ߞߎ߲߬ߠߊ߬ߛߌ߮ ߓߍ߯
ߛߎ߲ߞߎ߲ ߡߊ߬ߛߎ߬ߓߊ߬ߞߏ ߟߎ߬ߛߊ߲ߖߌ߫ ߕߐ߲ߞߐߟߐ߲ߡߊ ߟߋ߬ ߖߌ߰ ߘߊ߫ ߞߎߣߎ߲߬ ߛߌ߬ߣߌ߲߬ߟߏ߲ ߛߎ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߉ ߡߊ߬ ߞߵߊ߬ ߘߎ߰ߛߊ ߜߍ߫ ߕߋ߬ߟߋ߫ ߂߀ ߢߌ߲߬ ߠߊ߫߸ ߡߍ߲ ߝߢߐߞߏߙߏ߲ ߞߊ߬ ߕߌߢߍߟߌ߫ ߛߌߦߊߡߊ߲߫ ߞߍ߫߸ ߞߊ߬ ߘߋ߲ߣߍ߲߫ ߛߊ߲߬ ߁߀ ߘߏ߫ ߓߐ߬ߣߐ߫ ߊ߬ ߣߌ ߘߐ߫، ߏ߬ ߞߍ߫ ߘߊ߫ ߝߙߊ߬ߣߍ߲ ߺ ߞߐ߫ ߟߋ߬߸ ߞߎ߲ߖߊ߲߫ ߛߏ ߞߣߐ߫߸ ߞߎߘߍ߫ ߅߀ ߖߊ߬ߕߋ߬ ߟߊ߫ ߡߊ߲߬ߖߊ߲߬ߠߊ߫ ߡߙߊ߬ߘߊ߬ߓߊ ߘߐ߫، ߊ߬ ߛߌ߰ߓߊ߮ ߟߎ߬ ߢߌߣߌ߲ߣߍ߲߫ ߝߊ߰ߡߊ ߟߎ߬ ߣߌ߫ ߓߟߏߘߐߢߌ߲ ߠߎ߬ ߟߊ߫ ߘߍ߬ߡߍ߲ ߡߊ߬ ߕߋ߲߬ ߞߏߛߓߍ߫.
ߟߊ߬ߞߟߏ߬ߞߟߏ߬ߟߌߞߊ߬ߙߊ߲߬ ߞߎ߲߬ߝߊ߰ ߞߘߐߓߐߟߌ ߡߍ߲ ߦߴߌߘߐ߫ ߛߋߒߞߏߟߊ߫ ߟߞߊߙߊ߲ߠߌ߲ ߣߌ߫ ߓߊ߯ߙߊ߫ ߡߞߊߙߊ߲ߘߊ ߟߎ߬ ߟߊ߫߸ ߏ߬ ߘߊߡߌ߬ߣߊ߬ ߘߊ߫ ߞߐ߬ߓߊ߬ߟߏ߲ ߣߌ߲߬ ߡߊ߬ ߞߊ߲ߞߊ߲߫ ߡߊ߬ߡߙߊ߬ߟߌ ߕߌ߲߬ߞߎߘߎ߲ ߘߐ߫، ߡߊ߬ߡߌ߬ߘߊ߬ߟߌ߬ߟߊ߫ ߃߀߀߀ ߢߐ߲߰ ߠߋ߬ ߕߊ߲ߓߊ߲߫ ߥߐߙߐ߲ߝߌ߬ߟߊ ߞߣߐ߫߸ ߡߍ߲ ߠߎ߬ ߘߐߕߟߊߣߍ߲߫ ߡߙߊ߬ߘߊ߬ߓߊ߫ ߛߓߊ߬ ߕߍ߫߸ ߜߍߦߊ ߞߣߐ߫߸ ߊ߬ ߣߴߊ߬ ߦߌ߬ߘߊ߬ ߦߌ߬ߘߊ߬ ߞߏ߫ ߘߐ߬ߞߏ߬ߦߊ߬ߕߏ߬ߟߌ߬ ߕߴߊ߬ ߘߐ߫ ߞߊ߬ߙߏ߲ ߡߊ߬ߝߊ߲ ߝߍ߬ ߝߋߎ߫.
