ߞߎ߲߬ߠߊ߬ߛߌ߰ߟߌ ߟߎ߬ ߕߌ߲߬ߞߎߘߎ߲߫ ߣߌ߲߬ ߞߣߐ߫
ߘߌ߯ߣߊߘߌ߯ߣߊ߫ ߢߍߡߐ߯ ߟߎ߬ ߣߐ߬ ߜߊ߬ߙߊ ߘߏ߫ ߛߌ߰ ߟߊ߫ ߛߋ߲߬ߠߊ߫߸ ߞߊ߬ ߞߎ߬ߙߣߊ߬ ߞߊߙߊ߲ ߞߍ߫߸ ߖߌ߬ߣߍ߫ ߟߊ߫ ߖߘߍ߬ߕߌ߰ߦߊ ߛߊ߲߬ ߆߈߲ ߢߊ߰ߢߊ߮ ߞߏߛߐ߲߬، ߓߌ߬ ߂߀߂߆ ߞߏ߲ߓߌߕߌ߯ ߕߟߋ߬ ߁ ߣߌ߲߬ ߡߊ߬߸ ߘߌ߯ߣߊ߫ ߢߍߡߐ߮ ߟߎ߬ ߣߐ߬ ߞߎ߬ߙߣߊ߬.
ߘߌ߯ߣߊSߖߌ߬ߦߊ߬ߖߟߎ ߘߏ߫ ߟߋ߬ ߝߌߙߌ߲ߝߌߙߌ߲߫ ߠߊ߫ ߛߊ߲ߡߊ߬ ߕߋ߲߬߸ ߡߍ߲ ߞߍߣߍ߲߫ ߡߍߛ، ߞߊ߬ߕߎ߲߯߸ ߌߛߊ߫ ߣߊߡߎ߲ ߘߏ߲߬ߞߏ ߟߎ߬ ߟߊ߫ ߝߊ߬ߓߊ ߟߋ߬ ߣߐ߬ ߝߏ߬ߟߌ ߞߍ߫ ߟߊ߫߸ ߊ߬ ߛߋ ߜߟߏ߬ߝߌ߲ ߘߏ߫ ߡߊߛߎ߬ߘߎ߲߬ߧߊ ߘߐ߫ ߌߞߘߐ߫߸ ߊ߬ ߓߙߊ߬ ߘߴߊ߬ ߟߐ߬ ߟߊ߫ ߖߝߊߕߌ߫߸ ߞߵߏ߬ ߞߍ߫ ߊ߬ ߡߙߎߣߍ߲ ߘߌ߫ ߞߊ߬ ߥߴߊ߬ ߦߋ߫߸ ߊ߬ ߡߴߊ߬ ߕߍ߮ ߟߊ߫ ߏ߬ ߕߍ߯، ߒ߬ߓߊ߬߸ ߏ߬ ߞߏ ߕߊ߬ߡߌ߲߬ߣߍ߲߫ ߘߌ߬߸ ߝߏ߫ ߝߊ߬ߙߊ߲߬ߛߌ߫ ߝߐ߰ߓߍ߬ߘߊ ߟߎ߬ ߓߘߊ߫ ߙߎ߬ߛߌ߬ ߡߊߝߌ߲߬߸ ߞߏ߫ ߏ߬ ߟߎ߫ ߟߋ߬ ߦߴߊ߬ ߝߍ߬ ߞߊ߬ ߕߐ߮ ߟߊ߫ ߝߊ߬ߓߊ ߟߊ߫.
ߘߌ߯ߣߊߖߌ߬ߦߊ߬ߖߟߎ ߘߏ߫ ߟߋ߬ ߛߊߙߌߣߍ߲߫ ߘߍ߬ߞߙߏߝߏ ߟߎ߫ ߞߊ߲߬߸ ߞߵߊ߬ ߦߌ߬ߘߊ߬ ߞߏ߫ ߞߐ߫ ߞߣߐ߬ ߖߡߊ߬ߓߊ ߣߊ߬ ߘߊ߫ ߟߋ߬ ߞߊ߯ߓߊ߫ ߛߊ߲ߝߍ߬߸ ߞߵߊ߬ ߟߊߡߌߣߌ߲߫، ߒ߬ߓߊ߬߸ ߊ߬ ߓߘߊ߫ ߦߌ߬ߘߊ߬ ߞߏ߫ ߖߌ߬ߦߊ߬ߖߟߎ ߏ߬ ߛߏ߯ߙߏߣߍ߲߫ ߦߟߌߟߊ߲ߘߌߦߙߊ߫ ߘߍ߲߰ߦߊ߬ߣߍ߲ ߠߋ߬ ߟߊ߫߸ ߊ߬ߟߑߖߊ߬ߖ߭ߌ߯ߙߊ߬ ߟߋ߬ ߞߵߏ߬ ߝߐ߫߸ ߡߊ߬ߝߟߍ߬ߟߌ ߞߐߝߍ߬.
