ߞߎߣߎ߲߬ ߂߀߂߆ ߞߏ߲ߓߌߕߌ߮ ߕߟߋ߬ ߆ ߡߊ߬߸ ߡߊ߬ߟߌ ߣߊ߲߬ߕߌ߮ ߟߎ߫ ߞߊ߬ ߞߌ߬ߘߊߟ ߓߌ߬ߟߴߊ߬ߟߎ߬ ߕߊ߫ ߓߟߏ߫ ߞߊ߲߬߸ ߦߋ߲߬ ߡߍ߲ ߦߋ߫ ߡߊ߬ߟߌ ߞߐ߰ߘߎ߰ ߟߊ߬ ߝߊ߲ ߛߏߓߊ ߘߌ߫، ߡߊ߬ߟߌ ߣߊ߲߬ߕߌ߮ ߟߎ߬ ߣߌ߫ ߙߎ߬ߛߌ߫ ߣߊ߲߬ߕߌ߮ ߟߎ߬ ߥߊ߯ߕߌ߫ ߦߙߌߞߊ ߟߋ߬ ߕߍ߬ߘߍ߫ ߣߌ߲߬߸ ߊ߬ߟߎ߬ ߦߋ߫ ߊߖ߭ߥߊߘ ߞߊ߲ߠߊߓߌߟߊ߫ ߞߟߊߘߊ ߗߍ߬ߘߋ߲ ߠߎ߬ ߡߊߓߏ߲ ߣߴߊ߬ߟߎ߬ ߡߊߥߊ߬ߟߏ߲ ߞߊ߲߬߸ ߝߏ߫ ߊ߬ߟߎ߬ ߓߘߊ߫ ߘߌߦߊߜߏߦߊ߫ ߞߟߊ߫ ߞߘߐߞߊ ߟߊ߫ ߡߎ߬ߕߎ߲߬߸ ߞߊ߬ ߦߋ߲߬ ߓߌ߬ߟߊ߬ ߘߏߦߌ߲߫.

ߊߟߎ߫ ߦߴߊ߬ ߟߐ߲߫߸ ߡߊ߬ߟߌ ߣߊ߲߬ߕߌ߰ ߝߊ߲ߞߊ ߦߋ߫ ߡߊߘߍ߬ߡߍ߲߬ ߠߊ߫ ߙߎ߬ߛߌ߫ ߣߊ߲߬ߕߌ߰ ߓߏߟߏ߲ ߘߏ߫ ߟߋ߬ ߓߟߏ߫߸ ߊ߰ ߝߐ߫ ߟߊ߫ ߡߍ߲ ߡߊ߬ ߞߏ߫ ߊߝߙߌߞߊ߫ ߞߐߙ، ߒ߬ߓߊ߬߸ ߏ߬ ߟߎ߬ ߟߊߘߍ߬ߣߍ ߣߐ߬ ߥߊ߬ߟߏ߲߬ߠߌ߲߬ ߛߌߦߊߡߊ߲߫ ߠߋ߬ ߞߍ߫ ߟߊ߫ ߞߎ߲߬ߢߐ߲߰ ߟߊ߬ߓߊ߲ ߣߌ߲߬ ߞߣߐ߫߸ ߛߊ߲ ߡߊ߬ ߓߊ߬߸ ߘߎ߱ ߡߊ߬ ߓߊ߬߸ ߊ߬ߟߎ߫ ߞߵߊ߬ ߓߍ߯ ߟߋ߬ ߘߐߞߟߦߊ߫߸ ߝߏ߫ ߡߙߊ߬ߒ߬ߡߊ߬ߝߋ߲߬ߕߌ߮ ߡߍ߲ ߠߎ߬ ߕߍ߬ߘߍ߫ ߡߊ߲߬ߞߊ߲ ߠߊ߫ ߞߌ߬ߘߊߟ߸ ߏ߬ ߟߎ߬ ߓߘߊ߫ ߛߌߟߊ߲߫ ߞߵߊ߬ߟߎ߬ ߞߘߐߞߊ߬ ߘߏߦߌ߫.

