ߞߊ߲ߞߊ߲߫: ߥߙߏ߬ ߔߢߊ ߓߘߊ߫ ߓߐ߫ ߥߊ߯ ߆߀߀ ߘߐ߫ ߞߊ߬ ߛߋ߫ ߞߋ߲߬ߥߟߎ߫ ߂،߂߅߀ ߘߐ߫߸ ߊ߬ ߞߏ ߓߘߊ߫ ߛߋ߫ ߞߣߐ߬ߘߐ߬ߝߟߌ ߡߊ߬

ߥߏ߬ߙߏ ߛߐ߲߬ߞߐ ߓߘߊ߫ ߦߟߍ߬ ߞߊ߲ߞߊ߲߫ ߥߙߏ߬ ߝߙߋ߬ ߦߙߐ ߟߎ߬ ߘߐ߫ ߕߋ߲߬ ߞߏߛߓߍ߫، ߞߊ߬ߕߎ߲߯߸ ߥߙߏ߬ ߔߢߊ ߦߋ߫ ߞߌߘߊ߫ ߅߀ ߡߍ߲ ߘߌ߫߸ ߏ߬ ߕߍ߬ߘߍ߫߫ ߝߙߋ߬ ߟߊ߫ ߖߕ ߆߀߀ ߀߀߀ ߟߋ߬ ߟߊ߫߸ ߓߌ߭ߓߌ߭ ߣߌ߲߬ ߘߐ߫߸ ߏ߬ ߛߐ߲߬ߞߐ ߓߘߊ߫ ߦߍ߬ߟߍ߫ ߞߊ߬ ߛߌ߫ ߂ ߂߅߀ ߀߀߀ ߘߐ߫، ߛߐ߲߬ߞߐ߬ ߦߟߍ ߏ߬ ߓߘߊ߫ ߞߍ߫ ߥߙߏ߬ ߘߛߊ߬ߓߐ߬ߟߊ ߟߎ߫ ߞߣߐ߬ߘߐ߬ߝߟߌ߬ ߞߏ ߘߌ߫߸ ߊ߬ߟߎ߬ ߦߋ߫ ߦߴߏ߬ ߡߍ߲ ߕߐ߬ߣߐ߫ ߛߐ߬ߘߐ߲߬ߣߍ߲ ߠߎ߬ ߞߍ߫ ߟߊ߫ ߞߊ߬ ߟߎ ߡߎ߬ߛߊ߬ߞߊ ߟߎ߬ ߢߊߓߐ߫ ߏ߬ ߘߐ߫.

ߊ߲ ߛߋ߫ ߘߊ߫ ߘߓߌߘߊ ߟߐ߯ߝߍ ߣߌ߫ ߥߙߏ߬ ߡߜ߭ߊߖ߭ߍ߲ ߠߊ߫ ߞߊ߯ߙߌ ߣߌ߲߬ ߡߊ߬ ߂߀߂߆ ߞߏ߲ߓߌߕߌ߮ ߕߟߋ߬ ߁߁ ߡߊ߬߸ ߛߊ߬ߟߋߡߊߕߎ߬ ߕߙߊߥߟߋ߫ ߞߎߡߊ߫ ߘߴߊ߲ ߠߊ߫ ߓߘߎ ߟߊ߫߸ ߊ߬ߟߋ ߦߋ߫ ߥߙߏ߬ ߛߙߊ߬ߓߐ߬ߟߊ ߟߋ߬ ߘߌ߫߸ ߞߵߊ߬ ߦߌ߬ߘߊ߬ ߞߏ߫ ߜߟߍ߬ߦߊ ߦߴߊ߬ߟߎ߫ ߞߊ߲߬ ߓߌ߬ ߞߏߛߓߍ߫.

