ߗߊߘߌ߬ ߣߌ߫ ߝߊ߬ߙߊ߲߬ߛߌ߬ ߓߘߊ߫ ߡߊߘߏ߲߬ ߢߐ߲߮ ߠߊ߫ ߣߊ߲߬ߕߌ߰ߦߊ ߓߊ߯ߙߊߢߐ߲߯ߦߊ ߘߊߞߎ߲ ߘߐ߫ ߌߞߐ߫، ߞߊ߬ߕߎ߲߯߸ ߂߀߂߆ ߞߏ߲ߓߌߕߌ߮ ߕߟߋ߬ ߁߃ ߡߍ߲ ߓߍ߲߬ ߘߊ߫ ߞߐ߬ߟߏ߲ ߡߊ߬߸ ߖߡߊ߬ߣߊ߫ ߝߌ߬ߟߊ ߢߌ߲߬ ߞߊ߬ ߞߟߊߣߐ߬ߦߊ߬ߟߌ ߘߏ߫ ߞߍ߫ ߔߊ߬ߙߌ߬߸ ߏ߬ ߦߋ߫ ߟߊ߬ߥߊ߲߬ߞߊ߲߬ߠߌ߲߫ ߠߋ߬ ߘߌ߫ ߞߵߊ߬ ߦߌ߬ߘߊ߬ ߞߏ߫ ߊ߬ ߟߐ߯ ߦߴߊ߬ߟߎ߬ ߟߊ߫߸ ߊ߬ߟߎ߬ ߦߋ߫ ߓߊ߯ߙߊ߫ ߡߊ߬ߞߊ߲߬ߞߊ߲߬ߠߌ߲ ߘߊߞߎ߲ ߘߐ߫߸ ߞߵߊ߬ߟߎ߬ ߟߊ߫ ߓߊ߯ߙߊߢߐ߲߯ߦߊ߫ ߞߘߐ߬ߡߊ߲ ߠߊߞߎߘߦߊ߫.

ߞߊ߬ߕߎ߲߯߸ ߗߊߘߌ߬ ߞߊ߲ߕߌ߮ ߡߤߊߡߊ ߌߘߙߌߛ ߘߋߓߌ ߌߕߑߣߏ߫ ߣߌ߫ ߝߊ߬ߙߊ߲߬ߛߌ߬ ߞߊ߲ߕߌ߮ ߋߡߊߣߎ߳ߍߟ ߡߊߞߐߙߐ߲߫ ߠߊ߫ ߢߐ߲߯ߦߋ ߡߍ߲ ߞߍ߫ ߘߊ߫ ߝߊ߬ߙߊ߲߬ߛߌ߬ ߞߎߓߋߘߊ ߋߟߌߖ߭ߋ߫ ߟߊ߫ ߞߎߣߎ߲߬߸ ߞߟߊ߬ߣߐ߬ߦߊ߬ߟߌ ߣߌ߲߬ ߞߍ߫ ߘߊ߫ ߏ߬ ߟߋ ߓߍ߲߬ߒ߬ߛߋ߲߬ߡߊ ߞߣߐ߫.

ߘߐ߬ߛߙߋ ߣߌ߲߬ ߞߟߊ߬ߣߐ߬ߦߊ߬ ߘߊ߫ ߖߡߊ߬ߣߊ߫ ߝߌ߬ߟߊ ߣߌ߲߬ ߡߊ߬ߞߊ߲߬ߞߊ߲߬ߠߌ߲ ߞߏߕߌ߮ ߟߎ߫ ߟߋ߬ ߓߟߏ߫߸ ߗߊߘߌ߬ ߕߊ ߦߋ߫ ߞߟߍ߬ߕߌ߯ ߌߛ߭ߛ߭ߊߞߊ߬ ߡߊߟߟߎߥߊ߫ ߘߌ߫߸ ߝߊ߬ߙߊ߲߬ߛߌ߬ ߕߊ ߦߋ߫ ߞߊ߬ߕߋ߬ߙߌߣ ߝ߭ߏߕߑߙߍ߲߫ ߘߌ߫.

ߝߊ߬ߙߊ߲߬ߛߌ߫ ߡߊ߬ߞߊ߲߬ߞߊ߲߬ߠߌ߲ ߞߏߕߌ߯ߘߖ ߟߊ߫ ߝߐߟߌ߫ ߘߐ߫߸ ߞߏ߫ ߞߟߊ߬ߣߐ߬ߦߊ߬ߟߌ ߢߌ߲߬ ߠߋ߬ ߞߍߕߐ߫ ߛߊߓߎ߫ ߘߌ߫߸ ߝߊ߬ߙߊ߲߬ߛߌ߬ ߘߌ߫ ߥߊ߫ ߗߊߘߌ߬ ߣߊ߲߬ߕߌ߮ ߟߎ߬ ߟߊߞߐ߯߸ ߞߵߊ߬ߟߎ߬ ߞߍ߫ ߞߟߊ߬ߡߊ߬ߓߊ߮ ߟߎ߬ ߘߌ߫߸ ߞߊ߬ ߓߊ߲߫ ߞߊ߬ ߞߟߍ߬ߡߎ߬ߙߊ߲߬ ߝߊߘߌ߲ ߛߌߦߊߡߊ߲߫ ߓߌ߬ߟߴߊ߬ߟߎ߫ ߛߊ߬ߥߏ߬ ߘߐ߫߸ ߊ߬ ߣߌ߫ ߛߋߒߞߏߟߊߘߐߦߊ߫ ߞߎߘߊ ߟߎ߬، ߓߊߏ߬߸ ߟߊ߬ߢߌߣߌ߲ ߡߍ߲ ߦߴߊ߬ߟߎ߬ ߟߊ߫߸ ߏ߬ ߟߋ ߗߊߘߌ߬ ߣߊ߲߬ߕߌ߮ ߟߎ߬ ߛߋߞߏߦߊ ߡߊߞߊ߬ߝߏ ߘߌ߫ ߞߘߊߎ߫.

