫ ߛߓߍ߫ ߞߣߐߜߍߦߊ߫ ߞߊ߲߬، ߞߵߏ߬ ߞߎ߲߭ ߞߍ߫ ߓߊ߰ߓߊ߰ߟߌ߬ߟߊ ߟߎ߬ ߟߊ߫ ߞߏ ߓߌ߬ߟߊ ߘߌ߫ ߢߍߝߍ߬߸ ߞߊ߬ ߣߊ߲߬ߕߌ߮ ߟߎ߬ ߟߊ߫ ߛߍ߰ ߞߍߣߍ߲ ߠߎ߬ ߝߐ ߕߏ߫ ߞߐ ߟߊ߫߸ ߊߟߎ߬ ߡߊ߫ ߕߎߡߊ߫ ߣߊ߲߬ߒ߬ߕߊ߲ ߠߎ߬ ߟߊ߫ ߞߏ ߞߊ߲߬ ߡߎ߰ߡߍ߫، ߏ߬ ߟߋ ߞߵߊ߲ ߟߐ߬ ߏ߬ ߞߏ ߢߊߝߐ߫ ߟߊ߫ ߣߍ߲ߞߍ߫.
