ߞߊߟߌߝߎߙߑߣߌ߫ ߞߎ߲߬ߠߊ߬ߛߌ߮߸ ߜ߭ߊߝ߭ߌ߲ ߣߌߥߑߛߐߡ ߞߊ߬ ߛߊ߬ߙߌ߬ߦߊ ߏ߬ ߡߍ߲ ߞߟߊ߬ߣߐ߬ߦߊ߫ ߞߊ߯ߙߌߟߏ߲ ߂߀߂߆ ߕߎߟߊߝߌ߲ ߕߋ߬ߟߋ߫ ߂߇ ߡߊ߬߸ ߣߴߊ߬ߟߋ߬ ߞߎ߬ߙߎ߲߬ߘߎ ߝߙߍߕߍ ߦߋ߫ ߊ.ߓߋ ߂߀߁߇߸ ߞߵߏ߬ ߞߍ߫ ߛߌ߬ߟߊ߬ߡߊ ߟߎ߬ ߟߊ߫ ߝߌ߬ߘߊ߬ߓߊ߫ ߝߌ߬ߟߊ ߡߊߟߐ߲߫ ߝߋ߲ ߘߌ߫ ߞߊߟߎߝߎߙߑߣߌ߫ ߞߣߐ߫.
ߘߊߟߌ߫ ߝߌ߬ߟߊ ߡߍ߲ ߦߋ߫ ߣߌ߲߬߸ ߏ߬ ߟߎ߫ ߟߋ߬ ߛߊߟߌ߫ ߘߋ߲ߣߍ߲ ߣߌ߫ ߛߊߟߌߓߊ
ߘߌ߫، ߛߊߟߌ߫ ߘߋ߲ߣߍ߲ ߏ߬ ߦߋ߫ ߛߎ߲ߞߊߙߏ ߞߎ߲߬ߝߊ߰ ߛߊߟߌ ߟߋ߬ ߘߌ߫ ߡߌ߲߬ߞߊߙߏ ߟߊ߫، ߛߊߟߌߓߊ ߦߋ߫
ߘߐ߲߬ߞߌ߲ ߘߌ߫ ߞߊߙߏ ߕߟߋ߬ ߁߀ ߡߊ߬߸ ߣߌ߫ ߡߐ߱ ߟߎ߬ ߦߋ߫ ߤߖߌ߫ ߟߴߊ߬ ߟߏ߲߸ ߡߞߊ߫ ߞߣߐ߫.
ߒ߬ߓߊ߬߸ ߛߊ߬ߙߌ߬ߦߊ߬ ߞߎߘߊ ߡߍ߲ ߦߋ߫ ߕߋ߲߬߸ ߊ߬ߟߋ ߘߌ߫ ߞߍ߫ ߕߙߎ߬
ߘߌ߫߸ ߝߘߏ߬ߓߊ߬ ߦߙ ߡߍ߲ ߠߎ߬ ߦߋ߫ ߞߎ߲߬ߠߊ߬ߛߌ߮ ߕߊ߫ ߓߟߏ ߡߊ߬ ߞߊߟߌߝߎߙߑߣߌ߫ ߞߣߐ߫߸ ߦߏ߫
ߞߊ߬ߙߊ߲߬ߕߊ ߟߎ߬ ߣߌ߫ ߓߊ߯ߙߊ߫ ߦߙߐ ߟߎ߬߸ ߏ߬ ߟߎ߬ ߦߴߊ߬ߟߎ߫ ߛߊ߬ߥߏ߬ ߘߐ߫ ߛߊߟߌ߫ ߟ߫ߏ߲߫ ߝߌ߬ߟߊ
ߢߌ߲߬ ߡߊ߬߸ ߞߵߊ߬ߟߎ߬ ߟߊ߫ ߦߙߐ ߘߊߕߎ߲߯ ߥߟߊ߫ ߍ߲߬ߍ߲ߍ߲߬. ߊ߬ ߞߏ߬ߣߌ߲ ߘߌ߫ ߛߋ߫ ߞߍ߫ ߟߴߊ߬ߟߎ߬
ߓߟߏ߫ ߞߊ߬ ߓߍ߲߬ ߖߡߊ߬ߣߊ ߛߊ߬ߙߌ߬ߦߊ ߡߊ߬.
