ߞߊ߬ߦߌ߯ ߞߎߣߎ߲߬ ߛߌ߬ߣߌ߲߬ߟߏ߲߸ ߡߊ߲߬ߘߋ߲߫ ߞߟߊ߬ߘߏ߲ߛߏ ߣߌ߫ ߘߐ߬ߝߐ ߞߣߐ߫ ߞߟߊ߬ߘߏ߲ߛߏ ߟߎ߬ ߘߐ߫ ߓߏ߲߬ߓߊ ߡߏߙߌ߫ ߞߡߊ߬ߙߊ߫ ߖߐ߲߬ߡߊ߬ߛߌߣߌ߲ߟߐ߲߫ ߘߏ߲߬ ߘߊ߫ ߛߌ߯ߙߌ߲߫ ߡߊ߲߬ߘߋ߲߫ ߓߍ߬ߙߍ ߞߊ߲߬߸ ߛߴߊ߬ ߣߌ߫ ߖߊ߬ߡߊ ߘߌ߫ ߢߐ߲߯ߓߍ߲߬ ߞߊ߯ߙߌ߸ ߕߎߟߊߝߌ߲ ߕߟߋ߬ ߁߃ ߡߊ߬߸ ߞߵߊ߬ ߟߊ߫ ߞߝߊ߬ ߕߊ߲߫ ߞߎ߲߬ߠߊ߬ߓߐ ߞߍ߫߸ ߊ߬ ߟߊ߫ ߞߊ߬ߝߊ߫ ߗߍ߬ߡߍ߫ ߝߌ߬ߟߊ߬ ߣߌ߫ ߞߐ ߕߍߡߊ߬.
ߞߊ߬ߕߎ߲߯߸ ߖߐ߲߬ߡߊߛߌߣߌ߲ߟߐ߲߫ ߠߊ߫ ߞߊ߬ߝߊ ߦߙߌߞߊ ߓߘߊ߫ ߛߋ߫ ߗߍ߬ߡߍ߫ ߝߌ߬ߟߊ߬ ߣߌ߫ ߞߐ߫ ߘߐ߫߸ ߞߝߊ߬ ߕߊ߲߫ ߕߐ߬ߡߐ߲߬ߣߍ߲߫ ߏ߬ ߟߎ߫ ߟߋ߬ ߘߐ߫߸ ߞߵߊ߬ߟߎ߫ ߞߎ߲߬ߠߊ߬ߓߐ ߟߐ߯ߟߊ߫ ߛߌߣߌ߲߫ ߞߊ߯ߙߌ ߟߊ߫߸ ߛߌ߯ߙߌ߲߫ ߘߋ߲ߡߌߛߍ߲߫ ߓߏ߲ߓߊ (ߛߊ߲ߕߙߌߘߊ) ߟߊ߫߸ ߀߉ߕߎߡߊ.
ߞߝߊ߬ ߕߊ߲ ߡߍ߲ ߕߐ߬ߡߐ߲߬ߣߍ߲߫ ߊ߬ ߓߟߏ߫ ߞߊ߬ߝߊ߫ ߗߍ߬ߡߍ߫ ߝߌ߬ߟߊ߬ ߣߌ߫ ߞߐ ߕߍߡߊ߬ ߣߌ߲߬߸ ߛߎߞߏ ߣߌ߫ ߞߣߍߓߐ ߦߋ߫ ߞߊ߬ߝߊ ߏ߬ ߟߎ߬ ߘߐ߫߸ ߏ߬ ߡߍ߲ ߦߋ߫ ߞߎߘߎ߲߫ ߕߊ߲߫ ߖߊ߬ߕߋ߬ ߘߌ߫߸ ߣߴߊ߬ ߡߎ߰ߡߍ ߟߊߞߊ߬ߝߏ߬ߣߍ߲ ߘߌ߫ ߞߐߜߍ߫ ߥߊ߯ ߝߌ߬ߟߊ߬ ߣߌ߫ ߞߐ߫ ߖߊ߲߫ ߓߐ߫، ߞߊ߬ߝߊ ߏ߬ ߘߏ߲߬ ߦߋ߫ <<ߘߊ߬ߟߎ߬ ߜߍߘߐߕߊ ߟߎ߫ ߞߊ߬ߝߊ ߟߋ߬ ߘߌ߫>> ߡߍ߲ ߞߎߡߊ߫ ߟߊ߫ ߞߏ߫ ߛߌߦߊߡߊ߲߫ ߞߊ߲߬ ߟߐ߲ߞߏ ߣߌ߫ ߘߊ߲ߘߊߟߌ ߣߌ߫ ߡߐ߰ߦߊ ߞߊߡߊ߲ ߞߣߐ߫.
