ߞߎ߲߬ߠߊ߬ߛߌ߰ߟߌ ߟߎ߬ ߕߌ߲߬ߞߎߘߎ߲߫ ߣߌ߲߬ ߞߣߐ߫
ߟߊ߬ߞߊ߲߬ߘߊ߬ߟߌߣߊ߲߬ߕߌ߮ ߟߎ߬ ߟߊ߫ ߡߙߎߕߟߌ߫ ߡߊ߲ߞߊ߲ ߞߐߝߍ߬߸ ߞߟߍ߬ߕߌ߯ ߗߊ߬ߣߌ߬ ߞߊ߲߫ ߞߏ߫ ߊ߬ߟߎ߬ ߓߘߴߊ߬ߟߎ߫ ߛߋ߭ ߟߐ߬ ߡߊ߲߬ߞߊ߲߬ ߡߊ߬ ߦߙߐ ߓߍ߯ ߞߊ߲߬߸ ߞߏ ߟߎ߬ ߓߘߊ߫ ߛߴߊ߬ߟߎ߬ ߕߍ߯ ߞߘߐ߫ ߝߛߊߦߌ߫، ߕߎ߬ߡߊ߬ߣߍ߲߬߬ ߞߋߟߋ߲ ߏ߬ ߟߊ߫߸ ߊ߬ߟߎ߬ ߟߊ߫ ߣߊ߲߬ߕߌ߯ ߛߊ߬ߓߊ ߡߍ߲ ߠߎ߬ ߕߏ߫ ߘߊ߫ ߡߊ߲߬ߞߊ߲ ߣߌ߲߬ ߘߐ߫߸ ߊ߬ߟߎ߬ ߓߘߴߏ߬ ߟߎ߫ ߛߎ߭ߘߏ߲߬ ߞߎ߲߬ߠߊ߬ߦߋߙߋ߲ ߘߝߊߣߍ߲ ߘߐ߫.
ߟߊ߬ߞߊ߲߬ߘߊ߬ߟߌߦߙߍߞߍߟߌ ߡߍ߲ ߞߍ߫ ߘߊ߫ ߣߊ߲߬ߕߌ߮ ߟߎ߬ ߓߟߏ߫ ߘߜ߭ߎ߬ߞߟߏߞߏ߫߸ ߊ߬ߟߎ߫ ߞߊ߬ ߓߊ߰ߓߊ߰ߟߌ߬ߟߊ߬ ߛߌߦߊߡߊ߲߫ ߠߋ߬ ߝߊ߰ ߢߣߐ߫߸ ߖߊߓߊ߬ߟߌ߬߸ ߊ߬ ߣߌ߫ ߞߌ߬ߘߊߟ.
ߟߊ߬ߞߊ߲߬ߘߊ߬ߟߌߞߏ߲߬ߞߏ߲߬ ߓߊ ߢߌ߲߬ߘߍ ߡߙߎߕߌߓߊ߯ ߞߙߎ (AFC) ߣߌ߫ ߕߙߊߓߊ ߂߃ ߕߏ߰ߝߏ (M23) ߡߍ߲ ߠߎ߬ ߡߙߎߕߌߣߍ߲߫ ߓߍ߯ߦߊ߫ ߞߏ߲߬ߞߏ߬ ߞߊ߲ߓߍ߲ ߞߣߐ߫߸ ߏ߬ ߟߎ߬ ߓߘߊ߫ ߡߊ߲߬ߕߏ߲߬ ߠߊߘߍ߬ߣߍ߲ ߠߎ߬ ߛߌ߲߬ߝߏ߲߬ߧߊ߬ߟߌ ߟߊ߬ߞߊ߲߬ߘߊ߬ߟߌ ߞߏߟߊߕߍ߯ߘߊ ߟߊ߫ ߓߌ߲߬ߓߊ߬ߥߏ߫ ߓߋ߬ߣߍ߲ ߡߍ߲߫ ߞߵߊ߬ ߡߌ߬ߣߊ߬،
ߟߊ߬ߞߊ߲߬ߘߊ߬ߟߌߓߌߟߏ߲߫ ߕߊ߬ߡߌ߲߬ߣߍ߲߸ ߓߙߎߞߌߣߊ߫ ߘߐ߬ߕߊߡߌ߲ ߞߊ߲ߕߌ߮ ߞߊ߬ ߓߋߟߋ߲ߠߊ ߘߏ߫ ߞߍ߫ ߦߊ߯ߘߑߜ߭ߊ߫ ߕߌ߲߬ߞߎߘߎ߲ ߘߐ߫߸ ߊ߬ ߞߊ߬ ߞߟߌߟߌ ߞߍ߫ ߛߌ߬ߟߡߊ߬ߦߊ ߘߐߣߐ߰ߦߊ ߟߋ߬ ߡߊ߬߸ ߞߊ߬ ߜߘߋߜߘߋߦߊ ߓߟߏߞߊ߬، ߞߊ߬ߕߎ߲߯߸ ߊ߬ ߞߵߊ߬ ߦߌ߬ߘߊ߬ ߞߏ߫ ߞߊ߬ ߜߋ߬ߟߎ߲߬ߠߌ߲ ߖߍ߬ߘߍߖߍ߬ߘߍ ߟߊߥߟߌ߬ ߓߙߎߞߌߣߞߊ߫ ߗߡߍ߬ ߦߙߌߞߊ߫ ߞߐ߫߸ ߡߍ߲ ߠߎ߬ ߟߊߕߊ߯ߣߍ߲߫ ߛ߭ߊ߬ߙߌ߬ߦߊ ߞߊ߬ߙߊ߲߬ ߞߊ߲ߡߊ߬ ߞߐߞߊ߲߬، ߞߏ߫ ߞߊ߬ ߖߊ߲߬ߕߏ߬ ߞߍ߫ ߏ߬ ߟߎ߬ ߘߐ߫ ߞߏߛߓߍ߫.