ߊ߬ ߦߋ߫ ߤߊߞߍ ߘߏ߫ ߘߌ߫ ߟߊ߫ ߓߊ߯ߙߊߞߍߟߊ ߟߎ߫ ߡߊ߬ ߝߣߊ߫߸ ߊ߬ߟߎ߬ ߘߌ߫
ߛߋ߫ ߝߏ߲߬ߖߏ߲߬ ߕߎߡߊ ߘߏ߫ ߟߎ߫ ߓߊ߯ߙߊ ߞߍ߫ ߟߊ߫߸ ߢߐߢߐ߲ߠߌ߲ ߘߏ߫ ߟߎ߫ ߛߐ߲߬߸ ߞߊ߬ ߓߊ߯ߙߊ߫ ߏ߬
ߟߎ߫ ߡߊ߬߸ ߛߴߊ߬ߟߎ߬ ߘߴߊ߬ߟߎ߬ ߟߊ߫ ߛߊߟߌ ߘߌߦߊߓߐ߫.
ߛߌ߬ߟߊ߬ߡߊ ߟߎ߬ ߟߊ߫ ߘߍ߬ߞߙߎ ߡߍ߲ ߠߎ߬ ߞߊ߬ ߛߊ߬ߙߌ߬ߦߊ ߣߌ߲߬ ߞߐߡߊߓߌ߲ߓߌ߲߫߸ ߏ߬ ߟߎ߬
ߛߍߥߊߣߍ߲߫ ߞߏߛߓߍ߫، ߓߊߏ߬߸ ߞߏ߫ ߛߌ߬ߟߊ߬ߡߊ ߟߎ߫ ߕߍ߬ߘߍ߫ ߛߍ߰ ߟߊ߫ ߟߋ߬ ߛߐ߲߬߸ ߛߊߟߌ ߓߊ߯ ߛߋ߫߸
ߊ߬ߟߎ߬ ߦߋ߫ ߥߊ߫ ߞߊ߬ߙߊ߲߬ߕߊ ߟߋ߬ ߟߊ߫ ߓߊ߬߸ ߊ߬ߟߎ߬ ߦߋ߫ ߥߊ߫ ߓߊ߯ߙߊ߫ ߦߙߐ ߟߋ߬ ߘߐ߫ ߓߊ߬߸
ߥߟߴߊ߬ߟߎ߬ ߘߴߊ߬ߟߎ߬ ߟߊ߫ ߛߊߟߌ ߟߋ߬ ߞߍ߫߸ ߏ߬ ߕߍ߬ߘߍ߫ ߡߐ߱ ߟߎ߫ ߛߍ߰ ߟߊ߫ ߞߏߛߓߍ߫.
ߤߊߟߌ߬ ߣߴߊ߬ ߛߐ߬ߘߐ߲߬ ߘߊ߫ ߞߏ߫ ߛߊ߬ߙߌ߬ߦߊ ߣߌ߲߬ ߕߍߣߊ߬ ߞߍ߫ ߟߊ߫
ߛߊߓߎ߫ ߘߌ߫߸ ߞߊ߬ ߓߊ߯ߙߊ߫ ߦߙߐ ߓߍ߯߸ ߘߊ ߕߎ߲߯ ߛߊߟߌ߫ ߟߏ ߠߎ߬ ߘߐ߫߸ ߞߏ߬ߣߵߊ߬ ߓߘߊ߫ ߓߌ߬ߟߊ߫
ߛߊ߬ߙߌ߬ߦߊ ߘߐ߫߸ ߞߏ߫ ߛߌ߬ߟߊ߬ߡߊ ߡߍ߲ ߠߎ߬ ߦߋ߫ ߓߊ߯ߙߊ߫ ߘߊߞߎ߲ ߠߎ߬ ߣߌ߫ ߞߊ߬ߙߊ߲߬ߕߊ ߟߎ߬ ߟߊ߫߸ ߏ߬
ߟߎ߬ ߘߌ߫ ߛߋ߫ ߛߊ߬ߦߌ߲߬ ߠߊ߫ ߛߊߟߌ߫ ߟߏ߲، ߊ߬ߟߎ߬ ߘߌ߫ ߛߋ߫ ߟߏ߲߫ ߜߘߍ߫ ߟߎ߫ ߓߊ߯ߙߊ ߞߍ߫ ߟߊ߫
ߝߏ߲߬ߖߏ߲ ߣߌ߫ ߓߟߏߞߓߊ ߟߎ߬ ߟߊ߫߸ ߞߵߏ߬ ߝߣߊ߫ ߕߣߐ߬ߓߐ߫ ߊ߬ߟߎ ߟߊ߫ ߛߊߟߌ ߝߍ߬.