ߖߐ߲߬ߡߊ߬ߛߌߣߌ߲ߟߐ߲߫ ߠߊ߫ ߝߐߟߌ߫ ߘߐ߫߸ ߞߏ߫ ߊ߬ ߣߐ߬ ߞߝߊ߬ ߕߊ߲ ߡߍ߲ ߠߎ߬ ߛߎߥߊ߲ߘߌ߫ ߟߊ߫ ߣߌ߲߬ ߞߵߊ߬ߟߎ߬ ߞߍ߫ ߞߎ߲߬ߠߊ߬ߓߐ߬ߟߌ߬ ߞߝߊ ߟߎ߬ ߘߌ߫߸ ߏ߬ ߟߎ߬ ߦߋ߫ ߞߝߊ߬ ߟߎ߫ ߟߋ߬ ߘߌ߫߸ ߡߍ߲ ߜߎ ߣߴߏ߬ ߦߊ߫ ߞߊ߲߬، ߊ߬ ߖߍ߬ߘߍ ߞߵߊ߬ ߝߐ߫ ߊ߬ ߟߊ߫ ߖߌ߬ߦߊ߬ߖߟߎ ߘߏ߫ ߘߐ߫߸ ߞߏ߫ ߊ߬ ߓߍߣߵߊ߬ ߟߊ߫ ߞߊ߬ߝߊ ߟߎ߬ <<ߖߞߊ>> ߓߐ߫ ߛߌ߯ߙߌ߲߫ ߞߝߊ߬ ߞߎ߲߬ߠߊ߬ߓߐ ߣߌ߲߬ ߝߍ߬.
ߛߏ߬ߙߌ߫ ߡߊ߲߬ߘߋ߲߬ߞߊ ߡߍ߲ ߦߋ߫ ߥߎ߬ߦߊ߲߬ߞߌ߬ߟߌ ߝߊ߬ ߘߌ߫߸ ߖߊ߲߬ߖߏ߲ ߣߌ߲߬ ߛߌ߲߬ߝߏ߲߬ߧߊ߬ߟߌ ߦߴߊ߬ߟߎ ߟߋ߬ ߓߟߏ߫߸ ߏ߬ ߞߵߊ߬ ߦߌ߬ߘߊ߬ ߞߏ߫ <<ߛߌ߯ߙߌ߲߫ ߛߎߥߊ߲ߘߌ߫ ߞߎ߲ ߦߋ߫ ߥߊߟߢߌߡߊߟߐ߲ ߠߋ߬ ߘߌ߫>> ߓߊߏ߬߸ ߞߊ߬ߙߊ߲߬ߝߊ ߟߊ߫ ߞߝߊ߬ ߞߎ߲߬ߠߊ߬ߓߐ ߓߘߊ߫ ߞߍ߫ ߦߙߐ߫ ߛߌߦߊߡߊ߲߫ ߠߎ߫ ߘߐ߫ ߞߘߐ߬ߡߊ߲߬߸ ߝߋ߲߫ ߕߎ߲߬ ߡߊ߫ ߞߍ߫ ߛߌ߯ߙߌ߲߫ ߠߋ߬ ߡߎߣߎ߲߬.
ߏ߬ ߘߐ߫߸ ߞߝߊ߬ ߞߎ߲߬ߠߊ߬ߓߐ ߢߌ߲߬ ߞߍߕߐ߫ ߛߌ߯ߙߌ߲߫ ߠߋ߬߸ ߂߀߂߆ ߕߎߟߊߝߌ߲ ߕߟߋ߬ ߁߃ ߡߊ߬߸ ߡߐ߰ߓߊ߬ ߛߌߦߊߡߊ߲߫ ߡߊߞߟߌߣߍ߲߫ ߡߍ߲ ߘߐ߫߸ ߛߌ߲߬ߝߏ߲߬ߧߊ߬ߟߌ߬ߟߊ ߟߎ߬ ߟߊ߫ ߝߐߟߌ߫ ߘߐ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫
