ߦߊ߯ߟߊ߫߸ ߞߙߌߛߌߦߊߣߏ߫ ߙߏߣߊߟߑߘߏ߫ ߓߘߴߊ߬ ߛߋ߲߬ߓߐ߫ ߟߋ߬ ߔߐߙߑߕߎ߳ߜ߭ߊߟ ߕߏ߬ߟߊ߲߬ߕߊ߲ ߘߐ߫ ߓߊ߬؟ ߞߊ߬ ߓߍ߲߬ ߊ߲ ߠߊ߫ ߟߌ߬ߤߟߊ߫ ߛߐ߬ߘߐ߲߬ߣߍ߲ ߠߎ߫ ߡߊ߬ ߂߀߂߆ ߕߎߟߊߝߌ߲ ߕߟߋ߬ ߃߀ ߡߊ߬߸ ߊ߲ ߘߴߊ߬ ߝߐ߫ ߢߌ߬ߣߌ߲߬ߞߊ߬ߟߌ ߏ߬ ߖߋ߬ߓߌ ߘߐ߫ ߞߏ߫ ߞߊ߯ߙߌ߫߸ ߏ߬ ߡߊ߫ ߞߍ߫ ߝߋߎ߫. ߕߎ߬ߢߊ ߟߋ߬ ߞߏ߬ߣߌ߲ ߦߋ߫ ߝߛߊߦߌ߫߸ ߢߍߡߌߘߊ߫ ߛߊ߲߬ ߄߁ ߓߐ߫ ߘߊ߫ ߟߋ߬ ߖߡߊ߬ ߟߊ߬ߘߍ ߘߐ߫ ߞߊ߬ ߥߊ߫، ߊ߬ ߝߐ ߟߋ߬ ߛߊ߫ ߞߏ߫ ߊ߬ ߓߘߴߊ߬ ߛߋ߲߬ߓߐ߫߸ ߏ߬ ߕߍ߫ ߛߥߊ߬ߓߊ߬ ߘߌ߫.

ߔߐߙߑߕߎ߳ߜ߭ߊߟ ߕߏ߬ߟߊ߲߬ߕߊ߲߬ߠߊ ߟߎ߬ ߟߊߘߍ߬ߣߍ߲߫ ߕߘߍ߬ ߝߊ߲ߓߏ߲ ߠߋ߬ ߟߊ߫ ߘߊߣߌߡߙߞ߸ ߞߵߊ߬ߟߎ߬ ߟߊ߫ ߢߐ߲߯ߓߍ߲߫ ߣߊ߬ߕߐ ߓߟߏߘߐߓߍ߲ ߠߎ߬ ߞߍ߫، ߒ߬ߓߊ߬߸ ߗ߭ߐߙߖ߭ ߗ߭ߋ߬ߛߎ߳ ߟߊ߫ ߝߐ߰ߓߍ߬ ߜߙߊ ߞߐ ߟߋ߬ ߘߐ߫ ߡߌ߬ߛߍ߲߬ ߘߊ߲ߘߐ߫ ߟߊ߫߸ ߞߙߌߛߌߦߊߣߏ߫ ߙߏߣߊߟߑߘߏ߫ ߓߐ߫ ߘߊ߫ ߖߊ߬ߡߊ ߘߐ߫߸ ߞߵߊ߬ ߟߊ߫ ߞߍߙߍ߲ߘߊ ߕߏ߫ ߊ߬ ߞߐ߫ ߞߊ߬ ߥߴߊ߬ ߦߋ߫، ߔߕߏ߬ߞߌ߬ߟߊ߫ ߞߍߙߍ߲ߘߊ ߖߍ߬ߘߍ ߓߘߴߊ߬ ߟߊ߫ ߥߊߟߌ߫ ߞߏ ߟߊߕߍ߰ ߞߏ߫ ߕߎ߬ߢߊ ߟߋ߬ ߝߛߊߦߌ߫، ߓߊ߬ߙߌ߬߸ ߊ߬ ߡߊ߫ ߝߐ߫ ߞߏ߫ ߊ߬ ߛߋ߲߬ߓߐ߬ߣߍ߲߫ ߘߋ߬.

