ߊ߬ߟߋ ߦߋ߫ ߞߊ߲ߕߌ߮ ߟߊ߫ ߓߘߍ߬ߘߍ߬ߟߌ߬ ߡߐ߮ ߘߏ߫ ߟߋ߬ ߘߌ߫߸ ߊ߬ ߛߎߥߊ߲ߘߌ߫ ߘߊ߫ ߞߎߣߎ߲߬ ߟߊ߬ߕߍ߰ߦߊ ߘߏ߫ ߟߊߓߐߟߌ ߞߐ߫ ߘߐ߫߸ ߡߍ߲ ߦߋ߫ ߙߎߦߌ߫ ߘߎߥߊߙߑߕߋ߫ ߓߊߙߐߛ ߜߍ߲ ߘߌ߫ ߞߊ߬ ߓߐ߫ ߓߊ߯ߙߊ ߘߐ߫، ߜߍ߲ߠߌ߲ ߞߎ߲߬ ߡߊ߫ ߝߐ߫߸ ߓߊ߬ߙߌ߫߸ ߊ߬ ߞߍ߫ ߘߊ߫ ߞߊ߬ ߞߐ߲߰ ߞߊ߲ߕߌ߯ ߢߣߊߕߊߟߌ ߢߍ߫ ߊ߬ ߣߌ߫ ߓߘߍ߬ߓߘߍ߬ߟߌ߬ߞߏ ߜߟߍ߬ߦߊ ߟߎ߬ ߟߋ߬ ߞߣߐ߫، ߞߊ߲ߕߌ߮ ߟߊ߫ ߟߊ߬ߕߍ߰ߦߊ߬ ߛߓߍ ߣߌ߲߬ ߡߊ߫ ߞߏߕߌ߯ ߢߍߡߐ߯ ߞߘߐ ߣߌ߲߬ ߜߍ߲ߠߌ߲ ߞߎ߲߬ ߖߐ߲ߖߐ߲ ߝߐ߫߸ ߙߎߦߌ߫ ߘߎߥߊߙߑߕߋ߫ ߓߊߙߐߛ ߡߍ߲ ߜߍ߲߫ ߘߴߊ߬ ߟߊ߫ ߓߊ߯ߙߊ ߘߊߞߘߐ߫ ߣߌ߲߬߸ ߊ߬ߟߋ ߦߋ߫ ߓߘߍ߬ߓߘߍ߬ߟߌ߬ ߞߙߎ ߝߘߊ߬ߝߌ߲߬ߠߊ߫ ߖߌ߬ߣߍ߬ ߣߌ߫ ߞߐ߯ߝ߭ߍߙߘ ߘߍ߲ߖߘߍߟߦߊ ߞߙߎߞߊ ߛߌ߲߬ߝߏ߲ ߠߋ߬ ߘߌ߫.
