ߞߎ߲߬ߠߊ߬ߛߌ߮ ߓߍ߯
ߜߘߍ ߟߎ߬ߖߎ߬ߟߊ ߘߏ߫ ߟߋ߬ ߞߕߌ߫ ߘߊ߫ ߓߌ߬ ߛߣߍ߬ߜ߭ߊ߬ߟߌ߬ ߞߕߌ ߦߌߟߡߊ߫ ߝߟߐ ߟߊ߫ ߸ߊ߬ ߖߋ߬ߕߌ߰ߡߛߏ߬ ߞߘߐ ߞߏߟߊߘߍߢߐ߲߯ ߞߎߘߊ ߡߊߘߌߡߌ߲߫ ߞߏߖߎ߯ߦߊ ߞߐߝߍ߬ ߊ߬ ߓߟߏ ߡߊ߬ ،ߣߴߏ߬ ߞߊ߬ ߕߟߋ߬ ߃߀ ߖߌߖߊ߬ߣߍ߲ ߞߍ߫ ߓߏ߲ ߠߊ߫ ߊ߬ ߡߊ߫ ߛߋ߫ ߓߊ߯ߙߊ߫ ߟߊ߫.
ߕߋߟߋ߲ߓߊ߯ߦߊߗߍ߬ ߛߊ߲߬ ߓߌߣߊ߯ߣߌ߲ ߘߏ߫ ߟߋ߬ ߟߊ߫ ߞߕߌ ߕߎ߲߬ ߦߴߌߘߐ߫ ߂߀߂߆ ߥߊ߬ߛߌ߬ߥߙߊ ߕߟߋ߬ ߈ ߣߌ߲߬ ߡߊ߬߸ ߓߐ߬ߓߐ߫ ߖߎ߬ߟߊ߬ߛߏ߫ ߞߎ߲߬ߞߏ߬ߓߊ߬ߕߐ ߟߎ߬ ߟߊ߫ ߓߏ߲ߘߋ߲ ߖߏߣߡߊߞߕߌߘߓߊ ߟߊ߫، ߊ߬ߟߋ ߡߊߝߌ߲߬ߣߍ߲߫ ߞߏ߫ ߊ߬ ߣߐ߬ ߓߌ߲ߝߊ߯ߟߊ߲ ߠߋ߬ ߞߍ߫ ߟߴߊ߬ߟߎ߬ ߟߊ߫ ߖߌ߲ߘߊ߯ߓߊ ߘߐ߫߸ ߛߴߊ߬ ߘߴߊ߬ ߝߊ߬ ߝߊ߰ ߢߊ ߡߍ߲ ߡߊ߬߸ ߊ߬ ߖߍ߬ߘߍ ߛߐ߬ߘߐ߲߬ ߝߊ ߞߊ߬ߣߌ߲߬.
ߕߋߟߋ߲ߓߊ߯ߦߊߞߊ߲ߞߊ߲߫ ߞߕߌߘߊ ߦߌߟߡߊ߫ ߝߟߐ ߓߘߊ߫ ߢߎߡߍ߫ ߡߟߊߡߟߊ߫ ߛߏ߲ߧߊ߫ ߞߏ ߞߕߌߕߍ߰، ߊ߬ ߝߐߣߍ߲߫ ߞߏ ߢߎߡߍ ߡߍ߲ ߞߊ߫ ߞߊ߲߫ ߞߊ߬ ߛߏ ߟߊߡߍߣߍ߲߫߸ ߏ߬ ߡߟߊߡߟߊ ߟߋ߬ ߕߍ߬ߘߍ߫ ߛߏ߲߬ߧߊ߬ ߟߊ߫، ߕߍ߮ ߞߍ߫ ߘߊ߫ ߊߓߎߓߞߊߙ ߞߡߊ߬ߙߊ߬ ߣߌ߫ ߢߍߓߊ߯ ߟߊ߱ߖߌ߬ ߡߊ߬ߡߘߎ ߞߐ߲ߘߍ߫ ߘߐ߫ ߏ߬ ߟߋ ߞߊߡߊ߲ ߞߣߐ߫، ߒ߬ߓߊ߬߸ ߊߓߎߓߞߊߙ ߞߡߊ߬ߙߊ߫ ߖߊ߲߬ߞߌ߲߬ ߘߊ߫ ߞߊߙߏ߫ ߁߈ ߥߛߎ ߟߊ߫߸ ߊ߬ ߣߌ߫ ߖߌ߬ߣߍ߬ ߕߊߡߊ߲ ߞߋ߲߬ߥߟߎ߬ ߞߋߟߋ߲߫ ߛߊ߬ߙߊ ߟߊ߫ ߛߏ߲߬ߧߊ߬ߟߌ߬ߓߊ ߞߏߛߐ߲߬.
ߕߋߟߋ߲ߓߊ߯ߦߊߞߊ߲ߞߊ߲߫ ߞߕߌߘߊ ߦߌߟߡߊ߫ ߝߟߐ ߞߊ߬ ߖߊ߲߬ߞߌ߬ߟߌ ߟߋ߬ ߞߍ߫ ߞߎߣߎ߲ߟߏ߲ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߀ ߡߊ߬߸ ߞߟߍ߬ߡߐ߮ ߟߎ߫ ߞߵߊ߬ߟߎ߬ ߕߍ߯ ߞߍ߫ ߡߐ߰ ߁߇ ߡߍ߲ ߘߐ߫ ߦߙߍߞߍߟߌ ߘߏ߫ ߝߍ߬ ߞߙߎ߬ߛߊ߫߸ ߏ߬ ߟߎ߫ ߟߋ߬ ߞߏ߫ ߦߋ߫ ߣߌ߲߬، ߖߡߊ߬ߣߊ߬ ߜߘߍ ߡߐ߰ ߕߊ߲ߣߌߥߐ߯ߙߐ߫ ߣߌ߫ ߖߌ߬ߣߍ߬ߞߊ߬ ߞߋߟߋ߲߫߸ ߏ߬ ߟߎ߫ ߟߋ߬ ߛߐ߲߭ ߦߋߣߍ߲߫ ߘߊ߬ߡߊ߲߬ ߓߊ߯ߙߊ ߘߐ߫ ߛߊ߬ߙߌ߬ߦߊ߬ ߛߐߛߐ ߞߊ߲߬߸ ߊ߬ ߣߌ߫ ߓߐ߰ߝߍ ߘߐߖߊߛߌ ߘߐ߫.
