ߞߐ߬ߓߊ߬ߟߏ߲ ߢߌ߲߬ ߡߊ߬߸ ߂߀߂߆ ߞߏ߲ߓߌߕߌ߮ ߕߟߋ߬ ߁߂߸ ߛߎ߭ ߝߌ߬ߟߊ߫ ߟߋ߬ ߦߋߣߍ߲߫ ߞߐ߲߬ߛߏ߬ ߘߊߕߎ߲߯ߣߍ߲ ߘߏ߫ ߞߣߐ߫ ߤߊߙߎߣߦߊ߫ ߞߎ߲߬ߘߊ ߟߊ߫߸ ߔߋ߬ߕߌ߫ ߛߌ߲߬ߓߊ߬ߦߊ߫ ߞߌ߲߬ߘߊ ߟߊ߫߸ ߟߊ߲߬ߓߊ߬ߢߌ߲߫ ߞߊ߬ߝߏ߬ߙߋ߲ ߞߣߐ߫، ߡߐ߰ ߝߌ߬ߟߊ ߡߍ߲ ߛߎ߭ ߦߋߣߍ߲߫߸ ߏ߬ ߟߎ߫ ߟߋ߬ ߞߊߘߌߦߊߕߎ߬ ߞߋߕߊ߬ ߘߌ߫߸ ߏ߬ ߦߋ߫ ߡߛߏ߬ ߝߘߎߣߍ߲ ߠߋ߬ ߘߌ߫߸ ߡߍ߲ ߘߋ߲ ߞߊߙߏ߫ ߥߐ߯ߙߐ ߦߋ߫ ߕߋ߲߬߸ ߊ߬ߟߋ ߛߎ߭ ߦߋ߫ ߘߊ߫ ߞߐ߲߬ߛߏ ߣߌ߲߬ ߞߣߐ߫، ߞߵߏ߬ ߟߊ߫ ߗߍ߭ ߘߏ߫ ߞߊ߲߬߸ ߡߊߡߊߘߎ߫ ߒߘߊߦߌ߬ ߖߊߟߏ߫߸ ߏ߬ ߦߋ߫ ߕߙߏ߬ߞߏ߬ߦߊ߬ߟߊ ߟߋ߬ ߘߌ߫߸ ߡߛߏ߬ ߝߌ߬ߟߊ߬ ߕߌ߮ ߟߋ߬߸ ߘߋ߲߫ ߣߊ߯ߣߌ߲߫ ߦߋ߫ ߡߍ߲ ߓߟߏ߫.

ߊ߬ߟߎ߫ ߛߎ߭ ߦߋ ߡߍ߲ ߞߍ߫ ߘߊ߫߸ ߕߐ߲ߓߟߏߡߊ ߟߎ߬ ߟߊߣߍ߲ ߛߊ߬ߙߌ߬ߦߊ߬ ߘߊ߲ߘߟߊ ߟߎ߬ ߞߊ߲߬߸ ߏ߬ ߟߎ߫ ߕߘߍ߬ ߞߣߍ ߣߌ߲߬ ߞߊ߲߬، ߊ߬ ߞߏ߬ߣߌ߲߸ ߊ߬ߟߎ߬ ߟߊ߫ ߛߊ߬ߦߊ ߞߎ߲߬ ߡߊ߫ ߟߐ߲߫ ߡߎߣߎ߲߬.

ߡߐ߰ ߝߌ߬ߟߊ ߡߍ߲ ߠߎ߬ ߦߋ߫ ߣߌ߲߬߸ ߊ߬ ߕߟߋ߬ ߘߊ߲ߘߐ ߟߋ߬ ߕߍ߬ߘߍ߫ ߣߌ߲߬߸ ߊ߬ߟߎ߬ ߟߊ߫ ߡߐ߱ ߟߎ߫ ߕߎ߲߬ ߡߴߊ߬ߟߎ߬ ߦߙߐ߫ ߟߐ߲߫، ߗߍ߭ ߦߋ߫ ߡߊߡߊߘߎ߫ ߒߘߊߦߌ߬ ߖߊߟߏ߫ ߡߍ߲ ߘߌ߫߸ ߏ߬ ߦߋ߫ ߓߐ߫ ߟߊ߫ ߟߋߟߎߡߊ߬ ߟߋ߬߸ ߊ߬ ߛߌ߰ߣߍ߲߫ ߕߍ߬ߘߍ߫ ߓߊ߲߬ߕߎ߲߬ߞߊ߫ ߁߭ ߞߌ߲߬ߘߊ ߟߋ߬ ߟߊ߫، ߞߊߘߌߦߊߕߎ߬ ߞߋߕߊ߬ ߟߎ߬ ߟߊ߫ ߟߎ ߕߎ߲߬ ߦߋ߫ ߞߎ߲߬ߓߛߊ߬ߦߊ߫ ߟߋ߬߸ ߔߋ߬ߕߌ߫ ߛߌ߲߬ߓߦߊ߬.

ߛߎ߬ߟߋ߬ߡߊ߯ߣ ߖߊߟߏ߫ ߡߍ߲ ߦߋ߫ ߞߌ߲߬ߕߌ߯ ߘߌ߫߸ ߏ߬ ߟߊߟߐ߲ߠߌ߲߫ ߘߊ߫ ߣߌ߲߬ ߞߏ ߟߊ߫ ߈ߕߎߡߊ߂߁ ߠߋ߬ ߡߊ߬߸ ߞߎ߲߬ߘߊ߬ߕߌ߮ ߓߟߏ߫.