ߋߡߊߣߎ߳ߍߟ ߡߊߞߐߙߐ߲߫ ߞߵߊ߬ ߝߐ߫ ߏ߬ ߟߋ ߘߐ߫ ߞߏ߫: <<ߊ߲ ߓߘߊ߫ ߛߋ߲߬ߕߊ߬ ߞߎߘߊ߫ ߟߋ߬ ߞߍ߫ ߣߌ߲߬.>> ߞߵߏ߬ ߞߍ߫ ߗߊߘߌ߬ ߞߊ߲ߕߌ߮ ߝߏ߬ ߞߊ߲ ߘߌ߫ ߊ߬ߟߎ߬ ߟߊ߫ ߓߊ߯ߙߊߢߐ߲߯ߦߊ߫ ߞߘߐ߬ߡߊ߲ ߠߊߞߎߘߦߊ ߞߏߛߐ߲߬.

ߊߟߎ߫ ߦߴߊ߬ ߟߐ߲߫߸ ߊ߬ ߛߊ߲߭ ߝߌ߬ߟߊ ߟߋ߬ ߕߋ߲߬߸ ߖߡߊ߬ߣߊ߫ ߝߌ߬ߟߊ ߢߌ߲߬ ߠߎ߫ ߞߟߍ߬ ߘߊ߫ ߣߊ߲߬ߕߌ߰ߦߊ ߓߊ߯ߙߊߢߐ߲߯ߦߊ ߛߌߟߊ ߝߍ߬߸ ߞߵߏ߬ ߓߐ߫ ߊ߬ߟߎ߬ ߣߌ߫ ߢߐ߲߯ ߕߍ߫ ߝߋߎ߫، ߓߊߏ߬߸ ߂߀߂߄ ߣߍߣߍߓߊ ߟߋ߬ ߟߊ߫߸ ߗߊߘߌ߬ ߞߵߊ߬ ߝߐ߫ ߞߏ߫ ߊ߬ ߦߴߊ߬ ߝߍ߬ ߞߵߊ߬ ߣߌ߫ ߝߊ߬ߙߊ߲߬ߛߌ߬ ߟߊ߫ ߣߊ߲߬ߕߌ߰ߦߊ ߓߊ߯ߙߊߢߐ߲߯ߦߊ ߟߊߛߴߊ߬ ߘߊ߲߭ ߠߊ߫߸ ߞߏ߫ ߊ߬ߟߎ߫ ߕߣߐ߬ ߕߴߊ߬ߟߎ߫ ߞߊ߲߬ ߡߎ߬ߕߎ߲߬߸ ߊ߬ߟߎ߬ ߕߍ߫ ߛߋ߫ ߟߴߊ߬ߟߎ߫ ߡߊ߬ߞߏߢߊ߬ ߟߊ߫.

ߏ߬ ߟߋ ߞߏߛߐ߲߬߸ ߝߊ߬ߙߊ߲߬ߛߌ߫ ߣߊ߲߬ߕߌ߮ ߟߎ߬ ߞߊ߬ ߗߊߘߌ߬ ߘߎ߰ߞߟߏ ߓߌ߬ߟߊ߬ ߂߀߂߅ ߓߌ߲ߠߊߥߎߟߋ߲ ߟߊߓߊ߲ ߠߊ߫߸ ߞߊ߬ ߥߴߊ߬ߟߎ߬ ߦߋ߫ ߞߐߍ߫.

ߊߟߎ߫ ߞߏ߬ߣߌ߲ ߦߴߊ߬ ߟߐ߲߫߸ ߞߎߣߎ߲߬ ߞߐ߬ߟߏ߲ ߞߟߊ߬ߣߐ߬ߦߊ߬ߟߌ ߢߌ߲߬ ߞߘߐ߫ ߕߍ߫߸ ߞߏ߫ ߓߊ߯ߙߊߢߐ߲߯ߦߊ ߘߏ߲߬ߣߍ߲߫ ߠߋ߬ ߊ߬ߟߎ߬ ߕߍ߫ ߏ߬ ߘߌ߫، ߊ߬ ߞߘߐ߫ ߕߍ߫ ߝߣߊ߫ ߞߏ߫ ߝߊ߬ߙߊ߲߬ߛߌ߫ ߣߊ߲߬ߕߌ߮ ߟߎ߬ ߞߐߛߊ߬ߦߌ߲߬ߕߐ ߟߵߏ߬ ߘߌ߫، ߓߊ߬ߙߵߊ߬ ߞߘߐ ߟߋ߬߸ ߞߏ߫ ߊ߬ ߟߐ߮ ߓߘߴߊ߬ߟߎ߫ ߝߌ߬ߟߊ ߡߌ߬ߣߊ ߡߎ߬ߕߎ߲߬߸ ߞߊ߬ ߓߊ߯ߙߊ ߘߊߡߌ߬ߣߊ߬.