ߞߎ߲߬ߠߊ߬ߛߌ߮ ߓߍ߯
ߘߍ߭ߛߊߣߌ߲߫ ߢߌߣߌ߲߫ ߕߙߏߞߏ߫ ߔߏߞߑߟߍ߲߫ ߠߊߓߊ߯ߙߊ߫ ߢߊ߫ ߖߎ߮ ߡߍ߲ ߦߴߌߘߐ߫ ߛߌ߯ߙߌ߲߫ ߞߣߐ߫߸ ߖߊ߰ߘߏ ߓߘߴߊ߬ ߘߋ߲߫ ߞߎߘߊ߫ ߞߍ߫ ߊ߬ ߟߊ߫ ߏ߬ ߞߏ ߘߐ߫، ߞߊ߬ߕߎ߲߯߸ ߓߐߛߎ߲߫ ߛߌߦߊߡߊ߲߫ ߦߴߊ߬ ߦߌ߬ߘߊ߬ ߟߊ߫߸ ߞߏ߫ ߝߊ߲߬ߞߊ߬ ߓߟߏߡߊߞߊ߬ߣߍ߲ ߘߏ߲߬ߞߏ ߘߏ߫ ߟߎ߫ ߟߋ߬ ߣߊ߬ߣߍ߲߫ ߛߌ߯ߙߌ߲߫ ߞߣߐ߫߸ ߞߊ߬ ߣߊ߬ ߡߐ߰ ߛߌߦߊߡߊ߲߫߸ ߊ߬ ߣߌ߫ ߛߏ ߝߊ߰ߡߊ ߘߏ߫ ߟߎ߫߸ ߊ߬ߟߎ߫ ߞߵߊ߬ߟߎ߬ ߞߊ߲ߠߊߘߌ߫ ߡߍ߲ ߠߎ߬ ߡߊ߬، ߊ߲ ߞߏ߬ߣߌ߲ ߡߊ߫ ߕߍ߰ߒ߬ߞߊ߲߬ ߝߏߦߌ߬ ߛߐ߬ߘߐ߲߫ ߝߊ߰ߡߊ߬ ߞߎ߲ߘߊ߫ ߡߎߣߎ߲߬߸ ߞߵߊ߬ ߞߏ ߟߤߊߕߍߦߊ߫ ߓߘߍߞߍ߭.
ߞߌ߬ߓߊ߬ߙߏߜߐ߲߬ߞߐ ߦߋ߫ ߢߊ߲߬ߕߊ߬ߣߌ߲߬ߠߊ߫ ߡߊ߬ߙߊ ߟߎ߬ ߘߐ߫߸ ߡߍ߲ ߛߌ߰ߓߊ߮ ߘߌ߫ ߡߐ߰ ߁߂ ߀߀߀ ߢߐ߲߰ ߓߐ߫، ߒ߬ߓߊ߬߸ ߏ߬ ߟߎ߫ ߞߎ߲߬ߢߐ߲߰ ߦߙߌߞߊ ߟߋ߬ ߘߓߌ߬ ߞߎ߬ߘߎ߲߬ ߘߍ߲ߘߍ߲ ߘߐ߫ ߞߟߌߟߌ߫ ߞߏ ߛߌߟߊ ߝߍ߬ ߣߌ߲߬߸ ߞߙߏ߬ߝߏ߬ ߖߐ߲ߖߐ߲߫ ߕߴߊ߬ߟߎ߫ ߝߍ߬، ߊ߬ߟߎ߬ ߕߍ߫ ߛߋ߫ ߟߴߊ߬ߟߎ߬ ߟߊ߫ ߓߌ߬ߟߊ߬ߢߐ߲߰ߡߊ ߟߎ߬ ߢߊߓߐ߫ ߟߴߊ߬ ߢߌ߬ߡߊ ߟߊ߫߸ ߊ߬ߟߎ߬ ߟߊ߫ ߖߎ߬ߟߊ߬ߦߊ ߟߎ߬ ߓߍ߫ ߢߌߣߌ߲߫ ߞߊ߬ ߝߍ߭ ߛߐ߬ߘߐ߲߬߸ ߞߌ߬ߓߊ߬ߙߏ߬ ߞߏ ߕߎߣߎ߲ߣߍ߲߫ ߠߴߊ߬ߟߎ߫ ߡߊ߬ ߦߋ߲߬ ߕߋ߲߬ ߖߋ߲ߎ߲߫.
