ߞߌ߲ߘߌߦߊ߫ ߖߊ߯ߓߘߊ ߡߊ߬ߞߟߐ ߟߎ߬ ߦߟߌ ߦߋ߫ ߞߊ߬ߙߊ߲߬ߠߊ߬ߘߋ߲߫ ߡߐ߰ ߁߁ ߀߀߀ ߖߊ߬ߕߋ ߟߋ߬ ߟߊߛߣߍ߫ ߟߊ߫، ߞߊ߬ߙߊ߲߬ߠߊ߬ߘߋ߲߬ ߞߎߘߊ߫ ߅߁߀߀ ߦߴߏ߬ ߟߎ߬ ߘߐ߫ ߡߍ߲ ߠߎ߬ ߛߊ߲߬ ߝߟߐ߫ ߞߍߕߐ߫ ߢߌ߲߬ߣߊ߲߬ ߘߌ߫.
ߞߌ߲ߘߌߦߊ߫ ߖߊ߯ߓߘߊ ߦߋ߫ ߝߎߟߦߊ߫ ߟߋ߬ ߘߐ߫߸ ߞߎߘߍ߫ ߘߊ߲ߘߐ߫ ߦߋ߫ ߡߍ߲ ߣߌ߫ ߞߌ߲ߘߌߦߊ߫ ߛߏ߫ ߞߣߐߟߊ ߕߍ߫.
ߞߌ߲ߘߌߦߊ߫ ߖߊ߯ߓߘߊ ߓߍߣߊ߬ ߞߊ߬ߙߊ߲ ߘߊߡߌ߬ߣߊ߬ ߜߟߍ߬ߦߊ߬ ߛߘߍߡߊ߲߫ ߠߋ߬ ߕߍߡߊ߬ ߢߌ߬ߣߊ߲߬ ߸ ߊ߬ ߞߊ߫ ߞߊ߲߫ ߞߊ߬ ߞߊ߬ߙߊ߲߬ߠߊ߬ߘߋ߲߬ ߞߎߘߊ߫ ߛߘߍߡߊ߲߫ ߠߋ߬ ߟߊߛߣߍ߫߸ ߞߊ߬ ߛߌ߲߬ߝߏ߲߬ߧߊ߬ߟߌ ߟߎ߬ ߞߍ߫، ߊ߬ ߣߌ߫ ߞߊ߬ ߡߝߊ߬ߟߋ߲߬ߠߌ߲߬ ߛߘߍߡߊ߲߫ ߠߊߘߏ߲߬ ߟߞߊ߬ߙߊ߲߬ߠߌ߲ ߞߍߞߌߦߊ ߟߎ߬ ߘߐ߫.
ߞߊ߬ ߓߍ߲߬ ߢߌ߬ߣߊ߲߫ ߟߊ߬ߞߊ߬ߙߊ߲߬ߠߌ ߕߊ߯ߓߟߏ ߡߊ߬، ߞߌ߲ߘߌߦߊ߫ ߖߊ߯ߓߘߊ ߣߐ߬ ߢߍߥߟߊ߫ ߂߃ ߟߋ߬ ߛߌ߰ ߟߊ߫ ߛߋ߲߬ߞߊ߲߬ ߡߍ߲ ߠߎ߬ ߓߎ߲ߓߎ߲ߣߍ߲߫ ߟߊ߬ߞߐ߰ߟߌ ߡߊ߬ ߸ߒ߬ߞߊ߬ ߛߊߣߌ߲߬ ߏ߬ ߞߍߕߐ߫، ߊ߬ ߞߊ߫ ߞߊ߲߫ ߞߵߊ߬ ߢߊߛߌ߲߫ ߟߊ߬ߟߐ߲߬ߠߌ߲߬ߠߌ߲ ߞߍߞߌߦߊ ߟߎ߬ ߡߊߝߊ߬ߟߋ߲ ߠߎ߬ ߡߊ߬ ߸ ߊ߬ ߣߌ߫ ߓߏ߲ߞߏ ߝߙߋߞߋ ߟߎ߬ ߸ߞߵߏ߬ ߟߊ߫ ߖߐ߯ߙߊ߲ ߘߏ߫ ߟߎ߫ ߖߍ߬ߘߍ ߝߣߊ߫ ߞߊ߲߬.