ߟߊ߬ߞߊ߲߬ߘߊ߬ߟߌߛߏߡߊߟߌ߫ ߣߊ߲߬ߕߌ߮ ߟߎ߬ ߞߊ߲߫ ߞߏ߫ ߊ߬ߟߎ߬ ߓߘߊ߫ ߛ߭ߋߓߊߓ ߓߊ߰ߓߊ߰ߟߌ߬ ߞߙߎ ߗߍ߬ߘߋ߲߬ ߄߂ ߝߊ߰߸ ߞߊ߬ ߡߐ߰ ߁߂ ߜߘߍ߫ ߝߣߊ߫ ߖߐߞߌ߫، ߏ߬ ߞߍ߫ ߘߴߊ߬ߟߎ߬ ߟߊ߫ ߛߊ߲ߡߊ߫ ߦߙߍߞߍߟߌ ߘߏ߫ ߟߋ߬ ߘߐ߫ ߤߌ߬ߙߊߣ ߕߌ߲߬ߞߎߘߎ߲ ߘߐ߫.
ߟߊ߬ߞߊ߲߬ߘߊ߬ߟߌߖߋ߬ߟߌ߬ߓߊ߬ߘߎ߯ ߛߊ߲ߡߊ߫ ߣߊ߲ߕߌ߮ ߟߎ߬ ߓߘߴߊ߬ ߟߊߛߋ߫ ߞߏ߫ ߊ߬ߟߎ߫ ߣߐ߬ ߓߊ߰ߓߊ߰ߟߌ߬ߟߊ߫ ߛߌߦߊߡߊ߲߫ ߠߋ߬ ߝߊ߰ ߟߊ߫߸ ߞߵߊ߬ߟߎ߬ ߡߊߞߍ߫ ߦߌߟߊ߫ ߛߌߦߊߡߊ߲߫ ߝߣߊ߫ ߘߐߖߊߡߎߙߊ߲߫ ߛߊ߲ߡߊ߫ ߥߊߟߏ߲ߠߌ߲ ߘߏ߫ ߛߋ߲߭ߝߍ߬ ߙߜ߭ߊߣߊߙߌ߫ ߕߌ߲߬ߞߎߘߎ߲ ߘߐ߫߸ ߓߐߙߑߣߏ߫ ߞߊ߬ߝߏ ߞߣߐ߫ ߖߡߊ߬ߣߊ ߞߐ߰ߘߎ߯ ߕߟߋ߬ߓߐ ߘߐ߫، ߟߌ߬ߤߟߊ ߏ߬ ߟߊߛߋ߫ ߘߊ߫ ߖߋ߬ߟߌ߬ߓߊ߬ߘߎ߯ ߖߡߊ߬ߣߊ ߣߊ߲߬ߕߌ߰ ߝߊ߲ߞߊ ߟߋ߬ ߓߟߏ߫
ߟߊ߬ߞߊ߲߬ߘߊ߬ߟߌߣߊ߲߬ߕߌ߰ ߘߊ߯ߘߐ ߞߎ߲߬ߕߌ߮ ߗ߭ߊ߲߭ ߘߊߏ߫ ߓߘߊ߫ ߦߌ߬ߘߊ߬ ߞߏ߫ ߊ߬ߟߎ߫ ߣߐ߬ ߜߊ߬ߟߏ ߖߍ߬ߘߍߖߍ߬ߘߍ ߟߋ߬ ߟߊ ߟߊ߫ ߓߊ߰ߓߊ߰ߟߌ߬ߟߊ ߟߎ߫ ߞߊ߲߬ ߸ߞߊ߬ ߡߐ߰ ߁ ߀߀߀ ߢߐ߲߰ ߓߐ߬ߣߐ߫ ߊ߬ ߣߌ ߘߐ߫ ߸ߞߊ߬ ߖߐ߯ߙߊ߲߫ ߘߐߜߍ߫ ߛߌߦߊߡߊ߲߫ ߘߐߕߌߢߍ߲߫ ߸ ߡߊ߬ߟߌ ߛߏ߬ߙߌ߬ߡߊ߬ߘߋ߲߬ ߝߊ߲ߞߊ ߡߐ߰ ߃߀ ߣߌ߫ ߞߐ߫ ߞߏ߬ߣߌ߲ ߣߌ ߕߏ߫ ߘߴߊ߬ ߘߐ߫ ߊߣߋߝߌ߫.
