ߕߋ߰ߙߋ ߟߎ߫ ߣߐ߬ ߓߋ߬ߒ߬ߞߊ߲߬ߠߌ߲߫ ߠߋ߬ ߞߍ߫ ߟߊ߫߸ ߊ߬ߟߎ߫ ߓߋ߬ߣߍ߲߫ ߘߎ߰ߞߎߟߎ߲ ߠߋ߬ ߞߊ߲߬߸ ߡߐ߱ ߟߎ߫ ߕߘߍ߬ ߡߍ߲ ߞߣߐ߫ ߞߊ߬ ߥߊ߫ ߝߌ߬ߢߊ ߺ ߟߊ߫، ߊ߬ߟߎ߬ ߟߊ߫ ߓߋ߬ߒ߬ߞߊ߲߬ߠߌ߲ ߏ߬ ߟߋ ߞߍߣߍ߲߫ ߛߊߓߎ߫ ߘߌ߫ ߞߊ߬ ߡߊ߱ߘߎ߬ ߛߘߌ߬ߓߋ߫ ߓߐ߬ߣߐ߫ ߊ߬ ߣߌ ߘߐ߫߸ ߏ߬ ߦߋ߫ ߛߣߍ߬ߞߍ߬ߟߊ߫ ߛߊ߲߭ ߂߈ ߠߋ߬ ߘߌ߫߸ ߞߊ߬ ߓߙߋߡߊ߬ ߖߊ߬ߞߌ߬ߕߋ߬ ߝߣߊ߫ ߖߐߞߌ߫߸ ߏ߬ ߛߊ߲߬ ߆߃ ߟߋ߬ ߕߋ߲߬، ߏ߬ ߟߋ ߞߐߝߍ߬߸ ߊ߬ߟߋ߬ ߓߋ߬ߒ߬ߞߊ߲߬ߠߌ߲߬ ߜߘߍ߫ ߝߣߊ߫ ߞߍ߫ ߘߊ߫ ߡߙߎ߬ߓߊ ߟߊ߫ ߓߎߞߊߙߌ߫߸ ߞߊ߬ ߡߐ߰ ߞߋߟߋ߲߫ ߡߊߘߌߡߌ߲߫ ߦߋ߲߬، ߞߏ߲߬ߓߏ ߊߓߋ߬ߛߋ ߡߍ߲ ߦߋ߫ ߓߟߏߡߊߘߍߡߍ߲ߠߊ߫ ߘߌ߫ ߛߌ߯ߙߌ߲߫ ߘߊ߲ߘߊߛߏߓߊ ߘߐ߬ߓߛߏ߬ߟߌ߬ ߘߊ߲ߘߊߟߌ ߘߌ߲߬ߞߌߙߊ ߘߐ߫߸ ߏ߬ ߞߵߊ߬ ߦߌ߬ߘߊ߬ ߞߏ߫ ߕߋ߰ߙߋ ߟߎ߬ ߟߊ߫ ߓߋ߬ߒ߬ߞߊ߲߬ߠߌ߲ ߢߌ߲߬ ߓߍ߯ ߞߍ߫ ߘߊ߫ ߛߎ ߟߋ߬ ߘߐ߫.

 ߞߊ߬ߕߎ߲߯߸ ߘߊ߲ߘߊߟߌߟߊ ߟߎ߬ ߟߊ߫ ߟߌ߬ߤߟߊ߬ ߢߊߝߐߣߍ߲ ߘߐ߫߸ ߞߐ߲߬ߛߏ ߢߌ߲߬ ߞߣߐ߫ ߡߐ߮ ߟߎ߬ ߓߕߐ߫ ߕߘߍ߬ ߛߌ߯ߙߌ߲߫ ߠߋ߬߸ ߡߐ߰ ߣߊ߯ߣߌ߲߫ ߥߊ߫ ߘߊ߫ ߛߌߟߊ ߕߍ߰ ߘߎ߰ߞߎߟߎ߲ ߘߏ߫ ߢߍ߫ ߓߍ߲߬ߕߍ ߘߐ߫ ߦߋ߲߬߸ ߞߏ߫ ߊ߬ߟߎ߬ ߦߴߊ߬ߟߎ߫ ߟߐ߬.

ߘߊ߲ߘߊߟߌߟߊ ߞߵߊ߬ ߦߌ߬ߘߊ߬ ߞߏ߫: <<ߞߎߡߊ߫ ߓߟߏ ߡߊ߬߸ ߡߐ߰ ߛߊ߬ߓߊ ߕߍ߬ߘߍ߫ ߛߏ߬ߙߊ߬ߛߌ߬ ߝߊ߯ߣߌ߲ ߠߋ߬ ߘߐ߫߸ ߛߊ߬ߓߊ ߕߎ߲߬ ߦߋ߫ ߡߊ߬ߙߌ߬ߝߊ߬ ߕߌ߮ ߟߋ߬ ߘߌ߫߸ ߞߋߟߋ߲ ߠߋ߬ ߕߘߍ߬ ߣߊ߲߬ߒ߬ߕߊ߲߬ ߝߊ߯ߣߌ߲ ߘߐ߫.>> ߊ߬ ߞߵߏ߬ ߦߌ߬ߘߊ߬.