ߊ߬ ߞߵߊ߬ ߝߐ߫ ߏ߬ ߟߋ ߘߐ߫ ߞߏ߫: <<ߓߌ߬ ߛߐ߱ ߢߌ߲߬ ߡߊ߬߸ ߈ߕߎߡߊ߂߁߸ ߒ ߠߊ߫ ߞߎ߲߬ߘߊ߬ߕߌ߮ ߘߏ߫ ߘߐ߫ ߞߋߟߋ߲߫ ߞߊ߬ ߒ ߞߟߌ߫߸ ߞߵߊ߬ ߝߐ߫ ߒ ߧߋ߫ ߞߏ߫ ߛߎ߭ ߝߌ߬ߟߊ߬ ߓߘߊ߫ ߦߋ߫ ߞߐ߲߬ߛߏ߬ ߘߊߕߎ߲߯ߣߍ߲ ߘߏ߫ ߞߣߐ߫߸ ߍߛߑߔߋߙߊ߲ߛ ߞߎ߲߬ߘߊ ߟߊ߫.>> ߊ߬ ߞߵߏ߬ ߦߌ߬ߘߊ߬.

ߕߙߏ߬ߞߏ߬ߦߊ߬ߟߊ ߟߊ߫ ߡߐ߱ ߘߏ߫ ߞߵߊ߬ ߦߌ߬ߘߊ߬ ߞߏ߫߸ ߞߏ߫ ߊ߬ߟߎ߫ ߞߵߊ߬ ߡߍ߲߫ ߞߏ߫ ߗߍ߭ ߣߌ߲߬ ߕߍ߬ߘߍ߫ ߊ߬ ߣߌ߫ ߟߊ߫ ߤߊߟߌ߬ ߞߍ߲ߘߍߟߏ߲ ߛߎ ߘߐ߫. ߓߊߏ߬߸ ߊ߬ߟߋ ߟߊ߫ ߝߐߟߌ߫ ߘߐ߫: <<ߒ ߣߴߊ߬ ߡߊߕߙߌ߬ ߞߎߡߊ߫ ߘߊ߫߸ ߏ߬ ߞߵߊ߬ ߝߐ߫ ߒ ߧߋ߫ ߞߏ߫ ߂߀ߕߎߡߊ ߞߵߊ߬ ߛߐ߬ߘߐ߲߫ ߠߋ߬߸ ߊ߬ߟߎ߬ ߦߋ߫ ߢߐ߲߯ ߝߍ߬.>> ߏ߬ ߞߵߏ߬ ߦߌ߬ߘߊ߬.

ߊ߬ ߞߏ߬ߣߌ߲ ߡߊ߫ ߟߐ߲߫߸ ߊ߬ߟߎ߫ ߛߎ߭ ߦߋߣߍ߲߫ ߞߐ߲߬ߛߏ ߡߍ߲ ߞߣߐ߫ ߣߌ߲߬߸ ߏ߬ ߟߊߟߐ߬ ߘߊ߫ ߦߋ߲߬ ߕߎ߬ߡߊ ߡߍ߲ ߠߊ߫، ߛߎ߬ߟߋ߬ߡߊ߯ߣ ߛߌ߬ߟߊ ߞߏ߬ߣߌ߲ ߞߊ߲߫ ߞߏ߫ ߟߌߡߐ߮ ߟߎ߬ ߦߋ ߞߐ߲߬ߛߏ ߘߎ߬ߡߊ ߡߊ߬߸ ߏ߬ ߟߋ ߣߐ߬ ߘߌ߫ ߞߍ߫ ߛߦߊ߬ ߞߏ ߣߌ߲߬ ߟߊ߲ߞߣߍߡߊ߫ ߟߊ߫، ߊ߬ ߞߏ߬ߣߌ߲ ߡߊ߫ ߖߊ߲߬ߝߊ߬ ߜߘߍ߫ ߞߍ߫ ߊ߬ ߞߎߡߊ ߘߐ߫.

ߊ߬ ߞߵߊ߬ ߝߐ߫ ߞߏ߫:  <<ߘߊ߲ߘߊߟߌߟߊ ߟߎ߬ ߡߊ߫ ߝߋ߲߫ ߝߐ߫ ߡߎߣߎ߲߬، ߏ߬ ߘߐ߫߸ ߒ ߕߴߛߋ߫ ߕߊ߬ߡߌ߲߬ ߠߊ߫ ߦߙߐ ߣߌ߲߬ ߞߊ߲߬.>> ߊ߬ ߞߵߏ߬ ߕߍ߰ߒ߬ߞߊ߲ ߘߌ߫.

ߡߐ߰ ߝߌ߬ߟߊ ߢߌ߲߬ ߠߎ߫ ߛߎ߭ ߕߊ߬ ߘߊ߫ ߞߊ߬ ߥߴߊ߬ ߘߌ߫ ߊ߬ߟߎ߬ ߡߊߝߟߍ߫ ߞߊ߲ߡߊ߬ ߛߊ߬ߙߌ߬ߦߊ߬ ߘߊ߲ߘߊߟߌ ߛߌߟߊ ߝߍ߬، ߢߊߢߌߣߌ߲ߠߌ߲ ߠߎ߬߬ ߟߋ߬ ߞߍߕߐ߫ ߛߊ߬ߦߊ ߞߍߢߊ ߟߊ߲ߞߣߍߡߊ߫ ߟߊ߫ ߡߎ߬ߣߎ߲߬߸ ߊ߬ߟߎ߫ ߝߌ߬ߟߊ ߛߊ߬ ߢߊ ߞߊ߬ߣߌ߲߬.