ߞߎ߲߬ߠߊ߬ߛߌ߮ ߓߍ߯
ߞߍߞߎߘߊߞߊ߲ߡߋߙߋ߲߫ ߛߊ߲߭ ߂߂߸ ߞߊ߬ߙߌߝߊ߬ ߞߐ߲ߘߍ߫ ߟߋ߬ ߝߊ߰ߣߍ߲߫ ߕߐ߲ߓߟߏߡߊ ߟߎ߬ ߟߊ߫ ߞߐߜߍ߲ߠߌ߲ ߕߎ߬ߡߊ ߟߊ߫ ߘߓߊ߬ߕߊ ߕߋ߬ߟߋ߫ ߂߂ ߡߊ߬߸ ߏ߬ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߘߋ߲ߡߌߛߍ߲ ߠߎ߬ ߟߊߘߌߡߌ߲߫ ߞߵߊ߬ߟߎ߬ ߟߊߖߌ߰ ߛߌߟߊ ߞߊ߲߬ ߛߏ ߞߣߐ߫، ߘߐ߬ߛߏ߰ߙߋ߬ߟߌ߫ ߞߏ߬ߣߌ߲߬ ߓߘߊ߫ ߛߌ߰ ߛߋ߲߬ߠߊ߫߸ ߕߍ߮ ߓߘߊ߫ ߞߍ߫ ߛߌߞߊߒߡߊߓߊ߯ߕߐ ߘߏ߫ ߘߐ߫߸ ߏ߬ ߦߋ߫ ߢߟߊߥߛߎ ߟߊ߫.
ߟߊ߬ߞߊ߲߬ߘߊ߬ߟߌߛߍ߬ߞߍ߫ ߞߐ߬ߟߋ߲߬ߘߊ ߡߏ߬ߛߏ ߟߎ߬ ߓߘߊ߫ ߓߐ߫ ߡߐߣߍ ߘߌ߫߸ ߞߊ߬ ߓߍ߲߬ ߊ߬ߟߎ߬ ߟߊ߫ ߝߊ߲߬ߞߣߐ ߏ߬ ߟߊ߬ߞߊ߲߬ߘߊ߬ߟߌ ߡߊ߬، ߓߊߏ߬߸ ߊ߬ߟߎ߬ ߟߊ߫ ߡߐ߰ ߞߋߟߋ߲߫ ߠߋ߬ ߓߣߐ߬ ߘߴߊ߬ ߣߌ ߘߐ߫ ߞߏ߲ߞߏߘߓߌ ߕߟߋ߬ ߈ ߡߊ߬߸ ߏ߬ ߡߊ߫ ߘߌߦߴߊ߬ߟߎ߬ ߦߋ߫ ߢߊ߫ ߛߌ߫ ߡߊ߬، ߞߵߏ߬ ߞߎ߲߭ ߞߍ߫ ߏ߬ ߝߊ߰ ߢߊ ߖߎ߯ߦߊ ߘߌ߫.
ߘߍ߭ߛߌ߯ߙߌ߲߫ ߞߣߐ߫߸ ߊ߬ߟߌ ߗߊߡ ߡߌ߬ߣߊ ߓߘߊ߫ ߞߍ߫ ߔߊߞߌߛߦߊ߫ ߟߊߝߛߊ߬ߣߍ߲ ߘߏ߫ ߕߎ߬ߙߎ ߘߌ߫، ߛߌߟߊ ߟߎ߬ ߕߍ߰ ߘߊ߫ ߟߋ߬ ߓߌ߬߸ߢߊߖߌߓߐߥߊߦߌ߲ ߝߟߌ߬ ߘߊ߫ ߝߊ߲߬ ߛߌߦߊߡߊ߲߫ ߘߐ߫߸ ߞߊ߬ ߘߏ߫ ߟߎ߫ ߖߐߞߌ߫.
ߘߍ߭ߔߊߞߌߛߦߊ߫ ߟߞߊߟߌߡߊ߲ ߘߏ߫ ߓߘߊ߫ ߞߍ߫ ߛߌ߯ߙߌ߲߫߸ ߊ߬ߟߌ ߗߊߡ ߡߌ߬ߣߊ ߞߐߝߍ߬߸ ߞߊ߬ ߡߐ߰ ߞߋߟߋ߲߫ ߓߐ߬ߣߐ߫ ߊ߬ ߣߌ ߘߐ߫߸ ߞߊ߬ ߞߋߟߋ߲߫ ߜߘߍ߫ ߖߐߞߌ߫ ߞߏߖߎ߯ߦߊ ߞߍ߫، ߞߎߣߎ߲߬ ߛߎ ߞߍ߫ ߘߊ߫ ߢߊߖߌߓߐߥߊߦߌ߲߫ ߠߊߓߊ߯ߙߊ ߣߌ߫ ߕߊ߬ߘߌ߬ߓߊ߬ߕߊߘߌߓߊ ߟߋ߬ ߘߌ߫ ߝߛߊߦߌ߫.
ߞߓߊߞߏ ߟߎ߬ߡߊ߲߬ߞߊ߲ ߠߋ߬ ߥߟߌ߬ߣߍ߲߫ ߛߣߌߥߊ ߟߎ߬ ߞߊ߲ߡߊ߬ ߛߌ߯ߙߌ߲߫ ߞߣߐ߫߸ ߞߵߏ߬ ߞߎ߲߭ ߞߍ߫ ߘߊ߬ߡߊ߲߬ ߓߊ߯ߙߊ ߘߊ߲߬ߠߕߊ߬ߡߌ߲߬ ߞߍߟߌ ߘߴߊ߬ߟߎ߬ ߓߟߏ߫߸ ߊ߬ߟߎ߬ ߟߊ߫ ߘߎ߰ߞߎ߬ߟߎ߲߬ ߞߋߟߋ߲߫ ߖߋ߬ߣߌ߲߬ ߘߊ߫ ߟߋ߬߸ ߞߊ߬ ߡߐ߰ ߞߋߟߋ߲߫ ߖߐߞߌ߫ ߊ߬ ߛߋ߲߬ߞߘߎ ߟߊ߫ ߣߍ߲ߞߍ߫߸ ߕߍ߮ ߞߍ߫ ߘߊ߫ ߔߊߞߌߛߦߊߟߊ ߛߌߦߊߡߊ߲߫ ߘߐ߫.
