ߓߏߟߏ߲ߕߌ߯ ߛߙߍߞߍ ߊߡߊߘߎ߬ ߞߎ߬ߟߌߓߊ߬ߟߌ߫ ߕߊ߯ߕߐ ߟߋ߬ ߕߏߣߍ߲߫ ߓߊ߯ߙߊ߫ ߘߌߦߊ ߸ߊ߬ ߞߵߊ߬ ߦߋ߫ ߕߊ ߦߴߊ߬ ߝߍ߬ ߞߊ߬ ߓߐ߫ ߟߎ ߡߊ߬ ߦߙߐ ߘߏ߫ ߘߐ߫ ߸ߊ߬ ߞߍߢߊ ߟߴߏ߬ ߘߌ߫ ߞߴߌ ߛߌ߲߫ ߦߋ߲߬ ߠߊ߫ ߞߊ߬ ߡߐ߱ ߟߎ߬ ߓߐ߫ ߖߐ߬ߘߐ ߘߐ߫ ߸ߊ߬ ߞߊ߲߫ ߞߏ߫ <<ߒ ߕߊ߯ߕߐ ߟߋ߬ ߕߏߣߍ߲߫ ߓߊ߯ߙߊ߫ ߘߌߦߊ ߛߐ߱ ߣߌ߲߬ ߡߊ߬ ߸ߒ ߞߊ߬ ߖߊ߬ߡߊ ߦߋ߫ ߛߐ߲ߞߐ߫ ߟߊ߫ ߸ ߒ ߝߣߊ߫ ߣߊ߬ ߢߊ ߟߋ߬ ߞߍߣߍ߲߫ ߏ߬ ߘߌ߫ ߸ߌߞߏߡߌ߲߬ ߢߎߡߍߦߊߟߌ ߦߋ߫ ߒ ߓߊ߯ߙߘߊ ߟߋ߬ ߸ߒ ߘߏ߲߬ ߠߴߊ߬ ߓߊ߯ߙߊߝߋ߲ ߠߎ߬ ߦߋ߫ ߒ ߡߊߕߊ߯ߡߊ߫ ߟߊ߫ ߟߋ߫ ߕߎ߬ߡߊ ߓߍ߯ ߸ߒ ߞߊ߬ ߡߏ߬ߛߏ ߟߎ߬ ߟߐ߬ ߞߏ߲ߕߏ ߘߏ߫ ߢߌߣߌ߲߫ ߠߊ߫ ߞߊ߬ ߒ ߟߐ߬ ߏ߬ ߞߊ߲߬ ߞߊ߬ ߡߟߊߡߟߊ ߘߐߕߍ߰ ߸ߞߵߊ߬ߟߎ߫ ߟߐ߬ ߣߊ߬ ߟߊ߫ ߞߏ߲ߢߌ߲ ߘߌ߫ ،ߓߊ߬ߙߌ߬ ߕߊ ߕߎ߲߬ ߦߋ߫ ߓߏ߲ ߦߙߐ ߘߏ߫ ߞߣߐ߫ ߸ߓߍ߯ ߕߎ߲߬ ߛߌߟߊ߲ߣߍ߲߫ ߘߏ߲߬ ߠߴߊ߬ ߞߣߐ߫ ߸ߒ ߞߴߏ߬ ߘߊ ߞߊߘߌ߫ ߞߵߊ߬ߟߎ߬ ߕߏ߫ ߦߋ߲߬ ߞߊ߬ ߕߊ߯ ߒ ߠߊ߫ ߓߊ߯ߙߊ߫ ߘߌߦߊ >> ߊߡߊߘߎ߬ ߞߎ߬ߟߌߓߊ߬ߟߌ߫ ߟߋ߬ ߞߴߏ߬ ߝߐ߫. ߊ߬ ߖߍ߬ߘߍ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߒߠߋ ߡߊ߫ ߛߌߞߊ߫ ߡߎ߰ߡߍ߫ ߸ߞߊ߬ߡߊߛߐ߬ߘߐ߲߬ ߒ ߠߊ߫ ߞߍߕߊ ߟߋ߬ ߖߡߊ߬ߣߊ߬ߘߋ߲ ߠߎ߬ ߟߊߞߊ߲ߘߊ ߘߌ߫ ߜߟߍ߬ߦߊ ߕߎ߬ߡߊ ߟߊ߫. ߊ߬ ߞߏ ߞߏ߬ߣߌ߲ ߞߎߡߊ ߦߋ߫ ߡߐ߰ ߛߌߦߊߡߊ߲߫ ߘߊ ߘߐ߫ ߕߋ߲߬ ߸ߘߎߓߊ ߣߌ߫ ߥߊߟߌߢߌ߲ߡߊߟߐ߲߫ ߞߊ߲ ߠߎ߬ ߘߌ߫ ߸ߊ߬ ߜߋ߲ߜߋ߲߫ ߞߐߙߍ߫ ߡߞߊߘߊ߲ߓߊ߯ߕߐ ߟߎ߬ ،ߞߵߊ߬ ߛߊߓߎ ߞߍ߫ ߗߍ߭ ߟߊ߫ ߞߟߊߓߎߡߦߊ ߘߌ߫.