ߊ߬ ߖߍ߬ߘߍ ߕߘߍ߬ ߞߍ߫ ߘߊ߫ ߖߌ߬ߣߍ߫ ߓߌ߬ߛߊߥߏ߫ ߞߊ߲ߕߌ߮ ߟߊ߫ ߝߊ߲߬ߞߊ߫ ߛߌ߬ߣߊ߬ߓߊ ߘߏ߫ ߟߋ߬ ߘߌ߫߸ ߏ߬ ߟߋ߬ ߞߐ ߘߐ߫߸ ߊ߬ ߞߍ߫ ߘߊ߫ ߞߏߕߌ߯ ߢߍߡߐ߮ ߘߌ߫ ߂߀߂߃ ߞߏߟߌ߲ߞߏߟߌ߲ ߠߊ߫؛ ߞߏ߬ߣߌ߲߫߸ ߓߙߊߤߌߡߊ߫ ߞߊ߬ߡߙߊ߫ ߟߋ߬ ߞߍ߫ ߘߴߊ߬ ߣߘߐ߬ߓߌߟߊ ߘߌ߫ ߖߌ߬ߣߍ߫ ߓߌ߬ߛߊ߬ߥߏ߬ ߞߣߐ߫، ߞߊ߲ߕߌ߮ ߟߊ߫ ߟߊ߬ߕߍ߰ߦߊ ߘߏ߫ ߟߋ߬ ߞߊ߬ ߣߌ߲߬ ߠߊߛߋ߫ ߞߎߣߎ߲߬، ߊ߬ߟߋ ߦߋ߫ ߞߊ߲ߕߌ߯ ߎߡߊ߯ߙ ߛߌ߬ߛߏ߬ ߊ߲ߓߊߟߏ߫ ߟߊ߫ ߓߘߍ߬ߓߘߍ߬ߟߌ ߞߙߎߞߊ߫ ߛߌ߲߬ߝߏ߲ ߠߋ߬ ߘߌ߫߸ ߞߏߕߌ߯ ߢߍߡߐ߮ ߦߟߍߡߊ߲ ߘߏ߫ ߞߍ߫ ߘߊ߫ ߥߊ߯ߕߌ߫ ߘߐ߫߸ ߡߍ߲ ߠߊ߬ ߘߊ߫ ߝߛߏ߬ߝߛߊ ߟߊߘߏ߲߬ ߖߌ߬ߣߍ߫ ߓߌ߬ߛߊ߬ߥߏ߬ ߓߘߍ߬ߓߘߍ߬ߟߌ ߛߌߟߊ ߝߍ߬.
ߞߵߊ߬ ߞߎ߲߭ ߞߍ߫ ߞߊ߲ߕߌ߮ ߟߊ߫ ߟߊ߬ߕߍ߰ߦߊ ߘߏ߫ ߟߎ߫ ߕߊ߭ ߘߌ߫߸ ߞߊߙߏ߫ ߣߊ߯ߣߌ߲߫ ߞߊ߬ ߞߐ߲߰ ߛߎߥߊ߲ߘߟߌ ߢߍ߫߸ ߏ߬ ߡߍ߲ ߠߎ߬ ߦߋ߫ ߛߋ߲߬ ߠߊ߫ ߞߊ߬ ߓߍ߲߬ ߣߍߣߍߓߊ ߣߊ߬ߕߐ ߂߃ ߡߊ߬، ߊ߬ ߟߊ߬ߕߍ߰ߦߊ ߘߏ߫ ߟߎ߫ ߟߋ߬ ߦߋ߫ ߝߊ߬ߛߏ ߢߣߊߕߊߟߌ ߟߎ߬ ߟߊߓߐߟߌ ߘߌ߫ ߸ ߊ߬ ߣߌ߫ ߞߎߡߊߓߏ߲ ߖߍ߬ߘߍ ߡߊߝߊ߬ߟߋ߲߸ ߝߊ߲߬ߞߊ߫ ߛߌ߬ߣߊ ߞߊ߬ ߖߛߎ߬ߕߌ߬ߢߍ߬ ߛߌߦߊߡߊ߲߫ ߠߋ߬ ߞߍ߫߸ ߖߐ߲߰ߛߊ߫ ߞߊ߬ ߟߊߕߍ߰ߦߊ ߏ߬ ߟߎ߬ ߞߐ߲߫߸ ߓߊߏ߬߸ ߊ߬ߟߎ߬ ߟߊ߫ ߝߐߟߌ߫ ߘߐ߫߸ ߞߊ߲ߕߌ߯ ߎߡߊ߯ߙ ߛߌ߬ߛߏ߬ ߊ߲ߓߊߟߏ߫ ߦߴߊ߬ ߝߍ߬ ߟߋ߬ ߞߊ߬ ߛߎߥߊ߲ߘߟߌ ߟߎ߬ ߣߊߡߙߊ߫ ߞߊ߬ ߖߋ߬ߓߌ߬ߟߌ ߟߎ߬ ߞߍ߫ ߊ߬ ߛߊ߬ߥߏ ߘߌ߫.