ߘߌ߯ߣߊߣߌ߲߬ ߦߋ߫ ߛߋ߲߬ߕߊ߬ ߞߎߘߊ߫ ߟߋ߬ ߘߌ߫ ߞߊߟߌߝߎߙߑߣߌ߫ ߛߌ߬ߟߊ߬ߡߊ ߟߎ߬ ߟߊ߫ ߞߏ ߘߐ߫، ߞߊ߬ߕߎ߲߯߸ ߊߡߙߌߞߌ߬ ߞߊ߬ߝߏ ߣߌ߲߬ ߓߘߴߊ߬ ߦߌ߬ߘߊ߬߸ ߞߏ߫ ߛߎ߲ߞߊߙߏ߫ ߛߊߟߌ ߓߊ߬߸ ߘߐ߲߬ߞߌ߲߬ ߛߊߟߌ ߓߊ߬߸ ߊ߬ߟߎ߬ ߟߊ߫ ߛߊ߬ߙߌ߬ߦߊ ߟߎ߫ ߞߊ߬ ߛߊߟߌ ߡߍ߲ ߠߎ߬ ߟߊߞߏߟߐ߲߫ ߞߊ߬ ߛߐ߲߬ ߊ߬ ߡߊ߬߸ ߞߏ߫ ߛߌ߬ߟߊ߬ߡߊ ߟߎ߬ ߟߊ߫ ߛߊߟߌ߫ ߝߌ߬ߟߊ ߣߌ߲߬ ߓߘߊ߫ ߓߌ߬ߟߊ߫ ߏ߬ ߖߊ߬ߕߋ ߘߐ߫.
ߘߌ߯ߣߊߡߐ߰ ߂߅߀ ߟߋ߬ ߓߐߣߍ߲߫ ߝߘߊ߬ߝߌ߲߬ ߖߡߊߣߊ߫ ߂߃ ߖߊ߬ߕߋ߬ ߞߣߐ߫߸ ߞߵߊ߬ߟߎ߫ ߞߎ߲߬ߛߌ߲߫ ߛߌ߬ߟߡߊ߬ߦߊ ߘߝߐ߬ߡߊ߬ ߦߙߐ ߟߎ߬ ߞߎ߲ߝߊ߲ߓߐ߫ ߦߙߐ ߟߊ߫ ߡߊ߬ߘߌ߬ߣߊ߫ ߘߎ߰ ߛߊߣߌ߲ ߞߣߐ߫.
ߟߐ߲ߞߏߘߎߢߊ߫ ߛߌ߬ߟߡߊ߬ߦߊ ߞߏߘߐߛߘߌߘߊ ߓߘߊ߫ ߔߘߋߞߎ߫ ߢߎߡߍߙߋ߲ߡߊ ߘߏ߫ ߛߌ߰ ߛߋ߲߬ߠߊ߫߸ ߞߏ߫ ߛߌߦߊߡߊ߲߫ ߦߋ߫ ߡߍ߲ ߞߣߐ߫: ߞߎ߬ߙߊ߬ߣߊ߸ ߛߎߣߊ߸ ߊ߬ ߣߌ߫ ߟߐ߲ߞߏ
ߘߌ߯ߣߊߛߟߊߕߌ߯ ߛߣߊ߬ߓߊ߬ ߛߏߙߌ߫ ߡߊ߲߬ߘߋ߲߬ߞߊ߫ ߞߊ߬ߓߊ߫ ߣߐ߬ ߟߊ߬ߖߍ߲߬ߛߍ߲߬ߠߌ߲ ߘߏ߫ ߟߋ߬ ߞߍ߫ ߟߊ߫߸ ߞߊ߬ ߓߍ߲߬ ߣߊ߲߬ߝߏ߯ ߌߛߎ߬ߡߊ߬ߌ߯ߟߊ߫ ߖߊ߰ߓߌ ߘߐߜߍ߬ߘߍ߲ ߡߊ߬ ߡߐ߱ ߟߎ߬ ߓߟߏ߫ ߝߊ߬ ߞߊ߲߬ ߘߐ߬ ߛߊ߬ߟߌ߬ ߞߏ ߘߐ߫، ߞߊ߬ߕߎ߲߯߸ ߊ߬ ߞߍ ߞߊ߬ ߛߊߟߌ ߘߊߡߌ߬ߣߴߊ߬ ߝߊ߬ ߞߊ߲ ߘߐ߫߸ ߊ߬ ߡߊߞߟߌ߫ ߘߊ߫ ߘߌ߯ߣߊ߫ ߢߍߡߐ߮ ߟߎ߬ ߓߟߏ߫߸ ߞߵߊ߬ ߦߌ߬ߘߴߊ߬ ߟߊ߫ ߞߏ߫ ߊ߬ ߦߋ߫ ߞߏ ߡߍ߲ ߞߊ߲߬߸ ߊ߬ ߦߴߊ߬ ߘߊߓߌ߬ߟߊ߬، ߏ߬ ߓߍ߯ ߞߐߝߍ߬߸ ߢߍߓߊ߮ ߟߎ߬ ߣߌ߫ ߛߌ߬ߟߡߊ߬ߦߊ ߞߊ߬ߙߊ߲߬ߡߐ߰ ߛߌߦߊߡߊ߲߫ ߠߊ߫ ߞߎߡߊ ߟߎ߬ ߦߴߊ߬ ߦߌ߬ߘߊ߬ ߟߊ߫߸ ߞߏ߫ ߊ߬ ߦߋ߫ ߓߊ߯ߙߊ ߡߍ߲ ߞߊ߲߬ ߏ߬ ߘߌ߫߸ ߏ߬ ߕߍ߫ ߛߊߟߌ߫ ߘߌ߫، ߏ߬ ߟߋ ߞߏߛߐ߲߬߸ ߛߏ߬ߙߌ߫ ߡߊ߲߬ߘߋ߲߬ߞߊ߫ ߞߓߊ߬ ߡߍ߲ ߦߋ߫ ߥߎ߬ߦߊ߲߬ߞߌ߬ߟߌ ߝߊ߬ ߘߌ߫߸ ߣߴߊ߬ ߝߣߊ߫ ߡߊߟߐ߲ߣߍ߲߫ ߒߞߏ ߟߊߝߊ߬ߛߊ ߘߐ߫ ߡߐ߰ ߛߌߦߊߡߊ߲߫ ߓߟߏ߫، ߏ߬ ߟߋ ߣߐ߬ ߊ߬ ߡߙߌߦߊ ߘߏ߫ ߟߎ߫ ߦߌ߬ߘߊ߬ ߟߊ߫ ߞߊ߬ ߓߍ߲߬ ߣߊ߲߬ߝߏ߯ ߟߊ߫ ߛߊߟߌ߫ ߞߏ ߣߌ߲߬ ߡߊ߬. ߊ߬ ߞߊ߬ ߡߎ߲߬ ߝߐ߫؟ ߊߟߎ߫ ߦߴߏ߬ ߘߐߞߊ߬ߙߊ߲߫ ߦߊ߲߬ ߘߍ߫:
ߘߌ߯ߣߊߞߊ߬ߙߊ߲߬ߡߐ߯ ߛߏ߬ߟߏ ߣߌ߫ ߣߊ߲߬ߝߏ߰ ߟߊ߫ ߕߍߘߐߓߍ߲ ߞߐ ߘߌߦߊߣߍ߲߫ ߕߍ߫ ߡߎߣߎ߲߬، ߞߊ߬ߕߎ߲߯߸ ߝߊ߬ߞߊ߲߬ ߘߐ߬ ߛߊ߬ߟߌ߬ ߞߏ ߓߘߊ߫ ߞߍ߫ ߝߐߢߐ߲߯ߞߐ ߘߌ߫، ߏ߬ ߟߋ ߞߏߛߐ߲߬߸ ߡߏߙߌ߬ ߞߡߏ߬ߘߎ߯ ߞߏ߬ߣߊ߬ߕߍ߫ ߓߘߴߊ߬ ߞߊ߲ߠߊߘߌ߫ ߓߍ߯ ߡߊ߬߸ ߞߏ߫ ߞߊ߬ ߓߍ߲߭ ߞߍ߫ ߛߘߊߞߊ ߘߌ߫.
