ߣߌ߲߬ ߞߍߣߍ߲߫ ߡߞߊ߫ ߟߋ߬ ߞߣߐ߫ ߂߀߂߆ ߕߎߟߊߝߌ߲ ߕߟߋ߬ ߆ ߡߊ߬߸ ߘߎߢߊ߫ ߛߌ߬ߟߡߊ߬ߦߊ ߞߏߘߐߛߘߌߘߊ ߞߊ߬ ߖߊ߲߬ߖߏ߲߬ ߓߟߋߓߟߋ߫ ߟߋ߬ ߛߌ߰ ߛߋ߲߬ߠߊ߫߸ ߞߊ߬ ߔߘߋߞߎ߫ ߢߎߡߍߙߋ߲ߡߊ ߘߏ߫ ߓߌ߬ߟߊ߬ ߓߟߏߟߊ߫߸ ߡߍ߲ ߦߋ߫ <<ߟߐ߲ߞߏ ߕߐ߰ߡߊ߬ߛߙߋ>> ߟߎ߬ ߢߊߝߐ߫ ߟߊ߫ ߛߌ߬ߟߡߊ߬ߦߊ ߞߣߐ߫، ߞߊ߬ߕߎ߲߯߸ ߟߐ߲ߠߌ߲ ߓߘߊ߫ ߟߐ߲ߞߏ ߕߐ߰ߡߊ߬ߛߙߋ ߡߍ߲ ߠߎ߬ ߞߘߐߓߐ߫ ߞߊ߬ ߛߙߋߦߴߊ߬ߟߎ߫ ߡߊ߬ ߞߎ߬ߙߊ߬ߣߊ ߞߣߐ߫߸ ߊ߬ ߣߌ߫ ߛߎ߲ߣߊ ߞߣߐ߫߸ ߏ߬ ߟߎ߫ ߟߋ߬ ߔߘߋߞߎ ߟߊߘߊ߲ߣߍ߲߫، ߞߏߘߐߛߘߌߘߊ ߟߊ߫ ߝߐߟߌ߫ ߘߐ߫߸ ߊ߬ ߛߋ߲߬ߢߊ߬ ߝߟߐߝߟߐ ߟߋ߬ ߕߋ߲߬߸ ߞߊ߬ ߔߘߋߞߎ߫ ߟߊߥߛߊ߬ߣߍ߲߬ ߛߎ߮ ߢߌ߲߬ ߠߊߘߊ߲߫߸ ߡߍ߲ ߘߌ߫ ߛߋ߫ ߡߊߛߐ߬ߘߐ߲߬ ߠߊ߫ ߓߟߐߟߐ ߞߊ߲߬.

ߛ߭ߍߞ ߡߏ߬ߤߊ߲ߡߍߘ ߊ߬ߟ ߌߛߊ߬ ߡߍ߲ ߦߋ߫ ߘߎߢߊ߫ ߛߌ߬ߟߡߊ߬ ߟߐ߲ߞߏߕߌ߮ ߟߎ߬ ߟߊ߫ ߛߌ߲߬ߝߏ߲߬ߧߊ߬ߟߌ ߞߊ߲ߕߌ߮ ߘߌ߫߸ ߏ߬ ߟߋ ߞߊ߬ ߓߊ߯ߙߊ ߣߌ߲߬ ߘߊߦߟߍ߬ ߞߎ߬ߙߊ߬ߣߊ ߣߌ߫ ߛߎ߲ߣߊ ߞߣߐ߫ ߟߐ߲ߞߏ߫ ߡߊߞߓߊߣߍ߲ ߠߎ߬ ߓߙߊߞߣߍ߫ ߡߊ߲߬ߕߏ߲߬ߕߍ߬ߟߊ߬ߞߊ ߞߣߍ ߞߊ߲߬.

