ߝߘߊ߬ߝߌ߲߬ߠߊ߫ ߂߀߂߅ ߡߊ߲߬ߕߏ߲߬ ߖߌߟߊߝߍ ߟߊ߬ߓߊ߲ ߡߍ߲ ߕߊ߲߫ ߘߊ߫ ߡߊ߬ߙߐߞߎ߬ ߣߌ߫ ߛߣߍ߬ߜ߭ߊߟߌ߫ ߕߍ߫߸ ߣߌ߫ ߖߌߟߊߝߍ ߥߊ߫ ߛߣߍ߬ߜ߭ߊߟߌ߫ ߓߟߏ߫߸ ߏ߬ ߞߎߡߊ ߡߊ߫ ߛߎߡߊ߫ ߤߊ߲߯ ߕߋ߲߬.
ߞߎߣߎ߲߬ ߞߐ߬ߓߊ߬ߟߏ߲ ߂߀߂߆ ߞߏ߲ߓߌߕߌ߮ ߕߟߋ߬ ߁߉߸ ߝߊ߬ߘߌ߬ߡߊ߬ߞߟߏ ߕߍߟߐߦߊ ߞߕߌߘߊ (ߝߕߞ=TAS)
ߞߵߊ߬ ߦߌ߬ߘߊ߬ ߞߏ߫ ߊ߬ ߞߍߕߐ߫ ߡߙߌߘߐ ߡߍ߲ ߕߊ߬ ߟߊ߫ ߞߊ߬ ߓߍ߲߬ ߛߣߍ߬ߜ߭ߊߟߌ߫ ߖߡߊ߬ߣߊ ߣߌ߫ ߝߘߊ߬ߝߌ߲߬ߠߊ߫ ߕߏ߬ߟߊ߲߬ߕߊ߲߬ ߞߙߎߝߊߢߐ߯ߦߊ ߕߍߟߊ ߡߊ߬߸ ߊ߬ ߣߌ߫ ߡߊ߬ߙߐߞߎ߬ ߕߏ߬ߟߊ߲߬ߕߊ߲ ߞߙߎߝߊ߸ ߘߏ߫ ߊ߬ ߘߌ߫ ߣߊ߬ ߡߙߌߘߐ ߏ߬ ߕߊ߬ ߣߍߣߍߓߊ ߟߊߓߊ߲ ߠߊ߫.
ߞߕߌߘߊ ߣߌ߲߬ ߦߋ߫ ߕߏ߬ߟߊ߲߬ߕߊ߲ ߞߕߌߘߊ ߞߐߘߊ߲ ߠߋ߬ ߘߌ߫߸ ߡߍ߲ ߦߋ߫ ߡߊ߬ߖߌ߮ ߘߐ߫ ߟߏߖ߭ߊߣ߸ߛߑߥߌߛ ߖߡߊ߬ߣߊ ߞߊ߲߬، ߞߕߌ ߛߋ߫ ߘߴߊ߬ߟߎ߬ ߓߘߊ ߦߋ߲߬ ߛߣߍ߬ߜ߭ߊߟߌ߫ ߕߏ߬ߟߊ߲߬ߕߊ߲߬ ߞߙߎߝߊ ߟߋ߬ ߟߊ߫ ߡߞߊ߬ߛߌ߬ߟߌ ߟߊ߫߸ ߞߏ߫ ߞߕߌ߫ ߝߟߐ ߡߍ߲ ߟߊ߫ ߞߊߝ ߟߊ߫߸ ߞߏ߫ ߊ߬ ߡߊ߫ ߓߍ߲߬ ߏ߬ ߡߊ߬.
ߞߕߌ ߟߊ߬ߥߟߍ߬ߟߌ ߟߎ߬ ߞߍ߫ ߘߊ߫ ߞߏ߲ߓߌߕߌ߮ ߕߟߋ߬ ߈ ߕߊ߬ߡߌ߲߬ߣߍ߲ ߠߋ߬ ߡߊ߬߸ ߡߍ߲ ߞߍ߫ ߘߊ߫ ߜߎ߲߬ߘߎ߬ ߓߟߏ ߡߊ߬.
ߝߕߞ ߟߊ߫ ߟߊ߬ߛߋ߬ߟߌ ߘߐ߫߸ ߞߏ߫ ߊ߬ߟߎ߬ ߞߍߕߐ߫ ߞߕߌ ߡߎ߰ߡߍ ߟߊ߫ ߟߊ߫ ߟߊ߫ ߞߵߊ߬ ߕߍ߰ ߝߋߎ߫߸ ߞߵߊ߬ ߓߍ߯ ߞߎ߲߭ ߝߐ߫ ߛߊ߬ߙߌ߬ߦߊ߬ ߓߟߏ ߡߊ߬ ߝߣߊ߫ ߞߵߊ߬ ߟߴߊ߬ ߞߊ߲߬.