ߟߊ߬ߞߊ߬ߙߊ߲߬ߠߌ߲߬ߠߊ߬- ߢߌߣߌ߲ߠߌ߲ߠߊ ߟߎ߬ ߕߊ߬ߣߍ߲߫ ߞߊ߬ ߟߊ߫ ߖߊ߯ߓߘߊ ߡߊ߬ߡߙߌ߬ߟߌ߬ ߞߙߎ ߟߎ߬ ߞߊ߲߬߸ߏ߬ ߟߎ߫ ߟߋ߬ ߝߣߊ߫ ߞߊ߫ ߞߊ߲߫ ߞߊ߬ ߓߊ߯ߙߊ ߟߎ߬ ߞߍ߫ ߢߐ߲߮ ߝߍ߬،ߛߊ߫ ߟߊ߬ߞߊ߬ߙߊ߲߬ߠߌ ߘߌ߫ ߛߋ߫ ߞߍ߫ ߟߴߊ߬ ߢߌ߬ߡߊ ߟߊ߫ ߢߊ ߡߍ߲ ߡߊ߬߸ ߊ߬ ߣߌ߫ ߞߊ߬ ߛߋ߫ ߞߊ߬ߙߊ߲߬ߠߊ߬ߘߋ߲ ߠߎ߬ ߝߣߊ߫ ߡߊߘߍ߬ߡߍ߲߬ ߠߴߊ߬ߟߎ߬ ߟߊ߫ ߟߊ߬ߞߐ߰ߟߌ ߕߎ߬ߡߊ ߟߎ߬ ߝߍ߬.
ߞߊ߬ߙߊ߲߬ߠߊ߬ߘߋ߲߬ ߟߊߛߣߍߕߊ ߟߎ߬ ߟߊߛߌߦߊߦߊ ߣߴߊ߬ ߕߊ ، ߞߌ߲ߘߌߦߊ߫ ߖߊ߯ߓߘߊ ߓߘߴߊ߬ ߔߋߔߘߋߟߊߕߍ߰ ߞߏ߫ ߊ߬ ߦߋ߫ ߞߏ߫ ߛߘߍߡߊ߲߫ ߠߋ߬ ߢߊ߬ ߟߊ߫ ߟߊ߬ߞߊ߬ߙߊ߲߬ߠߌ߫ ߛߊ߲ߘߐߕߊ ߛߌߟߊ ߝߍ߬ ߖߌ߬ߣߍ߬ ߞߣߐ߫.
ߞߏߢߊ ߏ߬ ߓߍ߯ ߣߴߊ߬ ߕߊ߸ߡߐ߰ ߛߘߍߡߊ߲߫ ߞߐ߬ߣߌ߲߬ ߦߴߊ߬ ߖߌ߰ ߟߊ߫ ߞߏ߫ ߥߟߊ߬ߘߊ߬ ߘߌߕߊ ߟߎ߬ ߓߍߣߊ߫ ߕߊ߬ߡߌ߲߫ ߊ߬ ߢߌ߬ߡߊ ߟߊ߫ ߸ ߞߊ߬ߙߊ߲߬ߠߊ߬ߘߋ߲ ߠߎ߬ ߝߣߊ߫ ߓߍߣߊ߬ ߥߟߊ߬ߘߊ ߟߎ߬ ߕߴߊ߬ ߢߌ߬ߡߊ ߟߊ߫߸ ߞߵߏ߬ ߟߊ߫ ߞߏߢߊ ߕߐ߭ ߟߎ߬ ߞߊ߲߬ ߡߍ߲ ߠߎ߬ ߓߍߣߊ߬ ߓߍ߲߬ ߞߊ߬ߙߊ߲߬ߠߊ߬ߘߋ߲ ߠߎ߬ ߛߌ߰ߝߊߘߌ ߡߊ߬ ߖߊ߯ߓߘߊ ߟߊ߫ .
ߢߌ߬ߣߊ߲߬߬ ߖߊ߯ߓߘߊ ߟߊ߬ߞߊ߬ߙߊ߲߬ߠߌ ߓߍߣߊ߬ ߞߍ߫ ߊ߬ ߕߊ ߘߊߞߎ߲߫ ߞߎߘߊ ߟߋ߬ ߘߌ߫ ߖߊ߯ߓߘߊ ߟߊ߫ ߸ ߡߍ߲ ߞߍߕߐ߫ ߛߊߓߎ߫ ߢߌߡߊ߫ ߘߌ߫ ߞߊ߬ ߞߊ߬ߙߊ߲߬ߠߊ߬ߘߋ߲ ߠߎ߬ ߟߊߛߣߍ߫ ߞߏ߫ ߢߌߡߊ ߞߍ߫ ߸ߛߊ߫ ߞߊ߬ ߛߋ߫ ߥߟߊ߬ߘߊ ߟߎ߬ ߘߌ߫ ߟߴߊ߬ ߢߌ߬ߡߊ ߟߊ߫߸ ߊ߬ ߣߌ߫ ߞߊ߬ ߛߋ߫ ߞߊ߬ߙߊ߲߬ߠߊ߬ߘߋ߲ ߠߎ߬ ߡߊߘߍ߬ߡߍ߲߬ ߠߊ߫ ߟߊ߬ߞߐ߰ߟߌ ߕߎ߬ߡߊ ߟߊ߫ ߛߐ߲߬߸ ߖߐ߲߰ߛߊ߫ ߟߊ߬ߢߌߣߌ߲ ߠߎ߬ ߘߌ߫ ߓߐ߫ ߢߟߊ߫ ߖߏߣߊ߫.