ߟߊ߬ߞߟߏ߬ߞߟߏ߬ߟߌߝߘߏ߬ߓߊ߬ ߓߊ߯ߙߊ ߟߞߊ߬ߙߊ߲߬ߠߌ߲ ߛߊߛߋ߫ ߓߊ߯ߙߟߊ߫ ߞߘߐ߫ ߕߊ߬ߓߊߟߌ ߟߎ߬ ߓߘߊ߫ ߞߎߡߊ ߕߊ߬ ߞߊ߯ߙߌ ߣߌ߲߬ ߡߊ߬߸ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߄، ߞߊ߲ߞߊ߲߫ ߞߣߐ߫ ߏ߬ ߘߐ߫߸ ߊߊ߬ߟߎ߬ ߟߊ߫ ߕߌ߲߬ߞߎߘߎ߲ ߘߏ߲߬ߖߟߎ߬ߡߊ߬ߟߌ߬ߟߊ ߣߌ߫ ߓߋߟߋ߲ߕߌ߯ ߛߙߍߞߍ߫ ߝߊ߬ߛߏ߬ߟߊ߬ߞߊ ߡߎߛߊ߫ ߖߊ߬ߞߌ߬ߕߋ߫ ߞߵߊ߬ ߦߌ߬ߘߊ߬ ߞߏ߫ ߝߏ߫ ߞߊ߬ ߜߍ߫ ߘߐ߫ ߡߊߝߟߍߟߌ߫ ߞߏ ߣߌ߲߬ ߛߋ߲߬ߠߊ߬ߞߊߟߌߦߊ߫ ߟߋ߬߸ ߞߵߊ߬ߟߎ߬ ߟߊ߫ ߘߐ߬ߛߙߋ ߟߎ߬ ߘߐߜߍ߫، ߣߴߏ߬ ߕߍ߫߸ ߞߏ߫ ߊ߬ߟߎ߬ ߘߴߊ߬ߟߎ߬ ߡߊߝߐߦߌ߲ߝߐߦߌ߲߫߸ ߣߴߊ߬ ߞߏ ߛߋ߲߬ߠߊ߬ߛߎߡߦߊ߫ ߘߊ߫ ߞߊ߬ߣߌ߲߬، ߓߊߏ߬߸ ߓߟߏߞߓߊ ߓߘߊ߫ ߛߋ߫.
ߞߌ߬ߓߊ߬ߙߏߜߐ߲߬ߞߐ ߦߋ߫ ߢߊ߲߬ߕߊ߬ߣߌ߲߬ߠߊ߫ ߡߊ߬ߙߊ ߟߎ߬ ߘߐ߫߸ ߡߍ߲ ߛߌ߰ߓߊ߮ ߘߌ߫ ߡߐ߰ ߁߂ ߀߀߀ ߢߐ߲߰ ߓߐ߫، ߒ߬ߓߊ߬߸ ߏ߬ ߟߎ߫ ߞߎ߲߬ߢߐ߲߰ ߦߙߌߞߊ ߟߋ߬ ߘߓߌ߬ ߞߎ߬ߘߎ߲߬ ߘߍ߲ߘߍ߲ ߘߐ߫ ߞߟߌߟߌ߫ ߞߏ ߛߌߟߊ ߝߍ߬ ߣߌ߲߬߸ ߞߙߏ߬ߝߏ߬ ߖߐ߲ߖߐ߲߫ ߕߴߊ߬ߟߎ߫ ߝߍ߬، ߊ߬ߟߎ߬ ߕߍ߫ ߛߋ߫ ߟߴߊ߬ߟߎ߬ ߟߊ߫ ߓߌ߬ߟߊ߬ߢߐ߲߰ߡߊ ߟߎ߬ ߢߊߓߐ߫ ߟߴߊ߬ ߢߌ߬ߡߊ ߟߊ߫߸ ߊ߬ߟߎ߬ ߟߊ߫ ߖߎ߬ߟߊ߬ߦߊ ߟߎ߬ ߓߍ߫ ߢߌߣߌ߲߫ ߞߊ߬ ߝߍ߭ ߛߐ߬ߘߐ߲߬߸ ߞߌ߬ߓߊ߬ߙߏ߬ ߞߏ ߕߎߣߎ߲ߣߍ߲߫ ߠߴߊ߬ߟߎ߫ ߡߊ߬ ߦߋ߲߬ ߕߋ߲߬ ߖߋ߲ߎ߲߫.
ߒߞߏߒߞߏ ߛߌ߲ߘߌ ߛߊ߲߬ ߇߈߲ ߓߟߏߘߐߓߍ߲ ߡߍ߲ ߠߎ߬ ߦߴߌߘߐ߫ ߡߊ߲߬ߖߊ߲߬ߠߊ߫ ߒߟߕ ߘߍ߬ߞߙߎ ߓߟߏ߫߸ ߏ߬ ߟߋ ߛߐ߰ߒ߬ߡߊ ߞߍߣߍ߲߫ ߦߌ߬ߘߊ߬ߥߟߊ߬ ߕߘߎ ߘߌ߫߸ ߡߍ߲ ߘߊߡߌ߬ߣߊ߬ߣߍ߲߫ ߂߀߂߆ ߘߓߊ߬ߕߊ ߕߟߋ߬ ߅ ߣߌ߲߬ ߡߊ߬، ߒߞߏ ߟߕ ߣߐ߬ ߢߌ߲߬ ߠߊߥߟߌ߬ ߟߊ߫ ߝߊ߬ߛߏ߬ ߞߊ߲ ߠߎ߬ ߛߊ߲ߞߘߐߕߊ߭ ߟߋ߬ ߡߊ߬ ߝߘߏ߬ߓߊ߬ ߘߌ߲ߞߌߙߊ ߟߎ߬ ߘߐ߫.