ߞߎߣߎ߲߬ ߞߐ߬ߟߏ߲߸ ߊߖ߭ߥߊߘ ߞߊ߲ߠߊߓߌߟߊ߫ ߞߟߊߘߊ ߣߐ߬ ߊ߬ ߦߋ߫ ߟߊ߸ ߊ߬ ߓߘߊ߫ ߞߟߊߦߊ߫ ߊ߬ߟߎ߬ ߞߐ߫߸ ߊ߬ߟߎ߬ ߓߐ߫ ߘߊ߫ ߞߵߊ߬ ߟߊߛߋ߫ ߞߏ߫ ߊ߬ߟߎ߬ ߦߴߊ߬ ߝߍ߬ ߞߊ߬ ߞߟߊߞߘߐߞߊ ߞߍ߫ ߡߎߣߎ߲߬ ߞߵߊ߬ߟߎ߬ ߞߕߐߙߐ߲ߘߓߐ߫، ߊ߬ߟߎ߫ ߞߵߊ߬ ߝߐ߫ ߞߏ߫ ߣߴߌ ߞߵߊ߬ߟߎ߬ ߥߊߕߐ ߦߋ߫߸ ߡߊ߬ߟߌ ߣߊ߲߬ߕߌ߮ ߟߎ߬ ߣߴߊ߬ߟߎ߫ ߘߍ߬ߒ߬ߞߏ߬ߡߊ߬ߢߐ߲߯ ߙߎ߬ߛߌ߬ߞߊ ߟߎ߬ ߓߘߴߊ߬ߟߎ߫ ߡߌ߬ߣߴߊ߬ߟߎ߬ ߞߊ߲ ߡߊ߬ ߟߋ߬߸ ߞߊ߬ ߥߊ߬ߟߏ߲߬ߠߌ߲ ߝߊ߲߬ߞߊߘߏ߲߬ ߞߏߛߓߍ߫، ߊ߬ߟߎ߫ ߞߵߊ߬ ߝߐ߫ ߞߵߊ߬ ߟߴߊ߬ ߞߊ߲߬߸ ߞߏ߫ ߊ߬ߟߎ߬ ߣߌ߫ ߡߐ߰ ߡߴߊ߬ߟߎ߫ ߟߐ߬ ߞߊ߬ ߡߎ߯ ߝߏߘߏ߲߫ ߞߍ߫ ߢߐ߲߯ ߠߊ߫߸ ߞߏ߫ ߊߟߎ ߖߍ߬ߘߍ ߟߋ߬ ߦߴߊ߬ ߝߍ߬ ߞߵߊ߬ߟߎ߬ ߞߘߐߞߊ߬ ߘߐߙߐ߲߫، ߣߴߏ߬ ߕߍ߫߸ ߞߏ߫ ߞߎ߲߬ߠߊ߬ߛߌ߮ ߟߊ߫ ߣߊ߲߬ߕߌ߮ ߡߍ߲ ߠߎ߬ ߘߏ߲߬ ߘߊ߫ ߞߌ߬ߘߊߟ߸ ߊ߬ߟߎ߬ ߣߴߏ߬ ߟߎ߬ ߡߊ߫ ߞߟߍ߬ ߞߍ߫.

