ߞߊ߬ߕߎ߲߯߸ ߊ߬ ߦߌ߬ߘߊ߬ߣߍ߲߫ ߞߏ߫ ߞߊ߲ߓߋ߲߫ ߘߊ߲߬ߞߊ߬ߞߎߟߎ߲ ߘߏ߫ ߟߋ߬ ߛߋߣߍ߲߫ ߡߐ߱ ߘߏ߫ ߡߊ߬ ߘߊߓߏߟߊ߫߸ ߛߌߟߊ߫ ߞߊ߲߫ ߓߌߟߊߒߘߐߖߎ߮ ߘߏ߫ ߘߐ߫߸ ߊ߬ ߡߊ߫ ߛߐ߲߬ ߊ߬ ߟߐ߬ ߞߏ ߡߊ߬، ߒ߬ߓߊ߬߸ ߟߊ߬ߞߊ߲߬ߘߊ߬ߟߌ ߣߌ߫ ߟߊ߬ߕߊ߲߬ߞߊ߬ߟߌ ߝߊ߲߬ߞߊ ߣߐ߬ ߊ߬ߟߋ߬ ߞߊ߲ߓߋ߲߫ ߘߊ߲߬ߞߊ߬ߞߎ߬ߟߎ߲߬ ߕߌ߮ ߞߐߜߍ߲߫ ߠߊ߫ ߞߐߜߍ߲ߠߌ߲ ߘߝߊߣߍ߲ ߠߊ߫ ߏ߬ ߟߋ ߘߐ߫ ߞߎߣߎ߲ߟߏ߲߸ ߂߀߂߆ ߕߎߟߊߝߌ߲ ߕߋ߬ߟߋ߫ ߂ ߡߊ߬߸ ߘߊߓߏߟߊ߫ ߣߌ߫ ߞߊ߲ߞߊ߲߫ ߛߌߟߊ ߞߊ߲߬، ߞߊ߬ߕߎ߲߯߸ ߞߊ߬ ߓߐ߫ ߘߊߓߏߟߊ߫ ߡߊ߬ ߤߊ߲߯ ߞߊ߬ ߘߏ߲߬ ߞߊ߲ߞߊ߲߫߸ ߊ߬ ߡߊ߫ ߡߌ߬ߣߊ߫ ߡߌ߬ߣߊ߫ ߏ߬ ߛߌ߫ ߘߐ߫߸ ߝߏ߫ ߞߊ߬ߙߌ߬ߝߊ߬ߡߘߎ߬ߦߊ߫ ߟߋ߬ ߡߎ߬ߕߎ߲߬ ߛߊ߫߸ ߊ߬ ߛߋ߫ ߘߊ߫ ߟߊߟߐ߬ ߟߊ߫ ߦߋ߲߬.

ߊ߲ ߠߊ߫ ߟߌ߬ߤߟߊ߫ ߛߐ߬ߘߐ߲߬ߣߍ߲ ߠߎ߬ ߘߐ߫ ߞߊ߬ ߝߘߊ߫ ߟߊ߬ߞߊ߲߬ߘߊ߬ߟߌ ߘߏ߲߬ߞߏ ߟߎ߬ ߟߊ߫߸ ߣߌ߲߬ ߦߋ߫ ߞߊ߲ߓߋ߲ ߘߏ߫ ߟߋ߬ ߘߌ߫߸ ߡߍ߲ ߘߐ߬ߛߙߋ߬ߦߊ߬ߟߌ߬ ߝߙߍߕߍ ߦߋ߫ RSA-59MV ߘߌ߫، ߒ߬ߓߊ߬߸ ߘߊ߲߬ߞߊ߬ߞߎߟߎ߲ ߏ߬ ߟߋ ߛߋߣߍ߲߫ ߡߐ߱ ߘߏ߫ ߡߊ߬ ߘߊߓߏߟߊ߫ ߡߙߊ߬ߘߊ߬ߓߊ ߞߣߐ߫، ߓߌ߬ߟߊ߬ߒ߬ߘߐ߬ߖߎ߮ ߞߐߝߍ߬߸ ߟߊ߬ߓߏ߬ߙߟߌ߬ߟߊ ߞߵߊ߬ ߟߊ߫ ߛߌߟߊ ߘߊߓߊ߲߫߸ ߞߵߊ߬ ߞߎ߲߬ߛߌ߲߬ ߞߊ߲ߞߊ߲߫ ߠߊ߫߸ ߊ߬ ߡߊ߫ ߛߐ߲߬ ߊ߬ ߟߐ߬ ߞߏ ߡߊ߬.

