ߞߐ߬ߓߊ߬ߟߏ߲ ߢߌ߲߬ ߡߊ߬ ߂߀߂߆ ߕߎߟߊߝߌ߲ ߕߋ߬ߟߋ߫ ߂߈߸ ߜߞߋߘߎ߯ ߓߌߦߊ߲ߡߙߊ ߣߌ߫ ߛߣߍ߬ߞߍ ߡߙߊ߬ߘߊ߬ߓߊ ߗߋߕߌ߯ߘߊ ߞߊ߬ ߥߎ߬ߟߎ ߟߎ߬ ߓߟߏߕߋ ߡߊ߬ߕߊ߰ߡߊ߬ߟߌ ߟߋ߬ ߛߌ߰ ߛߋ߲߬ߠߊ߫߸ ߗߌ߲ߠߌ߲ ߣߌ߫ ߖߊߡߊ߲ߓߊ ߡߊߕߊ߲߬ߞߊ߬ ߞߊ߲ߡߊ߬.

ߖߊ߲߬ߖߏ߲ ߘߊߡߌ߬ߣߊ ߘߊ߫ ߜߞߋߘߎ߯ ߞߊ߬ߝߏ߬ߙߋ߲ ߠߋ߬ ߞߣߐ߫߸ ߡߊ߬ߡߊ߬ߘߌ߬ ߞߐ߲ߘߍ߫ ߟߊ߫ ߞߎ߲߬ߠߊ߬ߛߌ߰ߟߌ ߞߣߐߡߊ߬߸ ߏ߬ ߡߍ߲ ߦߋ߫ ߡߙߊ߬ߓߊ߰ߘߊ ߞߎߓߋߘߐ ߞߎ߲߬ߕߌ߮ ߘߌ߫߸ ߊ߬ ߣߴߊ߬ߟߋ ߟߋ߬ ߞߊ߬ ߡߙߊ߬ߓߊ߯ ߞߊ߲ߖߊ߬ ߡߊ߰ߙߊ ߞߐߦߌ߬ߘߊ߬ ߞߣߍ ߞߊ߲߬ ߦߋ߲߬.

ߥߎ߬ߟߎ ߟߎ߬ ߟߊ߫ ߓߟߏߕߋ ߢߌ߲߬ ߛߌ߱ ߛߋ߲߬ߠߊ߫߸ ߞߎ߲߬ߠߊ߬ߛߌ߮ ߟߊ߫ ߓߊ߯ߙߊ߫ ߘߊߞߎ߲߫ ߛߌߦߊߡߊߊ߲߫ ߕߘߍ߬ ߞߣߍ ߞߊ߲߬߸ ߊ߬ ߕߌ߯ߕߌ߯ ߡߍ߲ ߠߎ߬ ߘߍ߲ߣߍ߲߫ ߞߍ߲ߘߍߦߊ ߣߌ߫ ߓߌߦߊ߲ߡߙߊ ߣߌ߫ ߛߣߍ߬ߞߍ ߞߏߕߌ߯ߘߊ ߟߊ߫߸ ߡߙߊ߬ߓߊ߰ߘߊ ߝߊ߰ߡߊ ߟߎ߬߸ ߞߊ߬ߝߏ߬ߙߋ߲ ߕߊ ߟߎ߬߸ ߞߵߏ߬ ߟߊ߫ ߡߐ߰ ߛߌߦߊߡߊ߲߫ ߠߎ߫ ߞߊ߲߬߸ ߥߟߎ߬ߊ߬ߕߐ߬ ߞߏ ߞߍ߬ߟߍ ߦߋ߫ ߡߍ߲ ߠߎ߬ ߟߊ߫ ߢߍߥߟߊ ߘߐ߫.

ߊ߬ߟߋ߬ ߞߏ߫ ߞߋߟߋ߲ ߠߋ߬ ߛߋ߲߭ߝߍ߬߸ ߛߟߊߕߌ߯ ߡߊ߬ߡߊ߬ߘߌ߬ ߞߐ߲ߘߍ߫ ߡߍ߲ ߞߊ߬ ߡߙߊ߬ߓߊ߰ߘߊ ߞߐߦߌ߬ߘߊ߬߸ ߊ߬ߟߋ ߓߊ߬߸ ߞߊ߬ߝߏ߬ߙߋ߲ ߞߏߟߊߕߍ߮ ߟߎ߫ ߓߊ߬߸ ߊ߬ߟߎ߫ ߞߵߊ߬ߟߎ߬ ߞߊ߲ߠߊߘߌ߫ ߥߟߎ߬ ߕߌ߮ ߟߎ߫ ߡߊ߬߸ ߞߏ߫ ߓߍ߯ ߦߴߊ߬ ߟߊ߫ ߥߎ߬ߟߎ ߓߟߏߕߋ߬߸ ߊ߬ ߣߌ߫ ߥߎ߬ߟߎ ߣߐ߬ ߓߊ߯ ߞߍ߫ ߗߌ߲ߠߌ߲ ߞߍ߫ ߟߊ߫ ߝߊ߲߬ ߛߌ߫ ߘߐ߫߸ ߞߵߏ߬ ߟߎ߬ ߞߏߝߐ߫ ߖߏߣߊ߫߸ ߖߐ߲߰ߛߊ߫ ߥߎ߬ߟߎ ߟߊ߫ ߗߌ߲ߠߌ߲ ߡߊ߬ߛߎߓߊ ߘߌ߫ ߡߊߓߍ߲߬ ߢߊ ߡߍ߲ ߡߊ߬، ߓߊߏ߬߸ ߡߐ߰ ߣߊ߯ߣߌ߲߫ ߓߘߊ߫ ߝߊ߰ ߢߐ߲߮ ߞߐ߫ ߦߋ߲߬ ߞߵߊ߬ ߕߎ߬ߙߎ ߞߍ߫ ߥߎ߬ߟߎ ߟߊ߫ ߗߌ߲ߠߌ߲ ߘߌ߫.

ߣߌ߲߬ ߞߍ߫ ߘߊ߫ ߛߊߓߎ߫ ߘߌ߫ ߓߌ߬߸ ߞߍ߲ߘߍߦߊ ߓߊ߯ߙߟߊ ߟߎ߬ ߣߌ߫ ߓߌߦߊ߲ߘߊ߲ߘߟߊ ߟߎ߬ ߡߊߘߏ߲߬ ߘߊ߫ ߢߐ߲߮ ߠߊ߫ ߦߙߐ߫ ߞߋߟߋ߲߫ ߘߐ߫߸ ߞߊ߬ ߖߡߊ߬ߣߊ߬ߘߋ߲ ߠߎ ߛߏ߬ߓߌ߬ߟߊ߬ߞߎߣߎ߲߫ ߞߊ߬ ߓߍ߲߬ ߥߎ߬ߟߎ ߟߊ߫ ߗߌ߲ߠߌ߲ ߡߊߕߊ߲߬ߞߊ ߣߴߊ߬ ߓߟߏߘߐߓߍ߲ ߠߎ߬ ߡߊ߬.