ߙߋ߳ߎ߳ߕߍ߳ߙ ߝߐ߰ߓߍ߬ߘߊ ߟߊ߫ ߝߐߟߌ߫ ߘߐ߫߸ ߞߏ߫ ߦߊ߬ߣߌ߫ ߊߖ߭ߥߊߘ ߡߐ߱ ߢߌ߲߬ ߠߎ߬ ߦߋ߫ ߥߊ߫߸ ߡߎ߯ ߝߏߘߏ߲ ߖߍ߬ߞߍߖߍ߬ߘߍ ߟߋ߬ ߞߍ߫ ߘߊ߫ ߞߌ߬ߘߊߟ ߟߊߡߌߣߌ߲ ߘߐ߫ ߡߎߣߎ߲߬، ߊߣߊߘߏߟߎ ߝߣߊ߫ ߞߵߏ߬ ߢߐ߲߰ ߠߋ߬ ߝߐ߫߸ ߞߏ߫ ߞߌ߬ߘߊߟ ߟߊߡߌߣߌ߲߫ ߘߎ߮ ߛߌߦߊߡߊ߲߫ ߠߋ߬ ߦߋ߲߬߸ ߡߎ߮ ߖߍ߬ߘߍߖߍ߬ߘߍ ߟߊߥߟߌ߬ ߘߊ߫ ߦߙߐ ߡߍ߲ ߠߎ߬ ߘߐ߫ ߊ߬ ߢߊ ߡߊ߬߸ ߏ߬ ߟߋ ߞߐ ߞߍ߫ ߘߊ߫ ߣߊ߲߬ߕߌ߮ ߟߎ߫ ߘߏ߲߭ ߘߌ߫ ߛߏ ߞߣߐ߫.

ߞߌ߬ߘߊߟ ߕߊ߭ ߡߍ߲ ߣߌ߲߬ ߞߏߞߎߘߊ߫߸ ߏ߬ ߦߋ߫ ߡߊ߬ߟߌ ߞߊ߲ߕߌ߮ ߊߛߡߌ߫ ߜ߭ߏ߬ߦߌ߬ߕߊ߬ ߣߴߊ߬ ߟߊ߫ ߖߊ߬ߡߊ ߓߟߏ߫ ߛߎߘߊ߲߫ ߞߏߓߊ߫ ߟߋ߬ ߘߌ߫، ߞߊ߬ߕߎ߲߯߸ ߞߏ߲ߞߏߘߓߌ߫ ߕߊ߬ߡߌ߲߬ߣߍ߲ ߠߊ߫߸ ߓߊ߰ߓߊ߰ߟߌ߬ߟߊ ߟߎ߬ ߣߌ߫ ߊߖ߭ߥߊߘ ߞߵߊ߬ߟߎ߬ ߓߟߏ߫ ߘߌ߫ ߢߐ߲߮ ߡߊ߬ ߞߊ߬ ߣߊ߬ ߞߍ߬ߟߍ ߓߋ߬߸ ߊ߬ߟߎ߫ ߞߊ߬ ߞߌ߬ߘߊߟ ߕߊ߬ ߏ߬ ߕߎ߬ߡߊ ߟߋ߬ ߟߊ߫، ߤߊߟߌ߬ ߣߴߊ߬ ߛߐ߬ߘߐ߲߬ ߘߊ߫ ߞߏ߫ ߞߎ߲߬ߠߊ߬ߛߌ߮ ߡߊ߫ ߛߐ߲߬ ߏ߬ ߟߊߟߐ߬ ߟߊ߫.

ߞߌ߬ߘߊߟ ߕߎ߲߬ ߓߘߊ߫ ߓߐ߫ ߡߊ߬ߟߌ ߣߊ߲߬ߕߌ߮ ߟߎ߬ ߕߊ߫ ߓߟߏ ߡߊ߬ ߞߘߐ߬ߡߊ߲߬߸ ߊ߬ߟߎ߫ ߞߵߊ߬ ߡߌ߬ߣߊ߬ ߂߀߂߃ ߟߋ߬ ߟߊ߫، ߒ߬ߓߊ߬߸ ߊ߬ ߡߌ߬ߣߊ ߞߐ ߣߌ߲߬ ߝߣߊ߫ ߘߐ߫߸ ߊ߬ߟߎ߬ ߓߍߣߵߊ߬ߟߎ ߟߊ߫ ߝߊ߰ߡߊ ߟߎ߬ ߟߊߛߊ߬ߦߌ߲߫ ߊ߬ߟߎ߫ ߣߐ߭ ߘߐ߫ ߦߋ߲߬ ߠߎ߬ ߘߐ߫ ߡߎ߬ߕߎ߲߬.