ߤߊ߬ߥߐ߬ߡߙߐ ߘߋ߲ߡߌߛߍ߲ ߠߎ߬ ߓߘߊ߫ ߓߐ߫ ߞߵߊ߬ߟߎ߬ ߟߊ߫ ߛߌߟߊ ߘߋ߲߬ߞߊ߬ ߞߎߘߎ߲ ߘߏ߫ ߟߎ߫ ߟߊߝߊ߰߸ ߓߌ߬ ߛߌ߬ߣߌ߲߬ߟߏ߲ ߂߀߂߆ ߕߎߟߊߝߌ߲ ߕߋ߬ߟߋ߫ ߂߅، ߛߊ߬ߞߐ߬ߘߎ߯ ߖߌ߰ߣߍ߲-ߞߣߐ߫ ߘߋ߲ߡߌߛߍ߲߫ ߞߎ߲ߕߌ߮ ߣߴߊ߬ ߘߋ߲ߡߌߛߍ߲߫ ߠߎ߬ ߕߍ߬ߘߍ߫ ߦߋ߫ ߛߌߟߊ߫ ߘߐߓߍ߲ ߠߋ߬ ߟߊ߫ ߛߏ ߞߣߐ߫߸ ߞߵߊ߬ߟߎ߬ ߟߊ߫ ߛߌߟߊ ߦߙߐ߫ ߕߌߢߍߣߍ߲ ߘߏ߫ ߟߎ߫ ߘߊߘߐߓߍ߲߬߸ ߞߊ߬ ߓߍ߲߬ ߛߏ ߟߊߛߓߊ߬ߕߌ ߣߌ߫ ߛߏ߫ ߞߣߐߟߊ ߛߊߣߌ߲ߧߊ ߡߊ߬߸ ߘߋ߲ߡߌߛߍ߲߫ ߞߎ߲ߕߌ߮ ߟߎ߬ ߞߵߊ߬ߟߎ߬ ߟߊ߫ ߘߋ߲ߡߌߛߍ߲ ߠߎ߬ ߟߊߘߍ߬ ߓߌ߬ ߛߌ߬ߣߌ߲߬ߟߏ߲ ߢߌ߲߬ ߡߊ߬߸ ߞߊ߬ ߝߙߊ߬ ߢߐ߲߮ ߞߊ߲߬.
ߞߊ߬ ߛߌߟߊ ߘߏ߫ ߟߎ߫ ߘߐߓߍ߲߬߸ ߖߐ߲߰ߛߊ߫ ߕߊ߲߬ߞߊ߬ ߘߌ߫ ߞߍ߫ ߖߌ߫ ߣߐ߯ ߞߏ ߡߊ߬߸ ߊ߬ ߣߌ߫ ߘߋ߲߬ߞߊ߬ ߞߎߘߎ߲ ߘߏ߫ ߟߎ߫ ߡߊ߲߬ߕߙߐ ߡߊ߬߸ ߘߋ߲ߡߌߛߍ߲߫ ߞߎ߲ߕߌ߮ ߘߏ߫ ߟߊ߫ ߞߎߡߊ߫ ߘߐ߫߸ ߣߴߊ߬ ߦߋ߫ ߝߊ߲ߕߊ߫ ߊߟߊߡߊ߬ ߛߊ߬ߞߐ߫ ߘߌ߫߸ ߊ߬ߟߋ ߞߵߊ߬ ߦߌ߬ߘߊ߬ ߞߏ߫ <<ߘߎ߰ߕߌ߮ ߟߎ߬ ߞߵߊ߲ ߠߊߓߐ߫ ߓߌ߬߸ ߞߏ߫ ߊ߲ ߧߋ߫ ߓߊ߯ߙߊ ߞߍ߫߸ ߊ߲ ߘߏ߲߬ ߣߌ߫ ߏ߬ ߟߋ߬ ߞߊ߫ ߞߊ߲߫߸ ߓߊߏ߬߸ ߊ߲ ߧߋ߫ ߦߊ߲߬ ߓߊ߯ߙߊ߫ ߞߊ߲ ߠߋ߬ ߡߊ߬߸ ߘߋ߲ߡߌߛߍ߲߫ ߠߎ߬ ߝߣߊ߫ ߓߘߊ߫ ߓߐ߫߸ ߞߊ߬ ߓߊ߯ߙߊ ߏ߬ ߓߐ߫ ߘߎ߰ߕߌ߮ ߟߎ߬ ߣߌ ߞߊ߲߬>> ߊ߬ ߞߵߏ߬ ߟߋ߬ ߝߐ߫߸ ߊ߬ߟߋ ߞߵߊ߬ ߟߊ߫ ߞߎߡߊ ߞߎ߲߬ߘߏ߲ ߞߍ߫ ߘߋ߲ߡߌߛߍ߲ ߠߎ߬ ߝߏ߬ ߟߋ߬ ߘߌ߫߸ ߞߵߏ߬ ߞߍ߫ ߊ߬ߟߎ߫ ߛߐ߲߬ ߘߌ߫ ߊ߬ߟߎ߫ ߝߊ߬ ߓߘߊ ߘߐ߫.