ߟߊ߬ߞߊ߲߬ߘߊ߬ߟߌߞߙߎ߫ ߝߌ߬ߟߊ߫ ߟߋ߬ ߣߐ߬ ߊ߬ߟߎ߬ ߞߍ߫ ߟߊ߫ ߡߊ߬ߟߌ ߣߊ߲߬ߕߌ߮ ߟߎ߬ ߡߊߞߍ߫ ߦߌߟߊ ߟߎ߫ ߞߊ߲߬ ߊߜ߭ߍߟߑߘߐߞ߸ ߊߣߋߝߌߛ߸ ߜ߭ߊ߬ߥߏ߫߸ ߊ߬ ߣߌ߫ ߛߋߝ߭ߊߙߋ߫، ߒ߬ߓߊ߬߸ ߞߙߎ߫ ߝߌ߬ߟߊ ߡߍ߲ ߦߋ߫ ߣߌ߲߬߸ ߊߖ߭ߥߊߘ ߞߊ߲ߠߊߓߌߟߊ߫ ߞߟߊߘߊ (ߊߞߞ) ߣߌ߫ ߊߟߑߞߊߦߌߘߊ ߓߏߟߏ߲ߝߘߊ߸ ߛߌ߬ߟߊ߬ߡߊ ߟߎ߬ ߣߌ߫ ߛߌ߬ߟߡߦߊ߬ ߞߐߡߊߓߌ߲ߓߌ߲߫ ߞߙߎ (ߛߛߞߞ)߸ ߞߊ߬ߛߙߊ ߟߊߘߏ߲߬ߣߍ߲߫ ߏ߬ ߟߎ߫ ߟߋ߬ ߞߎ߲߬ ߣߊ߲߬ߕߌ߮ ߟߎ߬ ߓߟߏ߫.
ߟߊ߬ߞߊ߲߬ߘߊ߬ߟߌߡߊ߲߬ߕߏ߲߬ ߠߊߘߍ߬ߣߍ߲ ߠߎ߫ ߛߌ߲߬ߝߏ߲߬ߧߊ߬ ߟߊ߬ߞߊ߲߬ߘߊ߬ߟߌ ߞߏߟߊߕߍ߮ ߡߎ߰ߡߍ ߓߍ߲߬ ߘߴߊ߬ ߡߊ߬ ߞߐ߬ߟߏ߲ ߡߊ߬߸ ߞߊ߬ ߂߀߂߆ ߝߙߋߞߋߝߎߟߋ߲ ߝߙߍߕߍ߫ ߂߈߂߃ ߕߊ߬߸ ߞߵߊ߬ ߦߌ߬ߘߊ߬ ߞߏ߫ ߝߏ߫ ߞߊ߬ ߘߏ߫ ߓߐ߫ ߟߋ߬ ߓߊ߰ߒ߬ߡߊ ߟߊ߫ ߊ߬ߟߎ߬ ߟߊ߫ ߣߊ߲߬ߕߌ߮ ߟߎ߬ ߞߊ߲ߡߊ߬߸ ߖߎ߯ߡߊ߲ ߡߍ߲ ߦߋ߫ ߟߐ߬ ߟߴߊ߬ߟߎ߬ ߟߊ߫ ߖߐ ߣߊ߲߬ߕߌ߮ ߟߎ߫ ߡߊ߬ ߛߐ߲߬߸ ߞߏ߫ ߝߏ߫ ߞߵߏ߬ ߟߎ߬ ߟߊߕߐ߲߫ ߠߋ߬ ߜߘߋߜߘߋ߫.