<<ߊ߲ߠߎ߬ ߕߍ߬ߘߍ߫ ߥߏ߬ߙߏ ߛߊ߲߬ ߠߊ߫ ߖߕ ߆߀߀ ߀߀߀ ߟߋ߬ ߟߊߊ߫߸ ߞߌߘߊ߫ ߅߀߀ ߓߘߐ، ߞߏ߬ߣߌ߲߬ ߓߌ߬߸ ߊ߲ ߧߴߊ߬ ߕߊ߬ ߟߊ߫ ߖߕ ߂ ߂߅߀ ߀߀߀ ߟߋ߬ ߟߊ߫، ߥߏ߬ߙߏ ߢߌ߲߬ ߠߎ߬ ߦߋ߫ ߓߏ߫ ߟߊ߫ ߜߞߋߘߎ߯ ߟߋ߬߸ ߊ߬ ߣߌ߫ ߒߛߙߍߜߘߍ߬، ߝߟߐ߫ ߕߘߍ߬߸ ߊ߲ ߕߎ߲߬ ߓߴߊ߬ ߛߊ߲߬߸ ߞߊ߬ ߡߊ߬ߘߏ߬ߣߌ߲߬ߠߌ߲߬ ߛߙߊ ߟߎ߬ ߓߐ߫ ߊ߬ ߘߐ߫߸ ߊ߲ ߘߴߊ߬ ߞߌߘߊ ߝߙߋ߬ ߖߕ ߂߅ ߀߀߀ ߟߊ߫، ߞߏ߬ߣߌ߲߬ ߓߌ߬߸ ߊ߬ ߕߍ߰ ߘߊ ߞߊ߫ ߛߌߦߊ߫ ߖߕ ߄߅ ߀߀߀ ߘߌ߫߸ ߞߌߘߊ߫ ߞߋߟߋ߲، ߌ ߓߊ߯ ߡߊ߬ߘߏ߬ߣߌ߲߬ߠߌ߲߬ ߛߙߊ ߟߊ߫ ߏ߬ ߘߟߊ߫߸ ߊ߬ ߣߌ߫ ߖߐ߰ߣߍ߬ߦߊ߬ߟߌ߬ ߡߌߛߍ߲ ߕߐ߭ ߟߎ߬߸ ߊ߲ ߘߌ߫ ߘߌߦߊߜߏߦߴߊ߬ ߝߋ߬ߙߋ ߟߊ߫ ߖߕ ߅߀ ߀߀߀ ߤߊ߲߯ ߅߅ ߀߀߀ ߢߐ߲߰߸ ߛߴߊ߲ ߘߌ߫ ߘߏߣߍ߲߫ ߛߐ߬ߘߐ߲߬.>> ߊ߬ ߞߵߏ߬ ߢߊߝߐ߫.

ߥߏ߬ߙߏ ߛߐ߲߬ߞߐ ߟߊ߫ ߦߍ߬ߟߍ ߡߍ߲ ߦߋ߫ ߣߌ߲߬߸ ߊ߲ ߓߘߊ߫ ߟߊ߲߬ߘߊ ߡߍ߲ ߠߎ߬ ߕߍ߫ ߥߊ߫ ߟߊ߫ ߥߏ߬ߙߏ ߞߐ߫߸ ߊ߬ ߣߐ߭ ߘߌ߫ ߛߋ߫ ߟߊ߫ ߟߊ߫ ߏ߬ ߟߎ߬ ߓߍ߯ ߞߊ߲߬، ߓߊߏ߬߸ ߥߏ߬ߙߏ ߦߋ߫ ߡߊ߲߬ߘߋ߲߬ ߝߋ߲߫ ߡߐ߬ߟߐ߲߬ߡߊ߬ߓߊ߫ ߟߋ߬ ߘߌ߫߸ ߡߍ߲ ߟߐ߬ߘߎ߮ ߣߴߊ߬ ߕߐ߬ߣߐ ߓߏ߲߬ߓߊ߬ ߞߏߛߓߍ߫.