ߊ߬ߟߎ߫ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߞߕߌ ߢߌ߲߬ ߞߍߕߐ߫ ߞߎ߲߬ߢߐ߲߰ ߦߙߌߞߊ߫ ߟߋ߬ ߕߊ߬ ߟߊ߫، ߏ߬ ߞߏߛߐ߲߬߸ ߊ߬ߟߎ߫ ߕߍߣߊ߬ ߛߋ߫ ߟߴߊ߬ ߕߍ߰ ߟߊ߫ ߝߏ߫ ߣߍߣߍߓߊ ߟߊߓߊ߲ ߠߊ߫.
ߊߟߎ߫ ߦߴߊ߬ ߟߐ߲߫߸ ߥߐ߬ߦߐ ߟߋ߬ ߞߍ߫ ߘߊ߫ ߡߊ߬ߙߐߞߎ߬ ߣߌ߫ ߛߣߍ߬ߜ߭ߊߟߌ߫ ߟߊ߫ ߟߊ߬ߓߊ߲ ߕߊ߲ߠߌ߲ ߝߍ߬ ߂߀߂߆ ߓߌ߲ߠߊߥߎߟߋ߲ ߕߟߋ߬ ߁߈ ߡߊ߬ ߙߓߊ߫.
ߓߙߊ ߘߐ߫߸ ߛߣߍ߬ߜ߭ߊߟߌ߫ ߞߊ߬ ߡߊ߬ߙߐߞߎ߬ ߘߊ߬ߘߌ߫ ߕߎ߬ ߁-߀ ߞߊ߲߬.
ߞߏ߬ߣߌ߲߬߸ ߝߐߢߐ߲߯ߞߐ ߟߋ߬ ߘߏ߲߬ ߘߊ߫ ߓߌ߬ߟߊ߬ߢߐ߲߰ߠߊ ߘߐ߫߸ ߝߏ߫ ߛߣߍ߬ߜ߭ߊߟߌ߫ ߕߏ߬ߟߊ߲߬ߕߊ߲߬ߠߊ ߟߎ߬ ߟߊ߫ ߟߞߊ߬ߙߊ߲߬ߧߊ߬ߟߌ߬ߟߊ ߞߵߊ߬ ߝߐ߫ ߊ߬ߟߎ߫ ߡߊ߬ ߞߏ߫ ߊ߬ߟߎ߬ ߦߋ߫ ߓߐ߫ ߓߙߊ ߘߐ߫߸ ߞߵߏ߬ ߞߍ߫ ߕߏ߬ߟߊ߲߬ߕߊ߲߬ߠߊ ߛߌߦߊߡߊ߲߫ ߝߣߊ߫ ߓߐ߫ ߢߊ ߘߌ߫ ߡߊ߲߬ߛߊ߬ߓߌ߲ ߞߊ߲߬߸ ߞߵߊ߬ߟߎ߬ ߡߊߝߐߦߌ߲ߝߐߦߌ߲߫߸ ߞߏ߫ ߕߊ߲ߒߞߎ߲ ߡߍ߲ ߘߌߣߍ߲߫ ߡߊ߬ߙߐߞߎ߬ ߡߊ߬߸ ߞߏ߫ ߊ߬ߟߎ߬ ߡߊ߫ ߓߍ߲߬ ߏ߬ ߡߊ߬.
ߏ߬ ߟߋ ߞߐߝߍ߬߸ ߓߌ߬ߟߊ߬ߢߐ߲߰ߡߊ ߘߊߓߊ߲߫ ߘߊ߫߸ ߊ߬ߟߎ߫ ߞߊ߬ ߕߎ߭ ߘߏ߲߬߸ ߞߊ߬ ߛߎߘߊ߲߫.
ߒ߬ߓߊ߬߸ ߕߙߊߓߊ ߕߟߋ߬ ߁߇ ߡߊ߬߸ ߝߘߊ߬ߝߌ߲߬ߠߊ߫ ߕߏ߬ߟߊ߲߬ߕߊ߲߬ ߞߙߎߝߊߢߐ߯ߦߊ ߟߊ߫ ߞߕߌ߫ ߡߛߊߦߌ߲ߘߊ ߞߊ߬ ߛߣߍ߬ߜ߭ߊߟߌ߫ ߕߏ߬ߟߊ߲߬ߕߊ߲߬ߠߊ ߟߎ߬ ߟߊ߫ ߓߊ߯ߙߊ ߏ߬ ߟߋ ߘߐߞߕߌ߫߸ ߞߏ߫ ߛߊ߬ߙߌ߬ߦߊ߬ ߛߐߛߐ ߟߵߏ߬ ߘߌ߫.
