ߖߋ߬ߟߌ߬ߓߊ߬ߘߎ߯ ߞߊ߲ߕߌ߮߸ ߞߟߍ߬ߕߌ߰ ߊߓߘߎߙߊߤߑߡߊ߯ߣߌ߲߬ ߗߊ߬ߣߌ߬ ߓߘߴߊ߬ ߦߌ߬ߘߊ߬߸ ߞߏ߫ ߣߊ߲߬ߕߌ߮ ߟߎ߬ ߟߊ߫ ߡߙߎߕߟߌ߫ ߞߟߍ ߞߐ ߘߐ߫߸ ߡߍ߲ ߞߍ߫ ߘߊ߫ ߂߀߂߆ ߘߓߊ߬ߓߌߟߊ ߕߋ߬ߟߋ߫ ߂߈ ߛߎ ߞߵߊ߬ ߘߎ߰ߛߊ ߜߍ߫ ߂߉ ߟߊ߫߸ ߞߏ߫ ߞߏ ߟߎ߬ ߓߘߊ߫ <<ߡߊߡߊ߬ߙߴߊ߬ߟߎ߬ ߓߟߏ߫ ߛߍߣߍ߲߬ ߝߋߝߋ߫>>، ߞߊ߬ߕߎ߲߯߸ ߡߙߎߕߟߌ ߣߌ߲߬ ߞߎ߲߬ߛߌ߲߫ ߘߊ߫ ߛߊ߲ߡߊ߫ ߣߊ߲ߕߌ߮ ߟߎ߬ ߟߊ߫ ߘߊ߯ ߁߀߁ ߠߋ߬ ߟߊ߫ ߢߊߡߍ߫ ߞߣߐ߫.
ߞߊ߬ߕߎ߲߯߸ ߖߋ߬ߟߌ߬ߓߊ߬ߘߎ߰ ߞߊ߲ߕߌ߮ ߣߌ߫ ߊ߬ ߓߐߢߐ߲߯ߞߏ߫ ߊߟߌߖ߭ߋߙߌߞߊ߫ ߊߓߑߘߍߟߑߡߊߖߌߘ ߕߋߓߎߣ ߠߋ߬ ߞߎߡߊ߫ ߘߊ߫ ߜߋߟߋ߲ߜߋߟߋ߲ ߠߊ߫ ߞߎߣߎ߲߬ ߘߓߊ߬ߓߌߟߊ ߕߟߋ߬ ߃߁ ߡߊ߬߸ ߖߋ߬ߟߌ߬ߓߊ߬ߘߎ߯ ߞߊ߬ߝߏ߬ ߞߎ߲ߕߌ߮ ߞߵߊ߬ ߟߊߛߙߋߦߊ߫ ߞߎߡߊ ߏ߬ ߟߋ ߘߐ߫߸ ߞߏ߫ ߊ߬ߟߎ߬ ߓߘߊ߫ ߣߐ߭ߛߐ߬ߘߐ߲߬ ߡߙߎߕߌߣߍ߲ ߠߎ߫ ߡߊ߬߸ ߞߵߊ߬ߟߎ߫ ߓߊ߱ ߝߊ߰ ߟߋߎ߫. ߊߟߌߖ߭ߋߙߌ߫ ߞߊ߲ߕߌ߯ߘߊ ߝߣߊ߫ ߟߊ߫ ߝߐߟߌ߫ ߘߐ߫ ߏ߬ ߘߐ߫߸ ߞߏ߫ ߗߊ߬ߣߌ߫ ߞߊ߬ ߞߎߟߎ߲ߖߋߟߌ ߝߏ߬ߟߌ߬ ߞߙߍߞߙߍߣߍ߲ ߠߊߛߋ߫ ߊ߬ߟߎ߬ ߟߊ߫ ߖߡߊ߬ߣߊ ߡߊ߬߸ ߊ߬ߟߎ߬ ߞߍ ߘߐ߫ ߞߊ߬ ߖߋ߬ߟߌ߬ߓߊ߬ߘߎ߯ ߞߐߡߊߓߌ߲ߓߌ߲߫ ߞߵߊ߬ ߡߊߘߍ߬ߡߍ߲߫ ߣߌ߲߬ ߞߏ ߘߐ߫.