ߘߌ߯ߣߊߓߟߐߟߐ߫ ߞߊ߲ߠߊ ߣߊ߬ߕߐ߫ ߞߎ߲߬ߢߐ߲߰ ߞߋߟߋ߲ ߠߋ߬ ߡߊ߬ ߕߋ߲߬߸ ߊ߬ ߕߴߛߋ߫ ߛߎߡߊ߫ ߟߊ߫ ߖߌ߬ߣߍ߬ ߞߣߐ߫߸ ߞߵߏ߬ ߞߎ߲߭ ߞߍ߫ ߞߊ߬ߙߊ߲߬ߡߐ߮ ߟߎ߬ ߟߊ߫ ߢߐ߲߯ ߡߊߞߘߎ ߘߌ߫ ߘߌ߯ߣߊ ߕߐ߯ ߘߐ߫، ߒ߬ߓߊ߬߸ ߖߐ߲߬ߡߊߛߌߣߌ߲ߟߐ߲߫ ߣߌ߭ ߦߋߣߍ߲߫ ߞߊ߬ߙߊ߲߬ߡߐ߯ ߛߏ߬ߟߏ ߟߊ߫ ߞߎߡߊ ߘߏ߫ ߟߋ߬ ߘߐ߫߸ ߊ߬ ߡߊ߫ ߖߋ߬ߓߟߌ߬ ߛߌ߫ ߞߍ߫߸ ߝߏ߫ ߞߵߊ߬ ߟߊ߫ ߞߝߊ߬ ߓߟߋߓߟߋ ߘߏ߫ ߖߌ߬ߦߊ߬ߓߍ ߟߊߖߍ߲ߛߍ߲߫ ߓߟߐߟߐ ߞߊ߲߬ ߕߋ߲߬، ߡߐ߰ ߛߌߦߊߡߊ߲߫ ߣߐ߬ ߏ߬ ߦߋ߫ ߟߊ߫ ߞߊ߬ߙߊ߲߬ߡߐ߯ ߛߏ߬ߟߏ ߖߋ߬ߓߌ ߟߋ߬ ߘߌ߫.
ߘߌ߯ߣߊߞߎߣߎ߲߬ ߓߌߟߏ߲ ߂߀߂߆ ߥߊ߬ߛߌ߬ߥߙߊ ߕߋ߬ߟߋ߫ ߂߅ ߡߊ߬߸ ߡߐ߱ ߥߊ߯ ߦߙߌߞߊ߫ ߟߋ߬ ߓߐ߫ ߘߊ߫ ߖߌ߬ߣߍ߫ ߝߊ߲߬ ߛߌߦߊߡߊ߲߫ ߘߐ߫ ߞߊ߬ ߣߊ߬߸ ߊ߬ ߣߌ߫ ߡߊ߬ߟߌ ߟߊ߫߸ ߡߍ߲ ߠߎ߬ ߦߋ߫ ߣߎߙߑߘߌߣ ߞߊ߬ߣߌ߲߬ߓߊ߮ ߟߎ߬ ߘߌ߫߸ ߞߵߊ߬ߟߎ߬ ߢߐ߲߯ߓߍ߲߬ ߖߊ߲߬ߞߊ߰ߣߊ߬ ߛߏ ߞߣߐ߫ ߛߊ߲߬ ߞߎߘߊ ߘߎ߬ߥߊ߬ߥߎ ߟߊߡߌ߬ߣߊ߬ ߞߊ߲ߡߊ߬߸ ߥߊߟߖߟߌ߫ ߟߊ߱ߖߌ߬ ߛ߭ߍߞ ߛߎ߬ߟߋ߬ߡߊߣ ߛߘߌ߬ߓߋ߫ ߖߌ߲߬ߓߊ߲ ߞߘߐ߫.