ߟߊ߬ߞߊ߲߬ߘߊ߬ߟߌߥߊ߬ߛߌ߬ߥߙߊ ߕߟߋ߬ ߁߈ ߢߌ߲߬ ߡߊ߬߸ ߓߊ߰ߓߊ߰ߟߌ߬ߟߊ ߟߎ߫ ߞߊ߬ ߡߙߊ߬ߒ߬ߡߊ߬ߟߌ ߟߋ߬ ߞߍ߫ ߖߋ߬ߟߌ߬ߓߊ߬ߘߎ߯ ߛߊ߲ߡߊߘߊ߲ ߖߏߙߌ ߤߡߊߣߌ߫ ߞߣߐ߫ ߢߊߡߍ߫߸ ߖߡߊ߬ߣߊ ߣߊ߲߬ߕߌ߮ ߟߎ߬ ߛߋ߫ ߘߊ߫ ߣߐ߭ߛߐ߬ߘߐ߲߬ ߠߊ߫߸ ߛߛߞߞ ߞߊ߲߫ ߞߏ߫ ߊ߬ߟߎ߫ ߣߐ߭ ߟߋ߬. ߞߎ߲߬ߠߊ߬ߛߌ߮ ߟߊ߫ ߖߊ߬ߕߋ߬ ߝߐߣߍ߲ ߠߎ߬ ߘߐ߫߸ ߡߐ߰ ߁߃ ߟߋ߬ ߝߊ߰ ߘߴߊ߬ߟߎ߬ ߟߊ߫ ߡߐ߱ ߟߎ߬ ߘߐ߫߸ ߖߡߊ߬ߣߊ ߣߊ߲߬ߕߌ߰ ߁߁߸ ߊ߬ ߣߌ߫ ߣߊ߲߬ߒ߬ߕߊ߲߫ ߡߐ߰ ߝߌ߬ߟߊ߬، ߊ߬ߟߎ߬ ߛߋ߫ ߘߊ߫ ߞߍߒߞߊ߲ߓߊ߯ ߡߐ߰ ߂߂ ߝߊ߰ ߟߊ߫، ߞߎ߲߬ߠߊ߬ߛߌ߮ ߣߐ߬ ߝߊ߬ߙߊ߲߬ߛߌ߫ ߟߋ߬ ߡߊߝߌ߲߬ ߠߊ߫ ߌߞߘߐ߸ ߞߏ߫ ߊ߬ߟߋ ߟߋ߬ ߦߙߍߞߍߟߌ ߣߌ߲߬ ߞߐߝߍ߬ ߛߎߋ߫.
ߟߊ߬ߞߊ߲߬ߘߊ߬ߟߌߡߊ߬ߟߌ ߣߊ߲߬ߕߌ߰ ߝߊ߲ߞߊ ߞߊ߬ ߛߊ߲ߡߊ߫ ߦߙߍߞߍߟߌ ߡߍ߲ ߛߌ߰ ߛߋ߲߬ߠߊ߫ ߞߐ߬ߓߊ߬ߟߏ߲ ߂߀߂߆ ߥߊ߬ߛߌ߬ߥߙߊ ߕߟߋ߬ ߁߅ ߡߊ߬߸ ߊ߬ߟߎ߫ ߞߊ߬ ߓߊ߰ߓߊ߰ߟߌ߬ߟߊ ߟߎ߫ ߢߊ߲߱ ߘߏ߫ ߟߋ߬ ߛߎߡߊ߲߫ ߖߐ߲ߖߐ߲ ߞߍ߫ ߡߐߔߑߕߌ߬ ߕߌ߲߬ߞߎߘߎ߲ ߘߐ߫، ߖߊ߬ߕߋ߫ ߞߎ߲߬ߝߟߐ ߟߎ߬ ߘߐ߫ ߡߎߣߎ߲߬߸ ߓߊ߰ߓߊ߰ߟߌ߬ߟߊ߫ ߡߐ߰ ߓߌ߫ ߦߙߌߞߊ߫ ߟߋ߬ ߝߊ߰ ߘߊ߫߸ ߞߵߊ߬ߟߎ߬ ߡߊߞߍ߫ ߦߌߟߊ߫ ߛߌߦߊߡߊ߲߫ ߕߌߢߍ߫߸ ߝߌ߬ߟߊ߬ ߦߋ߫ ߞߌߙߑߣߌߦߊ߫ ߘߎ߰ߣߍ߲ ߡߊ߬ߛߎߘߎ߲ߧߊ ߘߐ߫߸ ߣߊ߯ߣߌ߲߫ ߦߴߊ߬ߟߎ߬ ߟߊ߫ ߢߐ߲߯ ߠߊߘߍ߫ ߦߙߐ ߟߋ߬ ߘߌ߫ ߛߋߝ߭ߊߙߋ߫.
