ߟߊ߬ߛߋ߬ߟߌ߫ ߟߋ߬ ߞߍߣߍ߲߫ ߂߀߂߆ ߕߎߟߊߝߌ߲ ߕߟߋ߬ ߃߀ ߡߊ߬߸ ߞߊ߬ ߝߘߊ߫ ߓߐ߰ߝߍ ߣߌ߫ ߥߙߎߞߌ߫ ߓߟߏߕߍ߰ߓߊߟߌ ߞߏߕߌ߯ߘߊ ߟߊ߫߸ ߣߴߊ߬ ߞߟߊ߬ߣߐ߬ߦߊ߬ ߘߊ߫ ߞߏߕߌ߮ ߖߍ߬ߘߍ ߓߟߏ߫߸ ߝߊ߬ߛߎ߫ ߕߋ߬ߦߊ߬، ߊ߬ߟߎ߬ ߞߊ߲߫ ߞߏ߫ ߦߙߌ߫ ߕߍ߮ ߟߊߟߐ߬ ߘߊ߫ ߟߋ߬ ߞߵߊ߬ ߟߊߕߐ߲߫߸ ߛߊ߫ ߕߎ ߟߎ߬ ߝߣߊ߫ ߘߴߊ߬ߟߎ߬ ߢߐߢߐ߲߫߸ ߏ߬ ߟߋ ߞߊ߬ ߦߙߌ߫ ߡߊߘߏߣߌ߲ ߓߍ߯ ߓߟߏߞߊ߬.

ߒ߬ߓߊ߬߸ ߏ߬ ߟߋ ߟߊ߬ߕߐ߲߬ߠߌ߲ ߓߐߣߴߊ߬ ߡߊ߬ ߣߌ߲߬߸ ߞߊ߬ ߦߙߌ߫ ߕߍ߮ ߟߊߘߤߊ߬. ߊ߬ ߝߐߣߍ߲߫ ߟߊ߬ߛߋ߬ߟߌ ߣߌ߲߬ ߞߣߐ߫ ߞߏ߫: <<ߦߙߌ ߕߍ߱ ߣߴߊ߬ ߡߊߘߏ߬ߣߌ߲ ߕߎ߲߬ ߓߘߊ߫ ߟߊߕߐ߲߫߸ ߒ߬ߓߊ߬ ߏ߬ ߟߊ߬ߕߐ߲߬ߠߌ߲ ߓߘߊ߫ ߟߊߥߟߌ߬ ߞߵߊ߬ ߘߊߡߌ߬ߣߊ߬ ߞߏ߲ߓߌߕߌ߮ ߕߟߋ߬ ߁߭ ߢߌ߲߬ ߡߊ߬߸ ߖߡߊ߬ߣߊ ߝߊ߲߭ ߓߍ߯ ߟߊߘߍ߬ߣߍ߲ ߘߐ߫.>>

ߞߊ߬ߦߌ߯ ߂-߂߆ ߞߊ߬ߙߌ߬ߝߐ ߕߟߋ߬ ߈ ߠߋ߬ ߡߊ߬߸ ߕߎ߫ ߕߍ߮ ߣߌ߫ ߦߙߌ߫ ߡߊߘߏ߲ߠߌ߲ ߓߍ߯ ߟߊߕߐ߲߫ ߘߊ߫߸ ߞߏ߫ ߝߏ߫ ߞߵߊ߬ ߛߌ߰ ߂߀߂߆ ߕߎߟߊߝߌ߲ ߕߟߋ߬ ߃߀ ߟߊ߫߸ ߦߏ߫ ߂߀߂߇ ߞߏߟߌ߲ߞߏߟߌ߲ ߁߂ ߕߎ ߛߊ߬ߙߌ߬ߦߊ߬ߛߎ߲ ߞߵߊ߬ ߝߐ߫ ߢߊ ߡߍ߲ ߡߊ߬ ߛ/߂߀߁߇/߀߆߀/ߓߐ߰ߝ.