ߘߌ߯ߣߊߛߌ߬ߟߊ߬ߡߊ ߟߎ߬ ߟߊ߫ ߛߊ߲߬ ߦߟߍߡߊ߲ ߠߋ߬ ߛߋߕߐߟߊ ߦߋ߫ ߕߋ߲߬߸ ߓߟߏߘߐߓߍ߲ߓߊ߫ ߦߴߌߘߐ߫ ߖߊ߲߬ߞߊ߬ߣߊ߫߸ ߞߊ߬ߙߊ߲߬ߡߐ߯ ߛߏ߬ߟߏ ߣߴߊ߬ ߟߊ߫ ߡߐ߱ ߟߎ߬ ߦߋ߫ ߡߍ߲ ߞߍ߫ ߟߊ߫ ߘߌ߯ߣߊ ߢߊߝߐ ߟߊ߫ ߘߍ߲߬ߞߣߍ߬ߦߊ߬ߓߊ߮ ߟߎ߬ ߦߋ߫، ߒ߬ߓߊ߬߸ ߏ߬ ߟߋ ߛߐ߰ߡߊ ߞߍߣߴߊ߬ߟߎ߬ ߓߟߏ߫ ߘߍ߰ ߛߎߛߎ ߘߌ߫ ߞߊ߲ߞߊ߲߫ ߞߣߐ߫߸ ߞߊ߬ߙߊ߲߬ߡߐ߯ ߛߏ߬ߟߏ ߟߊ߫ ߟߎ ߡߊ߬.
ߘߌ߯ߣߊߞߎ߲߬ߢߐ߲߰ ߘߊ߲ߘߐ߫ ߟߋ߬ ߞߊ߲ߞߊ߲߫ ߗߋߘߋ߲߫ ߓߟߏߡߊߞߊ߬ߣߍ߲ ߠߎ߬ ߟߊ߫ ߕߊ߯ߟߌ ߟߊ߫ ߡߎ߬ߕߎ߲߬߸ ߊ߬ߟߎ߬ ߓߘߊ߫ ߓߐߒߝߘߎߘߐߓߊ߫ ߞߍ߫ ߛߏ ߢߍ߫߸ ߞߊ߬ ߕߙߏ߬ߞߏ߬ߘߓߊ߬ ߞߋߟߋ߲߫ ߣߌ߫ ߘߊ߲߬ߞߊ߬ߞߎ߬ߟߎ߲߬ ߞߎߘߊ߫ ߝߌ߬ߟߊ߫ ߓߌ߬ߟߊ߫ ߞߊ߬ߝߏ߬ߙߋ߲ ߛߊ߬ߥߏ߬ ߘߐ߫߸ ߞߵߏ߬ ߞߍ߫ ߊ߬ߟߎ߬ ߓߟߏߣߐ߫ ߟߊߓߊ߲ ߘߌ߫، ߞߊ߬ߕߎ߲߯߸ ߊ߬ ߕߍ߬ߘߍ߫ ߡߐ߰ ߛߌߦߊߡߊ߲߫ ߢߣߊ߫߸ ߞߏ߫ ߊ߬ߟߎ߬ ߡߊ߫ ߞߏߓߊ߫ ߞߍ߫ ߊ߬ߟߎ߬ ߟߊ߫ ߟߐ߬ߒ߬ߞߋ߬ߟߊ ߞߘߐ߫.
ߘߌ߯ߣߊߢߌ߬ߣߊ߲߬ ߂߀߂߆ ߤߖߌ ߘߐ߫ ߡߞߊ߫ ߞߣߐ߫߸ ߛߌ߬ߟߊ߬ߡߊ ߞߋ߲߬ߥߟߎ߬ ߁،߇ ߢߐ߲߰ ߠߋ߬ ߕߊ߯ ߘߊ߫ ߡߊ߬ߓߊߕߏ ߟߊ߫߸ ߏ߬ ߡߍ߲ ߦߋ߫ ߞߍ߫ ߟߊ߫ ߛߊ߲߭ ߺ ߊ ߺ ߛߊ߲߬، ߢߌ߬ߣߊ߲߬ ߕߊ ߣߌ߲߬ ߦߟߍ߬ߣߍ߲߫ ߛߊߙߏ߲߬ ߕߊ ߛߊߝߍ߬ ߘߏߣߍ߲߫ ߠߋ߬ ߟߊ߫߸ ߂߀߂߅ ߞߊ߬ߣߌ߲߬، ߞߊ߬ ߓߍ߲߬ ߛߎ߰ߘߎ߬ߟߊ߫ ߝߊ߰ߡߊ ߟߎ߬ ߟߊ߫ ߖߊ߬ߕߋ߬ ߝߐߣߍ߲ ߡߊ߬. ߊ߬ ߝߐ ߞߏ߫ ߘߌ߯ߣߊ ߓߊ߬ߙߏ߲߬ߡߊ ߘߏ߫ ߟߋ߬ ߤߖߌ ߘߌ߫߸ ߏ߬ ߞߎߡߊ ߓߊ߯ ߕߍ߰ ߞߊ߬ ߓߐ߫ ߊ߬ ߟߊ߫߸ ߤߖߌ ߦߋ߫ ߘߎߢߊ߫ ߖߡߊ߬ ߟߊ߬ߘߍ߬ߓߊ ߟߎ߬ ߘߐ߫ ߓߟߋ߬ߓߟߋ ߘߏ߫ ߟߋ߬ ߘߌ߫߸ ߡߍ߲ ߡߊ߬ߞߏ ߦߋ߫ ߞߏ߫ ߛߌߦߊߡߊ߲߫ ߣߌ߫ ߝߋ߲߫ ߛߌߦߊߡߊ߲߫ ߠߊ߫، ߝߘߊ߬ߝߌ߲߬ߠߊ߫ ߕߟߋ߬ߓߋ ߘߐ߫߸ ߡߐ߰ ߞߋߟߋ߲ ߠߊ߫ ߤߖߌ߫ ߟߊߕߊ߯ ߛߙߊ ߦߋ߫ ߥߙߊ߬ ߟߊ߫ ߟߋ߬ ߟߎ߫ ߞߋߟߋ߲߫ ߡߎ߰ߡߍ ߡߊߣߊ߲ߞߎ߲ ߘߌ߫.