ߛߊ߬ߟߋߡߊߕߎ߬ ߕߙߊߥߟߋ߫ ߞߵߊ߬ ߝߐ߫ ߏ߬ ߟߋ ߘߐ߫ ߞߏ߫: <<ߡߛߏ߬ ߝߘߎ߬ߟߊ ߟߎ߫ ߖߍ߬ߘߍ ߓߍ߫ ߢߌߣߌ߲߫ ߞߊ߬ ߛߌߟߊ߫ ߥߏ߬ߙߏ ߢߍ߫، ߊ߬ ߘߏ߲߬߸ ߊ߲ ߓߘߊ ߓߏ߲߬ߧߊ߬ ߞߏ߫ ߛߌ߫ ߕߍ߫ ߛߋ߫ ߥߊ߫ ߟߊ߫ ߥߏ߬ߙߏ ߞߐ߫، ߤߊߟߌ߬ ߣߌ߫ ߥߊߘߌ ߦߴߌ ߓߟߏ߫߸ ߝߏ߫ ߥߏ߬ߙߏ ߟߋ߬ ߟߴߊ߬ ߞߊ߲߬ ߕߡߘߋ߫، ߐ߲߸ ߥߏ߬ߙߏ ߘߏ߲߬ ߛߐ߲߬ߞߐ ߓߘߊ߫ ߜߟߍ߬ߦߊ߬، ߏ߬ ߟߋ ߞߏߛߐ߲߬߸ ߣߌ߫ ߗߍ߭ ߡߍ߲ ߞߊ߬ ߝߘߎ ߞߍ߫ ߥߏ߬ߙߏ ߘߐ߫ ߓߌ߬߸ ߏ߬ ߓߘߊ߫ ߗߍ߬ߦߊ ߞߍ߫ ߝߛߊߦߌ߫.>> ߛߊ߬ߟߋߡߊߕߎ߬ ߞߵߏ߬ ߦߌ߬ߘߊ߬.

ߝߊ߲ߕߊ߬ ߞߋߕߊ߬ ߝߣߊ߫ ߦߋ߫ ߥߙߏ߬ ߖߎߟߊ ߟߋ߬ ߘߌ߫ ߘߓߌߘߊ ߦߙߐ߫ ߞߋߟߋ߲ ߏ߬ ߘߐ߫ ߦߋ߲߬߸ ߏ߬ ߞߵߊ߬ ߦߌ߬ߘߊ߬ ߞߏ߫ ߊ߬ߟߋ ߤߊߡߌ߲ߣߍ߲߫ ߠߋ߬߸ ߥߏ߬ߙߏ ߛߐ߲߬ߞߐ ߟߊ߫ ߜߟߍ߬ߦߊ ߞߊߣߊ߬ ߥߏ߬ߙߏ ߡߊߛߌ߬߸ ߞߵߊ߬ߟߎ߬ ߝߣߊ߫ ߡߎ߬ߛߞߊ߬ߣߍ߲ ߠߎ߫ ߛߐ߬ߘߐ߲ ߜߟߍ߬ߦߊ߬.

<<ߊ߲ ߧߋ߫ ߦߙߐ ߡߍ߲ ߘߐ߫ ߕߋ߲߬߸ ߊ߲ ߓߘߊ߫ ߞߣߐ߬ߘߐߝߟߌ߬، ߊ߲ ߘߏ߲߬ ߦߴߊ߲ ߘߋ߲ ߠߎ߬ ߡߎ߬ߛߞߊ߬ߣߍ߲ ߠߎ߬ ߓߍ߯ ߛߐ߬ߘߐ߲߬ ߠߊ߫ ߏ߬ ߟߋ ߘߐ߫، ߗߍ߭ ߟߎ߬ ߕߴߛߋ߫ ߣߌ߲߬ ߓߍ߯ ߛߐ߬ߘߐ߲߬ ߠߊ߫߸ ߝߏ߫ ߡߏ߬ߛߏ ߟߎ߬ ߦߴߊ߬ߟߎ߬ ߡߊߘߍ߬ߡߍ߲߬، ߊ߬ߟߎ߬ ߦߋ߫ ߘߍ߬ߡߍ߲߬ ߊ߲ ߞߊ߲߬߸ ߊ߲ ߘߋ߫ ߛߴߊ߬ ߡߎߣߊ߲ߝߊ߲߫ ߡߊ߫ ߦߙߐߣߍ߲ ߛߐ߬ߘߐ߲߬ ߠߊ߫ ߢߊ ߡߍ߲ ߡߊ߬߸ ߞߵߊ߲ ߘߋ߲ ߠߎ߬ ߟߊߓߐ߫ ߊ߬ ߘߐ߫، ߏ߬ ߘߌ߫ ߘߌߦߴߊ߲ ߧߋ߫ ߞߏߛߓߍ߫.>> ߞߋߕߊߡߛߏ ߞߵߏ߬ ߦߌ߬ߘߊ߬.

