ߊ߬ ߕߟߋ߬ ߦߙߌߞߊ ߟߋ߬ ߕߋ߲߬߸ ߞߊ߲ߞߊ߲߫ ߓߊ߬ߕߏ߲߬ߓߊ ߘߊߞߘߐߟߊ ߛߌߟߊ ߕߍ߰ߣߍ߲߫، ߊ߬ ߕߘߍ ߓߍ߯ ߢߣߊ߫ ߞߏ߫ ߊ߬ ߟߊߥߟߌ߬ߣߍ߲߬ ߦߙߐ ߘߐߓߍ߲߭ ߠߋ߬ ߡߊ߬߸ ߞߊ߬ ߖߡߊ߬ߣߊ ߟߊ߫ ߖߘߍ߬ߕߌ߰ߦߊ߬ ߛߊߟߌ ߢߍߛߌ߰، ߝߌ߬ߘߊ ߏ߬ ߟߋ ߕߊ߬ߡߌ߲ ߞߐߝߍ߬ ߣߌ߲߬ ߛߊ߫߸ ߊ߬ ߥߊ߫ ߦߋ߫ ߞߏ߫ ߞߏ߫ ߜߘߍ߫ ߦߴߏ߬ ߞߏ ߞߘߐ߫߸ ߡߍ߲ ߣߌ߫ ߦߙߐ߫ ߟߊߗߋ߲߯ߧߊ ߕߍ߫ ߞߋߟߋ߲߫ ߘߌ߫، ߓߊߏ߬߸ ߞߏ߲߫ ߕߎ߲߬ ߕߍ߫ ߦߙߐ ߡߍ߲ ߠߎ߬ ߟߊ߫߸ ߘߊ ߓߘߊ߫ ߓߌ߬ߟߊ߫ ߦߋ߲߬ ߠߎ߬ ߟߊ߫߸ ߞߊ߬ ߦߙߐ ߡߊߛߐ߬ߘߐ߲ ߞߍ߫ ߓߊ߲߬ߓߊ߬ ߓߏ߬ ߟߊ߬ߦߟߍ ߘߌ߫، ߏ߬ ߟߋ ߞߏ ߓߘߊ߫ ߞߍ߫ ߘߎ߰ߘߋ߲ ߠߎ߬ ߕߙߐ߫ ߞߏ ߘߌ߫، ߌߞߏߡߌ߲߬ ߊ߬ ߞߏ ߦߋ߫ ߡߙߊ߬ߘߊߓߊ ߟߋ߬ ߟߊ߫ ߞߎ߲߬ߠߊ߫߸ ߊ߲ ߞߊ߬ ߛߟߊߕߌ߯ ߡߙߊ߬ߓߊ߮ ߞߟߌ߫߸ ߊ߬ߟߋ ߡߍ߲ ߦߋ߫ ߗߋߦߊߟߌ ߘߐ߫ ߞߐߣߊߞߙߌ߫ ߕߋ߲߬.

ߝߊߙߌ߲߫ ߡߏ߬ߤߊ߬ߡߍ߬ߘ ߢߊ߲ߜ߭ ߞߵߊ߬ ߦߌ߬ߘߴߊ߲ ߠߊ߫ ߞߏ߫ ߞߏ߫ ߦߙߐ ߘߐߓߍ߲߭ ߞߊ߬ ߞߏ߲ ߓߌ߬ߟߴߊ߬ ߦߙߐ ߘߏ߫ ߟߎ߫ ߟߊ߫߸ ߏ߬ ߟߊߥߟߌ߬ߣߍ߲߫ ߦߋ߲߬ ߠߊߞߊ߲ߘߊ ߣߴߊ߬ ߟߊߗߋ߲߰ߧߊ ߟߋ߬ ߘߐߙߐ߲߫ ߡߊ߬.

ߊ߬ ߞߵߊ߬ ߝߐ߫ ߏ߬ ߟߋ ߘߐ߫ ߞߏ߫: <<ߊ߬ ߟߊߥߟߌ߬ߣߍ߲߫ ߦߙߐ ߟߊߗߋ߲߰ߧߊ ߟߋ߬ ߡߊ߬߸ ߖߐ߲߰ߛߊ߫ ߡߐ߱ ߟߎ߬ ߘߌ߫ ߛߋ߫ ߖߌ߬ߦߊ߬ߓߍ߫ ߗߋ߲߱߭ ߠߎ߫ ߕߊ߬ ߟߊ߫ ߦߋ߲߬ ߢߊ ߡߍ߲ ߡߊ߬، ߞߏ߬ߣߌ߲߬߸ ߊ߬ ߡߊ߫ ߟߊߥߟߌ߬ ߥߊߘߌ߫ ߡߊߕߍ߯ ߞߊ߲ߡߊ߬ ߘߋ߬، ߊ߬ ߟߊߥߟߌ߬ ߞߎ߲ ߘߏ߫ ߟߋ߬ ߝߣߊ߫ ߦߋ߫߸ ߛߊ߫ ߓߌߦߊ߲ ߠߎ߬ ߞߊߣߊ߬ ߦߋ߲߬ ߞߍ߫ ߊ߬ߟߎ߬ ߥߊ߫ ߦߙߐ ߘߌ߫ ߢߊ ߡߍ߲ ߡߊ߬߸ ߞߏ߲ ߓߌ߬ߟߊ߬ ߞߎ߲ ߠߴߊ߬ ߟߊ߫ ߏ߬ ߘߌ߫.>> ߡߙߊ߬ߓߊ߮ ߞߵߏ߬ ߦߌ߬ߘߊ߬، ߞߵߊ߬ ߟߴߊ߬ ߞߊ߲߬ ߞߏ߫ ߊ߬ ߟߊߥߟߌ߬ߣߴߊ߬ ߓߟߏ߫ ߟߋ߬߸ ߛߊ߫ ߛߋ߰ߘߎ߬ ߝߎߙߋ ߟߎ߬ ߛߟߐߡߌ߲ ߘߌ߫ ߖߊ߲߬ߛߊ߬ߟߌ߬ ߢߌߡߊ߫ ߛߐ߬ߘߐ߲߬.