ߖߋ߬ߟߌ߬ߓߊ߬ߘߎ߯ ߞߊ߲ߕߌ߮ ߞߵߊ߬ ߛߓߍ߫ ߟߊ߬ߛߋ߬ߟߌ ߘߐ߫ ߞߏ߫:
<<[ߞߊ߲ߕߌ߯] ߗߊ߬ߣߌ߬ ߟߊ߫ ߞߎߟߎ߲ߖߋߟߌ߫ ߓߟߏߕߍߍ߰ߓߊߟߌ ߦߋ߫ ߊߓߑߘߍߟߑߡߊߖߌߘ ߕߋߓߎߣ ߦߋ߫߸ ߊ߬ ߟߊ߫ ߞߐߡߊߓߌ߲ߓߌ߲ߠߌ߲ ߣߴߊ߬ ߟߊ߫ ߓߏ߲߬ߧߊ ߣߌ߫ ߜߟߌߦߊ ߞߏߛߐ߲߬ ߞߵߊ߬ ߟߐ߬ ߖߋ߬ߟߌ߬ߓߊ߬ߘߎ߯ ߖߡߊ߬ߣߊ ߟߊ߫ ߖߘߍ߬ߛߊ߬ߙߌ߬ߦߊ߬ߕߌ߰ߦߊ ߡߊ߬.>> ߏ߬ ߝߐ߫ ߘߊ߫ ߖߋ߬ߟߌ߬ߓߊ߬ߘߎ߯ ߞߊ߲ߕߌ߯ߘߊ ߟߊ߫ ߟߊ߬ߛߋ߬ߟߌ߬ ߛߓߍ ߟߋ߬ ߞߣߐ߫.
ߞߊ߬ߕߎ߲߯߸ ߘߓߊ߬ߓߌߟߊ ߕߟߋ߬ ߃߀ ߡߊ߬߸ ߊߟߌߖ߭ߋߙߌ߫
ߞߊ߬ ߞߟߍ߬ߞߍ߬ ߛߊ߲ߡߊߞߎߟߎ߲߫ ߣߊ߯ߣߌ߲߫ ߠߋ߬ ߟߊߕߊ߯ ߖߋ߬ߟߌ߬ߓߊ߬ߘߎ߯ ߡߊߘߍ߬ߡߍ߲߬ ߞߊ߲ߡߊ߬.
ߖߡߊ߬ߣߊ߫ ߝߌ߬ߟߊ ߢߌ߲߬ ߠߎ߬ ߞߊ߲ߕߌ߮ ߟߎ߬ ߞߵߊ߬ ߦߌ߬ߘߊ߬߸ ߞߏ߫ ߖߋ߬ߟߌ߬ߓߊ߬ߘߎ߯ ߞߊ߲߲ߕߌ߮ ߟߊ߫ ߓߐߒߡߊߟߌ ߡߍ߲ ߞߍ߫ ߘߊ߫ ߊߟߌߖ߭ߋߙߌ߫ ߞߐ ߢߌ߲߬ ߠߊ߫߸ ߊ߬ߟߎ߫ ߞߊ߬ ߓߊ߯ߙߊߢߐ߲߯ߦߊ ߟߋ߬ ߜߋ߲߭ߞߘߎ߬߸ ߞߊ߬ ߞߏ߫߫ ߛߌߦߊߡߊ߲߫ ߖߊ߬ߕߋߛߌ߰، ߊߓߘߎߙߊߤߑߡߊ߯ߣߌ߲߬ ߗߊ߬ߣߌ߫ ߞߊ߬ ߞߎߟߎ߲ߖߋߟߌ ߟߊߛߋ߫ ߊߟߌߖ߭ߋߙߌ߫ ߡߊ߬ ߞߏߛߓߍ߫߸ ߊ߬ߟߎ߬ ߞߍ ߘߐ߫ ߞߵߊ߬ߟߎ߬ ߟߊ߫ ߖߡߊ߬ߣߊ ߡߊߘߍ߬ߡߍ߲߬ ߊ߬ ߟߊ߫ ߖߘߍ߬ߕߌ߰ߦߊ ߞߐߡߊߓߌ߲ߓߌ߲ ߞߏߛߐ߲߬.