ߣߌ߲߬ ߞߏ ߡߎ߰ߡߍ ߘߊߡߌ߬ߣߊ߬ ߘߊ߫ ߔߐߙߑߕߎ߳ߜ߭ߊߟ ߣߌ߫ ߣߐߙߑߝ߭ߍߖ߭ ߟߊ߫ ߓߌ߬ߟߊ߬ߢߐ߲߰ߠߊ ߟߋ߬ ߛߋ߲߭ߝߍ߬، ߞߙߌߛߌߦߊߣߏ߫ ߕߘߍ߬ ߞߏ߲ߕߏ ߟߋ߬ ߞߊ߲߬߸ ߊ߬ ߝߐ߫ ߘߴߊ߬ ߦߋ߫ ߖߘߍ߬ ߡߊߜߊ߬ ߦߊ߬ߣߴߊ߬ ߦߋ߫ ߟߊߘߏ߲߬، ߊ߬ ߞߊ߬ ߡߌ߬ߛߍ߲߬ ߃߀ ߞߍ߫ ߖߘߍ߬ߡߊ߬ߜߊ ߏ߬ ߟߊ߫߸ ߞߏ߬ߣߵߊ߬ ߡߊ߫ ߟߊߘߏ߲߬ ߤߊ߲߯ ߞߊ߬ ߓߌ߬ߟߊ߬ߢߐ߲߰ߠߊ ߓߊ߲߫߸ ߏ߬ ߟߋ ߡߊ߫ ߘߌߦߊ߫ ߛߋ ߢߍ߫ ߝߋߎ߫.

ߓߊߏ߬߸ ߗ߭ߋߛߎ߳ ߞߊ߬ ߟߊ߬ߤߘߌ ߕߊ߬ ߟߋ߬ ߊ߬ ߦߋ߫߸ ߞߏ߫ ߛߋ ߘߌ߫ ߕߏߟߏ߲ ߘߊߡߌ߬ߣߊ߬ ߞߏ߲ߕߏ ߞߊ߲߬߸ ߓߊ߬ߙߵߊ߬ ߘߴߊ߬ ߟߊߘߏ߲߬ ߞߐߝߍ߬، ߓߌ߬ߟߊ߬ߢߐ߲߰ߠߊ ߏ߬ ߟߋ ߞߍ߫ ߘߊ߫ ߏ߬ ߘߐ߫߸ ߛߋ ߡߊ߫ ߘߏ߲߬، ߏ߬ ߡߊ߫ ߘߌߦߊ߫ ߙߏߣߊߟߑߘߏ߫ ߦߋ߫ ߝߋߎ߫، ߕߏߟߏ߲ ߓߊ߲ ߢߊ ߡߍ߲߸ ߛߋ ߞߵߊ߬ ߞߊߟߌߦߊ߫ ߞߊ߬ ߥߊ߫ ߡߝߊ߬ߟߋ߲߬ߓߏ߲ ߞߣߐ߫.