ߌߞߏߡߌ߲߬ ߕߋ߰ߙߋ ߟߎ߫ ߞߵߊ߬ ߝߐ߫ ߞߏ߫ ߟߊ߬ߓߏ߬ߙߟߌ߬ߟߊ ߦߴߊ߬ ߟߐ߬߸ ߊ߬ ߡߊ߫ ߛߐ߲߬، ߕߋ߰ߙߋ ߟߎ߬ ߞߍߢߊ ߟߵߏ߬ ߘߌ߫ ߞߊ߬ ߡߎ߮ ߟߊߥߟߌ߬߸ ߝߏ߫ ߟߊ߬ߓߏ߬ߙߟߌ߬ߟߊ ߞߵߊ߬ ߓߏ߬ߙߌ߬߸ ߞߊ߬ ߘߎ߰ߞߎߟߎ߲ ߕߏ߫ ߊ߬ ߞߐ߫.

ߡߎ߯ߕߋ ߏ߬ ߛߋ߲߭ߝߍ߬߸ ߡߊ߱ߘߎ߬ ߛߘߌ߬ߓߋ߬ ߓߏ߲߫ ߘߴߊ߬ ߘߛߌ ߟߋ߬ ߘߐ߫߸ ߞߵߏ߬ ߞߍ߫ ߊ߬ߟߋ߫ ߛߊ߬ߣߍ߲ ߘߌ߫ ߘߊߞߎ߲ ߘߐ߫ ߦߋ߲߬، ߡߛߏ߬ ߝߌ߬ߟߊ߬ ߕߌ߮ ߟߋ߬ ߕߘߍ߬߸ ߘߋ߲߫ ߡߐ߰ ߥߐߙߐ߲ߝߌ߬ߟߊ߬ ߦߴߊ߬ ߓߟߏ߫، ߊ߬ ߛߊ߫ ߘߊ߫ ߞߵߊ߬ ߛߊߓߎ ߞߍ߫ ߖߋ߬ߟߌ߬ߓߐ߫ ߘߊ߲߬ߠߊߕߊ߬ߡߌ߲߬ߣߍ߲ ߠߋ߬ ߘߌ߫߸ ߘߊ߲ߘߊߟߌߟߊ ߟߊ߫ ߝߐߟߌ߫ ߘߐ߫ ߞߊ߬ߣߌ߲߬، ߓߙߋ߬ߡߊ߫ ߖߊ߬ߞߌ߬ߕߋ߬ ߝߣߊ߫ ߡߊߘߌߡߌ߲߫ ߘߴߊ߬ ߘߛߌ ߟߋ߬ ߘߐ߫߸ ߛߌ߯ߙߌ߲߫ ߘߊ߲ߘߊߟߌߟߊ ߟߎ߫ ߞߵߊ߬ߟߎ߬ ߛߋߞߏ ߞߍ߫ ߏ߬ ߟߊ߫ ߞߏ ߘߐ߫߸ ߞߵߊ߬ ߟߊߞߍ߫ ߊ߬ ߖߍ߬ߘߍ߫ ߞߊ߬ߟߊߡߊ߬߸ ߞߊ߬ ߓߊ߲߫ ߞߵߊ߬ ߘߐߓߛߏ߫ ߝߛߊߦߌ߫߸ ߏ߬ ߘߏ߲߬ ߓߍ߲߬ ߘߊ߫، ߞߏ߲߬ߓߏ ߊߓߋ߬ߛߋ ߞߵߊ߬ ߝߐ߫ ߏ߬ ߟߊ߫ ߞߏ ߘߐ߫ ߞߏ߫ <<ߊ߲ ߧߋ߫ ߦߙߐ ߡߍ߲ ߘߐ߫ ߕߋ߲߬߸ ߊ߲ ߘߌ߫ ߛߴߊ߬ ߝߐ߫ ߟߊ߫ ߞߏ߫ ߖߛߎ߬ߓߐ߬߬ ߞߏ߫ ߛߌ߫ ߕߍ߫ ߊ߬ߟߋ ߟߊ߫ ߞߏ ߘߐ߫ ߡߎ߬ߕߎ߲߬.>>

