ߕߍ߮ ߞߍ߫ ߘߊ߫ ߛߌߞߊߒߡߊߓߊ߯ߕߐ߫ ߡߐ߰ ߣߊ߯ߣߌ߲ ߡߍ߲ ߠߎ߬ ߘߐ߫ ߞߊ߬ߦߌ߯ ߞߏ߲ߞߏߘߓߌ ߟߊ߫ ߓߋ߬ߒ߬ߞߊ߲߬ߠߌ߲߬ ߞߏ ߘߐ߫ ߡߛߏ߬ߡߊ߬ߣߍ߲ ߠߎ߫ ߞߊ߲߬ ߖߌ߬ߦߊ߬ߖߟߎ ߘߏ߫ ߘߐ߫߸ ߞߊ߲ߞߊ߲߫ ߝߘߏ߬ߓߊ߬ ߞߕߌߓߋߟߋ߲ ߓߘߴߊ߬ ߟߊߛߋ߫ ߞߎߣߎ߲߬ ߛߌ߬ߣߌ߲߬ߟߏ߲ ߡߊ߬ ߞߵߏ߬ ߞߕߌ ߓߍߣߊ߬ ߛߌ߰ ߛߋ߲߬ߠߊ߫.
ߞߊ߬ ߓߍ߲߬ ߞߏ ߣߌ߲߬ ߞߎߡߊ߫ ߓߘߎߓߘߎ ߛߌߦߊߦߊ ߡߊ߬ ߖߌ߬ߣߍ߬ ߞߣߐ߫߸ ߖߌ߬ߦߊ߬ߖߟߎ ߡߍ߲ ߦߋ߫ ߡߐ߱ ߟߎ߬ ߓߟߏߟߊ߫ ߘߍ߬ߞߙߏߝߏ ߟߎ߫ ߞߊ߲߬ ߏ߬ߘߌ߫߸ ߏ߬ ߞߏ ߡߊ߫ ߘߌߦߊ߫ ߞߊ߲ߞߊ߲߫ ߞߕߌ߫ ߡߛߊߦߌ߲ߘߊ ߝߘߏ߬ߓߊ߬ ߞߕߌߓߋߟߋ߲ ߓߟߏ߫ ߡߎ߰ߡߍ߫، ߏ߬ ߟߋ ߞߏߛߐ߲߬߸ ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߞߏ ߞߕߌ ߓߍߣߊ߬ ߛߌ߰ ߛߋ߲߬ߠߊ߫.
ߞߏߢߊ ߣߌ߲߬ ߞߍ߫ ߘߊ߫ ߞߊ߬ߦߌ߯ ߞߏ߲ߞߏߘߓߌ߫ ߕߊ߬ߡߌ߲߬ߣߍ߲ ߠߋ߬ ߟߊ߫ ߓߊߟߊ߲ߘߎ߯ ߛߏ ߞߣߐ߫߸ ߞߏ߲߬ߖߊ߲߬ߣߊ߬ߞߙߐ߫ ߡߙߊ߬ߘߊ߬ߘߎ߯ߟߊ ߡߊ߲߰ߖߊ߲߬ߠߊ߫ ߡߙߊ߬ߘߊ߬ߓߊ ߘߐ߫.
ߡߛߏ߬ߡߊ߲߬ߣߍ߲߬ ߛߌߦߊߡߊ߲߫ ߠߋ߬ ߕߊ߬ ߘߴߊ߬ߟߎ߬ ߓߟߏ߫ ߔߏߔߏ ߞߊ߲߬߸ ߞߊ߬ ߕߊ߯ ߊ߬ߟߎ߬ ߘߌ߫ ߦߙߐ߫ ߟߊߞߋ߲߬ߛߎ߬ߣߍ߲ ߠߎ߬ ߘߐ߫߸ ߡߐ߰ ߕߍ߫ ߦߙߐ ߡߍ߲ ߠߎ߬ ߘߐ߫، ߞߊ߬ ߓߋ߬ ߊ߬ߟߎ߫ ߞߊ߲߬ ߗߍ߬ߣߌ߬ߡߛߏ߬ߦߊ߬ ߓߟߏߡߊ߬ ߞߊ߬ ߓߊ߲߫ ߞߵߊ߬ߟߎ߫ ߖߌ߬ߦߊ߬ߖߟߎ߬ߦߊ߫ ߞߊ߬ ߟߊߖߍ߲ߛߍ߲߫ ߘߍ߬ߞߙߏߝߏ ߟߎ߫ ߞߊ߲߬߸ ߕߍ߮ ߓߘߊ߫ ߞߍ߫ ߏ߬ ߟߋ ߛߌߞߊߒߡߊߓߊ߯ߕߐ߫ ߡߐ߰ ߣߊ߯ߣߌ߲߫ ߘߐ߫߸ ߞߊ߬ ߕߊ߯ ߊ߬ߟߎ߬ ߘߌ߫ ߡߊ߲߰ߖߊ߲߬ߠߊ߫ ߞߕߌ߫ ߦߌߟߡߊ߫ ߝߟߐ ߟߊ߫߸ ߊ߬ߟߎ߫ ߡߐ߰ ߟߏ߯ߟߎߣߊ߲ ߞߏ߬ߣߌ߲ ߡߊ߫ ߦߋ߫ ߡߎߣߎ߲߬.
ߖߌ߬ߦߊ߬ߖߟߎ߬ ߞߎߘߊ ߡߍ߲ ߦߋߣߍ߲߫ ߞߐ ߣߌ߲߬ ߠߊ߫߸ ߏ߬ ߞߊ߬ ߖߡߊ߬ߣߊ߬ ߞߣߐ߬ߘߋ߲߬ ߛߌߦߊߡߊ߲߫ ߟߐ߬ ߊ߬ ߝߐ߫ ߟߊ߫ ߟߋ߬ ߞߏ߫ ߞߊ߬ ߞߏߢߊ ߞߕߌ ߟߊ߫ ߛߊ߬ߙߌ߬ߦߊ߬ ߓߟߏ߫.
ߡߐ߰ ߣߊ߯ߣߌ߲ ߡߍ߲ ߠߎ߬ ߡߌ߬ߣߊ߬ߣߍ߲߫߸ ߏ߬ ߟߎ߬ ߦߋ߫ ߛߌߞߊߒߡߊߓߊ߯ߕߐ ߟߋ߬ ߘߌ߫ ߞߏߢߊ ߣߌ߲߬ ߘߐ߫ ߡߎߣߎ߲߬ ߤߊ߲߯ ߞߕߌ ߦߋ߫ ߕߍ߰ ߕߎ߬ߡߊ ߡߍ߲ ߞߵߊ߬ ߞߏ ߟߊߜߍ߫، ߊ߬ߟߎ߫ ߞߏ߬ߣߌ߲ ߡߊ߫ ߞߕߌ ߟߊ߫ ߟߏ߲߫ ߝߐ߫ ߡߎߣߎ߲߬.