ߛߍ.ߍߙ.ߛߍߕ ߟߊ߫ ߡߐ߱ ߘߏ߫ ߓߍ߫߸ ߞߏ߫ ߋߘߎ߳ ߊߖߌߙ߸ ߏ߬ ߦߋ߫ ߝߐ߰ߓߍ߬ߦߊ߬ߟߊ ߟߋ߬ ߘߌ߫߸ ߏ߬ ߞߊ߲߫ ߞߏ߫ ߓߌ߬ߟߊ߬ߢߐ߲߰ߠߊ ߞߐ ߘߐ߫߸ ߟߊ߬ߘߍ߬ ߞߟߊߡߊ߲ ߘߏ߫ ߞߍ߫ ߘߊ߫߸ ߙߏߣߊߟߑߘߏ߫߸ ߗ߭ߐߙߖ߭ ߗ߭ߋߛߎ߳߸ ߊ߬ ߣߌ߫ ߔߕߏ߬ߞߌ߬ߟߊ߫ ߞߙߎߝߊ ߞߊ߲ߕߌ߮߸ ߔߋߘߙߏ ߔߙߏߥߍ߲ߞߊ߫، ߟߊ߬ߘߍ ߏ߬ ߘߐ߫߸ ߟߞߊ߬ߙߊ߲߬ߧߊ߬ߟߌ߬ߟߊ ߞߵߊ߬ ߦߌ߬ߘߊ߬ ߘߎ߲߬ߘߎ߬ߡߊ߬ ߓߟߏ ߡߊ߬ ߦߋ߲߬߸ ߞߏ߫ ߊ߬ ߝߟߐ ߦߋ߫ ߡߍ߲ ߘߌ߫ ߡߎߣߎ߲߬߸ ߙߏߣߊߟߑߘߏ߫ ߦߋ߫ ߦߊ߬ߝߴߊ߬ ߡߊ߬، ߓߊߏ߬߸ ߊ߬ ߞߵߊ߬ ߟߐ߬ ߝߊ߬ߘߌ߬ߡߊ߬ߜߊ ߟߊ߫߸ ߊ߬ ߘߏ߲߬ ߡߴߊ߬ ߟߊߘߏ߲߬، ߊ߬ ߝߌߟߊߣߊ߲߫߸ ߊ߬ ߞߍߕߐ߫ ߝߐ߰ߓߍ߬ ߜߙߊ ߡߍ߲ ߞߍ߫ ߟߊ߫߸ ߊ߬ ߘߌ߫ ߦߊ߬ߝߊ ߕߙߊ߫ ߜߍ ߘߐ߫ ߦߋ߲߬ ߥߛߊߞߙߊ߫. ߓߍ߲߬ ߞߍ߫ ߘߊ߫ ߏ߬ ߡߊ߬߸ ߛߋ ߓߊ߱ ߡߊߝߊ߰ ߘߊ߫ ߣߍ߲ߞߍ߫.

ߞߏ߬ߣߌ߲߬߸ ߞߎߡߊ ߘߌߣߍ߲ ߟߞߊ߬ߙߊ߲߬ߧߊ߬ߟߌ߬ߟߊ ߡߊ߬ ߝߐ߰ߓߍ߬ ߜߙߊ ߏ߬ ߘߊߞߎ߲ ߘߐ߫߸ ߊ߬ ߞߵߊ߬ ߦߌ߬ߘߊ߬ ߞߏ߫ ߛߋ ߞߊ߬ ߞߏ߫ ߟߋ߬ ߞߍ߫߸ ߡߍ߲ ߡߊ߫ ߢߌ߲߬، ߓߊߏ߬߸ ߞߏ߫ ߖߘߍ߬ߡߊ߬ߞߟߏ ߡߍ߲ ߞߍ߫ ߘߊ߫ ߞߐ߬ߓߊ߬ߟߏ߲ ߣߌ߫ ߞߐ߬ߟߏ߲߸ ߙߏߣߊߟߑߘߏ߫ ߡߊ߫ ߛߐ߬ߘߐ߲߫ ߏ߬ ߛߌ߫ ߘߐ߫، ߝߣߊ߫߸ ߞߏ߫ ߊ߬ ߞߵߊ߬ ߕߋ߲ߜߋߘߋ߲ߧߊ߫߸ ߞߵߊ߬ ߛߋ߲߬ߓߐ߫ ߖߊ߬ߡߊ ߛߋ߲߬ߘߐ߫. ߞߎߡߊ ߏ߬ ߟߋ ߡߊ߫ ߓߍ߲߬ ߛߋ ߡߊ߬߸ ߊ߬ ߞߵߊ߬ ߖߘߍ߬ߞߊ߬ߣߌ߲߬ ߛߊ߲ߡߊߞߎߟߎ߲ ߡߍ߲ ߦߋ߫ ߡߊߘߙߌߘ߸ ߞߵߏ߬ ߟߊߣߵߊ߬ ߕߊ߬ ߞߊ߲ߡߊ߬߸ ߞߊ߬ ߥߊ߫، ߤߊߟߌ߬ ߣߴߊ߬ ߛߐ߬ߘߐ߲߬ ߘߊ߫ ߞߏ ߗ߭ߋ߬ߛߎ߳ ߕߊ߬ߣߍ߲ ߞߵߊ߬ ߟߊ߫ ߞߙߎߝߊ ߞߊ߲ߕߌ߮ ߞߊ߲߬߸ ߊ߬ߟߎ߫ ߞߵߊ߬ ߕߊ߬ ߛߋ ߡߊߘߌߦߊ ߟߊ߫ ߤߊ߲߯ ߛߊ߲ߡߊߘߊ߲ ߠߊ߫߸ ߞߏ߬ߣߵߊ߬ ߡߊ߫ ߛߐ߲߬ ߊ߬ߟߎ߬ ߟߊߡߍ߲߫ ߠߊ߫.