ߊߟߎ߫ ߦߴߊ߬ ߟߐ߲߫߸ ߡߊ߲߬ߞߊ߲߬ߓߊ߫ ߟߋ߬ ߞߍ߫
ߘߊ߫ ߖߋ߬ߟߌ߬ߓߊ߬ߘߎ߯ ߞߣߐ߫߸ ߊ߬ ߕߌ߯ߕߌ߯ ߣߊ߲߬ߕߌ߰ ߘߊ߯ ߁߀߁ ߠߊ߫ ߢߊߡߍ߫߸ ߡߊ߬ߙߌ߬ߝߊ߬
ߕߋ߬ ߞߊ߲ ߣߌ߫ ߝߏߘߏ߲߫ ߡߊ߲ߞߊ߲ ߠߎ߬ ߓߐ߫ ߘߊ߫ ߟߋ߬ ߦߋ߲߬ ߊ߬ ߢߊ ߖߍ߬ߘߍߖߍ߬ߘߍ ߡߊ߬،
ߖߋ߬ߟߌ߬ߓߊ߬ߘߎ߯ ߝߊ߰ߡߊ ߟߎߎ߫ ߞߊ߬ ߣߊ߲߬ߕߌ߰ ߞߙߎ ߘߏ߫ ߟߎ߫ ߟߋ߬ ߡߊߝߌ߲߬߸ ߞߏ߫ ߊ߬ߟߎ߬ ߡߙߎߕߌߣߍ߲߫
ߠߋ߬ ߞߊ߬ ߥߘߊߦߊ߫ ߣߊ߲߬ߕߌ߰ߦߊ ߛߊ߬ߙߌ߬ߦߊ ߡߊ߬߸ ߞߵߊ߬ߟߎ߫ ߘߍ߬ߢߐ߲߮ ߘߏ߫ ߟߎ߫ ߟߊߡߊ߬ߘߌ߲߫ ߊ߬ߟߎ߬
ߓߟߏߞߘߐ߫، ߏ߬ ߟߋ ߞߍ߫ ߘߴߊ߬ߟߎ߬ ߓߟߏ߫ ߦߊ߬ߣߌ߫ ߖߡߊ߬ߣߊ ߡߞߊߘߊ߲߫ ߣߊ߲ߕߌ߮ ߟߎ߬ ߣߊ߬ߕߐ߫ ߏ߬ ߟߎ߬
ߓߐ߫ ߟߊ߫ ߓߟߏߘߐ߫.
ߊ߬ߟߋ߬ ߕߟߏߜߟߍߦߊ߫ ߡߙߎߕߟߌ ߘߐ߫߸ ߞߊ߲ߕߌ߯ߘߊ ߟߊߞߊ߲ߘߊ ߡߐ߰ ߛߊ߬ߓߊ߫ ߟߋ߬ ߝߊ߰ ߘߊ߫، ߝߊ߰ߓߊ߰ߕߐ߫ ߛߊ߬ߓߊ ߏ߬ ߟߎ߫ ߟߋ߬߸ ߌߟߏ ߡߊߦߌߛ߭ߊߗߌ߫߸ ߦߊߤߦߊ߬ ߌߘߙߌߛߊ߬ ߖ߭ߊߡߑߣߊߥߎ߫߸ ߊ߬ ߣߌ߫ ߎߛߑߡߊ߯ߣ ߤߊߓߎߟߋ ߤߊߡߌߛߎ߫߸ ߏ߬ ߟߎ߫ ߟߋ߬ ߝߊ߰ ߘߊ߫ ߞߍ߬ߟߍ ߣߌ߲߬ ߘߐ߫.