ߟߊ߬ߞߊ߲߬ߘߊ߬ߟߌߥߊ߬ߛߌ߬ߥߙߊ ߕߋ߬ߟߋ߫ ߃ ߡߍ߲ ߕߊ߬ߡߌ߲߬ߣߍ߲߫ ߣߌ߲߬߸ ߡߊ߬ߟߌ ߣߊ߲߬ߕߌ߰ ߝߊ߲ߞߊ ߞߊ߬ ߓߊ߰ߓߊ߰ߟߌ߬ߟߊ߫ ߖߘߍ߬ߘߌ߬ߟߊ ߟߎ߬ ߟߊ߫ ߡߊ߬ߞߟߐ ߘߏ߫ ߞߍ߫ ߛߎ߭ ߘߌ߫ ߡߎߢߊ߲߫߸ ߖߍ߬ߣߍ߫ ߕߟߋ߬ߓߋ ߘߐ߫ ߞߎߘߍ߫ ߄߅ ߖߊ߬ߕߋ߬ ߟߊ߫، ߣߊ߲߲߬ߕߌ߮ ߟߎ߫ ߟߋ߬ ߞߵߊ߬ ߟߊ߫ ߞߏ߫ ߟߊߓߊ߲߫ ߞߎߟߎ߲ߞߎߟߎ߲ ߠߊ߫ ߛߎߡߊ߲߫ ߖߐ߲ߖߐ߲ ߘߏ߫ ߘߐ߫.
ߟߊ߬ߞߊ߲߬ߘߊ߬ߟߌߛߊ߲߬ ߕߌ߲߬ߞߎߘߎ߲ ߞߎ߲߬ߠߊ߬ߛߌ߰ߟߊ ߓߘߴߊ߬ ߟߊߛߋ߫ ߞߏ߫ ߞߵߊ߬ ߘߊߡߌ߬ߣߊ߬ ߂߀߂߆ ߘߓߊ߬ߕߊ ߕߟߋ߬ ߁߈ ߡߊ߬߸ ߘߎ߰ߞߎߟߎ߲ ߠߎ߬ ߣߌ߫ ߔߏߔߏ ߟߎ߬ ߟߊ߫ ߛߎ߫ ߘߐ߫ ߓߏߙߌ ߓߘߊ߫ ߟߊߕߐ߲߫. ߞߵߊ߬ ߕߊ߬ ߂߁ߕߎߡߊ߃߀ ߡߊ߬ ߞߵߊ߬ ߛߌ߰ ߀߆ߕߎߡߊ߀߀ ߠߊ߫߸ ߓߏ߬ߙߌ߬ ߕߍ߫ ߞߍ߫ ߟߊ߫ ߏ߬ ߞߣߐ߫، ߞߵߏ߬ ߞߎ߲߭ ߞߍ߫ ߟߊ߬ߞߊ߲߬ߘߊ߬ߟߌ߬ ߝߛߏ߬ߝߛߊ ߘߌ߫.
ߟߊ߬ߞߊ߲߬ߘߊ߬ߟߌߞߍ߲ߘߍߟߏ߲ ߡߊ߬߸ ߛߣߍ߬ߜ߭ߊߟߌ߫ ߞߊ߲ߕߌ߮ ߓߊ߬ߛߌߙߏ߬ ߖߏ߬ߡߊߦߌ߬ ߝߊߦߌ߬ ߞߵߊ߬ ߞߊ߲ߠߊߘߌ߫ ߝߘߊ߬ߝߌ߲߬ߠߊ߫ ߡߊ߬߸ ߞߏ߫ ߓߍ߯ ߖߎ߬ߛߎ ߦߋ߫ ߦߍ߬ߟߍ߫ ߓߊ߰ߓߊ߰ߟߌ ߞߊ߲ߡߊ߬ ߞߌ߬ߢߍ߬ߞߏ߲ߞߏ߫ ߞߊ߲߬، ߊ߬ ߞߵߊ߬ ߦߌ߬ߘߊ߬ ߞߏ߫ ߕߟߋ߬ߓߋ߬ ߊߝߙߌߞߌ߬ ߖߡߊ߬ߣߊ ߟߎ߬ ߦߴߊ߬ߟߎ߬ ߓߟߏ ߘߌ߫ ߢߐ߲߮ ߡߊ߬ ߞߊߟߌߦߊ߫ ߓߟߏ ߡߊ߬ ߕߋ߲߬ ߌߞߘߐ߫߸ ߞߵߊ߬ߟߎ߬ ߞߍߕߊ ߞߍ߫.