ߞߊ߬ߕߎ߲߯߸ ߊ߬ߟߎ߬ ߟߊ߫ ߔߘߋߞߎ ߡߍ߲ ߦߋ߫ ߣߌ߲߬߸ ߊ߰ ߡߊߛߐ߬ߘߐ߲߬ ߠߊ߫ ߞߊ߲߫ ߓߐߣߍ߲߫ ߢߐ߲߰ ߡߊ߬ ߁߀ ߠߋ߬ ߘߐ߫߸ ߞߏ ߡߍ߲ ߠߎ߬ ߢߊߢߌߣߌ߲ߣߍ߲ ߞߵߊ߬ߟߎ߬ ߞߘߐߓߐ߫߸ ߏ߬ ߓߊ߯ߙߊ߫ ߅߀߀ ߖߊ߬ߕߋ߬ ߦߴߊ߬ ߘߐ߫߸ ߡߍ߲ ߡߎ߰ߡߍ ߦߋ߫ ߞߐߜߍ߫ ߇ ߅߀߀ ߘߌ߫߸ ߊ߬ ߘߐߕߟߊߣߍ߲߫ ߞߎߘߎ߲߫ ߁߅ ߟߋ߬ ߘߌ߫߸ ߟߐ߲ߞߏ߫ ߖߌߦߊߓߍ߫ ߂ ߀߀߀ ߟߋ߬ ߦߴߊ߬ ߘߐ߫߸ ߊ߬ ߣߌ߫ ߖߌ߬ߦߊ߬ߖߟߎ߬ ߂ ߀߀߀߸ ߞߵߏ߬ ߟߊ߫ ߛߘߌ߬ߜߋ߲߬ ߄ ߀߀߀ ߢߐ߲߰ ߞߊ߲߬߸ ߝߐ߰ߓߍ߬ߝߐ߯ߓߍ ߟߎ߬ ߣߌ߫ ߟߐ߲ߞߏ߫ ߝߋ߲ ߘߏ߫ ߟߎ߫ ߡߊߛߐ߬ߘߐ߲߬ ߞߊ߲ߡߊ߬، ߊ߬ ߞߏ ߓߌ߬ߟߊ ߛߋ߲߬ߠߊ߫߸ ߏ߬ ߞߍ߫ ߘߊ߫ ߞߎ߬ߙߊ߬ߣߊ ߣߌ߫ ߛߎ߲ߣߊ ߟߊ߫ ߟߐ߲ߞߏ߫ ߞߓߊߞߏߡߊ ߟߎ߬ ߢߊߝߐ߫ ߞߣߍ߫ ߡߊ߲߬ߕߏ߲߬ߕߍ߬ߟߊ߬ߞߊ ߟߋ߬ ߞߊ߲߬߸ ߞߵߊ߬ ߛߐ߬ߘߐ߲߬ ߕߌߙߌ߲ߠߌ߲ߠߊ ߟߎ߬ ߣߌ߫ ߘߎߢߊ߫ ߛߌ߬ߟߡߊ߬ ߡߐ߯ߓߊ ߛߌߦߊߡߊ߲߫ ߢߊ ߦߋ߫ ߜߍ ߘߐ߫.

ߖߊ߲߬ߖߏ߲ ߞߎ߲߭ߝߊ߱ ߏ߬ ߘߐ߫߸ ߝߘߏ߬ߓߊ߬ ߞߟߊ߬ߕߌ߮ ߞߊ߬ ߛߌ߬ߟߡߊ߬ ߡߐ߯ߓߊ ߛߌߦߊߡߊ߲߫ ߞߎ߲߬ߠߊ߬ߦߋߙߋ߲߫߸ ߊ߬ߟߎ߬ ߞߍ ߘߐ߫ ߞߵߊ߬ߟߎ߬ ߛߋߞߏ ߞߍ߫ ߟߐ߲ߞߏ ߟߊ߫ ߓߊ߯ߙߊ ߢߌ߲߬ ߠߎ߬ ߟߊߞߙߐ߬ߛߌ ߘߐ߫߸ ߊ߬ ߣߴߊ߬ ߢߊߢߌߣߌ߲ ߘߐ߫ ߞߊ߬ ߛߋ߫ ߟߐ߲ߞߏ߫ ߘߊߟߎ߫ ߞߓߊߞߏߡߊ ߟߎ߬ ߟߊߓߐ߫ ߟߊ߫ ߞߎ߬ߙߊ߬ߣߊ ߞߣߐ߫.