ߌߞߘߐ߫߸ ߊ߬ߟߎ߫ ߞߊ߬ ߓߌ߲߬ߓߊߥߏ ߓߋ߬ ߛߣߍ߬ߜ߭ߊߟߌ߫ ߞߊ߲߬߸ ߞߏ߫ ߡߊ߬ߙߐߞߎ߬ ߓߘߊ߫ ߛߎߘߊ߲߫ ߊ߬ߟߎ߫ ߞߊ߲߬ ߘߎ߰ߓߍ߲߬ ߝߙߌߛߌ ߞߊ߲߬ ߕߎ߬ ߃-߀ ߞߊ߲߬.
ߛߣߍ߬ߜ߭ߊߟߌ߫ ߕߏ߬ߟߊ߲߬ߕߊ߲߬ ߞߙߎߝߊ ߝߣߊ߫ ߡߊ߫ ߛߐ߲߬ ߏ߬ ߟߋ ߡߊ߬.
ߊ߬ߟߎ߬ ߞߊ߲߫ ߞߏ߫߸ ߤߊߟߴߊ߬ ߓߊ߯ ߘߊ߲߬ ߓߍ߯ ߞߐߛߊ߬ߦߌ߲ ߡߊ߬ ߞߊ߬ ߕߏ߬ߟߊ߲ ߕߊ߲ߠߌ߲ ߘߊߡߌ߬ߣߊ߬߸ ߢߌ߬ߣߊ߬ ߡߊ߲߫ ߞߊ߲߫ ߞߊ߬ ߞߍ߫ ߏ߬ ߞߐ߫. ߏ߬ ߟߋ ߞߏߛߐ߲߬߸ ߊ߬ߟߎ߬ ߝߣߊ߫ ߞߵߊ߬ ߞߏ ߟߊ߫ ߝߕߞ ߞߘߐ߫ ߕߙߊߓߊ ߂߅ ߡߊ߬. ߏ߬ ߟߎ߬ ߝߣߊ߫ ߏ߬ ߟߋ ߞߏ ߘߐߢߌߡߌ߲ ߞߊ߲߫ ߕߋ߲߬ ߛߍߣߍ߲߬߸ ߣߴߊ߬ߟߎ߬ ߘߌ߫ ߥߊ߫ ߞߊߝ ߟߊ߫ ߛߌߟߊ ߏ߬ ߞߊ߲߬߸ ߥߟߊ߫ ߍ߲߬ߍ߲ߍ߲߬.
ߞߕߌߘߊ ߞߊ߲߫ ߞߏ߫ ߊ߬ߟߎ߬ ߓߊ߯ ߟߊ߬ߛߋ߬ߟߌ ߡߍ߲ ߞߍ߫߸ ߏ߬ ߟߋ ߕߊ߬ ߟߊ߫، ߏ߬ ߘߐ߫߸ ߡߐ߰ ߞߊߣߊ߬ ߟߌ߬ߤߟߊ߬ ߞߏߙߏ߲߫ ߢߌߣߌ߲߫ ߝߊ߲߬ ߜߘߍ߫ ߘߋ߬. ߏ߬ ߟߋ ߞߏߛߐ߲߬߸ ߊ߲ ߘߴߊ߬ ߝߐ߫ ߞߵߊ߬ ߡߊߕߍ߰߸ ߞߕߌ ߡߊ߫ ߕߍ߰ ߡߎߣߎ߲߬߸ ߖߌߟߊߝߍ ߡߊ߫ ߓߐ߫ ߛߣߍ߬ߜ߭ߊߟߌ߫ ߓߟߏ߫ ߝߟߐ߫.
ߏ߬ ߘߐ߫߸ ߡߊ߬ߙߐߞߎ߬ ߟߊߝߛߊ߬ߓߊ߮ ߟߎ߬ ߟߊߣߍ߲ ߛߣߍ߬ߜ߭ߊߟߌ߫ ߟߊߝߛߊ߬ߓߊ߮ ߟߎ߬ ߞߊ߲߬߸ ߓߍ߯ ߓߍߣߊ߬ ߞߎ߲߬ߢߐ߲߰ ߦߙߌߞߊ߫ ߡߊ߬ߞߐ߬ߣߐ߲߬ߠߌ߲߫ ߠߋ߬ ߞߍ߫ ߡߎߣߎ߲߬.