ߟߊ߬ߞߊ߲߬ߘߊ߬ߟߌߛߌ߬ߣߌ߲߬ߟߏ߲ ߂߀߂߆ ߘߓߊ߬ߕߊ ߕߟߋ߬ ߁߭߸ ߣߊ߲߬ߕߌ߰ ߖߐ߯ߙߊ߲ ߘߏ߫ ߟߎ߫ ߟߋ߬ ߟߊߕߊ߬ߡߌ߲߬ ߘߊ߫ ߖߌ߬ߣߍ߫ ߛߏ߬ߙߌ߬ߡߊ߬ߘߋ߲߬ ߝߊ߲ߞߊ ߡߊ߬߸ ߏ߬ ߡߍ߲ ߖߊ߲߬ߖߏ߲ ߞߎ߲߬ߠߊߛߌ߰ ߘߊ߫ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߓߟߏ߫ ߞߐߣߊߞߙߌ߫، ߏ߬ ߟߎ߬ ߦߋ߫ ߞߟߍ߬ߡߎߙߊ߲ ߘߏ߫ ߟߎ߫ ߟߋ߬ ߘߌ߫߸ ߡߍ߲ ߛߐ߬ߘߐ߲߬ߣߍ߲߫ ߖߌ߬ߣߍ߬ ߣߋ߫ ߙߎ߬ߛߌ߬ ߟߊ߫ ߓߊ߯ߙߊߢߐ߲߯ߦߊ ߞߣߐߡߊ߬߸ ߞߵߊ߬ ߟߊߥߌ߬ߟߌ߫ ߛߏ߬ߙߌ߬ߡߊ߬ߘߋ߲߬ ߝߊ߲ߞߊ ߛߋߞߏߦߊ ߡߊߞߊ߬ߝߏ ߡߊ߬.
ߟߊ߬ߞߊ߲߬ߘߊ߬ߟߌߡߊ߬ߟߌ ߞߏߕߌ߯ ߝߟߐ ߓߘߊ߫ ߥߴߊ߬ ߢߊ ߟߊ߫ ߞߊ߬ߕߌ߫ ߡߙߊ߬ߒ߬ߡߊ߬ߟߌ ߖߐߞߌߓߊ߯ߕߐ ߟߎ߫ ߞߊ߲߬߸ ߞߵߊ߬ ߛߐ߬ߘߐ߲߬ ߖߡߊ߬ߣߊ ߦߋ߫ ߕߟߋ߬ ߝߌ߬ߟߊ߬ ߝߙߌߦߊ߫ ߘߐ߫ ߞߟߍ߬ߕߌ߰ ߛߊ߯ߖߐ߬ ߟߊ߫ ߛߊ߬ߦߊ ߞߐ ߘߐ߫، ߝߊ߰ߡߊ ߟߎ߬ ߞߊ߲߫ ߞߏ߫ ߡߍ߲ ߠߎ߬ ߖߐߞߌߣߍ߲߫߸ ߊ߬ߟߎ߬ ߘߴߊ߬ߟߎ߫ ߟߐ߬ ߏ߬ ߟߎ߬ ߟߊ߫ ߞߏ ߟߊ߫߸ ߡߍ߲ ߠߎ߬ ߝߣߊ߫ ߣߐ߬ ߡߊ߲߬ߕߙߐ߫ ߛߐ߬ߘߐ߲߬ ߠߊ߫ ߡߊ߬ߞߍ߬ ߦߙߐ߬ ߞߏ ߞߊ߬ߘߊ߲ ߞߣߐ߫߸ ߊ߬ߟߎ߬ ߓߘߊ߫ ߦߙߐ߫ ߢߌߣߌ߲߫ ߏ߬ ߟߎ߬ ߦߋ߫ ߏ߬ ߕߎ߬ߡߊ.
ߟߊ߬ߞߊ߲߬ߘߊ߬ߟߌߡߊ߬ߟߌ ߞߎ߲߬ߠߊ߬ߛߌ߮ ߓߘߴߊ߬ ߟߊߛߋ߫߸ ߞߏ߫ ߡߊ߬ߞߊ߲߬ߞߊ߲߬ߠߌ߲ ߞߏߕߌ߮ ߛߊ߯ߖߐ߬ ߞߡߊ߬ߙߊ߬ ߓߘߊ߫ ߕߏ߫ ߞߟߊߘߊ ߘߐ߫߸ ߊ߬ߟߋ ߡߍ߲ ߖߐߞߌ߫ ߘߊ߫ ߓߊ߰ߓߊ߰ߟߌ߬ߟߊ ߟߎ߬ ߟߊ߫ ߡߙߊ߬ߒ߬ߡߊ߬ߟߌ ߛߋ߲߭ߝߍ߬ ߊ߬ ߡߊߞߍ߫ ߦߌߟߊ ߘߐ߫ ߞߊ߬ߕߌ߬، ߊ߬ ߦߋ߫ ߡߊ߬ߟߌ ߘߐ߬ߕߊߡߌ߲ ߡߐ߰ߘߐ߬ߜߍ ߟߋ߬ ߘߌ߫߸ ߏ߬ ߟߋ ߞߏߛߐ߲߬ ߖߡߊ߬ߣߊ ߓߍߣߵߊ߬ ߛߎ߬ߞߏ߬ߦߊ ߞߍ߫ ߖߌ߲ߘߊ߲ߓߊ߫ ߘߐ߫߸ ߏ߬ ߡߍ߲ ߟߏ߲ ߓߍߣߊ߬ ߟߊߕߍ߰ ߊ߬ ߕߊ߫ ߟߊ߬ߛߋ߬ߟߌ߬ ߜߘߍ߫ ߘߐ߫.