ߞߏ߬ߣߌ߲߬߸ ߞߏߕߌ߯ߘߊ ߞߵߊ߬ ߦߌ߬ߘߊ߬ ߞߏ߫ ߦߙߌ߫ ߕߍ߮ ߟߊߓߌ߬ߟߊ ߣߌ߲߬ ߞߘߐ߫ ߕߍ߫ ߘߋ߬ ߞߏ߫ ߡߍ߲ ߓߊ߯ ߡߍ߲ ߘߌߦߊ߫߸ ߏ߬ ߦߴߏ߬ ߞߍ߫، ߕߐ߲ ߠߋ߬ ߛߌ߰ߣߴߊ߬ ߟߊ߫ ߜߘߋߜߘߋ߫߸ <<ߟߊ߬ߟߐ߲߬ߠߌ߲ ߟߊߥߌ߬ߟߌ ߞߘߐ߫ ߕߍ߫ ߞߏ߫ ߓߍ߯ ߦߴߌ ߛߊ߬ߥߏ߬ ߘߐ߫ ߘߋ߬>> ߏ߬ ߝߐ߫ ߘߊ߫ ߛߓߍ߫ ߞߋߟߋ߲ ߢߌ߲߬ ߞߣߐ߫.

ߞߏ߫ ߡߐ߰ ߟߎ߫ ߟߋ߬ ߦߙߌ߫ ߕߍ߮ ߣߌ߲߬ ߞߍ߫ ߟߊ߫߸ ߛߓߍ ߦߋ߫ ߡߍ߲ ߠߎ߬ ߓߟߏ߫ ߞߏ߫ ߊ߬ߟߎ߬ ߣߴߊ߬ ߞߊ߫ ߞߊ߲߫߸ ߓߊ߯ߙߊ߫ ߔߊߔߘߊ ߦߴߊ߬ߟߎ߬ ߓߟߏ߫߸ ߓߐ߰ߝߍ ߞߎ߲߬ߘߏ߬ߣߌ߲߬ ߛߓߍߞߝߊ ߝߣߊ߫ ߞߟߊ߬ߣߐ߬ߦߊ߬ߣߍ߲ ߦߴߊ߬ߟߎ߬ ߓߟߏ߫، ߞߏ߫ ߦߙߌ߫ ߕߍ߮ ߓߍ߯ ߡߊ߬ߞߏ ߦߋ߫ ߛߊ߬ߙߌ߬ߦߊ ߟߋ߬ ߟߊ߫߸ ߝߏ߫ ߏ߬ ߟߋ ߘߌ߬ߢߍ߬߸ ߘߌ߬ߢߍ߬ߛߓߍ ߟߋ߬ ߜߎ ߦߋ߫ ߞߴߌ ߓߟߏ߫.

ߊ߬ߟߎ߫ ߞߵߊ߬ ߝߐ߫ ߞߵߊ߬ ߟߴߊ߬ ߞߊ߲߬߸ ߞߏ߫ ߡߍ߲ ߠߎ߬ ߦߋ߫ ߦߙߌ ߡߊߘߏ߬ߣߌ߲߬ ߠߊ߫߸ ߝߏ߫ ߛߓߍ߫ ߟߋ߬ ߞߍ߫ ߏ߬ ߟߎ߬ ߓߟߏ߫߸ ߡߍ߲ ߦߴߊ߬ߟߎ߫ ߟߐ߬ ߟߴߏ߬ ߟߊ߫߸ ߞߵߏ߬ ߟߊ߫ ߦߙߌ߫ ߕߌ߮ ߟߎ߫ ߞߊ߲߬، ߣߴߌ ߘߏ߲߬ ߦߋ߫ ߦߙߌ ߕߍ߰ ߟߊ߫߸ ߊ߬ ߕߍ߫ ߘߋ߬ ߞߏ߫ ߌ ߓߊ߯ ߓߌ߫ ߒߞߘߐ߫߸ ߦߙߌ ߛߎ߯ߦߊ ߡߍ߲ ߓߴߌ ߘߌߦߊ߫߸ ߌ ߦߋ߫ ߥߴߏ߬ ߕߍ߰، ߦߙߌ ߓߙߍ߬ߦߊ ߘߏ߫ ߟߋ߬ ߘߌ߫ ߟߊ߫ ߓߍ߯ ߡߊ߬߸ ߌ ߣߌ߫ ߡߍ߲ ߕߍ߰ߟߌ ߞߊ߫ ߞߊ߲߫߸ ߛߊ߫ ߕߎ ߞߊߣߊ߬ ߘߐߕߌߢߍ߫ ߢߊ ߡߍ߲ ߡߊ߬، ߕߎ߫ ߟߊߕߊ߲߬ߞߊ߬ߣߍ߲ ߡߍ߲ ߠߎ߬ ߝߣߊ߫ ߦߋ߲߬߸ ߊ߬ ߝߐ ߕߋ߲߬ ߞߏ߫ ߕߐ߲ ߓߘߊ߫ ߓߐ߫ ߣߍ߬ߘߍ ߟߊ߫߸ ߡߐ߰ ߞߊߣߊ߬ ߛߋ߫ ߦߙߌ߫ ߕߍ߯ ߟߊ߫ ߦߙߐ߫ ߟߊߕߊ߲߬ߞߊ߬ߣߍ߲ ߏ߬ ߟߎ߬ ߘߐ߫ ߘߋ߬߸ ߝߏ߫ ߖߡߊ߬ߙߌ߬ߛߓߍ߬ ߓߟߏߡߊߞߊ߬ߣߍ߲ ߠߋ߬ ߓߊ߯ ߘߴߌ ߡߊ߬ ߦߋ߲߬ ߠߎ߬ ߕߊ ߘߐ߫.