ߓߎߞߊߙߌߦߊ߫ ߝߣߊ߫߸ ߦߋߙߋ߲ߦߋߙߋ߲ ߣߌ߫ ߞߋߟߋ߲ߙߋ߲ ߕߍߟߊ ߘߐ߫߸ ߕߋ߰ߙߋ ߡߐ߰ ߣߊ߯ߣߌ߲߫ ߥߟߊ߫ ߡߐ߰ ߟߏ߯ߟߎ߫ ߝߣߊ߫ ߞߊ߬ ߛߌߟߊ ߕߍ߰ ߛߌߘߌ߬ ߝߏߝߣߊ߫ ߦߋ߫ ߝߊ߬ߕߐ߬ߦߊ߫߸ ߡߍ߲ ߠߎ߬ ߢߊ ߘߊߕߎ߲߯ߣߍ߲߫ ߕߘߍ߬߸ ߞߏ߫ ߝߏ߫ ߊ߬ ߦߋ߫ ߔߏߔߏ ߟߊߟߐ߬.

ߊ߬ߟߋ ߡߊ߫ ߛߐ߲߬ ߏ߬ ߟߋ ߡߊ߬߸ ߊ߬ߟߎ߫ ߞߊ߬ ߡߙߎ߬ߓߊ ߟߥߊ߫ ߊ߬ ߞߐ߫ ߏ߬ ߟߋ ߘߐ߫߸ ߊ߬ ߝߣߊ߫ ߞߊ߬ ߡߙߎ߬ߓߊ ߡߌ߬ߣߊ߬߸ ߞߏ߫ ߊ߬ ߦߴߊ߬ ߖߘߍ߬ ߡߞߊߘߊ߲߫ ߠߊ߫، ߞߵߏ߬ ߞߍ߫ ߊ߬ ߓߟߏߞߌߣߌ߲ ߡߊߘߌߡߌ߲߫ ߢߊ ߘߌ߫ ߊ߬ ߢߊ ߖߍ߬ߘߍߖߍ߬ߘߍ ߡߊ߬، ߊ߬ ߕߊ߬ ߘߊ߫ ߞߊ߬ ߥߴߊ߬ ߘߌ߫ ߛߌ߯ߙߌ߲߫ ߘߊ߲ߘߊߛߏߓߊ ߟߊ߫߸ ߏ߬ ߟߎ߫ ߞߊ߬ ߡߊ߬ߝߟߍ߬ߟߌ߫ ߞߎ߲߬ߝߟߐ ߟߎ߬ ߞߍ߫ ߊ߬ ߟߊ߫߸ ߊ߬ߟߎ߬ ߓߊ߲߫ ߘߊ߫ ߞߵߊ߬ ߕߊ߬ ߞߊ߬ ߣߵߊ߬ ߘߌ߫ ߞߊ߲ߞߊ߲߫ ߘߊ߲ߘߊߛߏߓߊ ߟߊ߫، ߘߊ߲ߘߊߟߌߟߊ ߟߊ߫ ߝߐߟߌ߫ ߘߐ߫߸ ߊ߬ ߟߊ߫ ߢߣߊߡߦߊ ߕߍ߫ ߖߘߐ߬ ߘߐ߫ ߡߎ߬ߕߎ߲߬.

ߞߊ߬ ߓߍ߲߬ ߓߋ߬ߒ߬ߞߊ߲߬ߠߌ߲߬ ߛߌߦߊߡߊ߲ ߢߌ߲߬ ߠߎ߫ ߡߊ߬߸ ߞߏ߲߬ߓߏ߫ ߊߓߋ߬ߛߋ ߞߵߊ߬ ߦߌ߬ߘߊ߬ ߞߏ߫ ߊ߬ ߦߴߊ߬ ߞߊ߲ߠߊߘߌ߫ ߘߎ߰ߘߋ߲ ߠߎ߫ ߡߊ߬߸ ߓߍ߯ ߦߴߊ߬ ߖߊ߲߬ߕߏ߫ ߊ߬ ߢߊ ߖߍ߬ߘߍߖߍ߬ߘߍ ߡߊ߬، ߞߊ߬ߕߎ߲߯߸ <<ߣߌ߫ ߘߎ߰ߘߋ߲߬ ߓߘߍ ߟߎ߬ ߕߍ߫߸ ߕߐ߲ߓߟߏߡߊ߫ ߢߎߡߊ߫ ߕߍ߫ ߛߐ߬ߘߐ߲߬ ߞߎߡߊߕߍ߫ ߞߟߍ߬ߡߐ߰ ߢߌߡߊ߫ ߡߊ߬߸ ߝߏ߫ ߊ߬ ߦߋ߫ ߟߊ߫ ߘߎ߰ߘߋ߲߬ ߓߘߍ ߟߎ߫ ߟߋ߬ ߞߊ߲߬ ߕߘߋ߫.>>