ߘߌ߯ߣߊߓߙߎߞߌߣߊ߫ ߝߊ߰ߡߊ ߟߎ߬ ߓߘߊ߫ ߟߊ߬ߛߋ߬ߟߌ߬ ߛߓߍ ߘߏ߫ ߟߊߓߐ߫ ߓߌߟߏ߲ ߣߌ߲߬ ߡߊ߬ ߂߀߂߆ ߘߓߊ߬ߕߊ ߕߋ߬ߟߋ߫ ߂߈߸ ߞߊ߬ ߥߊ߱ߘߎ߰ ߛߎߣߊ߫ ߕߏ߯ߝߏ ߟߊ߫ ߕߌ߲ߓߌߘߌ߲ߘߓߊ ߘߊߕߎ߲߯، ߡߙߌߘߐ ߣߌ߲߬ ߕߊ߬ߣߍ߲߫ ߞߵߊ߬ ߟߊߥߟߌ߬ ߝߙߋߞߋ ߘߏ߫ ߟߎ߫ ߟߋ߬ ߢߍߓߍ߲߭ ߡߊ߬߸ ߛߊ߫ ߝߛߏ߬ߝߛߊ ߞߊߣߊ߬ ߘߏ߲߬ ߛߏ ߞߣߐ߫ ߢߊ ߡߍ߲ ߡߊ߬.
ߘߌ߯ߣߊ߂߀߂߆ ߤߖߌ ߞߕߎ߬ߓߊ ߝߊ߲߬ߓߊ ߘߟߊߡߌ߬ߣߊ߬ ߘߊ߫ ߞߊ߲߫ ߃߅ ߟߋ߬ ߘߐ߫߸ ߖߐ߲߰ߛߊ߫ ߤߖߌߟߊ ߡߐ߱ ߞߋ߲߬ߥߟߎ ߡߍ߲ ߠߎ߬ ߕߊ߯ߣߍ߲߫ ߡߊ߬ߓߊߕߏ ߟߊ߫ ߞߊ߬ ߓߐ߫ ߘߎߢߊ߫ ߝߊ߲߬ ߕߊ߲ ߣߌ߫ ߣߊ߯ߣߌ߲ ߘߐ߫߸ ߏ߬ ߟߎ߬ ߘߌ߫ ߛߋ߫ ߛߌ߬ߟߡߊ߬ߦߊ ߦߙߐ߫ ߓߛߍ ߢߌ߲߬ ߠߎ߬ ߞߎߡߊ ߟߎ߬ ߢߊߦߋ߫ ߟߊ߫، ߏ߬ ߡߙߌߦߊ ߕߊ߬ߣߍ߲߫ ߡߌ߬ߛߙߌ߬ ߟߊ߬ߕߏߣߍ߲ ߣߌ߫ ߞߋߟߊ ߟߊ߫ ߕߌ߲ߓߌߘߌ߲ߘߊ ߘߌ߯ߣߊ߫ ߞߏߢߊ ߟߎ߬ ߞߊ߲ߕߌ߮ ߟߋ߬ ߓߟߏ߫.