 ߞߙߌߛߌߦߊߣߏ߫ ߟߊ߫ ߞߎߡߊ ߦߴߊ߬ ߦߌ߬ߘߊ߬ ߟߊ߫ ߟߋ߬߸ ߦߏ߫ ߊ߬ ߖߊ߲߬ߝߊ߬ߣߍ߲߫ ߠߋ߬ ߝߊߦߌߘߊ߫، ߞߊ߬ߕߎ߲߯߸ ߊ߬ ߞߊ߲߫ ߞߏ߫ <<ߣߴߊ߬ ߥߊ߯ߕߌ ߛߋ߫ ߘߊ߫߸ ߒ ߘߌ߫ ߝߌߘߊ ߓߐ߫ ߕߎ߬ߢߡߊ ߢߍߡߊ߬߸ ߞߊ߬ ߢߊߝߐߟߌ߫ ߖߐ߲ߖߐ߲߫ ߞߍ߫ ߔߕߏ߬ߞߌ߬ߟߊ߬ߞߊ ߓߍ߯ ߦߋ߫߸ ߞߎ߲߭ ߡߍ߲ ߣߐ߬ ߒ ߟߐ߬ ߟߊ߫ ߓߐ߫ ߟߊ߫ ߞߍߙߍ߲ߘߊ ߝߍ߬.>>

ߊߟߎ߫ ߦߴߊ߬ ߟߐ߲߫߸ ߞߏ ߡߍ߲ ߞߍߣߍ߲߫ ߛߋ ߟߊ߫ ߣߌ߲߬߸ ߊ߬ ߛߊ߲߬ ߁߈ ߠߋ߬ ߕߍ߬ߘߍ߫ ߣߌ߲߬߸ ߏ߬ ߢߐ߲߰ ߕߎ߲߬ ߡߊ߫ ߞߍ߫ ߊ߬ ߟߊ߫، ߘߏ߫ ߟߎ߫ ߞߏ߬ߣߌ߲ ߦߴߊ߬ ߦߌ߬ߘߊ߬ ߟߊ߫ ߛߊ߫߸ ߞߏ߫ ߛߋ ߛߋ߲߬ߓߐ߬ߣߍ߲߫ ߠߋ߬ ߔߐߙߑߕߎ߳ߜ߭ߊߟ ߕߏ߬ߟߊ߲߬ߕߊ߲ ߘߐ߫ ߏ߬ ߘߌ߫، ߐ߲߸ ߊ߬ ߖߍ߬ߘߍ ߞߏ߬ߣߌ߲ ߡߴߏ߬ ߝߐ߫ ߘߋ߬߸ ߏ߬ ߦߋ߫ ߟߞߊ߬ߟߌ߬ ߞߊ߲߬ߠߊ ߟߎ߫ ߟߋ߬ ߘߌ߫.