ߜߘߍ ߟߎ߬ߘߊ߬ߡߊ߲߬ߓߋ ߟߋ߬ ߞߍߣߍ߲߫ ߂߀߂߆ ߥߊ߬ߛߌ߬ߥߙߊ ߕߟߋ߬ ߇ ߡߊ߬ ߓߎ߬ߙߋ߫ ߞߌ߲߬ߕߌ߬ߢߊ߲߫߸ ߝߌߘߌ߬ ߘߊ߬ߡߊ߲߬ߝߍ ߘߐ߫߸ ߞߊ߬ ߡߐ߰ ߁߁ ߓߐ߬ߣߐ߫ ߊ߬ ߣߌ ߘߐ߫߸ ߞߊ߬ ߡߐ߰ ߄ ߖߐߞߌ߫߸ ߞߊ߬ ߓߍ߲߬ ߊ߲ ߠߊ߫ ߞߎ߲߬ߠߊ߬ߝߎߟߋ߲߫ ߛߐ߬ߘߐ߲߬ߣߍ߲ ߠߎ߬ ߡߊ߬ ߦߙߐ ߘߐ߫ ߦߋ߲߬ ߌߞߘߐ߫.
ߜߘߍ ߟߎ߬ߘߊ߬ߡߊ߲߬ߓߋ ߟߋ߬ ߞߍߣߍ߲߫ ߞߊ߯ߙߌ ߂߀߂߆ ߥߊ߬ߛߌ߬ߥߙߊ ߕߟߋ߬ ߇ ߡߊ߬߸ ߘߊ߬ߡߊ߲߬ ߓߊ߰ߙߊ߬ ߦߌߟߊ ߘߏߘߐ߫ ߞߌ߲߬ߞߌ߬ߢߊ߲߫߸ ߞߏ߫ ߝߌߘߌ߬ ߺ ߘߐ߫، ߊ߬ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߡߐ߰ ߣߊ߯ߣߌ߲߫ ߠߋ߬ ߓߐ߬ߣߐ߫ ߊ߬ ߣߌ ߘߐ߫ ߘߊ߬ߡߊ߲߬ߛߋ߲߬ߠߊ ߟߎ߬ ߘߐ߫.
ߞߍߞߎߘߊߞߎ߲߬ߠߊ߬ߛߌ߮ ߓߘߊ߫ ߔߏߞߑߟߍ߲߫ ߓߊ߯ߙߊ ߟߊߕߐ߲߫ ߛߌ߯ߙߌ߲߫ ߞߣߐ߫ ߝߛߊߦߌ߫߸ ߓߊ߬ߙߵߊ߬ߟߋ߬ ߘߊ߬ߡߊ߲߬ߛߋ߲߬ ߕߙߏߞߏ ߓߘߊ߫ ߞߍ߫ ߕߙߎ߬ ߘߌ߫ ߞߊ߬ ߞߐ߭ ߡߍ߲ ߕߌߢߍ߫ ߛߌ߯ߙߌ߲߫ ߞߣߐ߫߸ ߏ߬ ߘߌ߫ ߗߍ߬ߡߍ߫ ߝߌ߬ߟߊ߫ ߖߊ߬ߕߋ߬ ߓߐ߫߸ ߞߊ߬ ߓߍ߲߬ ߘߌ߲߬ߞߌߙߊ ߞߏߟߊߕߍ߮ ߟߎ߬ ߟߊ߫ ߝߐߟߌ ߡߊ߬.