ߘߌ߯ߣߊߞߎߣߎ߲ߟߏ߲ ߣߌ߲߬ ߡߊ߬߸ ߂߀߂߆ ߘߓߊ߬ߕߊ ߕߋ߬ߟߋ߫ ߂߆߸ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߞߊ߬ ߛߊߟߌߝߎߥߊ ߞߍ߫ ߞߊ߲ߞߊ߲߫ ߕߌ߲ߓߌߘߌ߲ߘߓߊ ߟߋ߬ ߟߊ߫، ߊ߬ ߣߴߊ߬ ߝߊ߬ߛߏ ߡߐ߱ ߟߎ߫ ߟߋ߬ ߞߊ߬ ߛߊߟߌߝߎߥߊ ߢߊ߰ߢߊ߮ ߏ߬ ߞߍ߫ ߢߐ߲߯ ߝߍ߬ ߓߌ߬.
ߘߌ߯ߣߊߡߏߙߌ߬ ߖߐ߲߬ߡߊ߬ߛߌߣߌ߲ߟߐ߲߫ ߞߡߊ߬ߙߊ߬ ߦߋ߫ ߡߊ߬ߓߊߕߏ ߟߊ߫ ߡߞߊ߫ ߕߋ߲߬߸ ߊ߬ ߓߘߴߊ߬ ߡߙߌߦߊ ߘߏ߫ ߟߊߖߍ߲ߛߍ߲߫ ߞߊ߬ ߓߍ߲߬ ߡߊ߬ߘߌ߬ߣߊ߫ ߓߌ߬ߘߌ߲ ߠߎ߬ ߟߌ߬ߤߟߊ ߡߊ߬، ߘߋ߬ߙߌ߬ߣߊ߲߬ ߞߎߡߊ ߡߍ߲ ߦߋ߫ ߡߐ߱ ߟߎ߬ ߕߟߏߞߘߐ߫ ߓߌ߬ߘߌ߲߬ ߞߏ ߣߌ߲߬ ߘߐ߫߸ ߊ߬ߟߋ ߓߘߊ߫ ߘߏ߫ ߜߘߍ߫ ߝߐ߫߸ ߡߍߍ߲ ߣߴߏ߬ ߟߎ߬ ߕߍ߫ ߞߋߟߋ߲߫ ߘߌ߫.
ߘߌ߯ߣߊߒߞߏ ߞߟߊ߬ߘߏ߲ߛߏ ߞߊ߬ߙߊ߲߬ߝߊ ߡߏߙߌ߫ ߞߡߊ߬ߙߊ߫ ߖߐ߲߬ߡߊ߬ߛߌߣߌ߲ߟߐ߲߫ ߦߋ߫ ߡߞߊ߫ ߡߊ߬ߓߊߕߏ ߟߊ߫߸ ߊ߬ ߦߴߊ߬ ߟߊ߫ ߟߊ߬ߡߌ߬ߘߊ߬ߟߌ ߟߎ߬ ߞߍ ߞߊ߲߬ ߒߞߏ ߟߋ߬ ߘߐ߫، ߊ߲ ߣߐ߬ ߞߊ߬ߙߊ߲߬ߝߊ ߡߏߙߌ߫ ߞߡߊ߬ߙߊ߫ ߖߐ߲߬ߡߊ߬ߛߌߣߌ߲ߟߐ߲߫ ߠߊ߫ ߖߌ߬ߦߊ߬ߖߟߎ߬ ߞߎ߲ߞߎߘߎ߲ ߘߏ߫ ߟߋ߬ ߦߋ߫ ߟߊ߫ ߝߌߙߌ߲ߝߌߙߌ߲ ߞߊ߲߬ ߘߍ߬ߞߙߏߝߏ ߞߊ߲߬߸ ߊ߬ ߦߋ߫ ߟߊ߬ߡߌ߬ߘߊ߬ߟߌ ߞߍ ߒߞߏ ߘߐ߫ ߡߞߊ߫߸ ߞߊ߬ ߞߊ߬ߙߊ߲߬ߝߊ ߕߏ߫ ߥߊ ߟߊ߫ ߗ߭ߎߟ ߤߎ߬ߟߊߦߑߝߊ߬ ߟߊ߫߸ ߕߐ߭ ߟߎ߬ ߦߋ߫ ߟߊ߬ߓߊߦߌߞߊ ߝߐ ߞߊ߲߬ ߊߙߊߓߎ߫ ߞߊ߲ ߘߐ߫.