ߞߍߞߎߘߊߞߐ߬ߟߏ߲ ߣߌ߲߬ ߡߊ߬߸ ߂߀߂߆ ߥߊ߬ߛߌ߬ߥߙߊ ߕߋ߬ߟߋ߫ ߂߸ ߞߕߌߘߊ ߞߊ߬ ߜߋ߲ߞߐ߰ߖߌ߬ߘߊ ߕߐ߯ߟߡߊ߫ ߛߑߕߋߝߊߣ ߊ߬ߜߙߋ߫ (ߊߔߎ߬ߗߎ) ߣߌ߫ ߟߌߦߐߣߍߟ ߊߞߏߓߋ߫ (ߟߌߦߐߣߍߟ ߔߋ.ߛߋ.ߍߛ) ߖߊ߲߬ߞߌ߲߬، ߥߛߎߖߌ߲߫ ߘߊߕߎ߲߯ߣߍ߲߫ ߞߏ ߕߍ߰ߣߍ߲ ߞߊ߬ ߓߐ߫ ߊ߬ ߟߊ߫߸ ߡߐ߰ ߝߌ߬ߟߊ ߢߌ߲߬ ߠߎ߬ ߣߌ߫ ߘߏ߬ߣߌ߲߬ ߜߌ߬ߟߌ߲߬ߓߊ߫ ߟߋ߬ ߝߣߊ߫ ߦߋ߫߸ ߣߊߟߌ߬ߡߎ߲߫ ߢߍ߬ߢߌ߲߬ߘߐ߬ߓߍ߲߬ ߛߙߊ ߘߌ߫߸ ߞߵߊ߬ߟߎ߬ ߓߟߏߝߋ߲ ߠߎ߬ ߡߊߣߡߊߙߴߊ߬ߟߎ߬ ߓߟߏ߫߸ ߊ߬ ߣߌ߫ ߞߊ߬ ߓߐߟߌ ߟߊߕߐ߲߫ ߊ߬ߟߎ߫ ߡߊ߬ ߖߡߊ߬ߣߊ ߘߎ߰ߞߣߍ ߡߎ߰ߡߍ ߞߊ߲߬.
ߓߘߍ߬ߓߘߍ߬ߟߌߛߌ߯ߙߌ߲߫ ߞߕߌߘߊ ߦߌߟߡߊ߫ ߝߟߐ ߣߐ߬ ߞߕߌߕߍ߯ ߟߋ߬ ߞߍ߫ ߟߊ߫ ߓߌߟߏ߲ ߣߌ߲߬ ߡߊ߬ ߞߏ߲ߞߏߘߓߌ ߕߟߋ߬ ߃߀߸ ߡߞߊ߬ߛߟߌ߬ ߁߈ ߡߍ߲ ߠߊߘߏ߲߬ ߘߴߊ߬ߟߎ߫ ߞߊ߲߬߸ ߞߊ߬ ߓߍ߲߬ ߏ߬ ߟߎ߬ ߞߐߝߟߌ ߦߌ߬ߘߊ ߡߊ߬، ߛߙߍߘߍ߫ ߕߊ߲ ߣߌ߫ ߟߏ߯ߟߎ߫ ߟߊߘߌ߬ߢߍ߬ ߘߊ߫߸ ߞߊ߬ ߓߊ߲߬ ߞߍ߫ ߛߓߊ߬ ߘߐ߫ ߤߊߞߕߍ߫ ߟߊߓߋ ߛߕߊ ߓߊ߲ ߞߏߛߐ߲߬.
ߞߓߊߞߏ ߟߎ߬ߘߋ߲߫ ߁߆ ߦߋ߫ ߗߍ߭ ߡߍ߲ ߓߟߏ߫߸ ߏ߬ ߟߋ ߓߋ߬ߣߴߊ߬ ߡߏ߬ߛߏ߫ ߛߊ߬ߓߊ ߘߏ߫ ߘߐ߫ ߞߋߟߋ߲߫ ߘߋ߲ߡߛߏ߫ ߛߊ߲߭ ߂߀ ߘߏ߫ ߞߊ߲߬߸ ߡߍ߲ ߦߴߊ߬ ߓߟߏ߫ ߟߊ߬ߡߙߊ ߘߐ߫ ߟߎ ߞߣߐ߫ ߦߋ߲߬، ߏ߬ ߞߍߣߍ߲߫ ߛߣߍ߬ߜ߭ߊߟߌ߫ ߟߋ߬߸ ߖߊߡߌߦߊ߲ߖߏ߫ ߘߎ߱ ߞߣߐ߫، ߕߍ߮ ߓߘߊ߫ ߞߍ߫ ߗߍ߭ ߘߐ߫߸ ߊ߬ ߓߘߊ߫ ߛߋ߫ ߥߛߎ ߟߊ߫ ߕߋ߲߬.