ߝߊ߲ߕߊ߬ ߞߋߕߊ߬ ߞߵߊ߬ ߞߊ߲ߠߊߘߌ߫ ߝߊ߰ߡߊ ߟߎ߬ ߡߊ߬߸ ߞߏ߫ ߊ߬ߟߎ߬ ߦߴߊ߬ߟߎ߫ ߛߋ߲߭ߓߌ߬ߟߊ߫ ߣߌ߲߬ ߞߏ ߘߐ߫߸ ߖߐ߲߰ߛߊ߫ ߖߎ߬ߟߊ ߟߎ߬ ߝߣߊ߫ ߖߎ߬ߛߎ ߘߌ߫ ߛߎߡߊ߫ ߣߍ߲ߞߍ߫.

© ߟߏ߲ߞߊߛߌߦߊ߫ ߞߡߊ߬ߙߊ߬<<ߊ߲ ߠߊ߫ ߞߎ߲߬ߠߊ߬ߛߌ߮ ߟߎ߬ ߦߴߊ߬ߟߎ߬ ߢߊ ߡߊߖߌ߰ ߣߌ߲߬ ߞߏ ߞߘߐ߫߸ ߞߵߊ߲ ߡߊߘߍ߬ߡߍ߲߬، ߓߊߏ߬߸ ߊ߲ ߓߊ߯ ߞߎߡߊ߫߸ ߊ߬ߟߎ߬ ߘߴߊ߬ ߝߐ߫ ߞߏ߫ ߜߞߋߘߎ߯ ߛߌߟߊ ߡߊ߫ ߢߌ߲߬߸ ߛߐ߲߬ߞߐ ߜߍ߬ߟߍ߲߬ߡߊ߲߬.>> ߊ߬ ߞߵߏ߬ ߝߣߊ߫ ߝߐ߫.

ߡߊ߲߬ߘߋ߲߫ ߟߊ߲߬ߘߊ ߞߏߢߊ߫ ߛߌ߫ ߣߴߊ߬ ߓߏ߲߬ߧߊ߬ ߞߏ ߝߏߦߌ߬ ߕߍ߫ ߥߊ߫ ߟߊ߫ ߥߏ߬ߙߏ ߞߐ߫߸ ߣߴߏ߬ ߛߐ߲߬ߞߐ ߞߍ߫ ߘߊ߫ ߣߌ߲߬ ߢߊ߫ ߛߎ߮ ߡߊ߬߸ ߏ߬ ߦߋ߫ ߥߙߏ߬ ߖߎߟߊ ߟߎ߬ ߝߣߊ߫ ߞߊ߲߬ ߕߙߐߦߊ߫ ߟߋ߬ ߘߌ߫߸ ߞߵߊ߬ߟߎ߬ ߟߊ߫ ߟߐ߮ ߡߊߛߌ߬، ߛߊ߲߬ߠߌ߲߬ߓߊߟߌߦߊ ߏ߬ ߓߊ߯ ߟߊ߫ ߘߋ߲ߓߦߊ ߟߊ߫ ߞߏ ߟߎ߫ ߜߟߍ߬ߦߊ ߞߊ߲߬߸ ߡߏ߬ߛߏ ߢߌ߲߬ ߠߎ߫ ߣߕߊ߬ߣߍ߲߫ ߞߎ߲߬ߠߊ߬ߛߌ߮ ߟߊ߫ ߘߍ߬ߡߍ߲ ߞߐ߫ ߕߋ߲߬߸ ߛߊ߫ ߘߏ߫ ߘߌ߫ ߓߐ߫ ߣߌ߲߬ ߛߐ߲߬ߞߐ߬ ߜߟߍߦߊ ߟߊ߫߸ ߞߵߊ߬ߟߎ߬ ߟߊߝߙߍ߫ ߥߙߏ߬ ߝߙߋ ߢߌ߲߬ ߘߐ߫ ߣߍ߲ߞߍ߫.