ߊ߬ߟߎ߬ ߟߊ߫ ߝߊ߬ߓߘߊ߬ ߟߊߘߌߦߊߢߍ ߞߏߛߐ߲߬ ߞߊ߬ߣߌ߲߬߸ ߊ߬ߟߋ ߞߏ߬ߣߌ߲ ߞߵߊ߬ ߦߌ߬ߘߊ߬ ߝߣߊ߫߸ ߞߏ߫ ߣߌ߫ ߡߐ߱ ߡߊ߫ ߛߐ߲߬ ߊ߬ ߖߘߍ߬ ߘߐ߫߸ ߌ ߕߴߌ ߝߊ߬ߓߘߊ ߓߊ߯ߙߊ߫ ߟߊ߫߸ ߣߊ߲ߞߎ߬ߡߊ߲߫ ߛߊ߬ߞߐ߬ ߟߊ߫ ߢߊߝߐߟߌ߫ ߘߐ߫߸ ߊ߬ߟߋ ߡߍ߲ ߦߋ߫ ߞߎ߲ߖߊ߲߫ ߛߏ ߞߘߐ ߣߐ߬ߘߎ߰ ߕߌ߮ ߘߌ߫߸ ߊ߬ߟߋ ߞߊ߲߫ ߞߏ߫ <<ߊ߲ ߓߘߴߊ߲ ߠߊ߫ ߘߋ߲ߡߌߛߍ߲ ߠߎ߬ ߟߊߓߐ߫߸ ߊ߬ߟߎ߬ ߦߋ߫ ߣߊ߬ ߞߵߊ߲ ߠߊ߫ ߛߏ߫ ߞߣߐ߫ ߛߌߟߊ ߦߙߐ ߘߏ߫ ߟߎ߫ ߘߐߓߍ߲߬߸ ߏ߬ ߓߟߏߡߊ߬߸ ߊ߲ ߘߌ߫ ߛߋ߫ ߝߏ߬ߟߌ ߕߊ߬ ߟߊ߫ ߞߵߊ߬ ߟߊߛߋ߫ ߊ߲ ߠߊ߫ ߘߋ߲ߡߌߛߍ߲ ߠߎ߬ ߡߊ߬ ߛߐ߰ߡߊ߬ߘߊ ߣߌ߲߬ ߠߴߊ߬ ߢߊ ߖߍ߬ߘߍߖߍ߬ߘߍ ߡߊ߬>> ߊ߬ ߞߵߏ߬ ߦߌߘߊߞߊ߬߸ ߘߋ߲ߡߌߛߍ߲ ߠߎ߬ ߞߏ߬ߣߌ߲ ߞߊ߬ ߓߊ߯ߙߊ ߖߍ߬ߘߍߖߍ߬ߘߍ ߟߋ߬ ߞߍ߫ ߊ߬ߟߎ߬ ߞߐߞߟߏ ߟߊ߫ ߓߌ߬ ߛߐ߱ ߢߌ߲߬ ߡߊ߬.
ߞߊ߬ߕߎ߲߯߸ ߊ߬ߟߎ߫ ߕߍ߬ߘߍ߫ ߦߋ߫ ߛߌߟߊ ߡߍ߲ ߠߎ߬ ߞߊ߲߬ ߞߵߊ߬ߟߎ߬ ߓߊ߯ߙߊ߫߸ ߛߌߟߊ ߟߎ߬ ߕߎ߲߬ ߓߘߊ߫ ߕߌߢߍ߫ ߞߊ߬ ߛߴߊ߬ ߘߊ߲߭ ߠߊ߫߸ ߓߊ߬ߙߌ߫߸ ߕߎ߬ߡߊ߬ߙߋ߲߬ ߘߊ߲ߘߐ߫ ߛߍ߬ߘߏ߲ ߞߐ ߘߐ߫ ߓߊ߯ߙߊ ߟߊ߫߸ ߊ߬ߟߎ߬ ߓߘߊ߫ ߛߌߦߊߡߊ߲߫ ߞߍ߫ ߊ߬ ߘߐ߫߸ ߣߊ߲ߞߎ߬ߡߊ߲߫ ߛߊ߬ߞߐ߫ ߞߵߊ߬ ߦߌ߬ߘߴߊ߬ ߟߊ߫ ߞߎߡߊ߫ ߟߊߓߊ߲߫ ߘߐ߫߸ ߞߏ߫ ߣߌ߲߬ ߞߍߣߍ߲߫ ߞߏ߫ ߘߊߡߌߣߊ ߟߋ߬ ߘߌ߫߸ ߡߍ߲ ߕߍߣߊ߬ ߟߊߟߐ߬ ߟߊ߫، ߘߎ߰ߕߌ߮ ߟߎ߬ ߟߊ߫ ߛߓߍߘߊ ߛߌ߲ߝߏ߲ ߘߏ߫ ߛߋ߫ ߘߊ߫ ߜߟߋ߬ߞߋ ߓߌ߬ߟߊ߬ ߟߴߊ߬ ߢߌ߲ߥߏ ߝߍ߬߸ ߣߴߊ߬ ߦߋ߫ ߛߕߊ߫ ߥߎߦߋ߬ ߛߊ߬ߞߐ߬ ߘߌ߫߸ ߊ߬ߟߋ ߞߊ߬ ߡߎ߲߬ ߝߐ߫߸ ߊ߬ ߞߊ߲߫ ߞߏ߫ <<ߒߠߋ ߛߍߥߊߣߍ߲߫ ߠߋ߬ ߓߌ߬߸ ߞߊ߬ ߓߍ߲߬ ߞߎ߲ߖߊ߲߫ ߘߋ߲ߡߌߛߍ߲ ߠߎ߬ ߓߐ ߡߊ߬ ߞߊ߬ ߛߌߟߓߊ ߣߌ߲߬ ߘߐߓߍ߲߬߸ ߞߵߊ߲ ߕߊ߲߬ߞߊ߫ ߓߐ߰ ߖߌ ߡߊ߬߸ ߞߵߊ߲ ߕߊ߲߬ߞߊ߫ ߞߛߐ ߓߍ߯ ߡߊ߬߸ ߞߏߛߓߍ߫߸ ߓߊ߯ߙߊ ߏ߬ ߞߍ ߛߊߓߎ߫ ߟߊ߫߸ ߏ߬ ߓߘߊ߫ ߒߠߋ ߛߍߥߊ߫߸ ߒ ߛߍߥߊߣߍ߲߫ ߏ߬ ߟߋ߬ ߦߋ߫ ߘߋ߲ߡߌߛߍ߲ ߠߎ߬ ߝߏ߬ ߟߊ߫߸ ߞߊ߬ ߞߎ߲ߖߊ߲߫ ߛߏ ߗߍ߭ ߣߌ߫ ߡߏ߬ߛߏ ߓߍ߯ ߟߊߘߍ߬ߣߍ߲ ߝߏ߬>>.
ߖߌ߰ߣߍ߲-ߞߣߐ߫ ߘߎ߰ߕߌ߰ ߛߓߍߘߊ ߛߌ߲߬ߝߏ߲ ߞߵߏ߬ ߟߋ߬ ߝߐ߫߸ ߊ߲ ߠߊ߫ ߟߊ߬ߞߙߐ߬ߛߌ߬ߟߌ߫ ߘߐ߫߸ ߊ߲ ߞߵߊ߬ ߦߋ߫ ߔߋߟߎ ߣߌ߫ ߛߐߟߌ ߦߋ߫ ߘߋ߲ߡߌߛߍ߲߫ ߓߊ߯ߙߟߊ ߟߎ߬ ߓߟߏ߫߸ ߘߏ߫ ߟߎ߫ ߦߴߊ߬ ߞߊ߲߬ ߞߊ߬ ߞߓߊ ߟߎ߬ ߘߐߕߋ߬߸ ߘߏ߫ ߟߎ߫ ߝߣߊ߫ ߦߴߊ߬ ߞߊ߲߬ ߞߊ߬ ߝߏߟߏ߲ ߠߎ߬ ߘߐߓߐ߫߸ ߞߕߊ߬ߕߞߊ߬ߣߍ߲ ߡߍ߲ ߕߘߍ߬ ߦߋ߫ ߓߊ߯ߙߟߊ ߡߍ߲߬ ߠߎ߬ ߓߟߏ߫ ߦߋ߲߬߸ ߏ߬ ߘߌ߫ ߞߕߊ߬ߕߞߊ߬ߣߍ߲߫ ߛߊ߬ߓߊ߫ ߢߐ߲߰ ߓߐ߫߸ ߊ߲ ߝߐ߰ߓߍ߬ߦߊ߬ߟߊ ߟߎ߬ ߟߊ߫ ߟߊ߬ߞߙߐ߬ߛߌ߬ߟߌ ߛߋ߫ ߘߊ߫ ߡߍ߲ ߡߊ߬ ߦߊ߲߬߸ ߏ߬ ߟߋ߬߸ ߝߊߦߌߘߊ߫ ߓߍ߯ ߣߴߊ߬ ߓߊ߯ߙߊ ߟߋ߬ ߕߎ߲߬ ߦߋ߫ ߦߊ߲߬߸ ߞߊ߬ߕߎ߲߯߸ ߘߏ߫ ߟߎ߫ ߦߋ߫ ߖߌ߬ߦߊ߬ߖߟߎ߬ߦߊ߬ߟߌ ߟߊ߫߸ ߘߏ߫ ߟߎ߫ ߝߣߊ߫ ߖߌߖߊ߬ߣߍ߲߫ ߓߊ߯ߙߊ ߞߊ߲߬.