ߜߘߍ ߟߎ߬ߛߊߣߌ߲߫ ߢߌߣߌ߲߫ ߘߋ߲ߞߊ߫ ߞߎߘߎ߲ ߘߏ߫ ߟߋ߬ ߖߎߙߊ߲ߣߍ߲߫ ߞߍ߲ߘߍߟߏ߲ ߣߌ߲߬ ߡߊ߬߸ ߂߀߂߆ ߘߓߊ߬ߕߊ ߕߋ߬ߟߋ߫ ߂ ߡߊ߬ ߞߌߢߍ߲ߞߎߘߊ߫߸ ߡߊ߲߬ߖߊ߲߬ߠߊ߫ ߡߙߊ߬ߘߊ߬ߓߊ ߘߐ߫، ߝߊ߰ߓߊ߰ߕߐ ߦߙߌߞߊ ߦߋ߫ ߝߌߙߌ߲ߝߌߙߌ߲߫ ߛߏ߫ ߞߣߐ߫ ߡߐ߮ ߟߎ߬ ߣߌ߫ ߛߏ ߝߊ߰ߡߊ ߟߎ߬ ߕߍ߫. ߊ߬ ߞߏ߬ߣߌ߲߸ ߡߐ߰ ߞߐ߬ߣߐ߲߬ߘߐ߫ ߢߐ߲߰ ߠߋ߬ ߕߏߣߴߊ߬ ߘߐ߫߸ ߡߐ߰ ߘߴߊ߬ ߓߟߏߞߍ߫ ߡߍ߲ ߠߊ߫ ߞߊ߬ߣߌ߲߬.
ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ߊ߬ ߕߋ߬ߟߋ߫ ߛߊ߬ߓߊ ߟߋ߬ ߕߋ߲߬߸ ߞߊ߲ߞߊ߲߫ ߖߌߥߎߘߊ ߘߏ߫ ߟߎ߫ ߓߍ߫߸ ߘߎ߰ߞߎߟߎ߲ ߠߎ߬ ߟߐ߬ߣߍ߲߫ ߖߎ߬ߟߎߡߊ߬ ߦߋ߲߬ ߠߎ߬ ߘߐ߫߸ ߊ߬ߟߎ߬ ߓߍ߯ ߦߋ߫ ߞߓߊߕߟߎ߫ ߞߏ ߘߐ߫، ߊ߲ ߞߏ߬ߣߌ߲ ߡߴߊ߬ ߟߐ߲߫ ߣߌ߫ ߞߓߊߕߟߎ߫ ߞߏߖߊ ߟߋ߬ ߘߏ߲߬ ߓߟߏ ߡߊ߬ ߓߊ߬، ߟߊ߬ߛߋ߬ߟߌ߫ ߞߏ߬ߣߌ߲߬ ߡߊ߫ ߞߍ߫ ߊ߬ ߞߏߢߊ ߞߊ߲߬ ߡߎߣߎ߲߬ ߝߊ߰ߡߊ ߟߎ߬ ߓߟߏ߫.
