ߞߎ߲߬ߠߊ߬ߛߌ߮ ߓߍ߯
ߜߘߍ ߟߎ߬ߛߣߍ߬ߜ߭ߊߟߌ߫ ߝߊ߬ߛߏ ߞߟߍ߬ߡߐ߰ߘߊ ߛߏ߬ߝߊ߬ߥߣߊ߬ߟߋ߲ ߘߏ߫ ߟߋ߬ ߣߐ߬ ߛߊ߬ߦߊ ߡߊߛߐ߬ߘߐ߲߬ ߠߴߊ߬ ߡߊߞߍ߫ ߦߌߟߊ ߘߐ߫ ߕߊ߲߬ߓߊ߬ߞߎ߲߬ߘߊ߫، ߞߌ߬ߓߊ߬ߙߏ߬ߘߊ߬ ߛߌߦߊߡߊ߲߫ ߠߊ߫ ߟߞߊ߬ߟߌ߬ ߞߊ߲߫ ߘߐ߫߸ ߛߏ߬ߝߊ߬ ߘߎ߯ߟߊ ߣߌ߲߬ ߣߐ߬ ߊ߬ ߖߍ߬ߘߍ߫ ߝߊ߰ ߟߴߊ߬ ߟߊ߫ ߡߊ߬ߙߌ߬ߝߊ ߟߋ߬ ߟߊ߫߸ ߥߊߘߌ߫ ߛߌߦߊߡߊ߲߫ ߕߌߢߍ ߞߐ ߘߐ߫ ߊ߬ ߓߟߏ߫ ߛߏ߬ߓߏ߲ ߘߐ߫ ߓߟߐߟߐ ߞߊ߲߬.
ߞߌ߬ߓߊ߬ߙߏߗߍ߬ ߛߣߍ߬ߞߍ߬ߟߊ߫ ߞߊ߲߬ߜߍ߫ ߛߊ߲߬ ߓߌߣߊ߯ߣߌ߲߫ ߢߐ߲߰ ߘߏ߫ ߓߘߴߊ߬ ߖߘߍ߬ ߓߏ߲߫ ߡߊ߬ߙߌ߬ߝߊ ߟߊ߫ ߞߵߏ߬ ߞߍ߫ ߊ߬ ߛߕߊ ߘߌ߫ ߖߙߊ߬ߜߍ߬ߟߊ߫߸ ߞߙߎ߬ߛߊ߬ ߛߏ ߞߣߐ߫. ߛߙߋ߫ ߛߐ߬ߘߐ߲߬ߣߍ߲߫ ߞߎ߲߬ߝߟߐ ߟߎ߬ ߦߴߊ߬ ߦߌ߬ߘߊ߬ ߟߊ߫ ߞߏ߫ ߖߌ߰ߕߍ߮ ߟߋ߬ ߞߍߣߍ߲߫ ߊ߬ ߛߓߊߓߎ ߘߌ߫ ߊ߬ ߟߊ߫ ߓߐ߬ߟߐ߲߬ߞߊ ߟߊ߫ ߛߊ߬ߦߊ ߞߐ ߣߌ߲߬ ߘߐ߫.
ߞߓߊߞߏ ߟߎ߬ߘߋ߲߫ ߥߐ߯ߙߐ߫ ߟߋ߬ ߊߟߌߝߊ߫ ߓߊߙߌ߫ ߓߟߏ߫߸ ߏ߬ ߟߋ ߣߐ߬ ߊ߬ ߖߍ߬ߘߍ߫ ߝߊ߰ ߟߊ߫ ߓߟߏߞߏߟߏ߲ߧߊ ߞߏߛߐ߲߬، ߞߊ߬ ߘߌ߬ߢߍ߬ ߘߎߢߊ߫ ߘߐ߫߸ ߞߏ߫ ߊ߬ ߕߴߛߋ߫ ߟߴߊ߬ ߟߊ߫ ߘߋ߲ߓߦߊ ߞߘߐ߫߸ ߞߏ߫ ߊ߬ ߜߎ ߕߴߛߋ߫ ߟߴߊ߬ ߘߋ߲ ߠߎ߬ ߓߊߟߏ߫ ߟߊ߫.
ߞߓߊߞߏ ߟߎ߬ߞߎ߲ߘߎߕߐ߫ ߘߎ߱ ߞߣߐ߫߸ ߗߍ߬ ߛߊ߲߬ ߃߀ ߘߏ߫ ߟߋ߬ ߣߐ߬ ߊ߬ ߖߍ߬ߘߍ߫ ߝߊ߰ ߟߊ߫ ߦߋ߲߬߸ ߞߵߊ߬ ߘߎ߲߫ ߖߎ߬ߟߎ ߟߊ߫، ߞߏ߫ ߓߊߏ߬߸ ߊ߬ ߓߘߴߊ߬ ߡߏ߬ߛߏ ߣߌ߫ ߗߍ߬ ߜߘߍ߫ ߡߌ߬ߘߴߊ߬ߟߎ߬ ߟߊ߫ ߟߊߝߋ߲ ߘߐ߫، ߊ߬ ߛߊ߬ߣߍ߲߫ ߞߊ߬ ߘߋ߲߫ ߝߌ߬ߟߊ߫ ߟߋ߬ ߕߏ߫ ߊ߬ ߞߐ߫߸ ߊ߬ ߡߏ߬ߛߏ ߓߘߊ߫ ߛߋ߫ ߓߟߏ߫ ߘߐ߫ ߕߋ߲߬߸ ߊ߬ ߦߋ߫ ߜߞߋߘߎ߯ ߝߊ߰ߡߊ ߟߎ߬ ߕߊ߫ ߓߟߏ߫ ߡߊ߬.
ߕߍߓߊ߯ߦߊߊߟߌߣߏ߫ ߝߊ߬ߛߏ߬ ߓߘߊ߫ ߛߊ߬ ߞߵߊ߬ ߕߏ߫ ߥߛߎ ߟߊ߫ ߜߋ߲ߞߐ߰ߖߌ߬ߘߊ ߟߊ߫، ߊߓߌߖߊ߲ߞߊ ߟߎ߬ ߞߊ߲߫ ߞߏ߫ ߖߘߍ߬ߝߊ߮ ߟߋ߬ ߛߊ߬ߦߊ ߣߌ߲߬ ߛߓߊߓߎ ߘߌ߫߸ ߓߙߎߞߌߣߊ߫ ߞߊ߲߫ ߞߏ߫ ߊ߬ߟߎ߫ ߡߊ߬ߞߏ ߦߋ߫ ߞߎߡߊ ߞߌ߬ߛߍ ߟߊ߫ ߡߎߣߎ߲߬߸ ߞߵߏ߬ ߞߎ߲߭ ߞߍ߫ ߖߘߍ߬ߝߊ߰ ߞߏ ߞߎߡߊ ߓߎ߬ߘߎ߲ ߘߌ߫ ߊ߬ߟߎ߬ ߢߊߞߘߐ߫.
