ߞߎ߲߬ߠߊ߬ߛߌ߮ ߓߍ߯
ߓߌ߬ߟߊ߬ߒ߬ߘߐ߬ߖߎ߮ߡߐ߰ ߡߎ߬ߥߊ߲ ߣߌ߫ ߞߐ߬ߣߐ߲߬ߘߐ߬ ߓߘߊ߫ ߕߏ߫ ߞߎߟߎ߲߫ ߝߘߌ ߘߏ߫ ߘߐ߫ ߦߏߓߋ߫߸ ߡߐ߰ ߕߊ߲߫ ߦߋߣߍ߲߫ ߕߍ߫ ߡߎߣߎ߲߬߸ ߏ߬ ߟߎ߬ ߢߌߣߌ߲ ߦߴߌߘߐ߫ ߛߡߐ߬ߣߐ ߟߎ߬ ߓߟߏ߫، ߊߟߎ߫ ߦߋ߫ ߖߌ߬ߦߊ߬ߓߍ ߛߐ߲߬ߞߌ߲߫ ߞߵߊ߬ ߕߐ߭ ߞߊ߬ߙߊ߲߬.
ߛߎ߲ߞߎ߲ ߡߊ߬ߛߎ߬ߓߊ߬ߞߏ ߟߎ߬ߖߌ߬ߣߍ߬ߞߊ߫ ߛߓߊ߬ ߓߘߊ߫ ߕߏ߫ ߖߌ ߘߐ߫ ߣߎߥߊߘߌߓߎ߫ ߖߌ߫ ߡߍߣߍ߲ ߞߊ߲߬ ߡߏߙߌߕߊߣߌ߫، ߥߎ߬ߣߎ߲߬ߥߎ߬ߣߎ߲߬ ߞߎߡߊ ߦߴߌߘߐ߫ ߞߏ߫ ߕߊߞߎߟߎ߲ ߥߟߌ߬ ߘߊ߫ ߞߐߣߊߞߙߌ߫ ߟߋ߬، ߓߊ߬ߙߌ߬߸ ߊ߬ ߓߘߊ߫ ߣߊ߬ ߦߋ߫ ߞߏ߫ ߊ߬ߟߎ߫ ߥߟߌ߬ ߘߊ߫ ߜ߭ߊ߲ߓߌ߫ ߟߋ߬.
ߡߊ߲߬ߕߏ߲߬ߕߍ߬ߟߊ߬ߞߊߡߐ߰ ߁߅߀ ߟߋ߬ ߕߘߍ߬ ߞߎߟߎ߲ ߘߏ߫ ߞߣߐ߫ ߡߏߙߌߕߊߣߌ߫ ߖߌ߫ ߡߍߣߍ߲ ߞߊ߲߬߸ ߡߍ߲ ߞߣߐ߫ ߡߐ߮ ߓߍ߯ ߦߋ߫ ߞߎ߲߬ߝߍ߬ߕߊ߰ߟߊ ߟߎ߬ ߘߌ߫ ߞߏ߫ ߊ߬ߟߎ߬ ߕߊ߯ߕߐ߫ ߋߙߐߔߎ߬߸ ߏ߬ ߟߎ߬ ߟߊ߫ ߞߎߟߎ߲ ߏ߬ ߟߋ ߝߘߌߣߍ߲߫߸ ߡߐ߰ ߇߀ ߛߎ߭ ߓߘߊ߫ ߦߋ߫ߑ߸ ߡߐ߰ ߃߀ ߦߋߣߍ߲߫ ߕߍ߫ ߝߟߐ߫، ߣߌ߲߬ ߠߋ߬ ߦߋ߫ ߞߎ߲߬ߝߍ߬ߕߊ߰ߟߌ ߡߊ߬ߛߎ߬ߓߊ߬ ߞߎߘߊ ߘߏ߫ ߝߣߊ߫ ߘߌ߫ ߕߎ߲߯.
ߞߓߊߞߏ ߟߎ߬ߕߊ ߥߟߌ߬ߣߍ߲߫ ߕߊߞߎߟߎ߲ ߘߏ߫ ߟߋ߬ ߟߊ߫ ߛߎߟߊߥߋߛߌ߫ (ߍ߲ߘߣߏߛߌ߫ ߖߡߊ߬ߣߊ ߞߊ߲߬) ߞߊ߬ ߡߐ߰ ߟߏ߯ߟߎ߫ ߕߐ߬ߣߐ߫ ߊ߬ ߣߌ ߘߐ߫، ߡߐ߰ ߃߀߀ ߢߐ߲߰ ߠߋ߬ ߕߘߍ߬ ߕߊߞߎߟߎ߲ ߣߌ߲߬ ߞߣߐ߫߸ ߡߍ߲ ߠߎ߬ ߝߊ߲߬ߓߊ ߛߋ߫ ߘߊ߫ ߡߞߊߘߊ߲߫ ߠߊ߫ ߡߞߊ߬ߘߊ߲߬ߠߌ߲߬ߠߊ ߟߎ߬ ߓߟߏ߫߸ ߊ߬ ߕߌ߯ߕߌ߯ ߛߡߐ߬ߣߐ ߡߍ߲ ߠߎ߬ ߕߘߍ߬ ߞߣߍ ߞߊ߲߬ ߦߋ߲߬߸ ߏ߬ ߟߎ߫ ߞߵߊ߬ߟߎ߬ ߛߋߞߏ ߞߍ߫ ߞߏߛߓߍ߫.
