ߞߍ߲ߘߍߟߏ߲ ߂߀߂߆ ߞߏ߲ߓߌߕߌ߮ ߕߟߋ߬ ߁߇߸ ߙߏߓߍߙ ߞߊߓߋߙߊ߫ ߛߎ߭ ߟߋ߬ ߦߋ߫ ߘߊ߫ ߟߎߥߟߊ߫߸ ߏ߬ ߦߋ߫ ߒߔߌ߯ߖ߭ߌ߫ ߡߊ߬ߙߊ ߟߋ߬ ߘߐ߫߸ ߦߋ߲߬ ߦߋ߫ ߎߜ߭ߊ߲ߘߊ߫ ߣߐ߬ߘߎ߮ ߘߏ߫ ߟߋ߬ ߘߌ߫߸ ߞߊ߲ߔߟߊ߫ ߘߊߝߍ߬، ߗߍ߭ ߣߌ߲߬ ߛߊ߲߬ ߅߀ ߟߋ߬ ߕߋ߲߬، ߕߐ߲ߓߟߏߡߊ ߟߎ߫ ߞߵߊ߬ ߦߌ߬ߘߊ߬ ߞߏ߫ ߊ߬ ߛߎ߭ ߦߋ߫ ߢߊ ߞߵߊ߬ ߦߌ߬ߘߊ߬ ߞߏ߫ ߊ߬ ߝߊ߰ߣߍ߲߬ ߘߌ߫ ߞߍ߫ ߞߊߙߏ ߕߟߋ߬ ߁߆ ߟߋ߬ ߡߊ߬ ߞߵߊ߬ ߛߌ߰ ߁߇ ߟߊ߫، ߊ߬ߟߎ߬ ߟߊ߫ ߓߋߟߋ߲ߕߌ߮ ߦߋ߫ ߓߐ߬ߟߐ߲߬ߞߊ߫ ߞߌߕߎ߯ߡߊ ߙߎߖ߭ߏߞߋ߫ ߡߍ߲ ߘߌ߫߸ ߏ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߟߐ߲ߓߊ߮ ߟߎ߫ ߞߵߊ߬ ߦ߬ߘߊ߬ ߞߏ߫ ߙߏߓߍߙ ߛߎ߭ ߟߋ߬ ߝߛߊߦߌ߫، ߊ߬ ߞߏ߬ߣߌ߲߸ ߞߏ߫ ߊ߬ ߞߎ߲߭ ߕߍ߰ߣߍ߲߫ ߠߋ߬ ߕߍ߬ߘߍ߫ ߊ߬ ߟߊ߫߸ ߏ߬ ߡߊ߫ ߦߋ߫، ߢߊߢߌߣߌ߲ߠߌ߲߫ ߓߘߊ߫ ߛߌ߰ ߛߋ߲߬ߠߊ߫߸ ߛߌߞߊ߫ ߞߏ߬ߣߌ߲߬ ߡߊ߫ ߞߍ߫ ߡߐ߰ ߡߊ߬ ߡߎߣߎ߲߬.