ߘߎ߰ߘߋ߲ ߠߎ߬ ߝߣߊ߫ ߞߍߢߊ ߟߵߏ߬ ߘߌ߫߸ ߞߊ߬ ߕߐ߲߫ ߓߟߏߡߊ ߟߎ߬ ߟߊߟߐ߲ߠߌ߲߫߸ ߏ߬ ߟߎ߬ ߝߣߊ߫ ߛߌߦߊߡߊ߲߫ ߥߟߌ߬ ߢߊ ߟߋ߬ ߞߍߣߍ߲߫ ߏ߬ ߘߌ߫ ߞߊ߬ ߘߊ߲߬ߞߊ߬ߞߎ߬ߟߎ߲߬ ߕߌ߮ ߢߌ߲߬ ߞߐߜߍ߲߫، ߏ߬ ߞߏߢߊ ߘߊߡߌ߬ߣߊ߬ ߘߊ߫ ߞߙߎ߬ߛߊ߫ ߟߋ߬߸ ߞߟߍ߬ߡߐ߰ߘߊ ߟߊ߫ ߛߋ߬ߒ߬ߓߌ߬ߟߊ߬ߒ߬ߘߐ ߣߌ߫ ߜߋ߬ߟߎ߲߬ߠߌ߲ ߖߡߊ߬ߞߙߎ. ߏ߬ ߟߎ߫ ߞߊ߬ ߟߊ߬ߓߏ߬ߙߟߌ߬ߟߊ ߞߐߜߍ߲ ߘߊߡߌ߬ߣߊ߬߸ ߛߴߊ߬ߟߎ߬ ߘߴߊ߬ ߟߊߟߐ߬ ߢߊ ߡߍ߲ ߡߊ߬߸ ߞߏ߬ߣߵߊ߬ ߡߊ߫ ߓߍ߲߬.


ߞߊ߲ߓߋ߲ ߦߴߊ߬ ߞߊ߲߬ ߞߵߊ߬ ߟߊ߫ ߛߌߟߊ ߘߊߓߊ߲߫ ߞߊ߬߬ ߥߊ߫ ߞߊ߲ߞߊ߲߫ ߝߊ߲߭ ߝߍ߬߸ ߊ߬ߟߎ߫ ߞߊ߬ ߞߎߘߍ߫ ߦߙߌߞߊ ߏ߬ ߓߍ߯ ߞߍ߫ ߓߏ߬ߙߌ ߟߊ߫ ߢߊ ߏ߬ ߟߋ ߡߊ߬.

