ߓߌ߬ ߞߐ߬ߟߏ߲ ߂߀߂߆ ߞߏ߲ߓߌߕߌ߮ ߕߋ߬ߟߋ߫ ߂߀ ߢߌ߲߬ ߠߋ߬ ߞߍߣߍ߲߫ ߞߌ߲ߘߌߦߊ߫ ߖߊ߯ߓߘߊ ߡߊ߬ߞߟߐ ߟߎ߬ ߣߴߊ߬ ߞߊ߬ߙߊ߲߬ߠߊ߬ߘߋ߲ ߠߎ߬ ߛߎ߬ߣߎ߲߬ ߟߏ߲߬ߓߊ ߘߌ߫߸ ߞߵߏ߬ ߛߊߓߎ߫ ߞߍ߫ ߞߌ߲ߘߌߦߊ߫ ߞߊ߬ߙߊ߲߬ߠߊ߬ߘߋ߲߬ ߡߊߙߌߦߊߡ ߛߎߡߊ߬ ߟߊ߫ ߛߊ߬ߦߊ ߘߌ߫.
ߊ߬ߟߋ ߕߎ߲߬ ߦߋ߫ ߞߊ߬ߞߎߘߊ ߡߟߋߞߎߦߊ ߓߏߟߏ߲ߝߘߊ ߟߋ߬ ߟߊ߫ ߞߌ߲ߘߌߦߊ߫ ߖߊ߯ߓߘߊ ߟߊ߫ ߸ ߊ߬ ߕߎ߲߬ ߞߊ߫ ߞߊ߲߫ ߕߘߍ߬ ߞߵߊ߬ ߟߊ߫ ߛߊ߲߬ ߝߌߟߊߣߊ߲ ߞߊ߬ߙߊ߲ ߞߍ߫ ߢߌ߲߬ߣߊ߲߫ ߠߋ߬،ߓߊ߬ߙߌ߬ ߥߊߦߌߞߊ߫ ߹
ߟߌ߬ߤߟߊ ߛߐ߬ߘߐ߲߬ߣߍ߲߫ ߠߎ߬ ߦߴߊ߬ ߦߌ߬ߘߊ߬ ߟߊ߫ ߞߊ߬ ߝߘߊ߫ ߞߌ߲ߘߌߦߊ߫ ߖߊ߯ߓߘߊ ߡߊߡߙߊ߬ߓߊ߮ ߟߊ߫߸ ߞߊ߬ߙߊ߲߬ߝߊ߬ ߊߞߏߦߌ߬ ߡߛߊ߫ ߖ߭ߎߡߊߣߌߜ߭ߌ߫ ߟߊ߫ ߞߏ߫ : << ߘߋ߲ߡߛߏߣߍ߲߫ ߞߊ߬ߙߊ߲߬ߠߊ߬ߘߋ߲ ߣߌ߲߬ ߛߊ߬ߣߍ߲߫ ߞߵߊ߬ ߕߏ߫ ߝߙߌ߬ߦߊ߫ ߟߋ߬ ߞߵߏ߬ ߛߊߓߎ߫ ߞߍ߫ ߖߊ߲߬ߞߊߙߏ߫ ߞߎ߲߬ߘߐ߬ߛߎߘߎ߲ ߘߌ߫ >>
ߞߊ߬ߙߊ߲߬ߝߊ߬ ߊߞߏߦߌ߬ ߡߛߊ߫ ߖ߭ߎߡߊߣߌߜ߭ߌ߫ ߡߍ߲ ߦߋ߫ ߞߌ߲ߘߌߦߊ߫ ߖߊ߯ߓߘߊ ߞߌ߬ߣߊ ߘߌ߫߸ ߏ߬ ߞߊ߬ ߛߊ߬ߓߊ߰ߕߐ ߟߊ߫ ߞߐߙߍ ߡߊ߬ߤߌ߬ߣߊ߬ ߟߊߡߌߘߊ߫ ߸ ߞߊ߬ ߛߦߊ߬ߝߏߟߌ ߟߊߛߋ߫ ߓߊ߲ߓߊ߯ߕߐ ߞߐߙߍ ߟߎ߬ ߡߊ߬ ߸ ߊ߬ ߣߌ߫ ߖߌ߬ߣߍ߫ ߟߊ߬ߞߊ߬ߙߊ߲߬ߠߌ ߛߊ߲ߘߐߕߊ ߛߌ߲߬ߝߏ߲ ߠߎ߬ ߡߊ߬ ߸ ߞߵߏ߬ ߟߊ߫ ߞߌ߲ߘߌߦߊ߫ ߖߊ߯ߓߘߊ ߛߌ߰ߓߊ߮ ߟߎ߬ ߓߍ߯ ߟߊߘߍ߬ߣߍ߲ ߞߊ߲߬߸ߞߏ߫ << ߊߟߊߡߊ߫ ߘߌ߬ߢߍ߬ ߞߍ߫ ߘߊ߫ ߝߎ߬ߙߋ ߡߊ߬ >>.
ߒ߬ߓߊ߬ ߸ߏ߬ ߟߋ߬ ߞߍߣߍ߲߫ ߡߊߙߌߦߊߡ ߛߎߡߊ߬ ߟߊ߫ ߟߏ߲ ߠߊߓߊ߲߫ ߘߌ߫ ߕߋ߲߬ ߞߵߊ߬ ߘߍ߬ߢߐ߲߯ ߞߊ߬ߙߊ߲߬ߠߊ߬ߘߋ߲ ߠߎ߬ ߣߴߊ߬ ߟߊ߫ ߞߐߙߍ ߟߎ߬ ߣߴߊ߬ ߘߍ߲߬ߞߏ߬ߡߊ߬ߢߐ߲߮ ߠߎ߬ ߕߏ߫ ߛߎ߬ߣߎ߲ ߣߌ߫ ߢߣߊ߬ߛߎ߬ߡߊ߬ ߓߊ߲ߓߊ߲ߟߌ ߣߌ߫ ߢߊߖߌ ߕߍߡߊ߬.