ߊ߬ ߦߋ߫ ߛߍ߬ߙߑߖ߭ߊ߲߬ ߞߘߐ ߟߋ߬ ߘߌ߫ ߙߎߥߊ߲ߘߊ߫ ߣߊ߲߬ߕߌ߰ߦߊ ߘߐ߫߸ ߊ߬ ߞߵߊ߬ ߓߏ߬ߙߌ߬ ߂߀߂߀ ߣߍߣߍߓߊ ߟߋ߬ ߟߊ߫߸ ߞߊ߬ ߖߡߊ߬ߣߊ ߓߌ߬ߟߊ߬، ߓߊߏ߬߸ ߊ߬ ߡߊߝߌ߲߬ ߘߊ߫ ߞߊ߬ߝߏ߬ߢߐ߲߰ߦߊ߬ ߞߏ ߟߋ߬ ߘߐ߫߸ ߊ߬ ߡߴߊ߬ ߟߐ߬ ߏ߬ ߡߍ߲ ߠߊ߫߸ ߞߏ߫ ߊ߬ ߛߐ߲߬ ߕߴߊ߬ ߘߐ߫، ߊ߬ ߥߊ߫ ߘߴߊ ߞߎ߲߭ߞߊ߬ߙߌ߬ߝߊ߫ ߎߜ߭ߊ߲ߘߊ߫ ߟߋ߬߸ ߏ߬ ߟߎ߫ ߞߵߊ߬ ߟߊߖߌ߰ߦߊ߫ ߞߎ߲߬ߞߊ߬ߙߌ߬ߝߊ߬ߟߌ߬ ߝߊߘߌ ߟߋ߬ ߘߐ߫، ߖߟߐ߬ߞߐ ߘߏ߫ ߕߘߍ߬ ߊ߬ ߓߟߏ߫ ߦߎߕߎ߳ߓ ߞߊ߲߬߸ ߞߏ߫ <<ߡߊߖ߭ߐߙ ߙߏߓߍߙ ߖߌ߬ߦߊ߬ߞߊ߲ = Major Robert TV>> ߏ߬ ߡߊߝߘߎߓߊ߮ ߕߍ߬ߘߍ߫ ߡߐ߰ ߁߄߄ ߀߀߀ ߖߊ߬ߕߋ߫ ߟߋ߬ ߘߌ߫߸ ߊ߬ ߕߘߍ߬ ߔߏߟ ߞߜ߭ߊߡߋ߫ ߟߊ߫ ߡߙߊ߬ߞߊ߲ ߡߊߞߕߌ߫ ߟߊ߫ ߦߋ߲߬ ߞߏߛߓߍ߫. ߊ߬ ߞߊ߬ ߘߐ߲߬ߞߟߌ ߘߏ߫ ߟߊ߫ ߞߐߘߏ߲ߓߊ߯ ߡߛߏ ߘߏ߫ ߡߊ߬߸ ߞߏ߫ ߝ߭ߌߞߑߕߎߥߊߙ ߌߢߊߜߌߙߋ߫.

ߊ߬ ߟߊ߫ ߞߐߙߍ ߟߊ߫ ߝߐߟߌ߫ ߘߐ߫߸ ߊ߬ ߥߊߣߍ߲߫ ߕߘߍ߬ ߓߐ߫ ߟߊ߫ ߓߊ߯ߙߊ߫ ߦߙߐ ߘߏ߫ ߟߋ߬ ߘߐ߫߸ ߞߎߘߍ߫ ߄߅ ߟߋ߬ ߦߋ߲߬ ߣߌ߫ ߞߊ߲ߔߟߊ߫ ߕߍ߫، ߊ߬ ߘߐ߯ߞߍ߫ ߝ߭ߌߞߑߕߐߙ ߊߜ߭ߓߊ߫߸ ߏ߬ ߞߊ߲߫ ߞߏ߫ <<ߝߙߋߞߋ߫ ߝߏߦߌ߬ ߓߊ߯ ߞߍ߫ ߊ߲ ߞߊ߲߬߸ ߊ߬ ߖߎ߭ ߦߴߊ߲ ߓߘߊ ߟߋ߬>> ߙߎߥߊ߲ߘߊ߫، ߓߊߏ߬߸ ߂߀߂߃ ߞߏ߲ߓߌߕߌ߮ ߟߊ߫߸ ߡߐ߰ ߛߊ߬ߓߊ߫ ߡߙߊ߬ ߘߴߊ߬ߟߋ ߡߊ߬ ߟߋ߬. ߙߏߓߍߙ ߟߊ߫ ߓߐ߬ߟߐ߲߬ߞߊ߫ ߡߛߏ߬ ߜߐ߮߸ ߗ߭ߊ߭ߣ ߘߊߙߞ ߙߎߥߌ߲ߖ߭ߋߡߊ ߎߥߌߖ߭ߦߋ߫ ߛߌ߰ߣߍ߲߫ ߕߡߊ߬ߖߌ ߛߌ߱ ߟߋ߬ ߘߐ߫߸ ߞߏ߫ ߞߏ߫ ߞߊߣߵߊ߬ ߘߋ߲ ߠߎ߬ ߝߣߊ߫ ߛߐ߬ߘߐ߲߬.