ߟߊ߬ߞߊ߲߬ߘߊ߬ߟߌߡߊ߬ߟߌ ߣߊ߲߬ߕߌ߰ ߝߊ߲ߞߊ ߓߘߴߊ߬ ߟߊߛߋ߫ ߞߏ߫ ߊ߬ߟߎ߬ ߓߘߊ߫ ߞߍߒߞߊ߲ߠߌ߲ߠߊ ߟߎ߬ ߡߊߕߊ߯߸ ߡߍ߲ ߛߌ߰ ߘߊ߫ ߛߋ߲߬ߠߊ߫ ߞߍ߲ߘߍߟߏ߲ ߣߌ߲߬ ߛߐ߱ߡߊ߬ ߡߙߊ߬ߒ߬ߡߊ߬ߝߋ߲߬ߕߌ߰ ߞߙߎ ߘߏ߫ ߟߎ߫ ߓߟߏ߫، ߞߏ߫ ߊ߬ߟߎ߬ ߝߣߊ߫ ߣߐ߬ ߓߍߘߍ߲ߞߍߟߌ߫ ߦߙߍߞߍߟߌ ߟߋ߬ ߛߌ߰ ߟߴߊ߬ߟߎ߬ ߞߊ߲ߡߊ߬߸ ߞߵߊ߬ߟߎ߫ ߞߘߎ߬ߞߘߎ߬، ߣߊ߲߬ߕߌ߰ ߘߊ߯ߘߐ ߟߊ߫ ߝߐߟߌ߫ ߘߐ߫߸ ߊ߬ߟߎ߫ ߞߊ߬ ߞߍߒߞߊ߲ߠߌ߲ߠߊ߫ ߛߌߦߊߡߊ߲߫ ߠߋ߬ ߝߊ߰߸ ߞߏ ߟߎ߬ ߓߘߊ߫ ߛߌ߰ ߊ߬ߟߎ߬ ߕߊ߫ ߓߟߏ߫ ߞߊ߲߬ ߕߋ߲߬ ߝߛߊߦߌ߫.
ߟߊ߬ߞߊ߲߬ߘߊ߬ߟߌߡߊ߬ߟߌ ߣߊ߲߬ߕߌ߮ ߟߎ߬ ߓߘߴߊ߬ ߟߊߛߋ߫ ߞߏ߫ > ߟߎ߬ ߓߘߊ߫ ߥߴߊ߬ߟߎ߬ ߞߍ߫ ߊ߬ߟߎ߬ ߟߊ߫ ߘߊ߯ ߛߌߦߊߡߊ߲߫ ߞߊ߲߬ ߛߐ߱ ߢߌ߲߬ ߡߊ߬ ߖߡߊ߬ߣߊ ߞߎߓߋߘߊ ߟߊ߫߸ ߊ߬ ߣߌ߫ ߖߡߊ߬ߣߊ ߞߣߐߟߊ ߦߙߐ ߘߏ߫ ߟߎ߫ ߘߐ߫، ߝߊ߰ߡߊ ߟߎ߬ ߞߊ߲߫ ߞߏ߫ ߊ߬ߟߎ߬ ߦߋ߫ ߕߡߊ߬ߖߌ ߓߐ߫ ߓߍ߯ ߘߐ߫߸ ߊ߬ߟߎ߬ ߓߘߊ߫ ߣߊ߲߬ߕߌ߮ ߟߎ߬ ߟߊߖߌ߰ ߦߋ߲߬ ߠߎ߬ ߘߐ߫߸ ߏ߬ ߟߎ߬ ߦߴߊ߬ߟߎ߬ ߛߋߞߏ ߞߍ ߞߊ߲߬، ߏ߬ ߘߐ߫߸ ߞߏ߫ ߖߡߊ߬ߣߊ߬ߘߋ߲ ߓߍ߯ ߦߋ߫ ߕߏ߫ ߡߊ߬ߝߊ ߘߐ߫.