ߒ߬ߓߊ߬߸ ߛߋ߲߬ߕߘߍ߬ߟߌ߬ ߞߊߟߌ߲ ߣߊ߲߬ߕߌ߰ ߞߙߎ ߡߍ߲ ߠߎ߬ ߦߋ߫ ߛߐߙߐ߲ߞߐߣߌ߲߫߸ ߏ߬ ߟߎ߬ ߝߣߊ߫ ߝߙߊ߬ ߘߊ߫ ߞߙߎ߬ߛߊ߫ ߞߟߍ߬ߡߐ߰ߘߊ ߞߊ߲߬ ߏ߬ ߢߊ ߟߋ߬ ߡߊ߬߸ ߞߊ߬ ߞߍ߫ ߏ߬ ߟߎ߫ ߝߊ߲߬ߞߊ߬ ߘߌ߫، ߊ߬ߟߎ߫ ߣߊ߬ ߘߊ߫ ߕߊ߬ߡߌ߲߬ ߞߊ߲ߞߊ߲߫ ߞߣߐ߫ ߝߢߐ ߖߍ߬ߘߍߖߍ߬ߘߍ ߘߐ߫߸ ߝߏ߫ ߘߎ߰ߘߋ߲ ߘߏ߫ ߟߎ߫ ߛߌߟߊ߲߫ ߘߊ߫ ߞߏߛߓߍ߫߸ ߓߊߏ߬ ߊ߬ߟߎ߬ ߡߴߊ߬ ߟߐ߲߫ ߞߏ߫ ߞߋߟߋ߲ ߡߍ߲ ߓߴߦߋ߲߬، ߜߍ߲ߠߌ߲ ߣߊ߬ ߘߊ߫ ߘߊ߲߬ ߡߌ߲߫ߟ ߏ߬ ߟߋ ߞߍ߫ ߘߊ߫ ߞߊ߬ߙߌ߬ߝߊ߬ߡߘߎ߬ߦߊ߬ ߘߌ߫߸ ߞߊ߲ߓߋ߲ ߛߋ߫ ߘߊ߫ ߟߊߟߐ߬ ߟߴߊ߬ߟߎ߬ ߓߟߏ߫ ߦߋ߲߬ ߠߋ߬ ߁߇ߕߎߡߊ߂߅ ߡߊ߬߸ ߞߊ߬ߙߌ߬ߝߊ߬ߡߘߎ߬ߦߊ߫ ߣߌ߲߬ ߦߋ߫ ߞߊ߲ߞߊ߲߫ ߡߙߊ߬ߘߊ߬ߙߋ߲ ߘߏ߫ ߟߋ߬ ߘߌ߫.

ߊ߬ߟߋ߬ ߕߐ߲߫ ߓߟߏߡߊ ߟߎ߬ ߟߊ߫ ߝߐߟߌ߫ ߘߐ߫ ߌߞߐ߫߸ ߞߏ߫ ߖߊ߬ߛߙߋ߬ߡߟߊ߬ ߡߊߙߌߝߊߕߋ ߞߍ߫ ߘߊ߫ ߟߋ߬߸ ߞߵߊ߬ߟߋ߬ ߞߊ߲ߓߋ߲ ߢߝߍ߫ ߞߐ߲ߡߘߊ ߓߏ߲߫߸ ߝߏ߫ ߞߵߏ߬ ߛߐ߰߸ ߞߵߏ߬ ߞߍ߫ ߊ߬ ߟߊߟߐ߬ߣߍ߲ ߘߌ߫.

ߒ߬ߓߊ߬߸ ߊ߬ߟߎ߫ ߞߵߊ߬ߟߎ߬ ߕߍ߯ ߞߍ߫ ߟߊ߬ߓߏ߬ߙߟߌ߬ߟߊ ߘߐ߫ ߦߋ߲߬ ߠߋ߬ ߞߵߊ߬ ߡߌ߬ߣߊ߫ ߞߊ߬ ߥߴߊ߬ ߘߌ߫ ߞߊ߲ߞߊ߲߫ ߞߟߍ߬ߡߐ߰ߘߊ ߟߊ߫߸ ߊ߬ ߟߊ߫ ߞߏ ߞߊ߫ ߞߊ߲߫ ߞߊ߬ ߘߐߞߕߌ߫ ߦߋ߲߬ ߠߋ߬ ߛߊ߫߸ ߞߊ߬ ߓߍ߲߬ ߢߊߢߌߣߌ߲ߠߌ߲ ߕߐ߭ ߞߍߢߊ ߡߊ߬.

ߊ߲ ߞߏ߬ߣߌ߲ ߡߴߊ߬ ߟߐ߲߫ ߡߎߣߎ߲߬߸  ߊ߬ ߛߋ߫ ߘߊ߫ ߡߐ߱ ߡߍ߲ ߡߊ߬ ߘߊߓߏߟߊ߫߸ ߏ߬ ߟߊ߫ ߞߏ ߦߋ߫ ߟߌ߬ߤߟߊ߬ ߛߌ߫ ߘߐ߫، ߊ߲ ߘߏ߲߬ ߡߊ߫ ߓߌ߬ߟߊ߬ߒ߬ߘߐ߬ߖߎ߮ ߞߍߢߊ߫ ߖߐ߲ߖߐ߲߫ ߝߣߊ߫ ߟߐ߲߫ ߦߋ߲߬.