ߘߍ߭ߡߊ߬ߡߊ߬ߘߌ߫ ߞߙߎ߬ߡߊ߬ ߓߘߴߊ߬ ߖߍ߬ߘߍ߫ ߗߍ߬ߦߊ ߕߍ߰ ߊ߬ ߟߊ߫
ߘߍ߭ߝߎ߯ߘߌ߫ ߞߘߎ ߟߋ߬ ߥߎ߬ߦߊ߬ߣߍ߲߫ ߢߡߊ߬ ߛߎ߬ߛߎ߬ ߘߊߡߊ߲ ߘߏ߫ ߞߣߐ߫ ߞߎߣߎ߲ߟߏ߲ ߂߀߂߆ ߞߏ߲ߞߏߜߍ ߕߟߋ߬ ߁߁ ߡߊ߬ ߞߏ߲߬ߖߊ߲߬ߠߊ߬ߞߎߘߊ߫߸ ߞߊ߬ ߡߛߏ߬ ߁߀ ߓߐ߬ߣߐ߫ ߊ߬ ߣߌ ߘߐ߫، ߊ߬ߟߎ ߦߋ߫ ߓߊ߯ߙߊ߫ ߟߊ߫ ߘߊ߬ߡߊ߲߬ ߞߘߐ ߟߋ߬ ߞߣߐ߫߸ ߞߊ߬ ߢߍ ߕߍ߬ ߞߊ߬ ߥߴߊ߬ ߞߏ߬ ߘߊ߬ߡߊ߲߬ ߞߘߐ ߞߣߐ߫، ߖߊ߰ ߕߌ߲ߘߌ ߡߍ߲ ߦߴߊ߬ߟߎ߫ ߞߎ߲߬ߘߐ߫߸ ߏ߬ ߓߘߊ߫ ߛߍ߲ߞߍ߫߸ ߏ߬ ߟߋ ߝߎ߯ߘߌ߫ ߞߘߎ ߥߟߌ߬ߣߍ߲߫ ߡߎ߬ߕߎ߲߬ ߞߊ߬ ߣߊ߬ ߖߎߙߊ߲߫ ߊ߬ߟߎ߫ ߞߊ߲߬߸ ߞߊ߬ ߡߐ߰ ߕߊ߲߫ ߓߐ߬ߣߐ߫ ߊ߬ ߣߌ ߘߐ߫.
ߟߊ߬ߞߊ߲߬ߘߊ߬ߟߌߘߋ߲ߡߌߛߍ߲߫ ߛߌߝߌ߲߫ ߝߌ߬ߟߊ߫ ߟߋ߬ ߓߣߐ߬ߣߴߊ߬ ߣߌ ߘߐ߫ ߡߊ߲߬ߖߊ߲߬ߠߊ߬ ߞߣߐ߫ ߟߏ߲߫ ߞߋߟߋ߲ ߡߊ߬، ߞߋߟߋ߲ ߝߊ߰ ߘߊ߫ ߕߋ߰ߙߋ ߟߎ߫ ߟߋ߬ ߓߟߏ߫ ߞߵߊ߬ ߟߊ߫ ߔߏߔߏ ߣߴߊ߬ ߓߟߏߝߋ߲ ߠߎ߬ ߕߊ߬ ߞߊ߬ ߥߴߊ߬ ߘߌ߫، ߊ߬ ߕߐ߬ ߞߋߟߋ߲ ߝߊ߰ ߘߊ߫ ߓߌ߬ߟߊ߬ߒ߬ߘߐ߬ߖߎ߮ ߟߋ߬ ߘߐ߫، ߖߌ߬ߣߍ߬ ߜߍߞߊ߲ߠߊ ߓߘߊ߫ ߡߊߛߌߟߊ߲߫߸ ߞߵߏ߬ ߞߎ߲߭ ߞߍ߫ ߊ߬ ߡߊ߬ߛߎ߬ߓߊ߬ߞߏ ߟߎ߫ ߥߊ߬ߙߊ ߘߌ߫، ߊߟߎ߫ ߦߋ߫ ߖߌ߬ߦߊ߬ߓߍ ߛߐ߲߬ߞߌ߲߬ ߖߏߣߊ߫ ߞߵߊ߬ ߖߊ߲߬ߖߏ߲߫ ߝߌ߬ߟߊ ߞߎ߲ߝߊ߲ߓߐ߫.
ߘߍ߭ߘߋ߲ߡߛߏߣߍ߲߫ ߛߊ߲߭ ߂߄ ߘߏ߫ ߟߋ߬ ߞߊ߲ߠߊߕߍ߰ߣߍ߲ ߦߋߣߍ߲߫ ߓߌ߬ ߞߏߟߌ߲ߞߏߟߌ߲ ߕߟߋ߬ ߁߀ ߣߌ߲߬ ߡߊ߬ ߖߊ߯ߛߊ߫߸ ߏ߬ ߦߋ߫ ߡߊ߲߬ߖߊ߲߬ߠߊ߫ ߟߋ߬ ߘߐ߫،ߛߌߞߊ߫ ߞߍߣߴߊ߬ ߗߍ߬ ߟߋ߬ ߡߊ߬߸ ߏ߬ ߓߘߊ߫ ߛߋ߫ ߝߊ߰ߡߊ ߟߎ߬ ߕߍ߯ ߞߘߐ߫ ߕߋ߲߬. ߖߌ߬ߦߊ ߛߐ߲߬ߞߌ߲߬ ߖߏߣߊ߫ ߞߊ߬ ߟߌ߬ߤߟߊ ߕߐ߭ ߞߊ߬ߙߊ߲߬ 👇🏿