ߜߘߍ ߟߎ߬ߛߊߣߌ߲߫ ߢߌߣߌ߲߫ ߘߋ߲ߞߊ߫ ߞߎߘߎ߲ ߘߏ߫ ߟߋ߬ ߖߎߙߊ߲ߣߍ߲߫ ߞߍ߲ߘߍߟߏ߲ ߣߌ߲߬ ߡߊ߬߸ ߂߀߂߆ ߘߓߊ߬ߕߊ ߕߋ߬ߟߋ߫ ߂ ߡߊ߬ ߞߌߢߍ߲ߞߎߘߊ߫߸ ߡߊ߲߬ߖߊ߲߬ߠߊ߫ ߡߙߊ߬ߘߊ߬ߓߊ ߘߐ߫، ߝߊ߰ߓߊ߰ߕߐ ߦߙߌߞߊ ߦߋ߫ ߝߌߙߌ߲ߝߌߙߌ߲߫ ߛߏ߫ ߞߣߐ߫ ߡߐ߮ ߟߎ߬ ߣߌ߫ ߛߏ ߝߊ߰ߡߊ ߟߎ߬ ߕߍ߫. ߊ߬ ߞߏ߬ߣߌ߲߸ ߡߐ߰ ߞߐ߬ߣߐ߲߬ߘߐ߫ ߢߐ߲߰ ߠߋ߬ ߕߏߣߴߊ߬ ߘߐ߫߸ ߡߐ߰ ߘߴߊ߬ ߓߟߏߞߍ߫ ߡߍ߲ ߠߊ߫ ߞߊ߬ߣߌ߲߬.
ߘߍ߭ߝߎ߯ߘߌ߫ ߞߘߎ ߟߋ߬ ߥߎ߬ߦߊ߬ߣߍ߲߫ ߢߡߊ߬ ߛߎ߬ߛߎ߬ ߘߊߡߊ߲ ߘߏ߫ ߞߣߐ߫ ߞߎߣߎ߲ߟߏ߲ ߂߀߂߆ ߞߏ߲ߞߏߜߍ ߕߟߋ߬ ߁߁ ߡߊ߬ ߞߏ߲߬ߖߊ߲߬ߠߊ߬ߞߎߘߊ߫߸ ߞߊ߬ ߡߛߏ߬ ߁߀ ߓߐ߬ߣߐ߫ ߊ߬ ߣߌ ߘߐ߫، ߊ߬ߟߎ ߦߋ߫ ߓߊ߯ߙߊ߫ ߟߊ߫ ߘߊ߬ߡߊ߲߬ ߞߘߐ ߟߋ߬ ߞߣߐ߫߸ ߞߊ߬ ߢߍ ߕߍ߬ ߞߊ߬ ߥߴߊ߬ ߞߏ߬ ߘߊ߬ߡߊ߲߬ ߞߘߐ ߞߣߐ߫، ߖߊ߰ ߕߌ߲ߘߌ ߡߍ߲ ߦߴߊ߬ߟߎ߫ ߞߎ߲߬ߘߐ߫߸ ߏ߬ ߓߘߊ߫ ߛߍ߲ߞߍ߫߸ ߏ߬ ߟߋ ߝߎ߯ߘߌ߫ ߞߘߎ ߥߟߌ߬ߣߍ߲߫ ߡߎ߬ߕߎ߲߬ ߞߊ߬ ߣߊ߬ ߖߎߙߊ߲߫ ߊ߬ߟߎ߫ ߞߊ߲߬߸ ߞߊ߬ ߡߐ߰ ߕߊ߲߫ ߓߐ߬ߣߐ߫ ߊ߬ ߣߌ ߘߐ߫.
ߞߓߊߞߏ ߟߎ߬ߡߎߛߊ߫ ߞߋߕߊ߬ ߞߘߐ߬ߞߍ߫ ߟߋ߬ ߣߐ߬ ߖߌߥߎ ߞߍ߫ ߟߴߊ߬ ߞߊ߲߬߸ ߕߊ ߥߟߌ߬ ߘߴߊ߬ ߟߊ߫، ߊ߬ ߞߎ߲߭ ߦߋ߫ ߛߏ߲߬ߧߊ߬ߟߌ߬ ߞߏ ߟߋ߬ ߘߌ߫. ߊߟߎ߫ ߦߋ߫ ߖߌ߬ߦߊ ߛߐ߲߬ߞߌ߲߬ ߖߏߣߊ߫ ߞߵߊ߬ ߞߏ ߢߊߘߐߜߍ ߟߐ߲߫.