ߟߊ߬ߞߊ߲߬ߘߊ߬ߟߌߡߊ߬ߟߌ ߣߊ߲߬ߕߌ߰ ߝߊ߲ߞߊ (ߝߊ߰ߡߊ) ߟߎ߬ ߣߐ߬ ߛߊ߲ߡߊ߫ ߦߙߍߞߍߟߌ߫ ߕߣߐ߬ߡߊ߫ ߟߋ߬ ߛߌ߰ ߟߊ߫ ߛߋ߲߬ߠߊ߫ ߖߎߙߊ߬߸ ߡߐߔߑߕߌ߬ ߕߌ߲߬ߞߎߘߎ߲ ߘߐ߫، ߞߊ߬ ߓߊ߰ߓߊ߰ߟߌ߬ߟߊ߫ ߡߐ߰ ߓߌߥߐ߯ߙߐ߫ ߞߍ߫ ߛߎ߭ ߘߌ߫߸ ߞߵߊ߬ߟߎ߬ ߡߊߞߍ߫ ߦߌߟߊ ߡߎ߰ߡߍ ߞߍ߫ ߞߎߜߋ߫.
ߟߊ߬ߞߊ߲߬ߘߊ߬ߟߌߗߊߘߌ߬ ߓߘߊ߫ ߣߊ߲߬ߕߌ߮ ߘߏ߫ ߟߎ߫ ߟߊߕߊ߯ ߡߊߦߕߌ߫ ߘߍ߬ߡߍ߲߬ ߞߊ߲ߡߊ߬ ߡߐ߰ߖߎ߮ ߟߎ߫ ߞߍ߬ߟߍ ߟߊ߫، ߗߊߘߌ߬ ߞߏ߬ߣߌ߲ ߣߐ߬ ߥߊ߬ߞߊߟߌ ߖߍ߬ߘߍߖߍ߬ߘߍ ߟߋ߬ ߞߍ߫ ߟߊ߫߸ ߓߊߏ߬ ߝߊ߲߬ߞߊ߬ߓߊ߫ ߟߋ߬ ߡߐ߰ߖߎ߮ ߢߌ߲߬ ߠߎ߬ ߟߊ߫ ߤߊߦߕߌ߫ ߖߡߊߣߊ ߞߣߐ߫.
ߟߊ߬ߞߊ߲߬ߘߊ߬ߟߌߛߍ߬ߞߍ߫ ߞߐ߬ߟߋ߲߬ߘߊ ߡߏ߬ߛߏ ߟߎ߬ ߓߘߊ߫ ߓߐ߫ ߡߐߣߍ ߘߌ߫߸ ߞߊ߬ ߓߍ߲߬ ߊ߬ߟߎ߬ ߟߊ߫ ߝߊ߲߬ߞߣߐ ߏ߬ ߟߊ߬ߞߊ߲߬ߘߊ߬ߟߌ ߡߊ߬، ߓߊߏ߬߸ ߊ߬ߟߎ߬ ߟߊ߫ ߡߐ߰ ߞߋߟߋ߲߫ ߠߋ߬ ߓߣߐ߬ ߘߴߊ߬ ߣߌ ߘߐ߫ ߞߏ߲ߞߏߘߓߌ ߕߟߋ߬ ߈ ߡߊ߬߸ ߏ߬ ߡߊ߫ ߘߌߦߴߊ߬ߟߎ߬ ߦߋ߫ ߢߊ߫ ߛߌ߫ ߡߊ߬، ߞߵߏ߬ ߞߎ߲߭ ߞߍ߫ ߏ߬ ߝߊ߰ ߢߊ ߖߎ߯ߦߊ ߘߌ߫.
ߟߊ߬ߞߊ߲߬ߘߊ߬ߟߌߡߐ߰ ߃߀߀ ߢߐ߲߰ ߠߋ߬ ߟߊ߫ ߞߕߌ ߟߊߣߍ߲߫ ߖߋ߬ߟߌ߬ߓߊ߬ߟߊ߫ ߖߣߊ߬ߡߊ ߞߣߐ߫ ߞߵߊ߬ߟߎ߫ ߖߊ߲߬ߞߌ߫ ߕߟߋ߬ ߣߊ߯ߣߌ߲߫ ߞߕߌ ߞߐߝߍ߬، ߖߋ߬ߟߌ߬ߓߊ߬ߟߊ߫ ߓߘߊ߫ ߞߏߓߊ ߟߊߡߊ߰ ߓߊ߬ߓߊ߰ߟߌ ߞߟߍ߬ ߞߊ߲ߡߊ߬߸ ߊ߬ߟߎ߬ ߟߊ߫ ߖߡߊ߬ߣߊ ߏ߬ ߡߍ߲ ߕߎ߬ߡߊ߬ ߖߊ߲ ߦߋ߫ ߥߊ߬ߥߎߟߋ ߕߍߡߊ߬ ߕߋ߲߬ ߞߊ߬ߣߌ߲߬.
