ߞߎ߲߬ߠߊ߬ߛߌ߮ ߓߍ߯
ߘߍ߭ߊ߬ߟߌ ߖߊߥߙߊ߫ ߦߋ߫ ߞߊ߲ߡߋߙߋ߲߫ ߛߊ߲߭ ߂߉ ߟߋ߬ ߘߌ߫߸ ߡߍ߲ ߦߋ߫ ߛߣߍ߬ߞߍ߬ߟߊ߫ ߘߌ߫ ߓߟߊߕߏ߫، ߊ߬ ߕߘߍ߬ ߛߊߣߌ߲߫ ߢߌߣߌ߲ ߠߋ߬ ߟߊ߫ ߕߋ߬ߟߋߝߌ߬ߟߊ ߣߌ߲߬ ߘߐ߫ ߓߎ߬ߙߋ߫ ߝߊ߬ߕߐ߬ߦߊ߫߸ ߊ߬ ߛߎ߭ ߟߋ߬ ߦߋߣߍ߲߫ ߛߊߣߌ߲߫ ߓߊ߯ߙߊ ߦߌߟߊ ߘߏ߫ ߘߐ߫߸ ߞߌ߲߬ߕߌ߬ߢߊ߲߫ ߡߙߊ߬ߘߊ߬ߙߋ߲ ߘߐ߫.
ߓߌ߬ߟߊ߬ߒ߬ߘߐ߬ߖߎ߮ߖߌ߬ߣߍ߬ߞߊ߫ ߟߊ߬ߓߏ߬ߙߟߌ߬ߟߊ ߘߏ߫ ߟߋ߬ ߣߐ߬ ߛߊ߬ߦߊ ߡߊߛߐ߬ߘߐ߲߬ ߠߊ߫ ߂߀߂߆ ߘߓߊ߬ߕߊ ߕߋ߬ߟߋ߫ ߂߀ ߛߎ ߞߵߊ߬ ߘߎ߰ߛߊ ߜߍ߫ ߕߋ߬ߟߋ߫ ߂߁ ߠߊ߫߸ ߝߊߘߎ߯ ߣߌ߫ ߘߎߓߦߊ߫ ߕߍߟߊ ߘߐ߫߸ ߞߌ߲߬ߕߌ߬ߢߊ߲߫ ߡߙߊ߬ߘߊ߬ߙߋ߲ ߘߐ߫߸ ߛߌ߯ߙߌ߲߫ ߡߙߊ߬ߘߊ߬ߓߊ ߘߐ߫، ߛߙߋ߫ ߛߌߦߊߡߊ߲߫ ߠߊ߫ ߝߐߟߌ߫ ߘߐ߫߸ ߛߌߟߊ ߕߐ߲ߓߟߏߡߊ ߟߎ߬ ߟߊ߫ ߞߐߜߍ߲ߠߌ߲ ߠߋ߬ ߣߐ߬ ߡߊ߬ߛߎߓߊ ߣߌ߲߬ ߕߍ߰ ߟߊ߫.
ߓߌ߬ߟߊ߬ߒ߬ߘߐ߬ߖߎ߮ߡߐ߰ ߣߊ߯ߣߌ߲߫ ߠߋ߬ ߓߣߐ߬ߣߴߊ߬ ߣߌ ߘߐ߫ ߓߌ߬ߟߊ߬ߒ߬ߘߐ߬ߖߎ߰ߓߊ ߘߏ߫ ߘߐ߫ ߛߌ߯ߙߌ߲߫ ߞߌ߲߬ߕߌ߬ߢߊ߲߬߸ ߏ߬ ߞߍ߫ ߘߊ߫ ߛߎ߫ ߕߊ߬ߡߌ߲߬ߣߍ߲ ߠߋ߬ ߡߊ߬، ߘߊ߲߬ߞߊ߬ߞߎߟߎ߲ ߘߏ߫ ߣߌ߫ ߔߏߔߏ߫ ߥߊߟߌߥߊߟߌ ߘߏ߫ ߟߋ߬ ߞߵߊ߬ ߛߌ߰ ߢߐ߲߮ ߞߎ߲߬ ߞߊ߬ ߔߏߔߏ߫ ߟߊߓߏߙߌߟߊ ߝߊ߰߸ ߞߵߏ߬ ߟߊ߫ ߡߛߏ߬ ߞߣߐߡߊ ߘߏ߫ ߣߴߊ߬ ߢߋ߬ߟߋ ߞߊߙߏ߫ ߇ ߣߴߊ߬ ߘߋ߲ߗߍߣߍ߲߫ ߛߊ߲߬ ߁ ߞߊ߲߬. ߦߋ߲߬ ߡߐ߮ ߟߎ߫ ߞߊ߬ ߕߊ ߛߎ߫ ߟߋ߬ ߘߊ߲߬ߞߊ߬ߞߎߟߎ߲ ߠߊ߫ ߞߵߊ߬ ߖߋ߬ߣߌ߲߬ ߞߎߙߍ߫. ߟߊ߬ߓߏ߬ߙߟߌ߬ߟߊ ߓߘߊ߫ ߕߊ߲߫ ߛߊ߲߬ ߝߢߐ ߟߊ߫.