ߞߓߊߞߏ ߟߎ߬ߛߌߞߊ߫ ߞߍߣߍ߲ ߞߊ߲ߡߋߙߋ߲ ߘߏ߫ ߟߋ߬ ߡߊ߬ ߓߋ߲߬ߒ߬ߞߊ߲߬ߠߌ߲߬ ߞߏ ߘߐ߫ ߓߎߙߋ߲ߝߍ ߘߐ߫߸ ߊ߬ ߣߴߊ߬ ߘߍ߬ߢߐ߲߮ ߠߎ߬، ߖߊ߬ߡߊ ߛߋ߫ ߘߴߊ߬ ߕߍ߯ ߞߍ߫ ߟߴߊ߬ߟߋ ߘߐ߫߸ ߞߵߊ߬ ߜߊ߬ߛߌ߫ ߤߊ߲߯ ߞߵߊ߬ ߝߊ߰، ߣߊ߲߬ߕߌ߰ ߝߊ߯ߣߌ߲ ߠߋ߬ ߞߏ߬ߣߌ߲ ߕߎ߲߬ ߦߴߊ߬ߟߋ߬ ߞߊ߲ߠߊ߫߸ ߊ߬ ߡߊ߫ ߟߐ߲߫ ߡߎߣߎ߲߬ ߡߐ߰ ߞߋߟߋ߲ ߡߍ߲ ߦߋ߫، ߢߊߢߌߣߌ߲ߠߌ߲ ߓߘߊ߫ ߛߌ߰ ߛߋ߲߬ߠߊ߫ ߛߊ߬ߙߌ߬ߦߊ߬ ߓߟߏ߫. ߊߟߎ߫ ߦߋ߫ ߖߌ߬ߦߊ ߛߐ߲߬ߞߌ߲߫ ߞߵߊ߬ ߕߐ߭ ߞߊ߬ߙߊ߲߬ 👇🏿
ߘߍ߭ߛߌ߯ߙߌ߲߫ ߘߋ߲ߡߌߛߍ߲ ߠߎ߬ ߞߊ߲߫ ߞߏ߫ ߝߊ߰ߡߊ ߟߎ߫ ߟߋ߬ ߓߐ߰ߝߍ ߘߐߖߊߛߌ߫ ߞߏ ߣߌ߲߬ ߞߐߞߘߐ߫߸ ߞߏ߫ ߊ߬ߟߎ߬ ߓߍ߯ ߣߴߊ߬ߟߎ߬ ߕߊ߫ ߛߣߌߥߊ߫ ߟߋ߬ ߥߊ߭ ߞߘߐ߫، ߞߎ߲߬ߠߊ߬ߛߌ߮ ߞߊ߲߫ ߞߏ߫ ߊ߬ߟߎ߬ ߘߴߊ߬ߟߎ߬ ߓߟߏ ߟߊ߫ ߣߌ߲߬ ߞߏ ߓߊ ߘߐ߫ ߞߵߊ߬ ߟߊߕߐ߲߫ ߖߏߣߊ߫.
ߘߍ߭ߟߊ߱ߖߌ߬ ߕߌ߬ߖߊߣ ߞߏ߬ߦߌ߬ߕߊ߬ ߓߘߊ߫ ߞߟߌߟߌ ߞߍ߫ ߡߊ߲߬ߞߊ߲ ߘߐߛߎߡߊ ߡߊ߬ ߛߌ߯ߙߌ߲߫ ߞߣߐ߫، ߊ߬ ߞߊ߲߫ ߞߏ߫ ߘߊߘߐߖߊߥߏ ߓߘߊ߫ ߛߌ߰ ߛߋ߲߬ߠߊ߫߸ ߊ߬ߟߎ߬ ߣߌ߫ ߝߊ߰ߡߊ ߟߎ߬ ߕߍ߫߸ ߊ߬ߟߌ ߗߊߡ ߓߘߊ߫ ߓߌ߬ߟߊ߫ ߕߋ߲߬، ߊ߬ ߞߊ߲߫ ߝߣߊ߫ ߞߏ߫ ߓߍ߯ ߦߋ߫ ߖߛߎ߬ߛߎߡߊ ߢߌߣߌ߲߫.