ߊ߬ߟߎ߬ ߟߊ߫ ߛߊ߬ߦߊ ߞߏߛߐ߲߬߸ ߊ߬ߟߎ߬ ߞߐ߲ߘߐ߲߫
ߘߊ߫ ߞߵߊ߬ߟߎ߬ ߖߊ߬ߟߊ ߡߊߦߟߍ߬ ߖߊ߬ߟߊ ߛߊ߲ߘߐߕߊ ߟߊ߫߸ ߞߵߊ߬ߟߎ߫ ߞߎ߲߬ߠߊ߬ߦߋߙߋ߲߫ ߞߣߐߟߊ ߦߙߍߞߍߟߌ
ߓߙߊߘߐߦߊ ߞߎ߲߬ߢߊ߬ߘߐ ߟߊ߫߸ ߡߍ߲ ߦߋ߫ ߞߟߌ߫ ߟߴߊ߬ߟߎ߬ ߓߟߏ߫ ߞߏ߫ <<ߕߊߙߑߤߊ߬
ߣߞߊߟ>>. ߛߎ߬ ߡߊ߬ߛߊߟߌ ߞߐ ߟߋ߬ ߘߐ߫߸ ߊ߬ߟߋ߬ ߣߊ߲߬ߕߌ߯ ߛߊ߬ߓߊ ߛߎ߭ߘߏ߲߬ ߘߊ߫ ߛߋ߰ߘߎ߬
ߝߎߙߋ ߟߎ߬ ߟߊ߫ ߛߊ߬ߙߌ߬ߟߏ ߘߐ߫߸ ߞߵߊ߬ ߛߐ߬ߘߐ߲߬ ߞߏߕߌ߯ ߝߟߐ ߊ߬ߟߌ ߡߤߊߡߊ߲߫ ߟߊ߬ߡߌ߬ߣ
ߖ߭ߋߦߣ ߢߊ ߦߋ߫ ߜߍ ߘߐ߫߸ ߊ߬ ߣߌ߫ ߡߊ߬ߞߊ߲߬ߞߊ߲߬ߠߌ߲ ߞߏߕߌ߮ ߛߊߟߌߝߎ߬ ߡߏߘߌ߫߸ ߞߵߏ߬ ߟߊ߫
ߣߊ߲߬ߕߌ߰ ߘߊ߯ߘߐ ߞߎ߲߬ߕߌ߮ ߞߊ߲߬߸ ߡߎߛߊ߫ ߛߊ߬ߟߊߥߎ߬ ߓߊ߬ߙߑߡߎ߫߸ ߊ߬ ߣߌ߫ ߣߊ߲߬ߕߌ߰ ߞߎ߲ߕߌ߯ ߛߌߦߊߡߊ߲߫.
ߖߋ߬ߟߌ߬ߓߊ߬ߘߎ߯ ߖߡߊ߬ߣߊ ߣߊ߲߬ߕߌ߰ߘߊ ߡߊ߬ߡߙߊ߬ߟߌ߬ߘߊ ߞߊ߬ ߞߎߟߎ߲ߖߋߟߌ ߟߊߛߋ߫ ߙߎ߬ߛߌ߫ ߣߊ߲߬ߕߌ߯ ߊߝߙߌߞߊ߫ ߞߐߙ ߙߎ߳ߛ ߡߊ߬߸ ߊ߬ߟߎߎ߬ ߞߍ ߘߐ߫ ߞߵߊ߬ߟߎ߬ ߡߊߘߍ߬ߡߍ߲߬، ߞߌ߬ߢߍ߬ߞߏ߲߬ߞߏ߬ ߞߊߝߏ ߟߎ߬ ߟߊ߫ ߢߌ߲߬ߘߍ (ߞߞߢ) ߡߍ߲ ߦߋ߫ ߖߡߊ߬ߣߊ߫ ߛߓߊ߬ ߘߌ߫߸ ߖߋ߬ߟߌ߬ߓߊ߬ߘߎ߯߸ ߡߊ߬ߟߌ߸ ߓߙߎߞߌߣߊ߫ ߝߊ߬ߛߏ߬߸ ߏ߬ ߟߎ߫ ߞߵߊ߬ ߦߌ߬ߘߊ߬ ߞߏ߫ ߕߟߏߜߟߍߦߊ߫ ߡߙߎߕߟߌ ߢߌ߲߬ ߦߋ߫ ߣߊ߲߬ߕߌ߰ ߞߙߎ ߘߏ߫ ߟߎ߫ ߟߊ߫<<ߖߊ߲߬ߝߊ>> ߟߋ߬ ߘߌ߫.