ߦߙߌ߫ ߝߏߦߌ߬ ߕߍ߰ ߟߊ߫߸ ߊ߬ ߝߐߣߍ߲߫ ߛߓߍ ߣߌ߲߬ ߞߣߐ߫ ߞߏ߫ ߝߏ߫ ߊ߬ ߓߍ߯ ߓߐ߫ ߦߙߐ ߦߋ߫ ߟߐ߲߫߸ ߞߵߊ߬ ߕߍ߰ߓߊ߮ ߟߐ߲߫߸ ߞߊ߬ ߦߙߌ߫ ߕߍ߰ߣߍ߲ ߓߙߍ߬ߦߊ ߟߐ߲߫߸ ߊ߬ ߥߊߕߐ߫ ߦߙߐ ߡߍ߲ ߘߐ߫ ߞߵߏ߬ ߟߐ߲߫، ߕߎ ߟߊߞߊ߲ߘߊ ߡߐ߱ ߡߍ߲ ߠߎ߬ ߦߋ߫ ߦߙߐ ߟߎ߬ ߘߐ߫߸ ߏ߬ ߟߎ߫ ߟߋ߬ ߘߐ߱ߘߏ߲߬ߣߍ߲߫ ߏ߬ ߞߏ ߢߊߢߌߣߌ߲ ߠߊ߫.

ߞߏ߫ ߡߐ߰ ߛߌ߫ ߡߊ߫ ߛߊ߬ߙߌ߬ߦߊ ߏ߬ ߡߊߓߏ߲߬ߧߊ߬߸ ߏ߬ ߘߌ߫ ߓߌ߲߬ߓߊ߬ߥߏ߬، ߊ߬ ߟߊ߫ ߦߙߌ ߘߌ߫ ߛߋ߫ ߡߌ߬ߣߊ߬ ߟߊ߫߸ ߊ߬ ߦߋ߫ ߞߊ߲ߓߋ߲ ߡߍ߲ ߞߣߐ߫߸ ߏ߬ ߘߌ߫ ߛߋ߫ ߡߌ߬ߣߊ߬ ߟߊ߫߸ ߔߏߔߏ ߓߊ߬߸ ߦߙߌ߫ ߕߍ߯߸ ߕߙߏߞߏ ߓߊ߬߸ ߊ߬ ߣߌ߫ ߓߊ߯ߊ߫ ߡߎߙߊ߲߫ ߝߏߦߌ߬ ߣߴߊ߬ ߟߊߓߊ߯ߙߊ߫ ߘߊ߫ ߦߙߌ߫ ߕߍ߮ ߛߊ߬ߙߌ߬ߦߊ߬ ߛߐ߬ߛߐ߬ߟߊ߬ߡߊ ߘߐ߫߸ ߏ߬ ߓߍ߯ ߘߌ߫ ߛߋ߫ ߡߌ߬ߣߊ߬ ߟߊ߫.