ߙߎߥߊ߲ߘߊ߫ ߞߐߘߏ߲ߓߊ߮ ߡߍ߲ ߠߎ߬ ߦߋ߫ ߢߊߣߌ߲ߡߊߓߏߙߌ ߘߐ߫߸ ߏ߬ ߟߎ߬ ߟߊ߫ ߕߏ߰ߝߏ ߡߍ߲ ߕߐ߯ ߞߏ߫ ߙߎߥߊ߲ߘߊ߫ ߝߊ߬ߛߏ ߞߎ߲߬ߜߙߊ (ߙߝߞ)߸ ߏ߬ ߟߎ߬ ߞߊ߲߫ ߞߏ߫ ߝߏ߫ ߞߊ߬ ߣߌ߲߬ ߞߏ ߢߊߢߌߣߌ߲߫ ߠߋ߬ ߞߵߊ߬ ߕߎ߬ߢߊ ߟߊߓߐ߫.

ߙߎߥߊ߲ߘߊ߫ ߡߊߞߓߊߣߍ߲߫ ߞߏߛߓߍ߫، ߓߊߏ߬߸ ߊ߬ߟߎ߬ ߟߊ߫ ߟߊ߬ߛߏ߬ߓߌ߬ߟߌ ߞߎ߲߬ߕߌ߰ ߞߘߐ ߔߊ߬ߕߙߌߞ ߞߊߙߜ߭ߋߦߊ߫ ߛߎ߭ ߟߋ߬ ߦߋ߫ ߘߊ߫ ߥߙߏ߬ߘߎ߯ ߝߘߊ߬ߝߌ߲߬ߠߊ߫ ߂߀߁߄ ߠߊ߫، ߙߎߥߊ߲ߘߞߊ߫ ߝߌ߬ߟߊ߬ ߜߘߍ߫ ߝߣߊ߫ ߓߍ߫߸ ߓߌ߬ߟߊ߬ ߞߍ߫ ߘߴߏ߬ ߟߎ߬ ߞߐ߫ ߞߊ߬ ߡߌ߬ߘߊ߬ߟߌ߬ ߛߓߍ ߓߌ߬ߟߴߊ߬ߟߎ߬ ߞߐ߫ ߂߀߁߉ ߟߊ߫، ߕߙߍ߫߸ ߂߀߂߁ ߠߊ߫߸ ߏ߬ ߟߎ߫ ߝߊ߰ ߘߊ߫، ߓߊߏ߬߸ ߙߋߝ߭ߏߞߊ߲ ߞߊߙߋߡߊ߲ߖ߭ߌ߲ߜ߭ߏ߫ ߝߊ߰ ߘߊ߫ ߡߏߖ߭ߊ߲ߓߌߞ ߟߋ߬߸ ߓߊ߲ߔߏߙߞߌ߫ ߝߊ߰ ߘߊ߫ ߥߙߏ߬ߘߎ߯ ߝߘߊ߬ߝߌ߲߬ߠߊ߫، ߣߴߌ ߘߏ߲߬ ߞߊ߬ ߞߟߍ߬ߕߌ߰ ߞߘߐ߫ ߝߐߛߑߕߍ߲ ߞߊ߬ߦߎ߲ߓߊ߬ ߢߊ߲ߥߛߊ߫ ߡߊߝߟߍ߫߸ ߏ߬ ߓߘߊ߫ ߓߐ߫ ߊ߬ ߕߓߌ߫ ߖߌ߫ ߛߌߦߊߡߊ߲߫ ߠߋ߬ ߘߐ߫.

ߞߌߜ߭ߊߟߌ߫ ߞߏ߬ߣߌ߲ ߡߊ߫ ߝߋ߲߫ ߝߐ߫ ߝߊ߰ߟߌ߬ ߞߏ ߣߌ߲߬ ߘߐ߫ ߡߎߣߎ߲߬߸ ߊ߬ ߞߍߓߊ߯ ߘߏ߲߬ ߝߣߊ߫ ߟߐ߲ߣߍ߲߫ ߕߍ߫.